— 2024 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتكەندىگى جونىندە جالپى شولۋ
شينحۋا اگەنتتىگىنىڭ تىلشىلەرى حۋاڭ يۋە، دۇڭ بوتيڭ، ۋاڭ ميڭيۇي
2024 ـ جىلدىڭ سوڭى، بەيجيڭ جۇڭنانحاي، ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنى اشىلدى.
ٴماجىلىس نازاردى تاعى ٴبىر مارتە ستيل قۇرىلىسىنا شوعىرلاندىرىپ، 2024 ـ جىلعى فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەت جاعدايى جونىندەگى باياندامانى تىڭدادى.
”فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ ونىمدىلىگى اناعۇرلىم كورنەكتىلەندى“. باس شۋجي شي جينپيڭنىڭ ماڭىزدى ٴسوزى ستيلدى تىنباي يگەرىپ، فورماشىلدىقتى ىشكەرىلەي وڭاپ، نەگىزگى ساتىنىڭ اۋىرتپالىعىن جەڭىلدەتۋدەگى سۇبەلى تابىستار مەن ماندىك ىلگەرىلەۋشىلىكتەردى تولىق تۇراقتاندىردى.
ٴبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ٴبىر قىدىرۋ شەشىمدەر مەن ورنالاستىرۋلار جاساپ، فورماشىلدىق كىناراتتارىن الاستاپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتىنى وڭاۋعا قۋات ۇستەپ، ونىمدىلىكتى ارتتىرىپ، قالىڭ كادرلاردىڭ جاۋاپكەرشىلىك ارقالاپ ىسكەرلىك كورسەتۋىن جەبەپ، بۇكىل پارتيانىڭ جوعارىدان تومەنگە دەيىن قامال الىپ، قيىندىقتاردى جەڭىپ، ۇدەرە العا تارتۋ قۇدىرەتتى كۇشىن ۇيىستىردى.
ٴوزى ونەگە كورسەتىپ، جەتەكشىلىك ەتىپ ىلگەرىلەتتى، باس شۋجي شي جينپيڭ نەگىزگى ساتىنىڭ اۋىرتپالىعىن جەڭىلدەتۋ قىزمەتىنە ايرىقشا ٴمان بەردى
2024 ـ جىلى 3 ـ اي، مەملەكەتتىك ەكى ٴماجىلىس اياقتالىپ ٴبىر اپتا وتپەي باس شۋجي شي جينپيڭ حۋنانعا بارىپ قىزمەت تەكسەرىپ، اۋىل ـ قىستاقتارعا ارنايى ىشكەرىلەي بارىپ، نەگىزگى ساتىنىڭ اۋىرتپالىعىن جەڭىلدەتۋ جاعدايىن ۇعىستى.
گاڭجۇڭپيڭ قىستاعى پارتيا مۇشەلەرىنە، بۇقاراعا قىزمەت وتەۋ ورتالىعىنىڭ اۋلاسىندا قىستاق پارتيا ياچەيكاسىنىڭ شۋجيى دۋان دىشي باس شۋجيگە ٴوز باسىنان سەزىنگەن وزگەرىستەردەن مالىمەت بەردى: ”قىستاعىمىزدا ەڭ كوپ بولعاندا 38 ماڭدايشالىق بار بولاتىن، قازىر نە بارى 12 ماڭدايشالىق عانا قالدى“.
ماڭدايشالىقتىڭ ىقشامدالۋىنىڭ استارىندا نەگىزگى ساتىنىڭ جۇگىنىڭ جەڭىلدەۋى جاتىر. باس شۋجي ريزا بولىپ تۇراقتاندىردى ٴارى مىنانى اتاپ كورسەتتى: پارتيا ورتالىق كوميتەتى نەگىزگى ساتىنىڭ اۋىرتپالىعىن جەڭىلدەتۋدى ايقىن تالاپ ەتتى، فورماشىلدىق، تورەشىلدىك ماسەلەلەرىن باتىل وڭاپ، قوسىندى سۇرىپتاپ، اكىمشىلىك قۇرىلىمدى ىقشامداۋ، وسى قىزمەتتى تاباندىلىقپەن مىقتى يگەرۋ كەرەك.
اسا كۇشتى، سالماقتى ايتىلعان ٴسوز _ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باستان ـ اياق فورماشىلدىقتى جاپپاي قاتاڭ وڭاۋداعى، نەگىزگى ساتىنىڭ اۋىرتپالىعىن جەڭىلدەتۋدەگى بەرىك ەركى مەن باتىل بەكىمىن تولىق ايگىلەدى.
وتكەن ٴبىر جىلدا باس شۋجي شي جينپيڭ ەل ىشىندە قىزمەت تەكسەرگەندە، تەكسەرۋ ـ زەرتتەۋ جۇرگىزگەندە اۋىل ـ قىستاقتارعا، الەۋمەتتىك اۋماقتارعا كوپ رەت بارىپ، نەگىزگى ساتىداعى كادرلار مەن بۇقارانىڭ ۇنىنە قۇلاق اسىپ، نەگىزگى ساتىنىڭ اۋىرتپالىعىن جەڭىلدەتۋ شارالارىنىڭ تياناقتانىپ ونىمدىلىك كورسەتۋىنە كوڭىل ٴبولدى.
چۇڭچيڭدە الەۋمەتتىك اۋماقتىڭ مالىمەت كەستەسىنە قاراپ، بىلاي دەپ تەرەڭ اتاپ كورسەتتى: ”نەگىزگى ساتىنىڭ اۋىرتپالىعىن جەڭىلدەتۋدە ۇقىق پەن جاۋاپكەرشىلىكتى ايقىنداۋ كەرەك، بارلىق جۇمىستى نەگىزگى ساتىعا ٴۇيىپ تاستاۋعا بولمايدى، نەگىزگى ساتى قايسى قىزمەتتەردى ارقالاۋعا ٴتيىس، ونداعى جاۋاپكەرشىلىكتى، ىستەردى ايقىنداۋ كەرەك“.
چيڭحايدا ۇيرەنۋ تاربيەسىنە ايالداعاندا، بايىپتىلىقپەن بىلاي دەپ باسا دارىپتەدى: ”ستيل قۇرىلىسىن ۇدايىلاندىرۋدى، ۇزاق ٴونىمدى ەتۋدى ىلگەرىلەتىپ، فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋدى ۇزدىكسىز تەرەڭدەتۋ كەرەك.
گانسۋدا اۋىرتپالىقتى جەڭىلدەتۋدىڭ ونىمدىلىگىن سۇراعاندا، بىلاي دەپ ايقىن اتاپ كورسەتتى: ”جارامدى ىستەردى جاقسى ىستەۋ، كەرەكسىز ىستەردى از ىستەۋ جوعارى مەن تومەننىڭ، ٴار جاقتىڭ بىرگە قۇلشىنۋىن قاجەت ەتەدى“.
...
باس شۋجي شي جينپيڭ جەرگىلىكتى ورىنداردى ىشكەرىلەي ارالاپ، ٴىس جۇزىندىك جاعدايمەن ۇشتاستىرىپ، نەگىزگى ساتىنىڭ اۋىرتپالىعىن جەڭىلدەتۋگە تالاي رەت باعدار سىلتەپ، جول كورسەتىپ، تالاپ قويدى.
2024 ـ جىل _ جاڭا جۇڭگو قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى جۇزەگە اسىرۋداعى شەشۋشى جىل، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانىڭ جاڭا تاراۋىن تاعى باستاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى كەزەڭىن باسىپ ٴوتتى.
شەشۋشى جىلدا شەشۋشى ىسكەرلىك كورسەتۋ كەرەك. ”جوعارى ساپالى دامۋدى ىلگەرىلەتۋدە، جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، پارتيا قۇرىلىسىن كۇشەيتۋ جانە جاقسارتۋ كەرەك“. باس شۋجي شي جينپيڭ وسىلاي دەپ باسا دارىپتەدى.
مىندەت جاپالى بولعان سايىن، سىن ـ سايىس اۋىر بولعان سايىن، سولعۇرلىم قاتاڭ ستيلمەن قورعاپ، سولعۇرلىم شەگە قاعۋ رۋحىمەن فورماشىلدىقتى ۇزدىكسىز وڭاپ، پارتيا ورتالىق كوميتەتىنىڭ بەدەلىن قورعاپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ نەگىزگى ساتىدا تامىر تارتۋىنا شىنايى كەپىلدىك ەتۋ قاجەت.
جالعانىن تاستاپ، ناقتى ٴىس ىستەپ، شىنداپ كىرىسىپ، قيىن تۇيىندەرگە سايىس جاريالاۋعا باتىل بولدى.
وسى ٴبىر جىلدا باس شۋجي شي جينپيڭ باعالاۋ، بىتىرۋگە قۋزاۋ كۇردەلى بولۋ، نەگىزگى ساتىنىڭ ۇكىمەتتىك كۇتىپ الۋ اۋىرتپالىعى تىم اۋىر بولۋ، ”اشەكەيلەۋ ستيلىنىڭ“ نەگىزگى ساتىعا قاراي ٴورشۋى، ەگىستىك جەردى يەمدەنىپ ”كول جاساپ كورىنىس قالىپتاستىرۋدى“ وڭاۋدىڭ دارمەنسىز بولۋى سياقتى ماسەلەلەر جونىندە ماڭىزدى بەكىتۋ جازىپ، فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتۋگە عىلمي جەتەكشىلىك جانە ماڭىزدى بويسۇنۋ ولشەمىن ازىرلەدى.
ساياسيدا تاباندى بولۋ نازاريالىق سەرگەكتىكتەن باستاۋ الادى.
وسى جىلى باس شۋجي شي جينپيڭ ورتالىقتىڭ ەكونوميكالىق قىزمەت ٴماجىلىسى سياقتى ماڭىزدى ماجىلىستەردە فورماشىلدىقتى، تورەشىلدىكتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندە ماڭىزدى بايىمداۋ جاسادى.
”پارتيا ٴتارتىبىن ۇيرەنۋ تاربيەسىن وراي ەتىپ، فورماشىلدىقتى وڭاۋدى ۇزدىكسىز تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ ٴىس تىندىرىپ ناتيجە شىعارۋىنا تاماشا ورتا ازىرلەۋ كەرەك“؛
”دۇرىس ناتيجە كوزقاراسىن ورناتىپ جانە امالياتتا ايگىلەپ، ناقتى جاعدايدى تەكسەرىپ، ناقتى شارا قولدانىپ، ناقتى ونىمدىلىككە ۇمتىلىپ، فورماشىلدىقتان باتىل ساقتانۋ جانە ونى جويۋ كەرەك“؛
”شىندىققا جۇگىنىپ ناقتى ٴىس ىستەۋگە تاباندى بولىپ، جوعارىعا جاقسى كورىنۋگە بوي ۇراتىن، تومەنگە جاۋاپتى بولمايتىن، ناقتى ونىمدىلىكتى ويلاستىرمايتىن فورماشىلدىققا، تورەشىلدىككە باتىل قارسى تۇرۋ كەرەك“؛
...
تۋ ۇستاپ، باعدار بەلگىلەپ، اسقاق ٴۇن قاتتى. ٴبىر قىدىرۋ ماڭىزدى بايىمداۋلار باس شۋجي شي جينپيڭنىڭ فورماشىلدىق كىناراتتاردى ايقىن اڭعارىپ، فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى تەرەڭ تولعانىسىن ايگىلەدى.
نەگىزگى ساتىنىڭ اۋىرتپالىعىن جەڭىلدەتۋ دامۋدىڭ قاجەتى ٴارى حالىقتىڭ تىلەگى.
اتىزداردىڭ اراسىنا بارىپ، داقىلداردىڭ ٴوسۋ جاعدايىنا كوڭىل ٴبولدى، ۇلتتار ورتا مەكتەبىنە بارىپ، وقۋ ـ اعارتۋدىڭ دامۋىنا كوڭىل ٴبولدى، سۋمەن قامداۋ ينجەنەرياسىن تەكسەرىپ كورىپ، اۋىز سۋ ماسەلەسىنە كوڭىل ٴبولدى... باس شۋجي شي جينپيڭ تىعىز ورنالاستىرىلعان جەرگىلىكتى ورىندارعا بارىپ قىزمەت تەكسەرۋ ساپارىندا حالىق بۇقاراسىنا ىشكەرىلەي ارالاسىپ، حالىق تىلەگىن شىنايى ۇعىسىپ، تۇتاس پارتياعا ناقتى ىستەۋ ستيلىن ساۋلەلەندىرىپ، ىشكەرىلەي تەكسەرۋ ـ زەرتتەۋ جۇرگىزۋ جاعىندا ۇلگى بولدى.
2024 ـ جىلى قوڭىر كۇزدە باس شۋجي شي جينپيڭ وڭتۇستىكتە حۋبەيگە باردى. شياننيڭ قالاسى جيايۇي اۋدانى پانجياۋان قالاشىعى سى ـ ي قىستاعىنداعى پارتيا مۇشەلەرىنە، بۇقاراعا قىزمەت وتەۋ ورتالىعىندا قابىرعاعا جاپسىرىلعان «بۇقاراعا قىزمەت وتەۋ ىستەرى تىزىمدىگى» باس شۋجيدىڭ نازارىن اۋداردى.
”بۇرىن كوبىندە بۇقارادان جۇمىس ىستەۋدى تالاپ ەتەتىنبىز، ال قازىر كوبىندە پارتيالى كادرلاردان بۇقارانىڭ جۇمىسىن ٴبىتىرىپ، قىزمەت وتەۋىن تالاپ ەتەتىن بولدىق، بۇل ٴتۇبىرلى وزگەرىس“، ـ دەدى باس شۋجي شي جينپيڭ، ـ ”نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىتىن جانە زەيىن ـ زەردەسىن بۇقاراعا قىزمەت وتەۋگە جۇمساۋىنا مۇمكىندىك جاساۋ كەرەك“.
ٴبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى نەگىزگى ساتىنى كوكەيىندە ساقتاپ، كادرلارعا قامقورلىق جاساپ، ستيلدى مىقتى يگەرىپ، كىناراتتاردى كۇش سالا الاستاپ، فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ ساياسي جاۋاپكەرشىلىگىن ارقالاپ، تۇتاس پارتيادا جوعارىدان تومەنگە دەيىن نەگىزگى ساتىعا ىرىق بەرىپ، اۋىرتپالىعىن جەڭىلدەتۋ، كادرلاردى حالىق ٴۇشىن قىزمەت ىستەۋگە شابىتتاندىرۋ سىندى ناقتى ٴىس ىستەۋ بەتالىسىن ايقىن ورناتتى.
رەفورمادا جاڭالىق اشىپ، قاتاڭ، ناقتى ىستەپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ تۇبىرىنەن وڭاۋعا قاراي تەرەڭدەۋىن ىلگەرىلەتتى
2024 ـ جىلى 8 ـ ايدا ورتالىق دەڭگەيىنەن فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ٴماجىلىسى ايقىن سيگنال تاراتتى: ”رەفورما رۋحى مەن قاتاڭ تالاپ ارقىلى فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتۋ كەرەك“.
”ەرەجە جاساپ، ٴتارتىپ ورناتۋدان حابارلاندىرىپ، رەتتەۋ تۇزەتۋگە، يدەيالىق جاقتان تاربيە بەرۋگە دەيىن ... ٴبىر جىلدان بەرى ورتالىق دەڭگەيىنەن فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدى رەفورمانى ونان ارى جاپپاي تەرەڭدەتۋ كەلەلى جاعدايىمەن توعىستىرىپ، نەگىزگى تاقىرىپتىق تاربيە جەتىستىكتەرىن بەكەمدەۋمەن، كەڭەيتۋمەن، پارتيا ٴتارتىبىن ۇيرەنۋ تاربيەسىن ورىستەتۋمەن تىعىز ۇشتاستىرىپ، جىبەرمەي قاتاڭ يگەرىپ، بوساڭسىماي ۇدايى يگەرىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ تەرەڭدەۋىن، ناقتىلانۋىن ىلگەرىلەتتى.
پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ «قاۋلىسى» ”نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ٴونىمدى مەحانيزمىن اقاۋسىزداندىرۋدى“ ايقىن تالاپ ەتتى.
2024 ـ جىلى 8 ـ ايدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ٴبىرقانشا بەلگىلەمەنى» باسىپ تاراتىپ، تۇڭعىش رەت پارتيا ىشىندەگى زاڭ ـ ەرەجە فورماسىندا نەگىزگى ساتىنىڭ اۋىرتپالىعىن جەڭىلدەتۋدىڭ تۇزىمدىك ولشەمىن جاسادى.
كىشى پاراسات ٴىستى جونگە سالادى، ۇلكەن پاراسات ٴتۇزىمدى جونگە سالادى.
ەڭ جاڭا وزگەرىس ەنگىزىلگەن «جۇڭگو كوممۋنيستىك پارتياسى ٴتارتىپ جازاسى ەرەجەسى» ”حۇجاتتاردى ىقشامداپ، جيىندى ازايتۋعا قاتىستى بەلگىلەمەگە قايشىلىق جاساپ، حۇجات باستىلىقپەن، ٴماجىلىس باستىلىقپەن شۇعىلدانۋ“، ”باقىلاۋ، تەكسەرۋ، باعالاۋ سياقتى قىزمەتتەردە ساتىلار بويىنشا اۋىرتپالىق قوسۋ، قالىپتان تىس ٴىز قالدىرۋ، نەگىزگى ساتىنىڭ قىزمەت اۋىرتپالىعىن ارتتىرۋ“ سياقتى ارەكەتتەردى جازا بەرۋ كولەمىنە ەنگىزدى؛ جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «الەۋمەتتىك اۋماق قىزمەتكەرلەرى قوسىنى قۇرىلىسىن كۇشەيتۋ جونىندەگى پىكىردىڭ» ”اۋىرتپالىقتى جەڭىلدەتىپ، ونىمدىلىكتى ارتتىرۋدى تەرەڭدەتۋ“ بولىگىندە الەۋمەتتىك اۋماق ۇيىمدارىنىڭ قىزمەت جۇمىستارىن، مەحانيزم ماڭدايشالىعىن جانە انىقتاما بەرۋ ىستەرىن ارناعا ٴتۇسىرۋ العا قويىلدى.
ۇزاق بولاشاقتى جوسپارلادى، ٴتۇبىرلى ىستەردى كوزدەدى.
وتكەن ٴبىر جىلدا پارتيا ورتالىق كوميتەتى رەفورما جاساۋ، جاڭالىق اشۋ رۋحىمەن ٴتۇزىم قۇرىلىسىن كۇشەيتىپ، اماليات سىنىنان وتكەن، ۇتىمدى تاجىريبەلەردى، ادىستەردى بەكەمدەپ، تۇزىمدىك بەلگىلەمە دەڭگەيىنە كوتەرىپ، ٴتۇزىلىستى، مەحانيزمدى اقاۋسىزداندىرىپ، ادا ەتۋگە ٴتيىستى جاۋاپكەرشىلىك پەن جەڭىلدەتۋگە ٴتيىستى اۋىرتپالىقتى بىرتىندەپ ايقىنداپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇدايىلانۋىنا، ۇزاق ٴونىمدى بولۋىنا شىنايى كەپىلدىك ەتتى.
2024 ـ جىلى 11 ـ ايدا ورتالىق دەڭگەيىنەن فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى كەڭسەسى، ورتالىق ٴتارتىپ تەكسەرۋ كوميتەتى كەڭسەسى سول جىلعى 5 ـ توپتاعى فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدەگى تيپتىك ماسەلەلەر جونىندە بىرلەسىپ حابارلاندىرۋ جاريالادى.
كەسىر ـ كەساپاتتى جويۋعا شەبەر كىسى ونىڭ ٴتۇپ قاينارىن تابا الادى، اۋرۋدى جازۋعا شەبەر ادام اۋرۋدىڭ سەبەبىن ٴبىلىپ، ٴتۇبىن ۇزە الادى. فورماشىلدىقتى تيىپ، نەگىزگى ساتىنىڭ اۋىرتپالىعىن جەڭىلدەتۋدە، ٴسوز جوق، ونىڭ يدەيالىق تۇيىنشەگىن ٴداپ باسىپ تاۋىپ، ماسەلەنى تۇبىرىنەن شەشۋ كەرەك.
2024 ـ جىلى 4 ـ ايدان 7 ـ ايعا دەيىن بۇكىل پارتيادا پارتيا ٴتارتىبىن ۇيرەنۋ تاربيەسى ورىستەتىلدى، ۇيرەنۋدىڭ ٴتۇيىنى ٴدال ەڭ جاڭا وزگەرىس ەنگىزىلگەن «جۇڭگو كوممۋنيستىك پارتياسى ٴتارتىپ جازاسى ەرەجەسى» بولدى.
بۇل جونىندە باس شۋجي شي جينپيڭ ايقىن تالاپ قويدى: ”نەگىزگى تاقىرىپتىق تاربيەنىڭ جەتىستىكتەرىن بەكەمدەپ، كەڭەيتىپ، پارتيا ٴتارتىبىن ۇيرەنۋ تاربيەسىن ويداعىداي يگەرىپ، فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتۋ كەرەك“.
وزەكتى بەكەمدەپ، نەگىزدى جەتىلدىرگەندە عانا رۋح سومداپ، كۇش ۇيىستىرۋعا بولادى.
ٴبىر جىلدان بەرى، وڭىرلەر، تاراۋلار پارتيا ٴتارتىبىن ۇيرەنۋ تاربيەسىن فورماشىلدىقتى ۇزدىكسىز وڭاپ نەگىزگى ساتىنىڭ اۋىرتپالىعىن جەڭىلدەتۋمەن تىعىز ۇشتاستىرىپ، نازاريامەن قارۋلانۋدى كۇشەيتىپ، پارتيانىڭ ٴتارتىبى ارقىلى مىندەت اتقارۋ ارەكەتىن ارناعا ٴتۇسىرىپ، جاۋاپكەرشىلىك ارقالاپ، ىسكەرلىك كورسەتۋگە ىنتالاندىرىپ، قالىڭ پارتيا مۇشەلەرىن، كادرلاردى دۇرىس ۇقىق كوزقاراسىن، ناتيجە كوزقاراسىن، ٴىس كوزقاراسىن ورناتۋعا جانە امالياتتا ايگىلەۋگە تاربيەلەدى، جەتەكتەدى.
ىرىق بەرىپ، قۋات ۇستەپ، قاجىماي ەڭبەك كورسەتىپ، نەگىزگى ساتىنىڭ اۋىرتپالىعىن جەڭىلدەتۋدە تاماشا ونىمدىلىككە قول جەتكىزدى
2024 ـ جىل _ فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋدە كورنەكتى، ماندىك ىلگەرىلەۋشىلىككە قول جەتكىزگەن ٴبىر جىل.
جىكتى ٴداپ باسىپ تاۋىپ، نىسانالى تۇردە وڭادى، تۇبىرىنەن وڭاۋدى تەرەڭدەتىپ، نەگىزگى ساتىعا قۋات ۇستەدى، قاجىماي ەڭبەك كورسەتىپ، كۇش توپتاپ، رۋحتى سەرپىلتتى... وتكەن ٴبىر جىلدا تۇتاس پارتيا جوعارىدان تومەنگە دەيىن فورماشىلدىقتى وڭاۋدى ۇزدىكسىز تەرەڭدەتىپ، اۋىرتپالىقتى جەڭىلدەتۋ مەن قۋات ۇستەۋگە تەڭ قادامدا كۇش سالۋعا تاباندى بولىپ، اۋىرتپالىقتى جەڭىلدەتۋدىڭ ناقتى ونىمدىلىگى ارقىلى نەگىزگى ساتىنىڭ ومىرشەڭدىك كۇشىن جانە تىرشىلىك تىنىسىن قاۋلاتتى.
نەگىزگى ساتىنىڭ اڭىسى كۇشتى بولعان فورماشىلدىقتاعى كورنەكتى ماسەلەلەر ٴونىمدى وڭالدى _
”بۇرىن الەۋمەتتىك اۋماق كەڭسەسىنىڭ ەسىك الدىنا ٴتۇرلى ماڭدايشالىق اسىپ قويىلاتىن، ٴبىز جۇمىس بىتىرۋگە كەلگەندە قايسى كەڭسەگە باراتىنىمىزدى بىلمەي قالاتىنبىز. قازىر ەسىك الدىنداعى ماڭدايشالىقتار ازايدى، جۇمىس بىتىرەتىن ۇلكەن زالعا توتە بارساق بولعانى ادام وزدىگىنەن كەلىپ قابىلدايدى“. نانجيڭ قالاسى پۋكوۋ رايونى چياۋلين ٴمالى باسقارماسى بايحى الەۋمەتتىك اۋماعى پارتيا مۇشەلەرىنە، بۇقاراعا قىزمەت وتەۋ ورتالىعىنىڭ ەسىك الدىندا تۇرعىن ۋاڭ جۇندى: قازىر جۇمىس ٴبىتىرۋ كوپ قولايلى بولدى، ـ دەدى قۋانا.
بۇل جياڭسۋدىڭ نازاردى قىستاق دارەجەلى ۇيىمدارداعى فورماشىلدىقتى وڭاۋعا شوعىرلاندىرۋىنىڭ ىقشام كورىنىسى. نازاردى ”ماڭدايشالىق بىلىقپالىعى“ سىندى كورنەكتى ماسەلەگە شوعىرلاندىرىپ، باعىتتامالى شارالاردى جولعا قويىپ تۇزەتىپ وڭاپ، نەگىزگى ساتىنىڭ قىم ـ قۋىت نارسەلەردى ازايتىپ، اۋىرتپالىقتى جەڭىلدەتىپ، شەپكە جەڭىل اتتانۋىنا دەم بەردى.
باس شۋجي شي جينپيڭ بىلاي دەپ ايقىن اتاپ كورسەتتى: پارتيا مۇشەلەرىنىڭ، كادرلاردىڭ، اسىرەسە، نەگىزگى ساتى بۇقاراسىنىڭ اڭىسى كۇشتى كورنەكتى ماسەلەلەرگە مەڭزەس، بايقالعان زامان وڭاۋ؛ بەلگىلى تيپتىك سيپاتى، جالپىلىق سيپاتى بار ماسەلەلەرگە مەڭزەس، ارناۋلى وڭاۋدى جانە اداقتاۋدى كۇشتى شوعىرلاندىرا ورىستەتىپ، نەگىزگى ساتىنى شىن مانىندە فورماشىلدىقتىڭ، تورەشىلدىكتىڭ بۇعاۋىنان قۇتىلدىرۋ كەرەك.
نەگىزگى ساتىنىڭ ”سىزداۋ ٴتۇيىنى“ وڭاۋدىڭ ”نىساناسى“ سانالادى. بۇيرىق بەرىلىسىمەن تۇبەگەيلى اتقارىلىپ، ورتالىق دەڭگەيىندە فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى بويىنشا ٴار دارەجەلى پارتكومداردىڭ (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىگىن ناقتىلاندىرىپ، شەگە قاعۋ رۋحىمەن كورنەكتى ماسەلەلەردى شەشۋدى ىلگەرىلەتتى.
كورنەكتى ماسەلەلەردى كوزدەپ، ستيلدەگى كىناراتتارعا ايقىن پوزيتسيا ٴبىلدىرىپ، ناقتى، قاتاڭ ٴادىس ـ امالدار ارقىلى قالىڭ نەگىزگى ساتى كادرلارىنىڭ قول ـ اياعىن بوساتىپ اتويلاۋىنا، جۇكتەن قۇتىلىپ ىستەۋىنە مۇمكىندىك جاسادى.
ۇقىق بەرىپ قۋات ۇستەۋ نەگىزگى ساتى كادرلارىنىڭ تياناقتاندىرۋدى يگەرۋىنە اناعۇرلىم كوپ سەنىم جانە قوزعاۋشى كۇش ۇستەدى _
”ٴبىر جەلىدە ٴبىر تۇتاس باسقارۋ“، ”ٴبىر كەستەدەن بىرگە يگىلىكتەنۋ“ رەفورماسىن ورىستەتۋدەن اكىمشىلىك شتات جاعىندا ”جوعارى جاقتىڭ شتاتىن ازايتىپ، تومەنگى جاقتىڭ شتاتىن تولىقتاۋ“ سەرپىنىن كۇشەيتىپ نەگىزگى ساتى كۇشىن تولىقتادى؛ كادرلاردى جىگەرلەندىرۋ، قامقورلىق جاساۋ شارالارىن ناقتى تياناقتاندىرۋدان اۋىل ـ قالاشىقتىڭ (ٴمالى باسقارماسى) ”ىسقىرىق شالىپ“ ورنالاستىرۋ ۇقىعى، تەكسەرۋ، باعالاۋ ۇقىعى، كادرلار ىسىنە ۇسىنىس بەرۋ ۇقىعى سياقتىلاردى ناقتى ىستەۋگە دەيىن، وڭاۋ امالياتى بارىسىندا نەگىزگى ساتىنىڭ ”سويلەۋ ۇقىعىن“ كۇشەيتتى... وتكەن ٴبىر جىلدا ٴبىر قىدىرۋ شارالار نەگىزگى ساتىعا قۋات ۇستەپ، نەگىزگى ساتى كادرلارىنا اناعۇرلىم قايرات جانە سەنىم سيلاپ، تاماشا ستيلمەن رۋحتى سەرپىلتىپ، كۇرەس جىگەرىن قاۋلاتتى.
اقيقات جولى قاراپايىم بولادى، ناقتى ىستەۋ بارىنەن ماڭىزدى. فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ بارىسىندا نەگىزگى ساتىعا ٴمان بەرۋ، نەگىزگى ساتىعا قامقورلىق جاساۋ، نەگىزگى ساتىنىڭ ساپاسىن جوعارىلاتۋ سىندى قىزمەت باعدارى ونان ارى قالىپتاسىپ، نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسى ۇزدىكسىز كۇشەيتىلىپ، اناعۇرلىم كوپ ساياسات، بايلىق جانە كۇش نەگىزگى ساتىعا ٴتۇسىرىلىپ، نەگىزگى ساتىنىڭ ۇقىق بەرىپ قۋات ۇستەۋ ونىمدىلىگىن بىرتىندەپ كورنەكتىلەندىرۋگە، نەگىزگى ساتىنىڭ ٴىس تىندىرىپ، شارۋاشىلىق قۇرۋىنا اناعۇرلىم تاماشا شارت ـ جاعداي جاراتىلدى.
ستيل قۇرىلىسى ماڭگى جالعاسادى، نەگىزگى ساتىنىڭ اۋىرتپالىعىن جەڭىلدەتۋ _ قامال الۋ شايقاسى، ۇزاققا سوزىلاتىن شايقاس.
ساياسي جەتەكشىلىكتى كۇشەيتىپ، يدەيا نەگىزىن بەكەمدەپ، ٴتۇزىلىس ـ مەحانيزمدى اقاۋسىزداندىرىپ، ماسەلەنى باعدار ەتۋگە تاباندى بولىپ، نەگىزگى ساتىنىڭ ومىرشەڭ كۇشىن قاۋلاتتى... جاڭا جاعدايعا، جاڭا مىندەتكە مەڭزەس، ۇزدىكسىز كۇش سالىپ، شىنايى يگەرىپ ناقتى ىستەگەندە عانا نەگىزگى ساتى كادرلارىنىڭ تاسقىنداعان رۋحاني كۇيمەن، تىڭعىلىقتى قىزمەت ستيلىمەن قىزمەتكە الاڭسىز كىرىسۋىنە مۇمكىندىك جاساپ، ٴتۇرلى ىستەر دامۋىنىڭ جاڭا جاعدايىن قۇلشىنا اشۋعا بولادى.
2025 ـ جىل _ ”14 ـ بەسجىلدىق“ جوبا اياقتالاتىن جىل. اۋىر مىندەت جاۋاپكەرشىلىك ارقالاۋعا ۇندەپ، ناقتى ىستەۋ بولاشاقتا جەتىستىككە جەتكىزەدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ولشەمدى تومەندەتپەۋگە، سەرپىندى كەمىتپەۋگە تاباندى بولىپ، فورماشىلدىقتى ۇزدىكسىز وڭاۋ ارقىلى نەگىزگى ساتىنىڭ اۋىرتپالىعىن جەڭىلدەتۋ، ٴسوز جوق، قالىڭ پارتيا مۇشەلەرىنىڭ، كادرلاردىڭ كۇشتى ۇيىستىرۋ قۋاتى مەن جاۋىنگەرلىك قۋاتى ارقىلى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ارشىندى قاداممەن العا باسىپ، تاماشا ستيلمەن رەفورمانى ونان ارى جاپپاي تەرەڭدەتۋىنە، جۇڭگو ۇلگىسىندەگى وسىزامانداندىرۋدى ىلگەرىلەتۋىنە پارمەندى قامتاماسىزدىق ازىرلەيدى.
(شينحۋا اگەنتتىگىنىڭ 1 ـ ايدىڭ 21 ـ كۇنى بەيجيڭنەن بەرگەن حابارى)
