تيانشان تورى
تيانشان تورى   ›   جاڭالىقتار   ›   ماڭىزدى حابارلار

وتباسىنا، وتباسى تاربيەسىنە، وتباسى سالتىنا باسا ٴمان بەرەيىك

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

وتباسىنا، وتباسى تاربيەسىنە، وتباسى سالتىنا باسا ٴمان بەرەيىك

  شينحۋا اگەنتتىگىنىڭ 1 ـ ايدىڭ 31 ـ كۇنى بەيجيڭنەن بەرگەن حابارى. 2 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 3 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ 2016 ـ جىلى 12 ـ ايدىڭ 12 ـ كۇنى 1 ـ كەزەكتى مەملەكەتتىك وركەنيەتتى وتباسى ۋاكىلدەرىمەن كەزدەسكەندە سويلەگەن ٴسوزىنىڭ «وتباسىنا، وتباسى تاربيەسىنە، وتباسى سالتىنا باسا ٴمان بەرەيىك» اتتى ٴبىر بولىگىن جاريالايدى.

  ماقالادا مىنالار باسا دارىپتەلدى: جۇڭحۋا ۇلتى ەجەلدەن وتباسىنا ايرىقشا كوڭىل بولگەن. ۇلكەندى سيلاۋ، كىشىنى ايالاۋ، ايەل اقىلدى، ەر ساباز بولۋ، انا مەيىربان، بالا وپالى بولۋ، اعا باۋىرمال، ٴىنى يبالى بولۋ، ٴبىلىمدى دە ەڭبەكشىل بولۋ، كىتاپ وقۋ ارقىلى ٴبىلىم الۋ، ۇقىپتىلىقپەن ٴۇي ۇستاۋ، ٴبىلىمدى دە ادەپتى بولۋ، زاڭ ـ تارتىپكە بويسۇنۋ، وتباسى تاتۋ بولسا، بارلىق ٴىس وڭىنا باسادى دەيتىن جۇڭحۋا ۇلتىنىڭ ٴداستۇرلى وتباسىلىق اسىل قاسيەتى _ جۇڭحۋا ۇلتىنىڭ توقتاۋسىز ٴوسىپ ـ ٴونىپ، كوگەرىپ ـ كوكتەۋىندەگى ماڭىزدى رۋحاني كۇش، وتباسىلىق وركەنيەت قۇرىلىسىنداعى قۇندى رۋحاني قازىنا. زامان قالاي وزگەرىپ، ەكونوميكا مەن قوعام قالاي دامىسا دا، وتباسىنىڭ بەلگىلى ٴبىر قوعامدا ورنىن باسۋعا بولمايتىن تىرشىلىك تىرەگى، قوعامدىق فۋنكتسياسى، وركەنيەتتىك رولى بولادى. ٴبىز وتباسىلىق وركەنيەت قۇرىلىسىنا ايرىقشا ٴمان بەرۋىمىز، بارشا وتباسىلارىن مەملەكەتتىڭ دامۋىنىڭ، ۇلتتىڭ العا باسۋىنىڭ، قوعامنىڭ جاراسىمدىلىعىنىڭ ماڭىزدى تياناعى ەتۋگە، ادامداردىڭ ارمانعا تالپىناتىن تۇراعىنا اينالدىرۋعا قۇلشىنۋىمىز كەرەك.

  ماقالادا مىنالار اتاپ كورسەتىلدى: كوپشىلىكتىڭ وتباسىنا ٴمان بەرۋىن ٴۇمىت ەتەمىن. وتباسى _ قوعامنىڭ كلەتكاسى. وتباسى جاراسىمدى بولسا، قوعام تىنىش بولادى، وتباسى باقىتتى بولسا، قوعام بەرەكەلى بولادى، وتباسى وركەنيەتتى بولسا، قوعام وركەنيەتتى بولادى. وتباسىنىڭ بولاشاعى مەن تاعدىرى مەملەكەت پەن ۇلتتىڭ بولاشاعىمەن، تاعدىرىمەن تىعىز بايلانىستى. سان مىڭداعان وتباسىنىڭ بارلىعى جاقسى بولعاندا عانا، مەملەكەت جاقسى بولادى، ۇلت جاقسى بولادى. مەملەكەتتىڭ بايىپ ـ قۇدىرەتتەنۋى، ۇلتتىڭ گۇلدەنۋى، حالىقتىڭ باقىتتى بولۋى ابستراكت ۇعىم ەمەس، سايىپ كەلگەندە، ول سان مىڭداعان وتباسىنىڭ باقىتتى، شات ـ شادىمان ومىرىنەن، كۇللى حالىقتىڭ كۇن سايىن جاقسارعان تۇرمىسىنان بەينەلەنەدى. سونىمەن قاتار مەملەكەت، ۇلت جاقسى بولعاندا عانا، وتباسى جاقسى بولادى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرعاندا عانا، وتباسى ارمانى ورىندالادى. بارشا وتباسى وتباسىن ٴسۇيۋ مەن وتاندى ٴسۇيۋدى بىرلەستىرىپ، وتباسى ارمانىن جۇزەگە اسىرۋدى ۇلت ارمانىمەن توعىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تەلەگەي كۇشىن توپتاۋ كەرەك.

  ماقالادا مىنالار اتاپ كورسەتىلدى: كوپشىلىكتىڭ وتباسى تاربيەسىنە ٴمان بەرۋىن ٴۇمىت ەتەمىن. وتباسى — ادام ٴومىرىنىڭ ٴبىرىنشى ساباقحاناسى، اتا ـ انا — بالانىڭ ٴبىرىنشى ۇستازى. وتباسى تاربيەسىندە، ەڭ ماڭىزدىسى، ٴمورال تاربيەسى، قالاي ادام بولۋ تاربيەسى. اتا ـ انا جانە وتاعاسى رەتىندە، تاماشا ٴمورال كوزقاراسىن بالاعا كىشكەنتايىنان ٴسىڭىرىپ، ولاردى ار ـ ۇجداندى جانە جىگەرلى بولۋعا جەتەكتەپ، ولاردىڭ تازا، كىرشىكسىز جان دۇنيە قالىپتاستىرۋىنا كومەكتەسىپ، اقاۋسىز ەسەيىپ ـ ەرجەتۋىن، ەسەيگەن سوڭ مەملەكەت پەن حالىققا جارامدى ادام بولۋىن جەبەۋ كەرەك. بارشا وتباسى سوزىمەن ۇيرەتۋگە ٴمان بەرىپ، ونەگەسىمەن تاربيەلەۋگە ٴمان بەرىپ، ٴبىلىم بەرىپ، ٴمورالىن جەتىلدىرىپ، بالانىڭ ومىردەگى ٴبىرىنشى تۇيمەسىن ويداعىداي تۇيمەلەۋىنە، ٴومىرىنىڭ العاشقى تابالدىرىعىن جاقسى اتتاۋىنا كومەكتەسۋ كەرەك. وتباسىندا سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، وتباسى مۇشەلەرىن، اسىرەسە، ۇرپاقتاردى پارتيانى قىزۋ سۇيۋگە، وتاندى قىزۋ سۇيۋگە، حالىقتى قىزۋ سۇيۋگە، جۇڭحۋا ۇلتىن قىزۋ سۇيۋگە جەتەكتەۋ كەرەك. جۇڭحۋا ۇلتىنىڭ ٴداستۇرلى تاماشا ٴمورالىن بەلسەنە تاراتىپ، ادامداردىڭ وتباسىنىڭ باقىتىن كوزدەۋ، وزگەلەرگە مەيىر جەتكىزۋ، قوعامعا ۇلەس قوسۋ بارىسىندا رۋحاني دەڭگەيىن جوعارىلاتۋىن، وركەنيەتتى سالت جەتىلدىرۋىن ىلگەرىلەتۋ كەرەك.

  ماقالادا مىنالار اتاپ كورسەتىلدى: كوپشىلىكتىڭ وتباسى سالتىنا ٴمان بەرۋىن ٴۇمىت ەتەمىن. وتباسى سالتى _ قوعامدىق سالتتىڭ ماڭىزدى قۇرامداس بولىگى. وتباسى ادامداردىڭ تۇراعى عانا ەمەس، ونان دا ماڭىزدىسى، جان دۇنيەسىنىڭ تياناعى. بارشا وتباسى تاڭداۋلى وتباسى سالتىن اسقاقتاتىپ، سان ميلليونداعان وتباسىنىڭ تاماشا وتباسى سالتى ارقىلى تۇتاس قوعامنىڭ تاماشا سالتىنا تىرەك بولۋى كەرەك. اسىرەسە، ٴار دارەجەلى باسشى كادرلار باستاماشىلدىقپەن وتباسى سالتىن ويداعىداي يگەرىپ، جۇڭحۋانىڭ تاڭداۋلى ٴداستۇرلى مادەنيەتىن جالعاستىرىپ جانە اسقاقتاتىپ، توڭكەرىسشىل اعا بۋىنداردىڭ قىزىل وتباسى سالتىن جالعاستىرىپ جانە اسقاقتاتىپ، وتباسى سالتى قۇرىلىسىنىڭ ۇلگىسى بولىپ، تۋىس ـ تۋعاندارىنا، پەرزەنتتەرىنە قاتاڭ تالاپ قويىپ، تۋىسقاندىق سۇيىسپەنشىلىك وتكەلىنەن سۇرىنبەي ٴوتۋى كەرەك.

  ماقالادا مىنالار باسا دارىپتەلدى: ٴار دارەجەلى پارتكومدار مەن ۇكىمەتتەر باسشىلىق جاۋاپكەرشىلىگىن ارقالاپ، جۇمسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمدار وتباسى وركەنيەت قۇرىلىسى قيمىلىن بەلسەنە ۇيىمداستىرۋى، ورىستەتۋى، ٴارقايسى جاقتار قىزۋ ىنتامەن تۇرمىسىندا قيىنشىلىعى بار وتباسىلارعا كوڭىل ٴبولۋى جانە كومەكتەسۋى، رۋحاني وركەنيەت قۇرىلىسى قىزمەت تاراۋلارى ٴبىر تۇتاس جوسپارلاۋ، سايكەستىرۋ، جەتەكىشلىك ەتۋ، قۋزاۋ رولىن ساۋلەلەندىرىپ، قوعامنىڭ ٴار سالاسىن كەڭ كولەمدە ات سالىسۋعا جۇمىلدىرىپ، وتاندى سۇيەتىن، وتباسىن سۇيەتىن، ٴبىرىن ـ ٴبىرى ايالايتىن، ٴبىر ـ بىرىنە مەيىربان بولاتىن، ورگە ۇمتىلىپ، ىزگىلىككە تالپىناتىن، بىرگە قۇرىپ، بىرگە يگىلىكتەنەتىن سوتسياليستىك وتباسى وركەنيەتتى جاڭا سالتىنىڭ قالىپتاسۋىن ىلگەرىلەتۋ كەرەك.

جاۋاپتى رەداكتور : 努尔波拉提·哈布勒

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.