تيانشان تورى
تيانشان تورى   ›   جاڭالىقتار   ›   شينجياڭ حابارلارى

”ەرىكتىلەر قىزىلى“ مەرەكەلىك لەپتى اناعۇرلىم كۇشەيتتى

      انار بۇلت \ شينجياڭ گازەتىنىڭ ٴتىلشىسى يۇي شي

  ”كاريا، جاڭا جىلىڭىز قۇتتى بولسىن! لاعمان اكەلدىم، ىستىقتاي جەپ الىڭىز“. 1 ـ ايدىڭ 30 ـ كۇنى شايار اۋدانى شايار قالاشىعى تۋانجيە الەۋمەتتىك اۋماعىنىڭ ەرىكتىسى ياڭ فىڭ جالعىز تۇراتىن قارت زيادام يمىنگە تۇسكى اس اكەلدى.

  ”جارايدى، جارايدى، جاپا شەكتىڭ، ساعان شىنىمەن العىس ايتامىن“. تاماقتىڭ ٴيىسى مۇرنىنا كەلىپ زيادام جادىراي جاۋاپ قايتاردى.

  كوكتەم مەرەكەسى كەزىندە شايار قالاشىعىنىڭ بارلىق جەرىنەن شات كۇلكىلەر ەسىپ، كوڭىلدى دە بەرەكەلى رايعا تولدى. 80نەن استام ەرىكتىلەر قوسىنى، 1000عا جۋىق ەرىكتى الەۋمەتتىك اۋماقتاردا، بازارلاردا، كوشەلەردە بەلسەندىلىك كورسەتىپ، ٴار ٴتۇرلى ەرىكتى قىزمەت وتەۋ قيمىلدارىن بەلسەنە ورىستەتتى. اشىق تا ادەمى ”ەرىكتىلەر قىزىلى“ مەرەكەلىك لەپتى اناعۇرلىم قويۋ، كوكتەم مەرەكەسىن اناعۇرلىم مەيىرلى ەتتى.

  تۋانجيە الەۋمەتتىك اۋماعىندا كوپتەگەن جالعىز باستى قارتتار مەن ۇيدە جالعىز قالعان قارتتار بار، قارتتارعا مەرەكەلىك مەيىردى سەزىندىرۋ ٴۇشىن، وسى الەۋمەتتىك اۋماقتاعى 50دەن استام ەرىكتى ىرىقتى تۇردە قارتتارمەن بىرگە جاڭا جىلعا قاراعان تۇنگى اس ٴىشىپ، كوكتەم مەرەكەسى بوساعالىعىن جاپسىردى، سونىمەن بىرگە وزدىكتەرىنەن كەزەكشىلىك ورنالاستىرىپ، ٴجۇرىس ـ تۇرىسى قولايسىز 18 قارتقا كەزەكپەن تاماق جەتكىزىپ تۇردى.

  87 جاستاعى جالعىز باستى قارت ٴرابيام ٴراشيتتىڭ اسقازانى جاقسى ەمەس ەدى، ەرىكتى ٴسۇبينۇر ٴيمىر ٴار كۇنى ەرتەدەن اس ازىرلەپ، قارتقا ٴار ٴتۇرلى تاماق جاساپ اپارىپ تۇردى. پالاۋ، كوجە، چاۋميان، ۇسكىرىك اياز بولسا دا، ول دەر كەزىندە ٴرابيامنىڭ ۇيىنە بارىپ، كارياعا ىستىق تاماق ىشكىزدى. ”كوكتەم مەرەكەسى كەزىندە قارتتار تىپتەن جالعىزسىرايدى، ٴبىز ولار ٴۇشىن جۇگىرىپ، ولارعا قوعامنىڭ قامقورلىعى مەن مەيىرىن سەزىندىرسەك، ٴوزىمىز دە قۋانىپ قالامىز“، ـ دەدى ٴسۇبينۇر.

  ”تەلەگراف الدامشىلىعىنان ساقتانۋ قيىن ەمەس، بەرمەسەڭىز، الماساڭىز، الدانبايسىز“... 1 ـ ايدىڭ 30 ـ كۇنى شايار قالاشىعى چاۋياڭ الەۋمەتتىك اۋماعى يىنچياۋ ۇلكەن بازارى كەشكى بازارىندا انار گۇلى ادەبيەت ـ كوركەمونەر كونسەرت اترەتىنىڭ ەرىكتىلەرى الدامشىلىققا قارسى تۇرۋ ۇگىتىمەن كوكتەم مەرەكەسى دەمالىسىنداعى ەرىكتى قىزمەت وتەۋلەرىن باستادى. وسى كونسەرت اترەتى شايار قالاشىعىندا ادامعا قانىق، جەرگە قانىق، جاعدايعا قانىق، تۇرعىنداردىڭ ٴبارى ولاردىڭ كونسەرتىن كورگەندى ۇناتادى. ”بەلگىسىز تەلەفوندارعا، ٴسوزسىز، قىراعى بولىڭىز، شىنىمەن ٴجىپ تاعا الماساڭىز، بىزگە تەلەفون جالعاڭىز!“ ۇگىت قيمىلىندا ٴبىر ەرىكتى تۇرعىندارعا ىقىلاسپەن وسىلاي دەپ تاپسىرىپ جاتتى.

  انار گۇلى ادەبيەت ـ كوركەمونەر كونسەرت اترەتى 2021 ـ جىلى قۇرىلعان، جيىنى 40 مۇشەسى بار. 3 جىلدان استام ۋاقىتتان بەرى، وسى كونسەرت اترەتى شايار قالاشىعىنداعى 10 الەۋمەتتىك اۋماقتاعى 60تان استام شاعىن اۋماقتا، سونداي ـ اق مەكتەپ، كاسىپورىن، اۋىل ـ قىستاق سياقتى جەرلەردە الەۋمەتتىك يگىلىك كونسەرتتەرىن قويىپ، ٴبىر جىلدا 100 نەشە رەت كونسەرت قويدى.

  ”وسى 1 _ 2 كۇندە ٴبىز ۋاقىتىمىز بولسا بولدى بىرگە اقىلداسىپ، جاتتىعىپ، جاڭا باعدارلامالاردى كوبەيتۋگە تالپىنىپ، بىرنەشە ماعىنالى كومەديا قوسىپ، بۇقارانىڭ كوڭىلىنەن شىعۋعا قۇلشىندىق“. انار گۇلى ادەبيەت ـ كوركەمونەر كونسەرت اترەتىنىڭ باستىعى اسقار عوپۇر بىلاي دەدى: قازىر ەرىكتىلەر قوسىنىنا قوسىلىپ، بىزبەن بىرگە نەگىزگى ساتىنىڭ مادەنيەت تۇرمىسىن بايىتۋدى قالايتىن جاستار بارعان سايىن كوبەيدى.

  يىنچياۋ ۇلكەن بازارى كەشكى بازارىندا ٴار كۇنى 3000 شاقتى ادام كەلىپ ـ كەتەدى، كوپشىلىك انار گۇلى ادەبيەت ـ كوركەمونەر كونسەرت اترەتىنىڭ اتىنا ابدەن قانىق. سول كۇنى ٴبي، ٴان، كومەديا، كۋايبان، سيقىر ويىنى سياقتى ويىندار كورسەتىلدى... اترەت مۇشەلەرىنىڭ ٴبارىنىڭ ەرەكشە ونەرلەرى بار، ٴاربىر ويىن ٴنومىرىنىڭ ٴبارى كورەرمەندەردى دۋمانعا بولەيدى. اترەت مۇشەسى ليساحان قاسىم يۇيجۇي تەاترىن ايتا الادى، كۋايبان قاعا بىلەدى، ول ساحناعا شىعىسىمەن كەشكى بازاردا سەيىلدەپ جۇرگەن تۇرعىندار قۋانعاندارىنان شاپالاق سوعىپ، وعان دەم بەرە جونەلدى. ”گريمدەنۋدەن ويىن كورسەتۋگە دەيىن ارالىقتا نەشە ساعات وتەدى. كوپشىلىك ٴبىر ـ بىرىنە كومەكتەسىپ، كونسەرت جابدىقتارىن دايىندايدى، بىردە ـ بىرەۋى شارشادىق دەمەيدى، تەك قۋانىشتى عانا ويلايدى“، ـ دەدى ليساحان.

  قاتىناس حاۋىپسىزدىگى وتباسىلاردىڭ باقىتىنا سايادى. كوكتەم مەرەكەسى كەزىندەگى ادامدار لەگىنىڭ، كولىكتەر اعىنىنىڭ ارتۋ جاعدايىنا بەلسەنە توتەپ بەرۋ ٴۇشىن، شايار قالاشىعى ميڭجۋ الەۋمەتتىك اۋماعى ەرىكتىلەردى بەلگىلەنگەن ورىندا كەزەكشىلىك ىستەۋگە ۇيىمداستىرۋ ٴادىسىن قولدانىپ، ٴاربىر جول بولىكتەرىندە قاتىناس جولىن اشىپ تۇردى.

  ”سالەمەتسىز بە، ەلەكتروسيكل مىنگەن ەكەنسىز، موتورسىز كولىكتەر جولىمەن ٴجۇرىڭىز“، ”اپاي، ەلەكتروسيكل مىنگەندە حاۋىپسىزدىك دۋلىعاسىن كيمەگەنىڭىز حاۋىپتى عوي” .“سالەمەتسىز بە، ادام جۇرەتىن الا سىزىقپەن ٴجۇرىڭىز“... 1 ـ ايدىڭ 30 ـ كۇنى گۇلنۇر احمەت، ٴماريام ماحمۇت قاتارلى ەرىكتىلەر كوشەگە شىعىپ، ادامدارعا باعدار شامنان الباتى ٴوتۋ، كەرى باعىتتا ٴجۇرۋ، قاعيداعا قايشىلىق جاساپ قالىپتان تىس ادام سالۋ، اۆتوكولىكتى بەتالدى توقتاتۋ سياقتى وركەنيەتسىز قاتىناس ارەكەتتەرىنىڭ زيانىن ايتىپ ۇگىت جۇرگىزدى.

  گۇلنۇر مەن ٴماريام ەكەۋى دە ميڭجۋ الەۋمەتتىك اۋماعىنىڭ ەرىكتىلەرى. ولار الەۋمەتتىك اۋماقتاعى 100دەن استام ەرىكتىمەن بىرگە كوكتەم مەرەكەسىندەگى حاۋىپسىز، وركەنيەتتى ٴجۇرىس ـ تۇرىس قاتىناس امالياتى قيمىلىن بىرگە باستادى. اماليات قيمىلىنىڭ اناعۇرلىم تىڭعىلىقتى بولۋىنا مۇمكىندىك جاساۋ ٴۇشىن، گۇلنۇر مەن ٴماريام قوعام حاۋىپسىزدىگى قاتىناس ساقشىلارىنان ارنايى كەڭەس سۇراپ، قاتىناس ەرىكتىلەرىنىڭ قىزمەت جاۋاپكەرشىلىگى، جۇمىس ورنىنداعى وركەنيەتتى سوزدەر، سونداي ـ اق جۇرگىنشىلەر مەن اۆتوكولىكتەردىڭ وركەنيەتسىز ارەكەتتەرىنە قاراتا ٴجون سىلتەۋ توڭىرەگىندە كوپتەگەن جاقتاردان ۇيرەنۋ جۇرگىزدى. ”قاتىناسقا قاتىناسۋشىدان قاتىناس بويىنشا ٴجون سىلتەۋشى بولۋعا دەيىن اماليات بارىسىندا قاتىناس حاۋىپسىزدىگىنىڭ ماڭىزدىلىعىن اناعۇرلىم سەزىندىم، وسى كوكتەم مەرەكەسى وتە ٴماندى بولدى“، ـ دەدى گۇلنۇر.

  ورەندەر مەن بالالار ٴۇشىن كىتاپ وقۋ، قولونەر بۇيىمدارىن جاساۋ قيمىلدارىن ورىستەتتى، مۇگەدەكتەرگە سۋ، ەلەكتر، گاز حاۋىپسىزدىگى بىلىمدەرىن ٴتۇسىندىردى، وتباسى ايەلدەرى ٴۇشىن ازىق ـ تۇلىك حاۋىپسىزدىگى بويىنشا عىلىم جالپىلاستىرۋ قيمىلدارىن ورىستەتتى... ”كوكتەم مەرەكەسى كەزىندە شايار قالاشىعىنداعى ەرىكتىلەر تاسقىنداعان ىنتامەن تۇرعىندارعا جان ـ جاقتى قىزمەت وتەدى“، ـ دەدى شايار قالاشىعىنىڭ ورىنباسار باستىعى جوۋ جيە.

جاۋاپتى رەداكتور : 努尔波拉提·哈布勒

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.