1 - ايدىڭ 29 - كۇنى ءار ۇلت بۇقاراسى مەرەكەلىك ويىن - ساۋىق قويۋدا. سول كۇنى لوپ اۋدانى ”جىلان جىلىندا مەرەكەنى تويلاۋ، قۇت ۇيىعان ويىن - ساۋىق دۋمانى“ قيمىلىن وتكىزدى، بۇكىل اۋداننان 28 مەرەكەلىك ويىن - ساۋىق اترەتى تاماشا مەرەكەلىك ويىن - ساۋىق قويىپ، كوكتەم مەرەكەسىن بىرگە تويلادى.
□ سۋرەتتى مامەتالي ءانۋار تۇسىرگەن
1 - ايدىڭ 29 - كۇنى قالا تۇرعىندارى ءۇرىمجى حۇڭگۋاڭشان كورىنىس وڭىرىندە قولونەر بۇيىمدارىن تاڭداپ ساتىپ الۋدا. كوكتەم مەرەكەسىنىڭ 1 - كۇنى، كوپتەگەن قالا تۇرعىندارى وسى اراعا كەلىپ ساياحاتتاپ، سەرۋەندەپ، قويۋ مەرەكەلىك لەپتى سەزىندى.
□ سۋرەتتى سۇن جىنسۇڭ تۇسىرگەن
1 - ايدىڭ 28 - كۇنى قالا تۇرعىندارى ءۇرىمجى قالاسى شيداچياۋ كوپىرىندە ەستەلىك سۋرەتكە تۇسۋدە. ءتۇن پەردەسى تارتىلعاندا، ءۇرىمجى قالاسىنىڭ ۇلكەن - كىشى كوشەلەرىندە شام - شىراقتار جايناپ، كوزدىڭ جاۋىن الاتىن ءتۇرلى - ءتۇستى شام ساۋلەسى تۇنگى اسپاندى نۇرلاندىردى.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
1 - ايدىڭ 28 - كۇنى قىزمەت اتىرەتىنىڭ مۇشەلەرى مەن قىستاق تۇرعىندارى بىرگە 福 ءارىبىن جاپسىرۋدا. سول كۇنى ءۇشتۇرپان اۋداندىق پارتكوم ۇگىت ءبولىمىنىڭ اشاتاق اۋىلى توقسۇنتەتىر قىستاعىندا تۇراتىن قىزمەت اتىرەتىنىڭ مۇشەلەرى مەن قىستاق كادرلارى بىرگە قىستاقتاعى ”ءتورت ءتۇرلى قارتتارعا“ امانداسا بارىپ، كوكتەم مەرەكەسىن بىرگە وتكىزدى.
□ سۋرەتتى ءۋالي قيۇم تۇسىرگەن
1 - ايدىڭ 30 - كۇنى قالا تۇرعىندارى ءۇرىمجى اۋدانى شۇيشيگوۋ قالاشىعى شيانلاي شاعىن قالاشىعى كۋانزاي شياڭزى مادەنيەت - ساياحات جاياۋلار كوشەسىندە سەيىلدەۋدە. كوكتەم مەرەكەسى دەمالىسىندا ءۇرىمجى قالاسىنىڭءارقايسى تۇتىنۋ الاڭدارىندا ادامدار قايشالىسىپ، دەمالىس ەكونوميكاسى تەبىندەي ءتۇستى.
□ سۋرەتتى چىن يان تۇسىرگەن
1 - ايدىڭ 29 - كۇنى باركول قازاق اۆتونوميالى اۋدانى ”مىڭ ادامدىق حوگو قوناعاسى“ قيمىلىن وتكىزدى، كوپشىلىك ءبىر اراعا جينالىپ، ءدامدى تاعامنان ءدام تارتتى.
□ سۋرەتتى پولات نياز تۇسىرگەن
1 - ايدىڭ 29 - كۇنى بالاقايلار ارال قالاسىنداعى ساۋىق - سايران باقشاسىندا استىقتان ءمول ءونىم الۋ قۋانىشىن سەزىنۋدە. كوكتەم مەرەكەسى كەزىندە كوپتەگەن اتا - انالار بالالارىن وسى اراعا ەرتىپ كەلىپ، ولارعا ەڭبەك شەبەرلىگىن ۇيرەتىپ، ەڭبەك شاتتىعىن سەزىندىردى.
□ سۋرەتتى ۋاڭ جىچيڭ تۇسىرگەن
انار بۇلت \ شينجياڭ گازەتىنىڭ ءتىلشىسى رىن جياڭ
كوكتەم مەرەكەسى كەلدى، ەل شات - شادىمان، بەرەكەلى. تيانشان الابىنىڭ جەر - جەرىنەن شاتتىقتىڭ، بەرەكەنىڭ لەبى ەستى.
التاي تاۋىنىڭ، تيانشان تاۋىنىڭ باۋرايى سۋرەتتەگىدەي كۇمىس كورپە جامىلىپ، كوشەلەردە ءتۇرلى - ءتۇستى شامدار جايناپ، قىزىل شامدار قۇس جولىنداي قىزارا كوزگە تۇسەدى. ادامدار دۋماندى كوشەلەردە ارلى - بەرلى قايشالىسىپ، قويۋ مەرەكەلىك دۋمانعا شومىپ، جۇزدەرىنەن باقىت كۇلكىسى ەستى، تاكلاماكان ءشولىنىڭ جيەگىندەگى جاسىل القاپتارعا كوكتەم لەبى جەتىپ ۇلگىردى. ادامدار شاتتىقپەن باس قوسىپ، مەرەيلى مەرەكەنى بىرگە تويلادى، ويناقى ءان - بيلەر تاسقىن سۋداي جوڭكىلىپ، بايتاق دالانىڭ ساي - سالاسىنا جەتتى.
اۋادا تورسىلداق اتىلعاننان كەيىن، ودان قالعان ءيىس ۇزاققا دەيىن كەتە قويمايدى، ول مەرەكەنىڭ ءيىسى. بارلىق وتباسىنىڭ اس ۇيلەرىندە وشاقتا وت لاۋلاپ، استىڭ بۋى بۇرقىرايدى، ول ادامداردىڭ جاڭا كوكتەمگە دەگەن ىزگى تىلەگى. قانىق قىزىل بوساعالىقتا ايداعار ويناقتاپ، سامۇرىق بيگە باسىپ، ءاربىر ارىپتەرىنەن قۋانىش پەن ىستىق ىقىلاس مەن مۇندالاپ، بارلىق وتباسىنىڭ جاڭا جىلعا شىنايى تالپىنىسىن ايشىقتايدى. جارقىلداقتار تۇنگى اسپاندا الۋان رەڭمەن كوز تارتىپ، قيالداعى كارتيناداي جايىلىپ، ءاربىر ادامنىڭ جۇزدەرىن بال - بۇل جايناتتى ءارى ادامداردىڭ بولاشاق جونىندەگى شەكسىز تىلەگى مەن ءۇمىتىن دە تۇتاندىردى.
تيانشان الابىندا كوكتەم مەرەكەسىندەگى سالتاناتتى كورىنىس ولەڭ - جىرلارداعىداي، كوركەم سۋرەتتەگىدەي كورگەن جاننىڭ بويىن بالقىتىپ، قيماستىق سەزىمىنە بولەيدى. كوكتەم مەرەكەسى − جۇڭحۋانىڭ ءداستۇرلى مەرەكەسى، ەڭ شىنايى ىزگى تىلەكتەردى ارقالاعان، وندا ادامداردىڭ تاماشا تۇرمىسقا دەگەن شەكسىز ارمانى مەن تاباندى تالپىنىسى بار. ءاربىر تىلەكتىڭ ءبارى تۇرمىسقا دەگەن ەڭ تاماشا ماداق جىرىنداي اسەرلى جىر تاراۋى بولىپ توعىسىپ، ماڭگى ادامداردىڭ كوڭىل تۇكپىرىندە قالادى.
