ٴزۇمىرات وبۇل بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
ٴتۇرلى قىزمەتتە جاقسى باستاما اشۋدى، جاقسى قادام تاستاۋدى، جاڭا تاراۋ جازۋدى بار كۇشپەن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 1 ـ ايدىڭ 19 ـ كۇنى ۇرىمجىدەن حابارلايدى. 1 ـ ايدىڭ 19 ـ كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايى 3 ـ ماجىلىسىندەگى بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى.
ۋاكىلدەردىڭ ٴسوزىن مۇقيات تىڭداعاننان كەيىن ٴزۇمىرات وبۇل بىلاي دەدى: ۇكىمەت قىزمەتىنەن باياندامانىڭ مازمۇنى باي، ناتيجەلەردى وبيەكتيۆ، جان ـ جاقتى قورىتىندىلاعان، ساندى مالىمەتتەر جىگەردى تاسقىنداتادى، مىندەتتەردى ورنالاستىرۋدا وي جەلىسى ايقىن، شارالار شىنايى دا جارامدى، حالىققا جاناسىمدى، جىلى شۋاقتى، بۇل تۋدى بيىك ۇستاعان، شىندىققا جۇگىنىپ ناقتى ىستەر تىندىرعان، جۇرتتى جىگەرلەندىرەتىن، العا باسۋعا جەبەيتىن جاقسى بايانداما، مەن بۇكىلدەي قۇپتايمىن.
ٴزۇمىرات وبۇل بىلاي دەپ اتاپ كورسەتتى: وتكەن ٴبىر جىلدا اۆتونوميالى رايوندىق پارتكومنىڭ پارمەندى باسشىلىعىندا، بۇكىل رايوندا جوعارىدان تومەنگە دەيىن تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”5 ۇلكەن ستراتەگيالىق ورنىن“ كوزدەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ٴۇرتىس ويداعىداي ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستادى. جالپى جاقتان العاندا، شينجياڭنىڭ ەكونوميكالىق، قوعامدىق دامۋى ”جاڭالىققا“ جول الىپ، ”ساپا“ ارقىلى جەڭىسكە قول جەتكىزدى، بۇرىن بولماعان جاڭا بەينەنى ايگىلەدى. ناتيجەلەرگە قول جەتكىزۋ باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىنىڭ جانە ىقىلاستى قامقورلىعىنىڭ جەمىسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ، اسىرەسە، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ عىلمي جەتەكشىلىگىنىڭ جەمىسى، اۆتونوميالى رايوندىق پارتكومنىڭ جالپى جاعدايدى ٴبىر تۇتاس مەڭگەرۋىنىڭ، الدىن الا جوسپارلاۋىنىڭ، عىلمي شەشىم جاساۋىنىڭ، پارمەندى ىلگەرىلەتۋىنىڭ جەمىسى، اسىرەسە، بۇكىل رايونداعى ٴار ۇلت كادرلارىنىڭ، بۇقارانىڭ جۇدىرىقتاي جۇمىلىپ، ىنتىماقتاسا كۇرەس جاساۋىنىڭ جەمىسى.
ٴزۇمىرات وبۇل بىلاي دەپ باسا دارىپتەدى: 2025 ـ جىل _ ”14 ـ بەسجىلدىق“ جوبا اياقتالاتىن جانە ”15 ـ بەسجىلدىق“ جوبا جاسالاتىن شەشۋشى جىل، سونداي ـ اق اۆتونوميالى رايون قۇرىلعاندىعىنىڭ 70 جىلدىعى. ۇكىمەت قىزمەتىنەن بايانداما 2025 ـ جىلعى قىزمەتتەر جونىندە ورنالاستىرۋلار جاسادى، نىسانا ايقىن، ٴتۇيىن كورنەكتىلەنگەن، شارالار پارمەندى، بۇل پارتيا ورتالىق كوميتەتىنىڭ شينجياڭنىڭ ورنى جونىندەگى تالابىنا ۇيلەسەدى، شينجياڭنىڭ ەكونوميكالىق، قوعامدىق دامۋ ٴىس جۇزىندىگىنە جانە ٴار ۇلت بۇقاراسىنىڭ تىلەگىنە ۇيلەسەدى. بۇراتالا وبلىسى سەنىمدى بەكەمدەپ، ورايدى مىقتى يگەرىپ، قايراتتانا ٴىس تىندىرىپ، ٴتۇرلى قىزمەتتە جاقسى باستاما اشۋدى، جاقسى قادام تاستاۋدى، جاڭا تاراۋ جازۋدى بار كۇشپەن ىلگەرىلەتۋى كەرەك. شەكارا وتكەلىنىڭ وڭىرلىك ورىن باسىمدىعىن تولىق ساۋلەلەندىرىپ، اۆتونوميالى رايوننىڭ جوعارى دەڭگەيدە سىرتقا ەسىك اشۋىنا ويداعىداي قىزمەت وتەۋى كەرەك. ساياحات بايلىعىنان ٴونىمدى پايدالانىپ، قىسقى قار ـ مۇز ساياحاتى سياقتى ەرەكشەلىككە يە ساياحاتتىڭ تانىمالدىعىن جوعارىلاتۋى كەرەك. كاسىپ سالاسى دامۋى باسىمدىعىنا سۇيەنىپ، ەگىن، مال شارۋاشىلىعى ونىمدەرى ٴوندىرىس بازاسى قۇرىلىسىن جەدەلدەتۋى كەرەك. ەكولوگيالىق ورتا باسىمدىعىن تياناق ەتىپ، كورىكتى شينجياڭدى اناعۇرلىم ويداعىداي قۇرۋعا بۇراتالا وبلىسىنىڭ ۇلەسىن قوسۋ كەرەك. بۇراتالا وبلىستىق حالىق قۇرىلتايى فۋنكتسيالىق رولىن ساۋلەلەندىرىپ، شەكارا وتكەل ەكونوميكاسى جونىندە زاڭ ـ ەرەجە شىعارۋدى زەرتتەۋدى كورەگەندىكپەن ورىستەتىپ، شەكارا وتكەل ەكونوميكاسىنىڭ دامۋىنا زاڭمەن باسقارۋ ارقىلى قورعان بولۋى كەرەك.
