شينحۋا اگەنتتىگىنىڭ 1 ـ ايدىڭ 23 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ 1 ـ ايدىڭ 23 ـ كۇنى بۇكىل ەل سيپاتتى ٴدىني ۇيىمدار جاۋاپتىلارىنىڭ كوكتەم مەرەكەسىن قارسى الۋ اڭگىمە ماجىلىسىنە قاتىناسىپ، ٴدىن سالاسىنداعى قايراتكەرلەرمەن كوكتەم مەرەكەسىن بىرگە تويلادى ٴارى جۇڭگو كوممۋنيستىك پارتياسى ورتالىق كوميتەتى جانە باس شۋجي شي جينپيڭنىڭ اتىنان بۇكىل ەلدەگى ٴدىن سالاسىنداعى قايراتكەرلەرگە جانە قالىڭ دىنگە سەنەتىن بۇقاراعا كوكتەم مەرەكەسى بايلانىسىمەن باقىت تىلەدى.
ۋاڭ حۋنيڭ بۇكىل ەل سيپاتتى ٴدىني ۇيىمداردىڭ 2024 ـ جىلعى قىزمەتىن تۇراقتاندىردى ٴارى 2025 ـ جىلعى قىزمەتتەردى ويداعىداي ىستەۋ جونىندە ٴۇمىت ارتتى. ول مىنالاردى ٴبىلدىردى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ٴدىن قىزمەتى جونىندەگى ماڭىزدى بايىمداۋىن جانە پارتيا ورتالىق كوميتەتىنىڭ ٴدىن قىزمەتى جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ەلىمىزدە ٴدىندى جۇڭگوشالاندىرۋ بەتالىسىنا تاباندى بولىپ، ٴدىن ىستەرىن باسقارۋدى كۇشەيتىپ، بەلسەندى، اقاۋسىز ٴدىن قاتىناسىن ورناتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كۇش قوسۋ كەرەك. يدەيالىق ـ ساياسي جەتەكشىلىكتى كۇشەيتىپ، وتاندى ٴسۇيۋ، ٴدىندى قاستەرلەۋ تاڭداۋلى ٴداستۇرىن اسقاقتاتىپ، ٴدىن سالاسىن جانە دىنگە سەنەتىن بۇقارانى ”بەستى شىنايى مويىنداۋدى“ كۇشەيتۋگە جەتەكتەۋ كەرەك. ەلىمىزدە ٴدىندى جۇڭگوشالاندىرۋدى جۇيەلى ىلگەرىلەتىپ، سوتسياليستىك وزەكتى قۇن كوزقاراسى جەتەكشىلىگىنە، جۇڭحۋا مادەنيەتى ارقىلى نارلەندىرۋگە تاباندى بولىپ، ەلىمىزدىڭ مەملەكەت جاعدايىنا، ەرەكشەلىگىنە ۇيلەسەتىن ٴدىن جوسىندارى يدەياسىن بىرتىندەپ قالىپتاستىرۋ كەرەك. ٴدىن ىستەرىن باسقارۋدى زاڭمەن باسقارۋدى كۇشەيتىپ، ٴدىن سالاسىنىڭ جانە دىنگە سەنەتىن بۇقارانىڭ مەملەكەت تانىمىن، ازاماتتىق تانىمىن، زاڭمەن باسقارۋ تانىمىن كۇشەيتۋىن ىلگەرىلەتىپ، قىزمەتتە نەگىزدەلەتىن زاڭ، بويسۇناتىن ەرەجە بولۋدى ورىنداۋ كەرەك. ٴدىندى جاپپاي قاتاڭ باسقارۋدى ٴۇرتىس ىلگەرىلەتىپ، ٴدىن سالاسىنىڭ ٴوزىن ـ ٴوزى تاربيەلەۋ، ٴوزىن ـ ٴوزى باسقارۋ، ٴوزىن ـ ٴوزى تەجەۋ قابىلەتى مەن دەڭگەيىن جوعارىلاتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ٴبولىمىنىڭ باستىعى شى تايفىڭ اڭگىمە ماجىلىسىنە قاتىناستى. جۇڭگو بۇددا ٴدىنى قوعامىنىڭ، جۇڭگو داۋجياۋ ٴدىنى قوعامىنىڭ، جۇڭگو ٴىسلام ٴدىنى قوعامىنىڭ، جۇڭگو كاتوليك ٴدىنى وتانشىلدىق قوعامىنىڭ، جۇڭگو حريستيان ٴدىنى ٴوزىن باسقارۋعا، ٴوزىن باۋلۋعا، ٴوزىن تاربيەلەۋگە تاباندى بولۋ وتانشىلدىق قوزعالىس كوميتەتىنىڭ جاۋاپتىلارى ماجىلىستە سوزگە شىقتى.
