گازەتىمىزدىڭ 1 ـ ايدىڭ 19 ـ كۇنى ۇرىمجىدەن بەرگەن حابارى. انار بۇلت \ شينجياڭ گازەتى تىلشىلەرىنىڭ جيناق حابارى. 1 ـ ايدىڭ 19 ـ كۇنى اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ماجىلىسىندەگى ۋاكىلدەر ۇيىرمەلەرى جالپى جيىن وتكىزىپ، ۇكىمەت قىزمەتىنەن بايانداما سياقتىلاردى قارادى. اۆتونوميالى رايوندىق پارتكومنىڭ تۇراقتى مۇشەلەرى تيان شياڭلي، ۋاڭ جيانشين، ٴيۇسۇپجان مامەت، ەلزات احمەتجان، ۋاڭ لين جەكە ـ جەكە وزدەرى تۇرعان ۋاكىلدەر ۇيىرمەلەرىنىڭ باياندامانى قاراۋىنا قاتىناستى.
تيان شياڭلي قىزىلسۋ قىرعىز اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى تالاپتارىن مىقتاپ ارقاۋ ەتىپ، 2024 ـ جىلعى قىزمەتتەردى وبيەكتيۆ قورىتىندىلاپ، 2025 ـ جىلعى مىندەتتەردى جۇيەلى ورنالاستىردى، حالىقتىڭ ارمانىنا ساي كەلگەن جاقسى بايانداما. ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى 20 ـ كەزەكتى ورتالىق ٴتارتىپ تەكسەرۋ كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ جانە اۆتونوميالى رايوندىق 10 ـ كەزەكتى ٴتارتىپ تەكسەرۋ كوميتەتى بەسىنشى جالپى ٴماجىلىسىنىڭ ورنالاستىرۋى بويىنشا، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىل ويداعىداي جۇرگىزىپ، بۇقارانىڭ جانىنداعى بۇرىس ستيل مەن شىرىكتەسۋ ماسەلەسىن ۇزدىكسىز ىشكەرىلەي جونگە سالىپ، ستيلى پاك، سالتى دۇرىس ساياسي ەكولوگيا، اقاۋسىز، ٴتارتىپتى دامۋ ورتاسىن جانە ٴىس تىندىرىپ ناتيجە شىعارۋ كۇشتى رايىن قالىپتاستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قورعان بولۋى كەرەك.
ۋاڭ جيانشين قاشقار ايماعى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: باياندامانىڭ تۇرعىسى بيىك، شاراسى ناقتى، بەتالىسى بار، نىساناسى بار، ادامدى ىنتالاندىراتىن، زەيىن ـ زەردەنى ۇيىستىرىپ، كۇشتى شوعىرلاندىراتىن جاقسى بايانداما. وتكەن ٴبىر جىلدا اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ شەشىمدەرىن، ورنالاستىرۋلاىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، جوعارى ساپالى دامۋدى بار كۇشپەن ىلگەرىلەتتى، باستى ەكونوميكالىق كورسەتكىشتەردىڭ ارتۋ قارقىنى بۇكىل ەل بويىنشا الدىڭعى قاتارعا ٴوتىپ، ”ورنىقتىلىق“ نەگىزى اناعۇرلىم بەكەمدەلىپ، ”ىلگەرىلەۋ“ قوزعالىس قۋاتى ۇزدىكسىز ارتىپ، ”جاڭالىق اشۋ“ ساپاسى، ونىمدىلىگى بارىنشا جوعارىلادى. تۇتاس شينجياڭنىڭ قازىنالىق شىعىسىنىڭ %77تەن استامى حالىق تۇرمىسى سالاسىنا قوسىلىپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتتى. تىنىش شينجياڭ قۇرىلىسى جاپپاي تەرەڭدەتىلىپ، جۇرتتىڭ حاۋىپسىزدىك سەزىمى جونىندەگى ريزا بولۋ سالىستىرماسى %99.42كە جەتتى. ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلاپ، شىنايى مويىنداۋ سەزىمى، ۇيىسۋ كۇشى، سەنترگە تارتۋ كۇشى ۇزدىكسىز ارتتى.
ٴيۇسۇپجان مامەت قۇمىل قالاسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: باياندامانىڭ تۇرعىسى بيىك، نەگىزگى تاقىرىبى ايقىن، ناتيجەنى قورىتىندىلاۋدا شىندىقتى ٴىس جۇزىنەن ىزدەگەن، ماسەلەگە تالداۋ جاساۋى تەرەڭ، ايقىن، تۋدى بيىك ۇستاعان، ٴورىس اشا جاڭالىق اشقان، شىندىققا جۇگىنىپ ناقتى ىستەگەن، زەيىن ـ زەردە، كۇش ـ قۋاتتى ۇيىستىرعان تاماشا بايانداما، بۇكىل رايونىمىزدىڭ كەزەكتەگى جانە بۇدان بىلايعى ٴبىر مەزگىلدەگى قىزمەتتەردى ويداعىداي ىستەۋىنە جەتەكشىلىك ازىرلەپ، كۇش ـ قۋات ۇيىستىردى. شينجياڭ مەملەكەت قاجەتىن تياناق ەتىپ، ٴوز مۇمكىندىگىن بارىنشا ايگىلەپ، ٴبىر قىدىرۋ رەفورما شارالارىن تياناقتاندىرىپ ونىمدىلىككە قول جەتكىزدى، كەلەلى كاسىپ سالاسى نىساندارى بارلىق جەردە ونىمدىلىك كورسەتىپ، حالىق تۇرمىسىن جاقسارتۋ نىساندارى حالىقتىڭ قالاۋىنان شىعىپ، بۇقارانىڭ اڭساعانىنا جاۋاپ قايتارىپ، سالماقتى جاۋاپناما تاپسىردى. قۇمىل قالاسى باياندامادا ورتاعا قويىلعان دامۋ نىسانالارىن تىعىز ارقاۋ ەتىپ، نازاردى جاڭاشا وندىرگىش كۇشتەردى جەتىلدىرۋگە، دامىتۋعا شوعىرلاندىرىپ، ىرىقتىلىقپەن زەرتتەپ، جوسپارلاپ، كاسىپ سالاسى ورنالاسىمىن ٴبىر تۇتاس جوسپارلاپ، كاسىپ سالاسى شوعىرىنىڭ دامۋىن ويداعىداي يگەرىپ، جوعارى ساپالى دامۋدى جان ـ جاقتى، تەرەڭ قاتپارلى ىلگەرىلەتىپ، شينجياڭ ەكونوميكاسىنىڭ جوعارى ساپالى دامۋىنىڭ ۇلگىسىن ورناتىپ، جۇڭگو ۇلگىسىندەگى وسىزاماندانا دامۋداعى تيپتىك قالا قۇرىپ، كورىكتى شينجياڭ قۇرۋعا بىرگە تىڭ ۇلەس قوسۋى كەرەك.
ەلزات احمەتجان تۇرپان قالاسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: باياندامانىڭ ساياسي دەڭگەيى بيىك، ناتيجەنى وبيەكتيۆ قورىتىندىلاعان، رەفورما جاساۋ، جاڭالىق اشۋ رۋحى باستان ـ اياق سىڭىرىلگەن، ٴىس تىندىرىپ ناتيجە شىعارۋ بەكىمىن جانە سەنىمىن بەينەلەپ، ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتۋدىڭ كوكەي تەستىلىك سەزىمىن جانە بورىشتىلىق سەزىمىن ايگىلەگەن، بۇكىلدەي قۇپتايمىن. باياندامادا بيىلعى قىزمەتتەر جالپى بەتتىك، ەگجەي ـ تەگجەيلى ورنالاستىرىلدى، نىسانا ايقىن، جۇيەلى، جان ـ جاقتى، ٴبىز مۇقيات ۇعىنىپ، جاپپاي دايەكتىلەندىرۋىمىز، تياناقتاندىرۋىمىز كەرەك. تۇرپان قالاسى بىلتىر ٴتۇرلى قىزمەتتەردە قۋانارلىق ناتيجەگە قول جەتكىزدى. جاڭا جاعدايعا، مىندەتكە مەڭزەس، اناعۇرلىم كۇشتى كوكەي تەستىلىك سەزىممەن تاباندى بولۋ مەن تەرەڭدەتۋدىڭ قاتىناسىن، ورنالاستىرۋ مەن تياناقتاندىرۋدىڭ قاتىناسىن، كەزەكتەگى مەن ۇزاق بولاشاقتىڭ قاتىناسىن ويداعىداي يگەرىپ، ٴبىر تۇتاس جوسپارلاپ، تەڭ ٴمان بەرىپ، ٴىستى ٴساتتى باستاپ تابىستى اياقتاتۋ كەرەك. ٴوڭىردىڭ دامۋ باسىمدىعىن تياناق ەتىپ، كادرلاردىڭ، بۇقارانىڭ بەلسەندىلىگىن قوزعاپ، رەفورما رۋحى ارقىلى ەكونوميكانىڭ جوعارى ساپالى دامۋىنداعى ۇلگى كورسەتۋ رايونى، شينجياڭدى مادەنيەتپەن نارلەندىرۋدەگى باستاماشى رايون، جۇڭحۋا ۇلتى ورتاق تۇلعا تانىمىن بەكەمدەۋدەگى ۇلگى كورسەتۋ رايونىنىڭ ٴتۇرلى قۇرىلىس قىزمەتتەرىن العا ىلگەرىلەتۋ كەرەك.
ۋاڭ لين سانجى حۇيزۋ اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: بايانداما ناقتى ساندى مالىمەتتەردەن پايدالانىپ 2024 ـ جىلعى تۇتاس شينجياڭنىڭ ەكونوميكالىق، قوعامدىق دامۋىنداعى سۇبەلى جەتىستىكتەردى جۇيەلى قورىتىندىلاپ، قارىشتاپ دامىعان تاماشا جاعدايدى تولىق ايگىلەپ، ادامدى جەلپىندىردى. ٴتىپتى دە قايراتتانا العا ۇمتىلىپ، باس الماي قاجىرلىلىقپەن ىستەپ، ەرلىكپەن العا ۇمتىلىپ، اناعۇرلىم زور باتىلدىقپەن جانە ناقتى شارالارمەن تۇتاس جىلداعى قىزمەتتە ٴساتتى باستاما اشۋدى، جاقسى قادام تاستاۋدى جەبەۋ كەرەك. سانجى وبلىسىنىڭ بايلىق ارتىقشىلىعى وزگەشە، كاسىپ سالاسى نەگىزى مىعىم. اۆتونوميالى رايوندىق پارتكومنىڭ جۇندۇڭنىڭ دامۋىنا قولداۋ كورسەتۋ سىندى ٴتيىمدى ورايدى مىقتى يگەرىپ، جۇندۇڭ ەكونوميكالىق، تەحنولوگيالىق اشۋ رايونىنىڭ دامۋدا تاعى تىڭ ساتىعا كوتەرىلۋىن ىلگەرىلەتۋ كەرەك. ەكونوميكا جالپى مولشەرىن زورايتىپ، قالا جوباسى قۇرىلىسىن كۇشەيتىپ، بايلىقتى ٴبىر كەلكى جايعاستىرۋدى ساپالىلاندىرىپ، قالانىڭ كوتەرىمدىلىك قۋاتىن جوعارىلاتىپ، اناعۇرلىم كوپ حالىقتى قونىستانىپ دامۋعا باۋراۋ كەرەك. اۋدان ٴوڭىرى ەكونوميكاسىنىڭ دامۋىن ويداعىداي يگەرىپ، جاڭالىق اشۋ ارقىلى دامۋعا دەم بەرۋ ستراتەگياسىن اتقارىپ، اۋدان ٴوڭىرى ەكونوميكاسىنىڭ جوعارى ساپالى دامۋىن جەبەۋ كەرەك. پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، كادرلار قوسىنى قۇرىلىسىن كۇشەيتىپ، عىلىم ـ تەحنولوگيا ٴتۇزىلىس رەفورماسىن تەرەڭدەتىپ، رەفورما، دامۋ، ورنىقتىلىق ىستەرىندە تىڭ ناتيجەگە قول جەتكىزۋدى جەبەۋ كەرەك.
(تىلشىلەر: جاڭ لەي، ٴرايدا، فان چيۇڭيان، يان شياۋتيان، جاڭ شيۋ، ميھىرگۇل عوپۇر)
