انار بۇلت \ شينجياڭ گازەتىنىڭ تىلشىلەرى جاڭ يانفاڭ، لي ياڭ 1 ـ ايدىڭ 20 ـ كۇنى ۇرىمجىدەن حابارلايدى. 1 ـ ايدىڭ 19 ـ كۇنى كەشتە اۆتونوميالى رايوندىق ساياسي كەڭەس ۇسىنىس جوبا كوميتەتى جالپى ٴماجىلىس اشىپ، اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ ۇسىنىس جوبانى تەكسەرۋ جاعدايى جونىندەگى بايانداماسىن (جوبا) قارادى. 2025 ـ جىلى 1 ـ ايدىڭ 19 ـ كۇنى ساعات 16عا دەيىن ٴماجىلىس جالپى 1047 ۇسىنىس جوبا تاپسىرىپ الدى.
ٴماجىلىس كەزىندە ساياسي كەڭەس مۇشەلەرى، ساياسي كەڭەسكە قاتىسۋشى ورىندار جانە ارناۋلى كوميتەتتەر شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ٴار رەتكى جالپى ماجىلىستەرىنىڭ رۋحىن ارقاۋ ەتىپ، نازاردى باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرىپ، ۇسىنىس جوبا ٴتاسىلى ارقىلى بەلسەنە ۇكىمەت ىسىنە اقىل ـ كەڭەس بەرىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن ارقاۋ ەتىپ ۇسىنىس ـ پىكىرلەر قويىپ، مۇشەلەردىڭ زەيىن ـ زەردەنى، كۇش ـ قۋاتتى ۇيىستىرۋ، حالىق ٴۇشىن مىندەت وتەۋ جاۋاپكەرشىلىك سەزىمى مەن بورىشتىلىق سەزىمىن ايگىلەدى.
ٴماجىلىس جابىلعاننان كەيىن ۇسىنىس جوبالار ٴبىر جاقتى ەتۋدى مىندەتىنە العان ورىنداردىڭ بىتىرۋىنە شوعىرلى تاپسىرىلادى. ٴماجىلىستىڭ ۇسىنىس جوبالاردى قابىلداۋ ۋاقىت شەگىنەن كەيىن تاپسىرىپ الىنعان ۇسىنىس جوبالار جايشىلىقتاعى ۇسىنىس جوبا رەتىندە دەر كەزىندە تەكسەرىلىپ ٴبىر جاقتى ەتىلەدى.
