ۇزدىكسىز كۇرەس جاساپ، بىرگە جاڭا تاراۋ جازامىز
— باس شۋجي شي جينپيڭنىڭ 2025 ـ جىلعى كوكتەم مەرەكەسىن توپتىق قۇتتىقتاۋ ماجىلىسىندە سويلەگەن ٴسوزى شەتەلدەگى جۇڭحۋا پەرزەنتتەرىن بىرگە ەكپىندەي ىلگەرىلەۋگە جىگەرلەندىردى
شينحۋا اگەنتتىگىنىڭ تىلشىلەرى ۋاڭ يانان، حى مىڭشۋ
جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 1 ـ ايدىڭ 27 ـ كۇنى تۇستەن بۇرىن حالىق سارايىندا 2025 ـ جىلعى كوكتەم مەرەكەسىن توپتىق قۇتتىقتاۋ ٴماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ٴسوز سويلەپ، پارتيا ورتالىق كوميتەتى مەن مەملەكەتتىك كەڭەس اتىنان بۇكىل ەلدەگى ٴار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتادى.
ەلىمىزدىڭ شەتەلدە تۇراتىن قىزمەتكەرلەرى، حۋاچياۋلار، حۋارىندار، شەتەلدە وقيتىن وقۋشىلار جابال مىنانى ٴبىلدىردى: باس شۋجي شي جينپيڭنىڭ ماڭىزدى ٴسوزى كۇش ـ قۋاتقا تولى بولىپ، جۇرت كوڭىلىن جىگەرلەندىردى، جىلاننىڭ مىڭ شاقىرىم جول باساتىن جىگەرىمەن سەنىمدى بەكەمدەپ، ٴورىس اشا العا ىلگەرىلەپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋ ٴۇشىن اقىل ـ پاراسات جانە كۇش ـ قۋات قوسىپ، جۇڭگو ۇلگىسىندەگى وسىزامانداندىرۋدىڭ جاڭا تاراۋىن بىرگە جازامىز.
دامۋ تابىستارى ادامدى جىگەرلەندىرەدى
”جوعارى ساپالى دامۋدى تىڭعىلىقتى ىلگەرىلەتتىك“، ”جاڭاشا وندىرگىش كۇشتەر نىق قاداممەن دامىدى“، ”سوتسياليستىك دەموكراتيالىق زاڭمەن باسقارۋ قۇرىلىسىنىڭ، مادەنيەت قۇرىلىسىنىڭ، قوعامدىق قۇرىلىستىڭ، ەكولوگيالىق وركەنيەت قۇرىلىسىنىڭ، مەملەكەت قورعانىسى مەن ارميا قۇرىلىسىنىڭ بارىندە تىڭ ىلگەرىلەۋشىلىككە قول جەتكىزدىك“، ’”ٴبىر بەلدەۋ، ٴبىر جولدى‘ جوعارى ساپالى بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتتىك“... باس شۋجي شي جينپيڭنىڭ سوزىندە قورىتىندىلانعان وتكەن ٴبىر جىلدا قول جەتكەن ٴار سالاداعى قۇرىلىستاعى تابىستار شەتەلدەگى جۇڭحۋا پەرزەنتتەرىن ماقتانىش سەزىمىنە بولەدى.
”باس شۋجي شي جينپيڭنىڭ ٴسوزى ادامدى جىگەرلەندىرەدى“. ەۆروپادا 20 نەشە جىل تۇرمىس كەشىرگەن گرەتسيا حۋاچياۋ، حۋارىن باس قوعامىنىڭ باستىعى زوۋ يۇڭ بىلاي دەدى: ”وتكەن ٴبىر جىلدا وتانىمىزدىڭ ٴار سالاداعى دامۋ تابىستارى كۇللى دۇنيەنى جالت قاراتتى، شەتەلدە جۇرگەن ازامات رەتىندە، مۇنى وزىمە داڭق سانايمىن. بۇل تابىستار جۇڭگو كوممۋنيستىك پارتياسىنىڭ باسشىلىعى رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى ەكەندىگىن تولىق دالەلدەدى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تاريحي بارىسىندا شەتەلدەگى چياۋمين باۋىرلاستار كوپىرلىك، دانەكەرلىك رول اتقارادى، ٴبىز وتانىمىزدىڭ گۇلدەنۋى، دامۋى ٴۇشىن كۇش ـ قۋات قوسۋدى، وتانىمىز حالقىمەن بىرگە جۇڭگو ۇلگىسىندەگى وسىزامانداندىرۋدىڭ تىڭ تاراۋىن بىرگە جازۋدى قالايمىز“.
رەسەيدىڭ ماسكەۋىنە ورنالاسقان بەرەلاست زات اينالىمى ورتالىعى جۇڭگو _ ەۆروپا كەزەكشى پويەزدارىنىڭ وزەكتى توراپتارىنىڭ ٴبىرى، بىلتىر 2300 كونتينەرلى كەزەكشى پويەزدىڭ جۇمىسى ورىندالىپ، جۇمىس مولشەرى جۇمىس جۇرگىزگەن ٴبىرىنشى جىلى 2020 ـ جىلداعىدان 5 ەسە ارتتى. وسى زات اينالىمى ورتالىعىنىڭ باس ديرەكتورى زوۋ گۋاڭيۇي بىلاي دەدى: باس شۋجي شي جينپيڭنىڭ ٴسوزى وتكەن ٴبىر جىلدا جۇڭگونىڭ ٴتۇرلى ىستەردە قول جەتكىزگەن ۇلى ناتيجەلەرىن ەسكە الدى، ”ٴبىر بەلدەۋ، ٴبىر جولدى“ بىرگە قۇرۋ نىسانىنىڭ ات سالىسۋشىسى رەتىندە، مۇنى شەكسىز ماقتانىش جانە ابىروي سەزىندىم. ”ۇزاق جىل سىرتتا قىزمەت ىستەۋ ماعان وتانىمىزدىڭ ٴبىزدىڭ پارمەندى تىرەگىمىز ەكەندىگىن اناعۇرلىم تەرەڭ سەزىندىردى. وتانىمىزدىڭ قۇدىرەتتەنۋى مەنىڭ سىرتتا قىزمەت ىستەۋدە وزىمە اناعۇرلىم سەنىمدى بولۋىما مۇمكىندىك بەردى، ٴبىزدى اناعۇرلىم قۇلشىنا قىزمەت ىستەپ، وتانىمىزدىڭ گۇلدەنۋى، دامۋى ٴۇشىن ٴوز كۇشىمىزدى قوسۋعا جىگەرلەندىردى.
”باس شۋجي شي جينپيڭنىڭ ٴسوزى ەل ٴىشى ەكونوميكاسىنىڭ، قوعامىنىڭ دامۋىن كوزدەۋمەن بىرگە، جۇڭگونىڭ بۇكىل الەمنىڭ دامۋىنداعى جاۋاپكەرشىلىگى مەن مىندەت ارقالاۋىن دا باسا دارىپتەدى“. كەنيا حۋاچياۋ، حۋارىن بىرلەستىگىنىڭ باستىعى گاۋ ۋي بىلاي دەدى: ”وتكەن ٴبىر جىلدا جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسى جەڭىسپەن اشىلىپ، جۇڭگو _ افريكا قارىم ـ قاتىناسى، جۇڭگو _ كەنيا قارىم ـ قاتىناسى ۇزدىكسىز تەرەڭدەپ، سۇبەلى جەتىستىككە قول جەتكىزدى. ٴبىز افريكادا جۇرگەنىمىزبەن وتانىمىز كوكەيىمىزدە، وتانىمىزدىڭ جاڭا ٴبىر جىلدا گۇلدەنىپ ـ كوركەيۋىن تىلەيمىز، جۇڭگو _ افريكا سەلبەستىگىنىڭ تاعى دا تىڭ ساتىعا كوتەرىلۋىن تىلەيمىز“.
بۇكىل فرانسيا جۇڭگولىق وقىمىستىلار، وقۋشىلار بىرلەستىگىنىڭ ٴتوراعاسى جياڭ يمىڭ بىلاي دەدى: باس شۋجي شي جينپيڭ سوزىندە وتكەن ٴبىر جىلدا جۇڭگونىڭ جوعارى ساپالى دامۋدى تىڭعىلىقتى ىلگەرىلەتىپ، ٴتۇرلى ىستەردى سايكەسە قاتار ىلگەرىلەتۋگە باسا ٴمان بەرگەندىگىن تىلگە تيەك ەتتى، بۇل ماعان تەرەڭ اسەر قالدىردى. مەملەكەتتىڭ گۇلدەنۋى، بايىپ قۇدىرەتتەنۋى جاس ۇرپاقتارعا تاماشا وقۋ جانە تۇرمىس ورتاسىن ازىرلەدى، سونداي ـ اق ولاردىڭ بولاشاق دامۋىنا كەڭ ساحنا ازىرلەدى. ”ٴبىز پاريج وليمپيادا سپورت جارىسىندا شەكارا سىرتىندا جارىسقا قاتىناسۋدا ەڭ تاماشا ناتيجەگە قول جەتكىزگەن جۇڭگو دەنە تاربيە ساڭلاقتارىنان ۇيرەنىپ، ايانباي كۇرەس جاساۋ رۋحىمەن، ٴتىپتى دە كۇشتى جاۋاپكەرشىلىك سەزىممەن جانە بورىشتىلىق سەزىممەن عىلىم ۇيرەنۋگە تالپىنىپ، جۇڭحۋا ۇلتىنىڭ ۇلى گۇلدەنۋىنە جاستىق كۇش ـ قۋاتىمىزدى قوسامىز“.
برازيليا ريودە ـ جانەيرو كاتوليك ٴدىنى داشۋەسى فيزيكا فاكۋلتەتىنىڭ پوست دوكتور اسپيرانتى جاڭ شۋاي وتانىمىزدىڭ دامۋىنا باستان ـ اياق نازار اۋدارىپ كەلدى. ”مەن باس شۋجي شي جينپيڭنىڭ ٴسوزىن مۇقيات وقىپ شىعىپ، ەرەكشە شابىتتاندىم. 2024 ـ جىلى جۇڭگونىڭ ٴىرى ىستەرى، قۋانىشتى ىستەرى تولاستامادى: جاڭا جۇڭگو قۇرىلعاندىعىنىڭ 75 جىلدىعى قۇتتىقتالدى، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى اشىلدى، اۋمىن وتان قۇشاعىنا ورالعاندىعىنىڭ 25 جىلدىعى قۇتتىقتالدى... بىلتىر تاعى جۇڭگو مەن برازيليانىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعى بولدى، كوپتەگەن برازيليالىق ساباقتاستارىمىز جۇڭگوعا قاتتى ىنتىقتى، كەيبىرەۋلەر جۇڭگوعا بارىپ وقىماقشى بولدى. بۇگىنگى تاڭدا جۇڭگو كاسىپورىندارى برازيليانىڭ بارلىق جەرىندە گۇلدەي اشىلىپ، جۇڭگونىڭ جوعارى تەحنولوگيالىق ونىمدەرى برازيليالىقتاردىڭ تۇرمىسىمەن ىشكەرىلەي قابىسىپ، جۇڭگونىڭ ەلەكتروندى ويىندارى برازيليالىق جاستاردىڭ ۇناتۋىنا بولەندى، جۇڭگولىق رەتىندە، ەرەكشە ماقتانىش سەزىندىم. ۇلى وتانىمىزدىڭ گۇلدەنىپ ـ كوركەيۋىن تىلەيمىن!“
سەنىمدى بەكەمدەپ، ايانباي كۇرەس جاسايمىز
باس شۋجي شي جينپيڭ سوزىندە بىلاي دەپ اتاپ كورسەتتى: ٴبىز ايانباي كۇرەس جۇرگىزۋ ارقىلى ٴارقانداي ماشاقات، قيىندىق، قاتەر، كەدەرگىنىڭ بارلىعى جۇڭگو حالقىنىڭ تاماشا تۇرمىسقا تالپىنۋداعى العا باسۋ قادامىن بوگەي المايتىندىعىن، بارلىعى ٴبىزدىڭ مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋدەگى تاريحي ٴۇردىسىمىزدى بوگەي المايتىندىعىن تاعى ٴبىر رەت دالەلدەدىك. تەك نانىم ـ سەنىمدى بەكەمدەۋدەن اۋىتقىماساق، قايشىلىققا، ماسەلەگە تىكە قاراۋدان تايساقتاماساق، حاۋىپ ـ قاتەرگە، سىن ـ سايىسقا توتەپ بەرۋدەن يمەنبەسەك عانا، ٴسوز جوق، رەفورمانىڭ، دامۋدىڭ تىڭ ٴورىسىن اشا الامىز!
”باس شۋجي شي جينپيڭنىڭ ٴسوزى ٴبىز سياقتى شەتەلدە جۇرگەن جۇڭحۋا پەرزەنتتەرىن ەرەكشە شابىتتاندىردى“. جۇڭگو تەمىر جول ينجەنەريا توبى ۆەنگريا _ سەربيا تەمىر جولى نىسانى ديرەكتورلار ٴبولىمىنىڭ ورىنباسار باس ديرەكتورى لۋ حۋايميڭ بىلاي دەدى: ”جۇڭگو مەن ۆەنگريانىڭ ’ٴبىر بەلدەۋ، ٴبىر جولدى‘ بىرگە قۇرۋداعى ٴتۇيىندى سەلبەستىك نىسانى رەتىندە، ۆەنگريا _ سەربيا تەمىر جولى جۇڭگو _ ۆەنگريا دوستىعىنىڭ كوپىرى بولىپ قانا قويماي، ونان دا ماڭىزدىسى، جۇڭگو ولشەمى مەن جۇڭگو اقىل ـ پاراساتىن ايگىلەيتىن ماڭىزدى تۇعىر. وتكەن ٴبىر جىلدا قۇرىلىس ۇجىمىمىز ينجەنەريا شارت ـ جاعدايى كۇردەلى بولۋ سياقتى كوپتەگەن قيىنشىلىقتاردى جەڭىپ، جول تاعانى، رەليس، كوپىر وتكىنى سياقتى قۇرىلىستاردىڭ نەگىزگى تۇلعالىق ينجەنەرياسىن اياقتاتتى. كوكتەم مەرەكەسى كەلسە دە، ۆەنگريا _ سەربيا تەمىر جولىنىڭ تۇتاس جەلىسىندەگى قۇرىلىس توقتاعان جوق، ۇزدىكسىز شايقاس جاساپ، وسى ٴبىر نىساننىڭ بيىل تۇتاس جەلى بويىنشا تۇتاستىرىلۋىنا شىنايى كەپىلدىك ەتەمىز“.
حايشين وڭتۇستىك افريكا ونەركاسىپ باقشاسى تەلەۆيزور زاۆودىنىڭ جۇڭگولىق ينجەنەرى مۋ شيڭ بىلاي دەدى: ”شەتەلدەگى نىساننىڭ الدىڭعى شەپ قىزمەتكەرى رەتىندە، ’ٴبىر بەلدەۋ، ٴبىر جولدى‘ بىرگە قۇرۋ باستاماسىنىڭ جۇڭگو _ افريكا سەلبەستىگىن جەبەۋ، جەر شارىنىڭ وڭتۇستىگىنىڭ دامۋىن، گۇلدەنۋىن ىلگەرىلەتۋ جاقتارىنداعى ماڭىزدى ٴمانىن تەرەڭ سەزىندىم. كوكتەم مەرەكەسىندە وتباسىمداعىلارمەن باس قوسا الماعانىممەن، جات ەل، جات جەردەگى تاباندىلىعىمنىڭ ٴدال ايانباي كۇرەس جاساۋ رۋحى جونىندەگى ەڭ جاقسى تۇسىندىرمە ەكەندىگىن ابدەن بىلەمىن“.
جۇڭگو مەن اراب بىرىككەن امىرلىگىنىڭ جاسىل جىبەك جولىن بىرگە قۇرۋداعى ماڭىزدى سەلبەستىك نىسانى رەتىندە، شاڭحاي ەلەكتر توبى دۋباي ماكتۋم كۇن ەنەرگياسى باقشاسىنىڭ 4 ـ مەرزىمدىك جارىق، جىلۋ، فوتوۆولت بويىنشا ۋنيۆەرسال ەلەكتر تاراتۋ نىسانىنىڭ بارلىق گەنەراتور اگراگاتتارى بىلتىر 2 ـ ايدا ەلەكتر جەلىسىنە قوسىلىپ ەلەكتر تاراتتى ٴارى ساۋدالىق جۇمىس جۇرگىزۋگە كىرىستى. نىسان ديرەكتورى جاۋ حۇي بىلاي دەدى: ”باس شۋجي شي جينپيڭنىڭ ٴسوزى ٴبىزدى سەنىمدى بەكەمدەپ، سىن ـ سايىستارعا تىكە توتەپ بەرۋگە جىگەرلەندىردى. ٴبىز كۇن ەنەرگياسى، سۋتەگى ەنەرگياسى جانە جاسىل مەتانول سياقتى جاڭا ەنەرگيا تەحنولوگيالارىنىڭ حالىقارالىق بازارداعى قولدانىلۋىن ۇزدىكسىز بەلسەنە كەڭەيتىپ، جۇڭگو اقىل ـ پاراساتى ارقىلى اناعۇرلىم كوپ ەلدىڭ جاسىل تيىپ جاڭالاۋىنا كومەكتەسەمىز“.
”باس شۋجي شي جينپيڭنىڭ ٴسوزى سەنىم جانە كۇش جەتكىزىپ، حالىقارالىق جۇڭگو ٴتىلى وقۋ ـ اعارتۋىمەن جانە مادەنيەت اۋىس ـ كۇيىسىمەن شۇعىلداناتىن بارلىق كاسىپتەستەردى جىگەرلەندىردى“. مالايزيا مالايا داشۋەسى كۇڭزى شۋەيۋانىنىڭ جۇڭگو جاق شۋەيۋان باستىعى جاۋ ۋانجىن بىلاي دەدى: ”ٴبىز ۇزدىكسىز تالماي قۇلشىنىپ، تىلدەردى بايلانىستىرۋ، يدەيا جاعىندا ٴوزارا سەنىم ارتۋ، وركەنيەتتەر ٴوزارا ۇلگى الۋ كوپىرىن ورناتۋعا كۇش سالىپ، دۇنيە ٴجۇزى وركەنيەتىنىڭ كوپ ۇيەكتى دامۋىنا جۇڭگو اقىل ـ پاراساتىن قوسامىز“.
كوكتەم مەرەكەسى بوساعالىعىن جاپسىردى، تۇمشالامالى شام ٴىلدى، 3 ـ توپتاعى جۇڭگونىڭ ۆانۋاتۋعا كومەكتەسۋ ەمدەۋ اترەتى تۇرعان جەردە شامدار ٴىلىنىپ، ٴتۇستى تورعىندار جەلبىرەدى. بىلتىر 12 ـ ايدا ۆانۋاتۋدا 7.3 بال جەر سىلكىنگەننەن كەيىن، ەمدەۋ اترەتى دەر كەزىندە قۇتقارۋ ـ كومەكتەسۋگە كىرىسكەن بولاتىن. اترەت باستىعى چىن مۋلەي بىلاي دەدى: باس شۋجي شي جينپيڭنىڭ ٴسوزى اترەت مۇشەلەرىنىڭ الدىڭعى شەپتەن تاپجىلماۋ، باتىلدىقپەن بورىش ارقالاۋ سەنىمىن ونان ارى بەكەمدەدى. ”ٴبىز جەرگىلىكتى ورىنداعى ەمدەۋ دارىندىلارىن باۋلىپ، جەرگىلىكتى ورىننىڭ ەمدەۋ قابىلەتىن جوعارىلاتۋعا قۇلشىنا كومەكتەسىپ، ۆانۋاتۋدىڭ ەمدەۋ جۇيەسىنىڭ باياندى دامۋىنا كۇش ـ قۋات قوسىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە دەم بەرەمىز“.
جۇڭگونىڭ 23 ـ توپتا ليۆانعا بارعان بەيبىتشىلىكتى قورعاۋ قوسىنى قۇرىلىس بولىمشە اترەتىنىڭ باستىعى شيۇڭ چاۋچۇن بىلاي دەدى: كۇن سايىن كۇشەيگەن وتانىمىز حالىقتىڭ باقىتتى تۇرمىس كەشىرۋىنىڭ بەرىك سۇيەنىشى عانا ەمەس ٴارى حالىق ارمياسىنىڭ بورىش اتقارۋىنىڭ پارمەندى تىرەگى. بارلىق بەيبىتشىلىكتى قورعاۋ وفيتسەر ـ اسكەرلەرى باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، وتانىمىزدىڭ دامۋ تابىستارىن قوزعاۋشى كۇش ەتىپ، بەيبىتشىلىكتى قورعاۋ بورىشىن ادالدىقپەن اتقارىپ، ٴىرى ەلدىڭ جاۋاپكەرشىلىك ارقالاۋىن امالياتتا ايگىلەپ، دۇنيە ٴجۇزىنىڭ بەيبىتشىلىگى ٴۇشىن اناعۇرلىم كوپ جۇڭگو كۇش ـ قۋاتىن قوسادى.
ٴورىس اشا العا ىلگەرىلەپ، بىرگە جاڭا تاراۋ جازامىز
2025 ـ جىل _ ” 14 ـ بەسجىلدىق“ جوبا اياقتالاتىن جىل. باس شۋجي شي جينپيڭ مىناداي ىقىلاستى ٴۇمىتىن ورتاعا قويدى: جىلاننىڭ مىڭ شاقىرىم جول باساتىن جىگەرىمەن سەنىمدى بەكەمدەپ، كوكىرەك تولى ۇمىتپەن ٴورىس اشا العا ىلگەرىلەپ، قايسارلىقپەن كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ تىڭ تاراۋىن بىرگە جازۋ كەرەك.
ينتەرنەت ارقىلى باس شۋجي شي جينپيڭنىڭ ٴسوزىن تىڭداعاننان كەيىن، بەيجيڭ قالا قۇرىلىسى توبى مالديۆ اۋەجايىن جاڭالاپ، كەڭەيتىپ سالۋ نىسانىنىڭ ورىنباسار باس ديرەكتورى جاۋ گۋاڭيۇڭ بىلاي دەدى: جۇڭگو _ مالديۆ ەكى ەل باسشىلارىنىڭ تىكە كوڭىل ٴبولىپ ىلگەرىلەتۋىندە، بەيجيڭ قالا قۇرىلىسى توبى ۆەلانا حالىقارالىق اۋەجايى، سۋ ٴۇستى ۇشاق تەرمينالى جانە اۋەجاي ماڭى قوسالقى قۇرىلعىلار سياقتى ٴتۇيىندى نىسانداردى جوعارى ساپالى ورىندادى. ”جاڭا ٴبىر جىلدا ٴبىز باس شۋجي شي جينپيڭنىڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتۋ جونىندەگى تالابىن ارقاۋ ەتىپ، جەرگىلىكتى ورىننىڭ دامۋىنا دەم بەرۋ سىندى جاۋاپكەرشىلىكتى، بورىشتى ۇزدىكسىز شىن مانىندە وتەپ، ’جۇڭگو تانىسقىسىن‘ جارقىراتىپ، جۇڭگو _ مالديۆ دوستىعىن جازۋعا، جۇڭگو مەن دۇنيە ٴجۇزىنىڭ بىرگە دامۋىن جەبەۋگە ۇلەس قوسامىز“.
”باس شۋجي شي جينپيڭنىڭ ٴسوزى ادامدى ەكپىندەي ىلگەرىلەۋگە جىگەرلەندىرەدى“. جۇڭگو گاڭۋان قۇرىلىس (توبى) باس سەرىكتەستىگى ورتا شىعىس ٴوڭىرى باسقارۋ ورتالىعىنىڭ باس ديرەكتورى ياڭ جىيۋان بىلاي دەدى: تەڭىزدەگى پورتتان، كەمەجايدان قۇمدى شولگە، قۇبا تۇزگە دەيىن، ”ٴبىر بەلدەۋ، ٴبىر جولدى“ بىرگە قۇرۋ نىسان قۇرىلىسى دابىرالى ٴجۇرىلىپ، ورتا شىعىستىڭ توپىراعىندا بوياۋى قانىق ٴىز قالدىردى. ” 2025 ـ جىل _ ”14 ـ بەسجىلدىق“ جوبا اياقتالاتىن جىل، سونداي ـ اق جۇڭگو مەن ساۋد ارابياسى ديپلوماتيالىق قارىم ـ قاتىناس ورناتقاندىعىنىڭ 35 جىلدىعى. مەن قىزمەتتەستەرىممەن بىرگە باس شۋجي شي جينپيڭنىڭ تاپسىرماسى بويىنشا، جىلاننىڭ مىڭ شاقىرىم جول باساتىن جىگەرىمەن ٴورىس اشا العا ىلگەرىلەپ، قايسارلىقپەن كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ شەتەل تىڭ تاراۋىن بىرگە جازامىز“.
بەلورۋسسيا جۇڭگو كاسىپورىندارى ساۋدا قوعامىنىڭ باستىعى جاڭ جاۋ بىلاي دەدى: بەرتىنگى جىلدارى، جۇڭگو مەن بەلورۋسسيانىڭ بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم ـ قاتىناسى ورنىقتى دامىپ، ”ٴبىر بەلدەۋ، ٴبىر جولدى“ بىرگە قۇرۋ سەلبەستىگىندەگى ٴتۇيىندى ينجەنەريالار تىڭعىلىقتى ىلگەرىلەتىلىپ، ەكى جاقتى اۋىس ـ كۇيىس كۇن سايىن جيىلەي ٴتۇستى. ”جاڭا ٴبىر جىلدا ٴبىز باس شۋجي شي جينپيڭنىڭ ٴسوزىنىڭ رۋحى بويىنشا، ساۋدا قوعامىنىڭ جالعاستىرۋ، دانەكەر بولۋ رولىن شىن مانىندە ساۋلەلەندىرىپ، بەلورۋسسياداعى جۇڭگو قارجى قوسقان كاسىپورىندارعا ويداعىداي قىزمەت وتەپ، بەلورۋسسيانىڭ ٴارقايسى سالاسىنداعى قايراتكەرلەرمەن بايلانىستى ۇزدىكسىز كۇشەيتىپ، ەكى ەل حالقىنىڭ قۇت ـ ىرىسىن ارتتىرۋعا اناعۇرلىم كوپ ۇلەس قوسامىز“.
كوكتەم مەرەكەسى قارساڭىندا جۇڭگونىڭ ماۋريتانياعا كومەكتەسۋ مال شارۋاشىلىعى تەحنولوگياسى بويىنشا ۇلگى كورسەتۋ ورتالىعىنىڭ مەڭگەرۋشىسى جاڭ حۇڭىن مەن قىزمەتتەستەرى ٴباز ـ باياعىسىنداي قاربالاس بولدى _ ”باقىت ٴشوبى“ ۇلكەن جۇنساۋ، ”جەم ـ ٴشوپ پاتشاسى“ _ اقشىل كوك جوڭىشقا بۇل جەردە جايقالا ٴوستى، تاجىريبە ساۋىن سيىرلارىنىڭ موڭىرەگەن ٴۇنى شەكسىز دە شەتسىز قۇمدى شولگە تىڭ تىرشىلىك تىنىسىن قوستى. جاڭا ٴبىر جىلعا كوز جىبەرگەن جاڭ حۇڭىن بىلاي دەدى: جۇڭگو _ افريكا دوستىق سەلبەستىگى تىڭ باستامادا تۇردى، جۇڭگو _ افريكا مال شارۋاشىلىعى سەلبەستىگىنىڭ ىشكەرىلەي ىلگەرىلەتىلۋىنە ىلەسە، ٴوزىمنىڭ ماۋريتانيا مال شارۋاشىلىعىن دامىتۋداعى تاجىريبەلەرىمدى اناعۇرلىم كوپ افريكا ەلدەرىنە جالپىلاستىرىپ، مەملەكەتتىڭ شەتەلدەرگە كومەكتەسۋ ىستەرى ٴۇشىن بولماشى ۇلەسىمدى قوسىپ، ”ساحارا شولىنە ٴتىپتى دە كوپ جاسىلدىق ارناۋدى“ ٴۇمىت ەتەمىن.
”باس شۋجي شي جينپيڭنىڭ ٴسوزى شەتەلدە وقىپ جاتقان ٴبىز وقۋشىلاردىڭ وتانىمىزدىڭ بولاشاق دامۋى جونىندە كوكىرەك تولى سەنىمدە بولۋىمىزعا مۇمكىندىك جاسادى“. جاپونيا توحوكۋ داشۋەسى اسپيرانتتار شۋەيۋانىندا وقىپ جاتقان وقۋشى ليۋ جىڭ بىلاي دەدى: ”جاڭا ٴبىر جىلدا ٴبىز حالىقارالىق اۋىس ـ كۇيىسكە بەلسەنە ات سالىسىپ، جۇڭگو حيكاياسىن ويداعىداي بايانداپ، جۇڭگو ٴۇنىن ويداعىداي تاراتامىز. باس شۋجي شي جينپيڭنىڭ جانە جۇڭگو كوممۋنيستىك پارتياسىنىڭ باسشىلىعىندا، جالپى جۇڭحۋا پەرزەنتتەرىنىڭ بىرگە قۇلشىنۋىندا جۇڭحۋا ۇلتىنىڭ ۇلى گۇلدەنۋى سىندى ارماننىڭ، ٴسوز جوق، جۇزەگە اساتىندىعىنا سەنەمىز!“
(شينحۋا اگەنتتىگىنىڭ 1 ـ ايدىڭ 29 ـ كۇنى بەيجيڭنەن بەرگەن حابارى)
