جىلاننىڭ مىڭ شاقىرىم جول باساتىن جىگەرىمەن رەفورمانىڭ، دامۋدىڭ جاڭا ٴورىسىن اشايىق
— باس شۋجي شي جينپيڭنىڭ 2025 ـ جىلعى كوكتەم مەرەكەسىن توپتىق قۇتتىقتاۋ ماجىلىسىندە سويلەگەن ٴسوزى سەنىمدى ۇيىستىرىپ، ەكپىندەي ىلگەرىلەۋگە ىنتالاندىردى
شينحۋا اگەنتتىگىنىڭ ٴتىلشىسى
كونە جىلدى اتتاندىرىپ، جاڭا جىلدى قۇتتىقتادى؛ بىرلىكتە وتاننىڭ جاقسى بولۋىن تىلەدى.
ي ـ سى جىلان جىلى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 1 ـ ايدىڭ 27 ـ كۇنى حالىق سارايىندا 2025 ـ جىلعى كوكتەم مەرەكەسىن توپتىق قۇتتىقتاۋ ٴماجىلىسىن وتكىزدى. باس شۋجي شي جينپيڭنىڭ مەيىرگە، ىستىق ىقىلاسقا تولى ٴسوزى قالىڭ كادرلاردى، بۇقارانى سەنىمدى بەكەمدەپ، كوكىرەك تولى ۇمىتپەن ٴورىس اشا العا ىلگەرىلەپ، قايسارلىقپەن كۇرەس جۇرگىزىپ، جىلاننىڭ مىڭ شاقىرىم جول باساتىن جىگەرىمەن رەفورمانىڭ، دامۋدىڭ جاڭا ٴورىسىن اشىپ، جۇڭگو ۇلگىسىندەگى وسىزامانداندىرۋدىڭ جاڭا تاراۋىن جازۋعا ىنتالاندىردى.
ارعىماق ايداعار رۋحىن سەرپىلتىپ، نىق قادام تاستادى
اياقتاۋ الدىندا تۇرعان جياچىن ۇلۋ (ايداعار) جىلى _ ٴبىز ارعىماق ايداعار رۋحىن سەرپىلتىپ، بوران ـ شاشىندى جانە ارايلى كۇندەردى باستان وتكەرگەن ٴبىر جىل بولدى.
باس شۋجي شي جينپيڭنىڭ ٴسوزىن ۇستىندە ەت قۇلاعىمەن ەستىگەن جۇڭگو مۋزيكانتتار قوعامىنىڭ ٴتوراعاسى يە شياۋگاڭنىڭ كوڭىلى كولدەي تولقىپ، ايرىقشا اسەرلەندى: ”وتكەن ٴبىر جىلعا قايىرىلا قاراساق، ٴبىز جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن سالتاناتپەن قۇتتىقتادىق، بۇكىل ەلدەگى ٴار ۇلت حالقىنىڭ وتانشىلدىق سۇيىسپەنشىلىگى اسقاقتادى، ٴتۇرلى ىستەر سايكەسە قاتار ىلگەرىلەدى، ٴار سالانىڭ بارىندە ادامدى جىگەرلەندىرەتىن ناتيجەلەرگە قول جەتىپ، جۇڭگو ۇلگىسىندەگى وسىزامانداندىرۋدا جاڭا دا نىق قادام تاستالدى“.
جىلدار رەتىمەن اۋناپ، تابىستار كۇن سايىن جاڭالانۋدا. تاڭعى كۇن ساۋلەسى تەڭىز ايدىنىنا نۇرىن توگىپ، ايناداي ٴمولدىر كوگىلدىر تولقىن تەربەلىپ، چيڭداۋ پورتىندا شار تاراپتان جينالعان تاۋارلاردى تولاس تاپپاي قابىلداعان ـ جونەلتكەن ٴبىر كۇن تاعى باستالدى.
چيڭداۋ پورتىنداعى چيانۋان كونتينەر كەمەتۇراعىندا تۇرىپ الىسقا كوز جىبەرگەن ”حالىق ۇستاسى“، مەملەكەتتىك داڭق اتاعىنىڭ يەگەرى شۇي جىنچاۋدىڭ كوڭىلى شارىقتادى: ”مەملەكەت مەرەكەسى قارساڭىندا باس شۋجي شي جينپيڭ مەدالدى ماعان ٴوز قولىمەن تابىس ەتتى. پارتيا مەن مەملەكەتتىڭ تەحنولوگيا جۇمىسشىلارىنا قامقورلىعى، ۇستا رۋحىن ارداقتاۋى ٴبىزدى ايرىقشا جىگەرلەندىردى. باس شۋجي وسى جولعى سوزىندە ”عىلىم ـ تەحنولوگيادا جاڭالىق اشۋ جانە كاسىپ سالاسىندا جاڭالىق اشۋ جەتىستىگىنىڭ قوماقتى“ ەكەندىگىن تىلگە الدى، بۇل ٴبىزدىڭ ويدى ٴبىر اراعا شوعىرلاندىرىپ، كۇشتى ٴبىر جەرگە جۇمساعاندىعىمىزدىڭ ناتيجەسى“.
كوكتەمدى، جازدى، كۇزدى جانە قىستى باسىپ وتكەن قادامىمىز اناعۇرلىم بەكەمدەلە ٴتۇستى. 2024 ـ جىلى كۇردەلى دە قاتاڭ جاعدايدا، ەلىمىز ەكونوميكاسىنىڭ اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، ەكونوميكالىق، قوعامدىق دامۋدىڭ باستى نىسانا ـ مىندەتتەرى ٴساتتى جۇزەگە اسىرىلدى.
”ٴبىز جوعارى ساپالى دامۋدى تىڭعىلىقتى ىلگەرىلەتىپ، ٴتۇرلى قولدا بار ساياساتتاردى ٴونىمدى تياناقتاندىرىپ، ٴبىر قىدىرۋ تىڭنان ارتتىرىلعان ساياساتتاردى كۇش سالا شىعارىپ، ەكونوميكانىڭ قايتا ورلەۋىن، جاقسارۋىن جەبەدىك“. باس شۋجي شي جينپيڭنىڭ ٴسوزى مەملەكەتتىك ساۋدا ـ ونەركاسىپشىلەر بىرلەستىگىنىڭ ورىنباسار ٴتوراعاسى، سەرەس توبى جارنا شەكتى سەرىكتەستىگىنىڭ القا باستىعى جاڭ شيڭحايدىڭ جان دۇنيەسىن تەربەتتى: ”مەملەكەت جاقسى بولعاندا عانا كاسىپورىن جاقسى بولادى، مەملەكەت قۋاتتى بولعاندا عانا كاسىپورىن اناعۇرلىم قۋاتتى بولادى. 2024 ـ جىلى ٴبىز جۇڭگو ەكونوميكاسىنىڭ ’ورنىقتىلىق‘ نەگىزىنىڭ اناعۇرلىم بەكەمدەلە تۇسكەندىگىن، ’ىلگەرىلەتۋ‘ قوزعالىس قۋاتىنىڭ ۇزدىكسىز كۇشەيگەندىگىن شىنايى سەزىندىك، باس شۋجيدىڭ ٴسوزى ٴبىزدىڭ جىگەر ـ قايراتىمىزدى اناعۇرلىم تاسقىنداتا ٴتۇستى“.
وتباسى مەن وتان ٴبىر ـ بىرىنە قورمال بولدى، جۇرەكتەس، بىلەكتەس بولدى.
جاقىندا ”ۇشقىن لاۋلاعان جۇڭگو، عىلىم ـ تەحنولوگيا بولاشاعى“ جەلىلەس كورمەسى اۋمىن عىلىم سارايىندا اشىلدى. مۇناي جانە ەنەرگيا بارلاۋ، ”ەكى بومبى، ٴبىر جاساندى سەرىكتى“ زەرتتەپ اشۋ، وزىق تەحنولوگيانى زەرتتەۋ... جاڭا جۇڭگو قۇرىلعان 75 جىلدان بەرگى عىلىم ـ تەحنولوگيا جەتىستىكتەرى اۋمىن قالا تۇرعىندارىن ايالداپ تاماشالاۋعا باۋرادى.
”باس شۋجي شي جينپيڭنىڭ ٴسوزى ورتالىق كوميتەتتىڭ اۋمىننىڭ دامۋىنا باستان ـ اياق كوڭىل ٴبولىپ، قولداۋ كورسەتىپ كەلگەندىگىن بەينەلەيدى“. اۋمىن عىلىم سارايىنىڭ باستىعى شاۋ حانبين تەبىرەنە بىلاي دەدى: ”ٴبىر ەل، ەكى ٴتۇزىمنىڭ“ تابىستى امالياتى اۋمىننىڭ عىلىم ـ تەحنولوگيا، مادەنيەت سياقتى كوپتەگەن جاقتا قارىشتاي دامۋىنا مۇمكىندىك جاسادى، جاس ۇرپاقتاردىڭ وتاننىڭ قامقورلىعىن ەستەن شىعارماي، اۋمىننىڭ گۇلدەنۋىنە، العا باسۋىنا اقىل ـ پاراساتتارى مەن كۇش ـ قۋاتتارىن ارناۋىن ٴۇمىت ەتەمىن.
شات ـ شادىمان تۇرمىس، مەرەكە رايى بارعان سايىن كۇشەيە ٴتۇستى. جىجياڭدا، 2025 ـ جىلعى حاڭجوۋ . فۋچۇن شانجۇي اتىنداعى مەملەكەت جاڭا ۇلگىسىندەگى كوكتەم مەرەكەسىنە ارنالعان شام سالتاناتى باس قوسۋ كەشىن نۇرلاندىردى.
شام سالتاناتىنىڭ ٴساتتى وتكىزىلۋىنە كەپىلدىك ەتۋ ٴۇشىن، مەملەكەتتىك ەلەكتر تورى حاڭجوۋ ەلەكترمەن قامداۋ سەرىكتەستىگىنىڭ قىزمەتكەرلەرى قيمىل الاڭىنىڭ ٴىشى ـ سىرتىنداعى ەلەكتر سىمدارى، ەلەكتر جابدىقتارى سياقتىلاردى جان ـ جاقتى تەكسەردى.
ني پيڭ مەملەكەتتىك ەلەكتر تورى حاڭجوۋ ەلەكترمەن قامداۋ سەرىكتەستىگى چيڭيۇن ەلەكترمەن قامداۋ بولىمشەسى ۋنيۆەرسال بانىنىڭ بانجاڭى ٴارى كوكتەم مەرەكەسى كەزىندەگى كەزەكشىلەردىڭ ٴبىرى. ول بىلاي دەدى: ”باس شۋجي شي جينپيڭنىڭ مەرەكە بايلانىسىمەن كوپشىلىككە ىزگى تىلەك جولداۋى بىزگە قىزمەت ورنىمىزدان تاپجىلماۋ جاۋاپكەرشىلىگىمىزدىڭ اۋىر ەكەندىگىن سەزىندىردى. وتكەن ٴبىر جىلداعى قۇندى تابىستار ٴدال سانسىز ادامنىڭ ٴبىر نيەتپەن سەلبەسىپ ەڭبەك ەتۋىنىڭ ناتيجەسى. مەن دە كەزەكشىلىك مىندەتىمدى ويداعىداي وتەپ، ەلەكترمەن حاۋىپسىز، سەنىمدى قامداۋدى بار كۇشپەن قامتاماسىز ەتىپ، بۇقارانىڭ كوكتەم مەرەكەسىن تاتۋ ـ ٴتاتتى، بەرەكەلى وتكىزۋىنە شىنايى كەپىلدىك ەتەمىن.
نانىمدى، سەنىمدى بەكەمدەپ، شىت جاڭا ٴورىس اشتى
جاڭادان سالىنعان تاقتاي ۇيلەرگە كوشىپ كىردى، قاجەتتى ماتەريالداردى تاراتتى... جاڭا جىلعا قاراعان كۇنى شيزاڭنىڭ ديڭرىسىندا جەر سىلكىنىسى اپاتى تۋىلعان وڭىردە وتپەلى ورنالاستىرۋ قىزمەتى ٴالى دە قاربالاس، ٴتارتىپتى جۇرگىزىلۋدە.
چاڭسو اۋىلى زاسۇن قىستاعىنىڭ تۇرعىنى سىرىن دوجيدىڭ ۇيىندە ەكى مەشكە بىردەي وت قالانىپ، قىسقى ساقىلداعان ايازدىڭ سۋىق ىزعارىن قايتاردى.
”باس شۋجي سوزىندە شيزاڭنىڭ ديڭرىسىنداعى ٴۇستىرت، سۋىق، وتتەگى تاپشى وڭىردە جەر سىلكىنسىنە قارسى اتتانىپ اپاتتان قۇتقارۋ ٴىسىن كوكەيىنەن شىعارماعاندىعى دا ٴبىزدى ايرىقشا مەيىرگە بولەدى“. سىرىن دوجي تەبىرەنە بىلاي دەدى: ”پارتيا مەن ۇكىمەت بار بولسا، جەڭە المايتىن قيىندىق بولمايدى!“
حۋبەي ولكەسى شياننيڭ قالاسى جيايۇي اۋدانى پانجياۋان قالاشىعىندا ون شاقىرىمدىق كوكونىس ٴدالىزى جاپ ـ جاسىل بولىپ قۇلپىرىپ تۇر. اتىز باسىندا كوكونىس تولتىرا تيەلگەن جۇك كولىكتەرى باياۋ قوزعالىپ، الىستاعى داستارقاندارعا مەرەكەلىك ٴدام جەتكىزۋگە اتتاندى.
پانجياۋان قالاشىعى شياۋجياجوۋ قىستاعىنىڭ تۇرعىنى يە شياڭسۇڭ بىلاي دەدى: ”مەن جەرگىلىكتى ورىننىڭ كوكونىس ەگىمشىلىگى كاسىپ سالاسىن دامىتۋىنىڭ يگىلىگىن كورۋشىمىن، باس شۋجيدىڭ ’كەدەيلىكتەن ارىلتۋدان قامال الۋ جەتىستىكتەرىن اناعۇرلىم بەكەمدەۋ، كەڭەيتۋ‘ دەگەن ٴسوزىن ٴتول كەشىرمەممەن تىكە سەزىندىم. باس شۋجيدىڭ ٴسوزى بەل شەشىپ كىرىسسەك بولعانى تۇرمىسىمىزدىڭ، ٴسوزسىز، بارعان سايىن جاقساراتىندىعىنا سەندىردى“.
قازىر كوكتەمگى تاسىمالدىڭ قاربالاس كەزى. جيجياڭ حاڭجوۋ شياۋشان حالىقارالىق اۋەجايىندا كەزەكشى ۇشاقتار كورنەكتى كوبەيدى. كەدەن قىزمەتكەرلەرىنىڭ باستاۋىندا، شەكارادان كىرگەن كوپتەگەن ساياحاتشى كەدەننەن ىركىلىسسىز تەز وتۋدە.
جاڭا جىلعا كوز جىبەرگەن شياۋشان اۋەجايى كەدەنىنىڭ ساياحاتشىلاردى تەكسەرۋ 2 ـ ٴبولىمىنىڭ باستىعى جاڭ پىڭ تولىق سەنىممەن بىلاي دەدى: ”باس شۋجي شي جينپيڭنىڭ ٴسوزىنىڭ رۋحىن جەتەكشى ەتىپ، ٴبىز ’زەردەلى كەدەن‘ قۇرىلىسىنىڭ جەتىستىكتەرىن ۇزدىكسىز ويداعىداي كادەگە جاراتىپ، كەدەننەن ٴوتۋ ونىمدىلىگى مەن قىزمەت وتەۋ دەڭگەيىن ۇزدىكسىز جوعارىلاتساق، ٴسوز جوق، حالىقارالىق اۋىس ـ كۇيىستى جانە سەلبەستىكتى اناعۇرلىم جەبەپ، جوعارى دەڭگەيدە سىرتقا ەسىك اشۋعا دەم بەرە الامىز“.
بارلىعىندا حالىقتىڭ قامىن ويلاساڭ، حالىق تا جاقتايدى.
انحۇيديڭ تۇڭچىڭ ليۋچى تار كوشەسىندە سىپايىلىق كورسەتۋ وتباسى سالتى ۇرپاقتار بويى جالعاسىپ كەلەدى. ليۋچي تار كوشەسىمەن ىرگەلەس جاتقان ۋىنچاڭ ٴمالىسى شييۋان الەۋمەتتىك اۋماعىندا بارلىق وتباسى جاراسىمدى دا بەرەكەلى مەرەكە شاتتىعىنا شومدى.
”باس شۋجي سوزىندە ’مەملەكەتتى باسقارۋدىڭ نەگىزگى قاعيداسى بولادى، حالىققا پايدا جەتكىزۋ سونىڭ تياناعى سانالادى‘ دەپ باسا دارىپتەدى، بۇل الەۋمەتتىك اۋماعىمىزداعى قىزمەتكەرلەردى حالىقتى قاي ـ قاشان دا كوڭىل تورىنە قويىپ، حالىق تۇرمىسى ىستەرىن ويداعىداي ىستەۋگە ىنتالاندىردى. ٴبىز جۇڭحۋانىڭ تاڭداۋلى ٴداستۇرلى مادەنيەتىن جاڭا داۋىردە نەگىزگى ساتىنى باسقارۋمەن ۇزدىكسىز ۇشتاستىرىپ، تىنىش ٴومىر، شات ـ شادىمان تىرشىلىك كەشىرەتىن جاراسىمدى قوعامدىق ورتا جاراتىپ، بۇقارانىڭ تۇرمىسىن اناعۇرلىم جايلى، اناعۇرلىم ۇمىتكە تولى ەتەمىز“، ـ دەدى ۋىنچاڭ ٴمالىسى شييۋان الەۋمەتتىك اۋماعى پارتيا باس ياچەيكاسىنىڭ شۋجيى چياۋ ليجۋان.
ۇلى نىسانانى بەتكە الىپ، ۇزدىكسىز ەكپىندەي العا ىلگەرىلەدى
گۇيجوۋداعى قالىڭ تاۋدىڭ قويناۋىنداعى ”جۇڭگو تيانيانى“ قۇس جولىنان كوزىن المايدى. وعان تاياۋ ماڭداعى تاۋ شوقىسىندا تۇڭعىش وزەكتى ساپ سىناق ۇلگى ماشيناسى قاربالاس سىناقتان وتكىزىلۋدە.
رادياتسيالىق استرونوميا سالاسىندا ۇزدىكسىز باستاۋشى ورىندى ساقتاۋ ٴۇشىن، ”جۇڭگو تيانيان“ ۇجىمى اۋىز ديامەترى 40 مەترلىك رادياتسيالىق تەلەسكوپ شوعىرىن جەدەل قۇرىپ، ”جۇڭگو تيانيانىمەن“ وزەكتى ساپ قۇراۋمەن قاربالاس.
”جىل بويى دەمالماي، كۇن ـ ٴتۇن تاپجىلماي، ’جۇڭگو تيانيانىنىڭ‘ قۋاتىن ۇزدىكسىز جوعارىلاتتىق. 2025 ـ جىلى ’14ـ بەسجىلدىق‘ جوبا اياقتايتىن جىل، ٴبىر ٴسات تە بويكۇيەزدىككە سالىنۋعا باتىلدىق ەتپەيمىز“. جۇڭگو عىلىم اكادەمياسى مەملەكەتتىك استرونوميا ستانسياسىنىڭ ورىنباسار باستىعى جياڭ پىڭ مىنالاردى ٴبىلدىردى: باس شۋجيدىڭ ٴسوزى ۇجىمنىڭ جاپا ـ ماشاقاتتان جاسقانباي، شىڭعا باتىلدىقپەن شىعۋ سەنىمىن اناعۇرلىم بەكەمدەدى، ٴبىز ىنتىماقتاسا ەكپىندەي ىلگەرىلەۋ ستيلىن ۇزدىكسىز ساقتاپ، ٴىس جۇزىندىك ارەكەتىمىز ارقىلى عىلىم ـ تەحنولوگيادا قۋاتتى ەل قۇرۋعا اقىل ـ پاراساتىمىزدى ارنايمىز.
جۇلدىز ساۋلەسى جول جۇرگەندە قاشاندا سەرىك بولا الادى . جىل سوڭىنىڭ وتكەلەگىندە حاينان دانجوۋ ياڭپۋ پورتىندا ۋاقىتتى ۇتا قاربالاس جۇمىس ىستەلىپ جاتتى.
’”رەفورمانى ونان ارى جاپپاي تەرەڭدەتۋ‘، باس شۋجيدىڭ تاپسىرماسى ٴبىزدىڭ كەلەسى قادامداعى قىزمەتىمىزگە ايقىن بەتالىس نۇسقادى“. دانجوۋ قالاسىنىڭ باستىعى، ياڭپۋ ەكونوميكالىق اشۋ رايونى باسقارۋ كوميتەتىنىڭ مەڭگەرۋشىسى چىن ياڭ مىنالاردى ٴبىلدىردى: ”2025 ـ جىلى حاينان ەركىن ساۋدا پورتى كەدەندى جابىق كۇيدە جۇرگىزۋ جۇمىسىن باستايدى. ٴبىز قاجىرلىلىقپەن ىستەۋ رۋحىن ساۋلەلەندىرىپ، كەدەندى جابىق كۇيدە جۇرگىزۋ ’1 ـ ٴنومىرلى ينجەنەرياسىن‘ بار كۇشپەن ىلگەرىلەتىپ، جەر شارىنداعى ٴتۇيىندى پورتتارعا باراتىن تەڭىز جولىن بەلسەنە كەڭەيتىپ، ەسىك اشۋدىڭ ومىرشەڭ كۇشىن اناعۇرلىم كەڭ كولەمدە، اناعۇرلىم كەڭ سالادا جارىققا شىعارىپ، دامۋدىڭ قوزعالىس قۋاتىن جانداندىرامىز“.
115 قارتتاردى كۇتىمدەۋگە قىزمەت وتەۋ ورتالىعىن (پۋنكت) قۇردى، 5 مەكتەپتى جاڭادان جانە كەڭەيتىپ سالدى، ”ەكىدە جاقىننان“ جۇمىستاندىرۋ مەحانيزمى 45 مىڭ ادامدى تىڭنان جۇمىستاندىردى... وتكەن ٴبىر جىلداعى قىزمەتكە قايىرىلا قاراعاندا، چۇڭچيڭ قالاسى جيۋلۇڭپو رايوندىق كوميتەتىنىڭ شۋجيى چين چاڭدى اڭگىمە تيەگىن اعىتتى.
”باس شۋجي شي جينپيڭنىڭ ’ەكونوميكانىڭ ٴۇرتىس قايتا ورلەۋىن، جاقسارۋىن ىلگەرىلەتىپ، قوعامنىڭ جاراسىمدىلىعىن، ورنىقتىلىعىن ساقتاۋدى‘ اتاپ كورسەتۋى ٴبىزدىڭ جاڭا جىلداعى قىزمەتتى ورىستەتۋىمىزگە ماڭىزدى بويسۇنۋ ولشەمىن ازىرلەدى. جيۋلۇڭپو رايونى دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، ساپالى، بىركەلكى الەۋمەتتىك قىزمەت وتەۋ جۇيەسىن كۇش سالا ورناتىپ، كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرەدى“، ـ دەدى تان چاڭدى.
العا باسۋ جولىندا داڭق باتىلدىقپەن جاۋاپكەرشىلىك ارقالاعان ٴاربىر كۇرەسكەرگە ٴتان.
ەندى بىرنەشە كۇننەن كەيىن، 9 ـ كەزەكتى ازيا قىسقى سپورت جارىسىنىڭ اشىلۋ سالتى حيلۇڭجياڭنىڭ حاربينىندە وتكىزىلەدى. ەركىن شاڭعى تەبۋدىڭ كەڭسىتىك شەبەرلىگى سپورتشىسى شۇي مىڭتاۋ جارىسقا سوڭعى دايىندىق كورۋدە.
”باس شۋجي سوزىندە ’ەلىمىزدىڭ دەنە تاربيە ساڭلاقتارى پاريج وليمپيادا سپورت جارىسىندا شەكارا سىرتىندا قاتىناسقان جارىستارىنداعى ەڭ تاماشا ناتيجەگە قول جەتكىزدى‘ دەپ القادى. سپورتشى سالاۋاتىمىزبەن، ٴبىز شەكسىز داڭق سەزىنىپ، وتانعا داڭق اپەرۋ سەنىمىمىز اناعۇرلىم بەكەمدەلە ٴتۇستى“. شۇي مىڭتاۋ بىلاي دەدى: ”ناتيجەنىڭ ٴبارى وتكەن شاق، ەرلىكپەن جارىسۋدا ٴالى دە بۇگىنگە قاراۋ كەرەك. مەن رۋحىمدى سەرپىلتىپ سىن ـ سايىستاردى قارسى الىپ، اناعۇرلىم ۇزدىك بەينەممەن وتاننىڭ دەنە تاربيە ىستەرىنىڭ داڭقىن اسىرامىن“.
(شينحۋا اگەنتتىگىنىڭ 1 ـ ايدىڭ 28 ـ كۇنى بەيجيڭنەن بەرگەن حابارى)
