1 - ايدىڭ 15 - كۇنى شايار اۋدانى 2025 - جىلعى ”كوكتەم بوساعالىعىن سان مىڭداعان وتباسىنا جەتكىزۋ“ قيمىلىن رەسمي ىسكە قوسىپ، 1300 جاشىك كوكتەم بوساعالىعىن ءارقايسى اۋىل، قالاشىق (باسقارۋ كوميتەتى) تۇرعىندارىنىڭ قولدارىنا ىلگەرىندى - كەيىندى جەتكىزىپ بەرىپ، كوپشىلىككە مادەنيەت ماعىناسى مەن تاماشا تىلەك قامتىلعان كوكتەم مەرەكەسى تارتۋىن سيلادى.
ءارقايسى اۋىل، قالاشىقتىڭ (باسقارۋ كوميتەتى) باسشىلارى مەن كادرلارى كوكتەم بوساعالىعى جاشىكتەرىن اۆتوكولىكتەرگە تيەپ، اۋداننىڭ ءار جەرىنە جەتكىزۋگە قامداندى. سۋرەتتى زوھىراگۇل تۇسىرگەن.
شايار قالاشىعى تۋانجيە الەۋمەتتىك اۋماعىنىڭ قيمىل الاڭىندا، قۇتتىقتاۋ قيمىلى اسا دۋماندى ءوتىپ جاتتى. جاشىك-جاشىك كوكتەم مەرەكەسىنىڭ تاماشا تىلەگى جازىلعان كوكتەم بوساعالىعى ءبىر شەتتە رەتىمەن قويىلعان. ءارقايسى اۋىل، قالاشىقتاعى (باسقارۋ كوميتەتى) كادرلار كوكتەم بوساعالىقتارىن اۆتوكولىكتەرگە تيەۋمەن قاربالاس بولدى، اتالعان كوكتەم بوساعالىقتارى ءارقايسى اۋىل، قالاشىققا (باسقارۋ كوميتەتىنە) جەتكىزىلەدى، ونان سوڭ قىستاقتا تۇراتىن قىزمەت اترەتىندەگى مۇشەلەر، قىستاق كادرلارى، جاڭا ءداۋىر وركەنيەت امالياتى ورنىنىڭ ەرىكتىلەرى، اۋىل - قىستاققا قايتقان جوعارى مەكتەپ وقۋشىلارىن قامتىعان قىزمەتكەرلەر جۇرتشىلىققا تاراتىپ، كوكتەم مەرەكەسىنە قويۋ مەرەكەلىك ءتۇس سيلايدى.
شايار اۋدانى حۇڭچي قالاشىعى حالىق ۇكىمەتىنىڭ كادرى لۇي جيايۋە بىلاي دەدى: كوكتەم مەرەكەسى بوساعالىعىن شاپتاۋ كوكتەم مەرەكەسىنىڭ كەم بولسا بولمايتىن ءبىر بولىگى، ول قۋانىشتى تويلاۋدىڭ جانە باس قوسۋدىڭ بەلگىسىنە اينالعان، ءبىز وتباسىلارىنا كوكتەم مەرەكەسى بوساعالىعىن جەتكىزىپ بەرۋ ارقىلى كوپشىلىككە قويۋ مەرەكەلىك سۇيىسپەنشىلىكتى جانە ءداستۇرلى مادەنيەتتىڭ باۋرامدىلىعىن سەزىندىرەمىز.
كوپشىلىك توپتىق سۋرەتكە ءتۇسىپ ەستەلىك قالدىردى. سۋرەتتى زوھىراگۇل تۇسىرگەن.
”سان مىڭداعان وتباسىنا بوساعالىق جەتكىزۋ“ قيمىلى مادەنيەت ارقىلى حالىققا تيىمدىلىك جەتكىزۋ ينجەنەرياسىنىڭ ىشىندەگى ”ون مىڭ قىستاق، مىڭ اۋىلدا مادەنيەت ونىمدەرى ارقىلى حالىققا تيىمدىلىك جەتكىزۋ قيمىلىنىڭ“ ماڭىزدى مازمۇنى، ماقساتى تاماشا تىلەك جازىلعان بوساعالىقتى دانەكەر ەتۋ ارقىلى، تۇتاس اۋدانداعى ءار ۇلت حالقىنىڭ جاڭا جىلىنا قۋانىشتى لەپ سيلاپ، كوكتەم مەرەكەسىنىڭ قۋانىشقا تولى رايىن قالىپتاستىرۋ. ۇعىسۋعا قاراعاندا، اتالعان قيمىلدا 1300 جاشىك بوساعالىق تاراتىلعان، ءار جاشىككە 80 دانا بوساعالىق سالىنعان.
شايار اۋدانى تويبولدى قالاشىعىنىڭ كادرى قۇربان لۇقمان بىلاي دەدى: بۇگىن 163 جاشىك بوساعالىقتى تاپسىرىپ الدىق، قايتقاننان كەيىن ەرىكتىلەر مەن قىزمەتشىلەردى ۇيىمداستىرىپ، بوساعالىقتى جۇرتشىلىقتىڭ قولىنا جەتكىزىپ بەرەمىز، ءداستۇرلى مادەنيەتتى ءاربىر وتباسىنا، ءاربىر جۇرتشىلىقتىڭ جۇرەگىنە تەرەڭ ۇيالاتىپ، كوپشىلىكتىڭ كوكتەم مەرەكەسىن اسا دۋماندى ءارى قۋانىشپەن وتكىزۋىنە مۇمكىندىك جاسايمىز.
(شايار اۋداندىق توعىسپالى مەديا ورتالىعىنىڭ پراكتيكاند ءتىلشىسى زوھراگۇل)
