شينحۋا اگەنتتىگى جالپى شولۋ تاراتتى
«بايتاق مەكەندە پاك، كىرشىكسىز سالت داۋىرلەدى — 2024 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتىڭ 8 ٴتۇرلى بەلگىلەمەسىن دايەكتى اتقارعاندىعى، ستيل قۇرىلىسىن ىلگەرىلەتكەندىگى جونىندە جالپى شولۋ»
شينحۋا اگەنتتىگىنىڭ 1 ـ ايدىڭ 20 ـ كۇنى بەيجيڭنەن بەرگەن حابارى. شينحۋا اگەنتتىگى 1 ـ ايدىڭ 20 ـ كۇنى «بايتاق مەكەندە پاك، كىرشىكسىز سالت داۋىرلەدى — 2024 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتىڭ 8 ٴتۇرلى بەلگىلەمەسىن دايەكتى اتقارعاندىعى، ستيل قۇرىلىسىن ىلگەرىلەتكەندىگى جونىندە جالپى شولۋ» دەگەن جالپى شولۋدى تاراتتى.
ماقالادا بىلاي دەلىندى: ”پارتيا تارتىبىنە جانە قاعيداسىنا باستاماشىلدىقپەن قاتاڭ بويسۇنۋ، پارتيانىڭ تاڭداۋلى ٴداستۇرىن جانە ستيلىن باستاماشىلدىقپەن اسقاقتاتۋ كەرەك“، ”ٴتۇرلى بۇرىس ستيلدەرگە جانە شىرىكتەسۋ جايتتەرىنە قارسى باتىل كۇرەس جۇرگىزۋ كەرەك“...
2024 ـ جىلدىڭ سوڭى، بەيجيڭدەگى جۇڭنانحاي، جىلىنا ٴبىر رەت وتكىزىلەتىن پارتيا ىشىندەگى ەڭ جوعارى دارەجەلى دەموكراتيالىق تۇرمىس جيىنى وسىندا اشىلدى. ٴماجىلىستىڭ ٴبىر نەگىزگى كەڭەستىك ٴتارتىبى 2024 ـ جىلى ورتالىق كوميتەت ساياسي بيۋروسىنىڭ ورتالىقتىڭ 8 ٴتۇرلى بەلگىلەمەسىن دايەكتى اتقارۋ جاعدايى جونىندەگى باياندامانى تىڭداۋ بولدى.
ماقالادا مىنالار اتاپ كورسەتىلدى: 2024 ـ جىل — جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى جۇزەگە اسىرۋداعى شەشۋشى جىل.
ٴبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى تيتتەي دە دامىل المايتىن، استە بوساڭسىمايتىن تاباندىلىقپەن، قايتا ـ قايتا يگەرەتىن، يگەرۋدى قايتا ـ قايتا جالعاستىراتىن قايسارلىقپەن، شەگە قاعۋ رۋحىمەن ورتالىقتىڭ 8 ٴتۇرلى بەلگىلەمەسى رۋحىنىڭ دايەكتىلەنۋىن، تياناقتانۋىن ىلگەرىلەتىپ، پارتيانىڭ ستيل قۇرىلىسىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى ستيل قامتاماسىزدىعىن ازىرلەدى.
ماقالا مىناداي 3 بولىمگە بولىنگەن: شىنداپ كىرىسىپ، قيىن تۇيىندەرگە سايىس جاريالادى، پارتيالىلىقتى، پارتيا ستيلىن، پارتيا ٴتارتىبىن بىرگە يگەرۋگە تاباندى بولدى؛ جوعارى ارقىلى تومەنگە باستاماشى بولدى، كوممۋنيستەردىڭ ايقىن ساياسي قاسيەتىن ايگىلەدى؛ توسپانى بەكەمدەدى، تاماشا ستيل ارقىلى جاڭا جورىقتا ەكپىندەي ىلگەرىلەدى.
ماقالادا بىلاي دەلىندى: ٴبىر جىلدان بەرى جەر ـ جەر، تاراۋلار باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ورتالىقتىڭ 8 ٴتۇرلى بەلگىلەمەسى رۋحىن دايەكتىلەندىرۋدەگى، تياناقتاندىرۋداعى تاباندىلىقتى شىن مانىندە كۇشەيتىپ، ستيل قۇرىلىسىن مىقتى يگەرىپ، ورتالىقتىڭ 8 ٴتۇرلى بەلگىلەمەسى توسپاسىن ۇزدىكسىز بەكەمدەپ، تاماشا ستيل ارقىلى جاڭا جورىقتا ەكپىندەي ىلگەرىلەۋگە قورعان بولدى.
مەملەكەتتىك ساناق مەكەمەسىنىڭ 2024 ـ جىلعى تەكسەرۋىندە كورسەتىلۋىنشە، سۇحبات قابىلداعان %94.9 بۇقارا ورتالىقتىڭ 8 ٴتۇرلى بەلگىلەمەسى رۋحىنىڭ دايەكتىلەنۋ، تياناقتانۋ ونىمدىلىگىن تۇراقتاندىراتىندىقتارىن بىلدىرگەن. 8 ٴتۇرلى بەلگىلەمە سىندى وسى ”التىن تانىسقى“ بارعان سايىن جارقىراي تۇسۋدە.
ماقالادا بىلاي دەپ اتاپ كورسەتىلدى: 2025 ـ جىلى ”14 ـ بەسجىلدىق“ جوبا اياقتالاتىن جىل، جاپالى دا اۋىر رەفورما، دامۋ مىندەتى الدىندا، ٴسوز جوق، تاڭداۋلى ستيل ارقىلى مىعىم قامتاماسىزدىق ازىرلەۋ كەرەك.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيانىڭ جوعارىدان تومەنگە دەيىن قىراعىلىقپەن حاۋىپ ـ قاتەردى باعامداپ، باستان ـ اياق ساق بولىپ، ستيل قۇرىلىسىن ۇزدىكسىز تەرەڭدەتۋى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە سارقىلماس تەلەگەي كۇش قوساتىندىعى داۋسىز!
