انار بۇلت \ شينجياڭ گازەتىنىڭ تىلشىلەرى جاڭ يانفاڭ، لي ياڭ 1 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىنەن بەرى جيىنى 997 ۇسىنىس جوبا تاپسىرىپ الىندى، تەكسەرۋ ارقىلى 579 ۇسىنىس جوبا ەستەلىككە الىندى، 89 ورىن ۇسىنىس جوبالاردى ٴبىتىرۋ مىندەتىن ارقالاپ، ۇسىنىس جوبالاردىڭ ٴبىتىرىلۋ، جاۋاپ قايتارىلۋ سالىستىرماسى %100 بولدى.
ٴبىر جىلدان بەرى اۆتونوميالى رايوندىق ساياسي كەڭەس جاڭالىق اشۋ جونىندە بەلسەنە ىزدەنىس جاساپ، نىسانا ـ بەتالىستى كۇشەيتىپ، جەتىستىكتەردى كادەگە جاراتۋعا ٴمان بەرىپ، ۇسىنىس جوبا قىزمەتىنىڭ ساننان ساپاعا ويىسۋىن، ماجىلىستەن ىلگەرى جيناۋدان تۇتاس جىل ۇيىمداستىرۋعا قاراي ويىسۋىن، ”مەن ۇسىنىس بەرەمىن، سەن بىتىرەسىڭنەن“ كەڭەسىپ بىتىرۋگە ويىسۋىن ىلگەرىلەتتى.
اۆتونوميالى رايوندىق ساياسي كەڭەس اۆتونوميالى رايوندىق پارتكومنىڭ ساياسي كەڭەس قىزمەتى جونىندەگى ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، ”پارتكوم، ۇكىمەتتەگى نەگىزگى باسشىلار ٴتۇيىندى ۇسىنىس جوبالاردى باستاماشىلدىقپەن قۋزاپ ٴبىتىرۋ“ سىندى مىندەت وتەۋ ماركاسىن ٴۇرتىس تۇلعالاپ، وسى جاسامپاز تۇزىمدىك ورنالاستىرۋ ماڭىزدى ۇلگىلىك، جەتەكشىلىك رولىن ساۋلەلەندىردى. 2024 ـ جىلى اۆتونوميالى رايوندىق ساياسي كەڭەستىڭ 13 ٴتۇيىندى ۇسىنىس جوباسىن، ايماقتىق، وبلىستىق، قالالىق ساياسي كەڭەستەردىڭ 142 ٴتۇيىندى ۇسىنىس جوباسىن، اۋداندىق، قالالىق، رايوندىق ساياسي كەڭەستەردىڭ 772 ٴتۇيىندى ۇسىنىس جوباسىن تۇگەلدەي ٴار دارەجەلى پارتكوم، ۇكىمەتتەردەگى باسشى جولداستار باستاماشىلدىقپەن قۋزاپ ٴبىتىرىپ، جوعارى مەن تومەن ساباقتاساتىن، جالپى تۇلعا بىرگە ارەكەتتەنەتىن قۋزاپ ٴبىتىرۋ ارناسى قالىپتاستى.
