1 - ايدىڭ 21 - كۇنى قيمىل الاڭىندا بالاقايلار جانە ۇلكەندەر وزدەرى تۇسىرگەن حايۋاناتتاردىڭ سۋرەتىن بىرگە كورسەتتى.
تيانشان تورى - شينجياڭ گازەتىنىڭ حابارى (سۋرەتىن ءتۇسىرىپ، حابارىن جازعان ءتىلشى ۋاڭ چيميڭ) 1 - ايدىڭ 21 - كۇنى كوكتەم مەرەكەسىن قارسى الۋ شاعىن جارمەڭكەسى ٴۇرىمجى قالاسى تيانشان رايونى دۇڭمىن ٴمالىسى گۋاڭحۋا جولى الەۋمەتتىك اۋماعىندا وتكىزىلدى.
1 - ايدىڭ 21 - كۇنى قيمىل الاڭىندا ٴۇرىمجى قالاسى دارەجەلى بەيزاتتىق مادەنيەت مۇرالارى بالشىق ٴمۇسىن نىسانىنىڭ ۋاكىلدىك مۇراگەرى حۋاي يۋانچىن بالدىرعاندارعا روزا گۇلىن جاساۋدى ۇيرەتۋدە.
سول كۇنى گۋاڭحۋا جولى الەۋمەتتىك اۋماعى ”قۇت جىلان كوكتەم مەرەكەسىن قارسى الدى، باقىت قۇشاعىنا شومعان الەۋمەتتىك اۋماق“ جارمەڭكە قيمىلىن وتكىزىپ، الەۋمەتتىك اۋماق تۇرعىندارىن، قاراستى رايونداعى ورىنداردى جانە ساۋدا توراپ تۇيىندەرىنىڭ ۋاكىلدەرىن جانە الەۋمەتتىك اۋماق قىزمەتكەرلەرىن جىلان جىلعى كوكتەم مەرەكەسىن بىرگە قۇتتىقتاۋعا ۇسىنىس ەتتى. اتالعان قيمىل الەۋمەتتىك اۋماق تۇرعىندارىنىڭ مادەني تۇرمىسىن بايىتتى، سونداي ـ اق الەۋمەتتىك اۋماقتىڭ ۇيىسۋ قۋاتى مەن بەرەكەسىن نىعايتتى.
1 ـ ايدىڭ 21 ـ كۇنى كەش قالعان ٴبىر تۇرعىن اينەكتەن بولمە ىشىندەگى كونسەرتتى كورۋدە.
الەۋمەتتىك اۋماقتىڭ كوپ يقۋاتتى زالىندا، الەۋمەتتىك اۋماقتاعى انار گۇلى ٴبي ۇيىرمەسى ورىنداعان ”المانىڭ حوش ءيىسى“ اتتى بيىمەن كونسەرتتىڭ شىمىلدىعى اشىلدى. ارتىنان جيڭجۇي تەاترى ”سولينناڭ“، ءان- ءبيلى تەاتر ”حۇڭمەيزان“، سايىسكەرلىك ويىن ”جۇڭگو جۇدىرىقشىلىق ونەرى“، ءان ”مەن قارلى تاۋدان كەلدىم“ ، مانەرلەپ وقۋ ” مەكەنىم شينجياڭ“، سانگەرلەر شوۋىن قامتىعان ويىن نومىرلەرى ورىندالدى.
1 - ايدىڭ 21 - كۇنى مامىر ايى ٴبي ۇيىرمەسى ”ساعان باق سيلايمىن“ دەگەن ٴبيدى ورىنداۋدا.
ءدامدى تاعامدار رايونىندا ٴتۇرلى - ٴتۇستى تاعامداردىڭ ٴدامى ٴتىل ۇيىرەدى: كەندىر جاپىراعىنان ٴدام تاتۋعا بولاتىن ”حوش ٴيىستى كەندىر جاپىراعى دۇكەنى“، قانىتتاما ساتاتىن ”ٴتاتتى دولانا دۇكەنى“، جەمىس - جيدەك سالاتى جاسالاتىن ”ٴتورت ماۋسىمدىق جەمىس - جيدەكتى دايىنداۋ شەبەرحاناسى“، پالاۋ دايىندايتىن ”ءدامدى تاعام دۇكەنى“، گۋاندۇڭجۋدى مانەرلەيتىن”قىزىقتى شانىشقى - ىستىك دۇكەنى“، جانە الىپ جۇرۋگە قولايلى ساۋعات ”يىڭىسار اۋدانىنىڭ جەرگىلىكتى ونىمدەر دۇكەنى“ بار... كوشەنىڭ ءار جەرىنەن زات ساتقان داۋىستار تولاستامادى، ەرەكشە دۋمانعا بولەندى.
1 - ايدىڭ 21 - كۇنى، جۇرتشىلىق بۋى بۇرقىراعان پالاۋدان اۋىز تيۋدە.
بەيزاتتىق مادەنيەت مۇرالاردى سەزىنۋ رايونىندا، بالدىرعاندار بەيزاتتىق مادەنيەت مۇرا مۇراگەرلەرىنە ىلەسىپ سۋرەت سالۋ، بالشىق مۇسىندەۋ، توقىماشىلىق، بوساعالىق جازۋ، ”福“ ٴارىبىن جازۋدى سەزىندى... 5 جاستاعى قارىنداسىمەن بىرگە اعاش تاقتايعا باقانىڭ، اققۋدىڭ سۋرەتىن سالعاننان كەيىن، ٴۇرىمجى قالالىق 13 ـ باستاۋىش مەكتەپتىڭ 3 ـ جىلدىق 5 ـ كلاسىنداعى جاۋ جۇن ـ ي قورعاسىن ارىپپەن باسىپ شىعارۋدى سەزىنىپ، تاڭ ٴداۋىرىنىڭ «حۋا» اتتى ولەڭىن باسىپ شىعاردى.
بالالار ەلىكتەمەلى ۇشۋدى سەزىنىپ، ۇشۋ بىلىمدەرىن ۇيرەندى، ەلىكتەمەلى ۇشاقتىڭ ۇشۋىن، قونۋىن مەڭگەردى... ٴداستۇرلى جانە وسى زامانعى فاكتورلار سايكەستىرىلگەن جارمەڭكە ولاردى ەرەكشە قۋانىشقا بولەدى. بالا باقشانىڭ سابيلەرى شار سارايىندا ٴماز - مايرام وينادى.
1 - ايدىڭ 21 - كۇنى ٴبىر ۇل بالا ”جۇڭگو جۇدىرىقشىلىعى ونەرىن“ كورسەتۋدە.
الەۋمەتتىك اۋماق تاعى 2024 ـ جىلعى الەۋمەتتىك اۋماق قۇرىلىسى، شاعىن رايوندى باسقارۋ جانە تۇرعىندارعا قىزمەت وتەۋدە كورنەكتى ۇلەس قوسقان قاراستى وڭىردەگى 11 تاڭداۋلى ورىندى، 16 تاڭداۋلى قوعامدىق توپتى، 14 الەۋمەتتىك اۋماقتاعى ”ەڭ ارداقتى تۇرعىندى“ ماداقتاپ ـ سيلادى.
