بارشا حالىق ازاتتىق ارمياسىنىڭ كوماندير ـ جاۋىنگەرلەرىنە، قارۋلى ساقشى بولىمدەرىنىڭ وفيتسەر ـ اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعىلارعا جانە حالىق جاساقتارىنا كوكتەم مەرەكەسى بايلانىسىمەن تىلەك تىلەدى

شي جينپيڭ كوكتەم مەرەكەسى قارساڭىندا اسكەري بولىمدەردى كوزدەن كەشىردى، ولاردان حال سۇرادى

بارشا حالىق ازاتتىق ارمياسىنىڭ كوماندير ـ جاۋىنگەرلەرىنە، قارۋلى ساقشى بولىمدەرىنىڭ وفيتسەر ـ اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعىلارعا جانە حالىق جاساقتارىنا كوكتەم مەرەكەسى بايلانىسىمەن تىلەك تىلەدى

　　1 ـ ايدىڭ 24 ـ كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ سولتۇستىك بولىك سوعىس رايونى ورگانىن كوزدەن كەشىرىپ جانە ولاردان حال سۇراپ، بەينە ەكران ارقىلى نەگىزگى ساتىداعى وفيتسەر ـ اسكەرلەرمەن امانداستى، اسكەري بولىمدەردىڭ سوعىس دايىندىعى كەزەكشىلىگى مەن مىندەت اتقارۋ جاعدايىن تەكسەردى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسىنىڭ كوماندير ـ جاۋىنگەرلەرىنەن، قارۋلى ساقشى بولىمدەرىنىڭ وفيتسەر ـ اسكەرلەرىنەن، ارميانىڭ اكىمشىلىك قىزمەتكەرلەرىنەن، زاپاستاعىلاردان جانە حالىق جاساقتارىنان ىقىلاستى حال سۇرادى جانە كوكتەم مەرەكەسى بايلانىسىمەن تىلەك تىلەدى. سۋرەتتە: شي جينپيڭ وڭتۇستىك بولىك سوعىس رايونى قۇرلىق ارمياسى بەلگىلى لۇيى مىندەت بولىمشە اترەتىندەگى، شىعىس بولىك سوعىس رايونى تەڭىز ارمياسىنىڭ جاعادان كەمەگە اتىلاتىن باسقارىلمالى بومبى بەلگىلى تۋانى كەزەكشى بولىمشە اترەتىندەگى، ورتا بولىك سوعىس رايونى اۋە ارمياسىنىڭ جەردەن اۋەگە اتىلاتىن باسقارىلمالى بومبى بەلگىلى يىڭىندەگى، اسكەري ىستەر عارىش ٴبولىمىنىڭ بەلگىلى باقىلاۋ، تەكسەرۋ، ساقتاندىرۋ پۋنكتىندەگى، جىڭجوۋ بىرلەسكەن ارتقى شەپ قامتاماسىزداندىرۋ ورتالىعى اۆتوكولىك تاسىمالى بەلگىلى تۋانىنىڭ 2 ـ يىڭىندەگى، قارۋلى ساقشى شيزاڭ باس اترەتى رىكازى تارماق اترەتىنىڭ مىندەت وتەۋ 3 ـ ۇلكەن اترەتىندەگى وفيتسەر ـ اسكەرلەرمەن بەينە ەكراندا سويلەسۋدە (بىرىكتىرىلگەن سۋرەت).

□ سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن

　　شينحۋا اگەنتتىگىنىڭ 1 ـ ايدىڭ 25 ـ كۇنى شىنياڭنان بەرگەن حابارى (ٴتىلشى مەي چاڭۋي). جۇڭحۋا ۇلتىنىڭ ٴداستۇرلى مەرەكەسى _ كوكتەم مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 1 ـ ايدىڭ 24 ـ كۇنى سولتۇستىك بولىك سوعىس رايونى ورگانىن كوزدەن كەشىرىپ جانە ولاردان حال سۇراپ، بەينە ەكران ارقىلى نەگىزگى ساتىداعى وفيتسەر ـ اسكەرلەرمەن امانداستى، اسكەري بولىمدەردىڭ سوعىس دايىندىعى كەزەكشىلىگى مەن مىندەت اتقارۋ جاعدايىن تەكسەردى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسىنىڭ كوماندير ـ جاۋىنگەرلەرىنەن، قارۋلى ساقشى بولىمدەرىنىڭ وفيتسەر ـ اسكەرلەرىنەن، ارميانىڭ اكىمشىلىك قىزمەتكەرلەرىنەن، زاپاستاعىلاردان جانە حالىق جاساقتارىنان ىقىلاستى حال سۇرادى جانە كوكتەم مەرەكەسى بايلانىسىمەن تىلەك تىلەدى.

　　ەگىنشىلىك كالەندارى بويىنشا كىشى جاڭا جىل ٴوتتى، لياۋشىننىڭ بايتاق دالاسى شات ـ شادىمان مەرەكەلىك بەينەگە ەندى. تۇستەن بۇرىن ساعات 9دان 30 مينۋت مولشەرىندە شي جينپيڭ سولتۇستىك بولىك سوعىس رايونى ورگانىنا كەلىپ، قىزۋ شاپالاق ٴۇنى ىشىندە سولتۇستىك بولىك سوعىس رايونى وفيتسەر ـ اسكەرلەر ۋاكىلدەرىن ىقىلاسپەن قابىلداپ، كوپشىلىكپەن توپتىق ەستەلىك سۋرەتكە ٴتۇستى.

　　وسىدان سوڭ، شي جينپيڭ بۇكىل ارمياداعى قاتىستى اسكەري بولىمدەرمەن بەينە ەكران ارقىلى سويلەستى. وڭتۇستىك بولىك سوعىس رايونى قۇرلىق ارمياسى بەلگىلى لۇيى مىندەت بولىمشە اترەتىندەگى، شىعىس بولىك سوعىس رايونى تەڭىز ارمياسىنىڭ جاعادان كەمەگە اتىلاتىن باسقارىلمالى بومبى بەلگىلى تۋانى كەزەكشى بولىمشە اترەتىندەگى، ورتا بولىك سوعىس رايونى اۋە ارمياسىنىڭ جەردەن اۋەگە اتىلاتىن باسقارىلمالى بومبى بەلگىلى يىڭىندەگى، اسكەري ىستەر عارىش ٴبولىمىنىڭ بەلگىلى باقىلاۋ، تەكسەرۋ، ساقتاندىرۋ پۋنكتىندەگى، جىڭجوۋ بىرلەسكەن ارتقى شەپ قامتاماسىزداندىرۋ ورتالىعى اۆتوكولىك تاسىمالى بەلگىلى تۋانىنىڭ 2 ـ يىڭىندەگى، قارۋلى ساقشى شيزاڭ باس اترەتى رىكازى تارماق اترەتىنىڭ مىندەت وتەۋ 3 ـ ۇلكەن اترەتىندەگى وفيتسەر ـ اسكەرلەر رەتتى قاتار تۇزەپ، رەت بويىنشا ٴتوراعا شي جينپيڭگە سوعىس دايىندىعى كەزەكشىلىگى مەن مىندەت اتقارۋ جاعدايىنان مالىمەت بەردى. شي جينپيڭ قاتىستى جاعدايلار جونىندەگى تانىستىرۋدى مۇقيات تىڭداپ، ولاردىڭ قىزمەتىن تولىق تۇراقتاندىردى ٴارى ولاردان شىن ىقىلاسپەن حال سۇرادى.

　　شي جينپيڭ بىلاي دەپ باسا دارىپتەدى: بىرنەشە كۇننەن كەيىن كوكتەم مەرەكەسى كەلەدى، بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، ٴتۇرلى توسىن جاعدايلاردى دەر كەزىندە ٴونىمدى ٴبىر جاقتى ەتىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن ويداعىداي قورعاپ، بۇكىل ەل حالقىنىڭ كوكتەم مەرەكەسىن شات ـ شادىمان، تىنىش، بەرەكەلى وتكىزۋىنە شىنايى كەپىلدىك ەتۋى كەرەك. قىزمەتتى ويداعىداي ٴبىر تۇتاس جوسپارلاۋعا كوڭىل ٴبولىپ، وفيتسەر ـ اسكەرلەردىڭ مەرەكە كەزىندەگى تۇرمىسىن ويداعىداي ورنالاستىرۋ كەرەك.

　　جاڭ يوۋشيا قاتارلىلار قيمىلعا قاتىناستى.