شينحۋا اگەنتتىگىنىڭ 1 ـ ايدىڭ 27 ـ كۇنى بەيجيڭنەن بەرگەن حابارى. 1 ـ ايدىڭ 27 ـ كۇنى مەملەكەت ٴتوراعاسى شي جينپيڭ الەكساندر لۋكاشەنكوعا تەلەگرامما جولداپ، ونىڭ بەلورۋسسيا رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: سوڭعى جىلدارى زۇڭتۇڭ مىرزا ەكەۋىمىز تىعىز بارىس ـ كەلىستى ساقتاپ، جۇڭگو ـ بەلورۋسسيا قارىم ـ قاتىناسىنىڭ دامۋىن بىرگە كەسكىندەپ جانە وعان جەتەكشىلىك ەتىپ، ەكى ەل قارىم ـ قاتىناسىنىڭ بارلىق جاعدايدا بىردەي جالپى بەتتىك ستراتەگيالىق سەرىكتەستىگىنىڭ تاريحتاعى ەڭ جوعارى دەڭگەيگە جەتۋىن ىلگەرىلەتتىك. ەكى جاقتىڭ ساياسي ٴوزارا سەنىمدىلىگى ٴۇرتىس بەكەمدەلىپ، ”ٴبىر بەلدەۋ، ٴبىر جولدى“ بىرگە قۇرۋ سەلبەستىگىندە سۇبەلى ناتيجەلەرگە قول جەتتى، كوپ جاقتى ىستەستىك اسا ناتيجەلى بولدى. مەن جۇڭگو _ بەلورۋسسيا قارىم ـ قاتىناسىنىڭ دامۋىنا ايرىقشا ٴمان بەرەمىن، زۇڭتۇڭ مىرزامەن بىرگە قۇلشىنىپ، ەكى ەلدىڭ ٴداستۇرلى دوستىعىن جالعاستىرىپ، ەكى جاقتىڭ ٴوزارا تيىمدىلىك جەتكىزۋ سەلبەستىگىن تەرەڭدەتىپ، جۇڭگو _ بەلورۋسسيا قارىم ـ قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، ەكى ەل حالقىنا اناعۇرلىم ويداعىداي باقىت جاراتۋدى قالايمىن.
