ما شيڭرۇي بايىنعولين موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
ىشكەرىلەي زەرتتەپ، جوسپارلاپ، باتىلدىقپەن جاۋاپكەرشىلىك ارقالاپ ىسكەرلىك كورسەتىپ، جاڭا ٴبىر جىلدا رەفورما، دامۋ، ورنىقتىلىق قىزمەتتەرىنىڭ جاڭا جاعدايىن اشۋ كەرەك
1 ـ ايدىڭ 21 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ماجىلىسىندەگى بايىنعولين موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 21 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 ـ ايدىڭ 21 ـ كۇنى تۇستەن كەيىن ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ماجىلىسىندەگى بايىنعولين موڭعۇل اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناستى. ول بىلاي دەپ باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، 2025 ـ جىلعى قىزمەتتەردى ىشكەرىلەي زەرتتەپ، ويداعىداي جوسپارلاپ، بار كۇشتى جۇمساپ رەفورمانى يگەرىپ، دامۋدى جەبەپ، ورنىقتىلىقتى ساقتاپ، ەكونوميكانىڭ، قوعامنىڭ جوعارى ساپالى دامۋىندا ۇزدىكسىز تىڭ ناتيجەگە قول جەتكىزۋدى ىلگەرىلەتۋ كەرەك.
بايىنعولين ۋاكىلدەر ۇيىرمەسىندەگىلەر باياندامانى مۇقيات قارادى، ۋاكىلدەر بەلسەندى تالقى جۇرگىزىپ، ۇكىمەت قىزمەتىنەن باياندامانى، اۆتونوميالى رايوندىق حالىق قۇرىلتايى تۇراقتى كوميتەتىنىڭ جانە حالىق سوتى مەكەمەسىنىڭ، حالىق پروكۋراتۋراسىنىڭ قىزمەت بايانداماسىن ٴبىر اۋىزدان قۇپتادى. لي جۇڭحۋا، لا سىرۇڭ، تۇنيساگۇل احات، شۇي مين، پارھات قاسىم، يمين ياسىن ىلگەرىندى ـ كەيىندى ٴسوز سويلەپ، بىلتىردان بەرى اۆتونوميالى رايوندىق پارتكومنىڭ تۇتاس شينجياڭداعى ٴار ۇلت كادر ـ بۇقاراسىن ىنتىماقتاستىرىپ، باستاپ، جاۋاپكەرشىلىك ارقالاپ، ىسكەرلىك كورسەتىپ، شىندىققا جۇگىنىپ، ەكپىندەي ىلگەرىلەپ، ٴتۇرلى قىزمەتتەردى ىلگەرىلەتۋدە كورنەكتى تابىسقا قول جەتكىزگەندىگىن جوعارى باعالادى ٴارى بيىلعى ٴتۇيىندى قىزمەتتەردى ارقاۋ ەتە وتىرىپ وي جەلىسىن قاراستىرىپ، سەنىمدى اڭگىمەلەپ، شارالاردى العا قويدى. ما شيڭرۇي كوپشىلىكپەن ىشكەرىلەي پىكىرلەسىپ، قىزمەتتى ىلگەرىلەتۋ جاعدايىن تاپتەشتەي سۇراپ، پىكىر ـ ۇسىنىستاردى مۇقيات تىڭدادى. ول بىلاي دەدى: بايىنعولين وبلىسىنىڭ دامۋ باسىمدىعى كورنەكتى، وڭتۇستىك شينجياڭ قىزمەتىندە الدا جۇرەتىن شارت ـ جاعدايى، نەگىزى، قابىلەتى بار. جۋىق جىلداردان بەرى، بايىنعولين وبلىسى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، زەيىن ـ زەردەنى، كۇش ـ قۋاتتى ۇيىستىرا وتىرىپ جوعارى ساپالى دامۋدى ىلگەرىلەتتى، ٴتۇرلى قىزمەتتە جاڭا وزگەرىستەر جارىققا شىعىپ، جاڭا ونىمدىلىككە قول جەتتى. ۇتىمدى ساتتەن پايدالانىپ العا ۇمتىلىپ، بار كۇشتى سالىپ، ٴتۇرلى قىزمەتتەردە تاعى دا تىڭ تابىسقا جەتۋدى ىلگەرىلەتۋ كەرەك. وي جەلىسىن، كوز ايانى كەڭەيتىپ، ىرىقتىلىقپەن ٴوزىن بۇكىل شينجياڭ كولەمىنە، اۋەلى، ٴتىپتى دە كەڭ كولەمگە قويىپ ٴوز دامۋىنا ٴۇڭىلىپ، باسشى كادرلاردىڭ اڭعارۋ قابىلەتىن، ويلاۋ قابىلەتىن، امالياتتىق قابىلەتىن جوعارىلاتىپ، ”بىرەۋى ارقىلى بارىنە اسەر ەتەتىن“ ٴىرى ىستەردى، كەلەلى ىستەردى ٴدال تاۋىپ، ٴبىر ـ بىردەن ىستەپ، ٴبىر ـ بىردەن تىندىرىپ، شەگە قاعۋ رۋحى ارقىلى جاڭا ونىمدىلىك جاراتۋ كەرەك.
ما شيڭرۇي بىلاي دەپ باسا دارىپتەدى: جاڭا ٴبىر جىلدا بايىنعولين وبلىسى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن تياناقتاندىرىپ، يدەيانى ازات ەتىپ، شىندىقتى ٴىس جۇزىنەن ىزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، رەفورما، دامۋ، ورنىقتىلىق ىستەرىن تىڭعىلىقتى ىلگەرىلەتۋى كەرەك. اسىرەسە، نەگىزگى باسشى جولداستار بارىنە ٴوزى كىرىسىپ، جۇيەلى تۇردە ىشكەرىلەي زەرتتەپ، ٴتۇيىندى قىزمەتتەردى مۇقيات جوسپارلاپ ىلگەرىلەتىپ، بايىنعولين وبلىسىن باستاپ وڭتۇستىك شينجياڭنىڭ جوعارى ساپالى دامۋىن جەدەلدەتۋ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا اناعۇرلىم زور ناتيجەگە قول جەتكىزۋى كەرەك. قوعام ورنىقتىلىعىن قورعاۋ ساياسي جاۋاپكەرشىلىگىن باتىل ارقالاپ، باستان ـ اياق ەرەكشە ساقتىقپەن لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، ورنىقتىلىقتى قورعاۋ كۇشتەرىن نەگىزگى ساتىعا ٴتۇسىرۋ شارالارىن تياناقتاندىرىپ، ٴتۇرلى حاۋىپ ـ قاتەرلەردى، كومەسكى كىناراتتاردى، قايشىلىقتاردى، داۋ ـ شارلاردى ىشكەرىلەي ٴبىر ـ بىردەن تەكسەرىپ، وڭاپ، كونە جىلدىڭ سوڭى مەن جاڭا جىلدىڭ باسىنداعى قىزمەتتەردى ويداعىداي ىستەپ، بار كۇشپەن حاۋىپ ـ قاتەردەن ساقتانۋ، حاۋىپسىزدىككە كەپىلدىك ەتۋ كەرەك. جۇڭحۋا ۇلتى ورتاق تۇلعا قۇرىلىسىن ىلگەرىلەتۋ قىزمەت نەگىزگى جەلىسىن ارقاۋ ەتە وتىرىپ، شينجياڭدى مادەنيەتپەن نارلەندىرۋ قىزمەتىن ۇزدىكسىز ىشكەرىلەي، ناقتى، ەگجەي ـ تەگجەيلى ىستەپ، ٴار ۇلتتىڭ ارالاسۋىن، ىشتەسۋىن، توعىسۋىن ۇزدىكسىز جەبەپ، ەلىمىزدە ٴدىندى جۇڭگوشالاندىرۋ بەتالىسىنا تاباندى بولىپ، دىنگە سەنەتىن بۇقارا قىزمەتىن سابىرلىلىقپەن، ەگجەي ـ تەگجەيلى ويداعىداي ىستەپ، ٴار ۇلت بۇقاراسىن ”بەستى شىنايى مويىنداۋدى“ ۇزدىكسىز كۇشەيتۋگە جەتەكتەۋ كەرەك. ەرەكشەلىككە، باسىمدىققا يە وسى زامانعى كاسىپ سالاسى جۇيەسىن جەدەل ورناتىپ، ”ون ٴىرى كاسىپ سالاسى شوعىرىمەن“ ىرىقتىلىقپەن توعىسىپ، ٴبىر توپ كەلەلى كاسىپ سالاسى نىساندارىن جەدەل جوسپارلاپ اتقارىپ، مۇناي حيميا ونەركاسىبى، جاسىل كەن شارۋاشىلىعى، توقىماشىلىق، كيىم ـ كەشەك، جاڭا ەنەرگيا سياقتى باسىمدىققا يە كاسىپ سالاسىن جەتىلدىرىپ، زورايتىپ، سۋ بايلىعىن ۇنەمدى، شوعىرلى، جوعارى ٴونىمدى پايدالانۋ دەڭگەيىن جوعارىلاتىپ، اۋىل شارۋاشىلىعىنىڭ تيبىن جاڭالاپ، دارەجەسىن جوعارىلاتۋدى جانە ساپاسىن كوتەرىپ، ونىمدىلىگىن ارتتىرۋدى جەدەلدەتىپ، ەكونوميكانىڭ ساپا جاعىندا ٴونىمدى جوعارىلاۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك. حالىق تۇرمىسىن جاقسارتۋدى، جۇرت تىلەگىن ۇيىستىرۋدى شىعار ٴتۇيىن جانە تابان تىرەر تياناق ەتۋگە تاباندى بولىپ، كاسىپ سالاسى دامۋىنىڭ جۇمىستانۋدى جەتەكتەۋ رولىن ۇزدىكسىز جوعارىلاتىپ، قالا، اۋىل تۇرعىندارىنىڭ، اسىرەسە، ەگىنشى ـ مالشى بۇقاراسىنىڭ كىرىسىنىڭ ۇزدىكسىز ارتۋىن جەبەپ، وقۋ ـ اعارتۋ، ەمدەۋ سياقتى حالىق تۇرمىسى ناقتى ىستەرىن تىڭعىلىقتى، ويداعىداي ىستەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك. پارتيانى جاپپاي قاتاڭ باسقارۋدى بۇلجىماي ىلگەرىلەتىپ، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، ساياسي باقىلاۋدى تەرەڭدەتىپ، ستيلدى تۇزەتۋدى جەبەۋدى، ٴتارتىپتى قاتايتۋدى، شىرىكتەسۋگە قارسى تۇرۋدى تاباندىلىقپەن جالعاستىرىپ، دەلو ارقىلى تۇزەتۋدى جەبەۋدى، باسقارۋدى جەبەۋدى ىشكەرىلەي ىلگەرىلەتىپ، ستيلى پاك، سالتى دۇرىس تاماشا ساياسي ەكولوگيانى كۇش سالا قالىپتاستىرۋ كەرەك.
ما شيڭرۇي تۇتاس شينجياڭداعى ٴار دارەجەلى باسشى كادرلارعا ٴۇمىتىن العا قويدى. ٴبىرىنشى، جۇمىس ورنالاستىرۋعا شوگەل بولۋ كەرەك. بويكۇيەزدىك پيعىلدى باتىل جەڭىپ، وي جۇگىرتۋگە شوگەل بولىپ، ىرىقتىلىقپەن ىسكەرلىك كورسەتىپ، تەكسەرۋ ـ زەرتتەۋدى ىشكەرىلەي ورىستەتىپ، ٴوزى تۇرعان ٴوڭىر، اۋماق جاعدايىنا مەڭزەس كوڭىلدە سان بولۋدى ورىنداپ، قىزمەتتى جوسپارلاۋدىڭ عىلميلىعىن، دالدىگىن جوعارىلاتىپ، جەرگىلىكتى جاعدايعا قاراي تياناقتاندىرۋدى ويداعىداي يگەرۋ كەرەك. ەكىنشى، جۇمىس ىستەۋدە مۇقيات بولۋ كەرەك. ”كەڭ اياعا كوز جىبەرۋ، نازىك تۇستارعا دا قۇلشىنۋ“ سىندى قىزمەت ٴادىسىن تەرەڭ ۇعىنىپ، جوسپار جاساعاندا كەلەلى جاعدايدى جاپپاي مەڭگەرۋدى، ىستەۋ بارىسىندا شوگەل، ۇيلەسىمدى بولۋدى ورىنداپ، شىنايى تۇردە ٴتۇرلى قىزمەتتەردەگى، ٴارقايسى بۋىندارداعى، ٴارقايسى جاقتارداعى ماسەلەلەردى جان ـ جاقتى ويلاستىرىپ، دامۋدىڭ قاجەتى، نەگىزگى ساتىنىڭ تىلەگى، حالىق اۋانى قىزمەتىن قاز ـ قالپىندا ناقتى، ەگجەي ـ تەگجەيلى يگەرىپ، تياناقتاندىرۋ كەرەك. ٴۇشىنشى، جۇمىستى ناقتى ىستەۋ كەرەك. دۇرىس ناتيجە كوزقاراسىن بەرىك ورناتىپ، ”ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى“ دەيتىن كوڭىلمەن جانە دەڭگەيمەن قىزمەتتى ىلگەرىلەتىپ، كوپىرمەلىكتەن قاتاڭ ساقتانىپ، ناقتى ىستەۋدى ماڭىزدى ورىنعا قويىپ، تىڭعىلىقتى ىستەپ، شىندىققا جۇگىنىپ ناقتى ىستەپ، قاراپايىمداستىرۋ، ٴبارىن ٴبىر تاياقپەن ايداۋ، ساتى ـ ساتى بويىنشا اۋىرتپالىق قوسۋ سياقتى ارەكەتتەردەن باتىل ساقتانۋ كەرەك.
قادەن كابەن، دۋ حۇڭيان باياندامانى قاراۋعا قاتىناستى.
