تيانشان تورى
تيانشان تورى   ›   جاڭالىقتار   ›   شينجياڭ حابارلارى

جۇڭگولىق شوفەردىڭ مەيىرگە تولى ۇيگە قايتۋ جولى

دولاتى شەكارا وتكەلىندە

جۇڭگولىق شوفەردىڭ مەيىرگە تولى ۇيگە قايتۋ جولى

انار بۇلت \ شينجياڭ گازەتىنىڭ ٴتىلشىسى سۇڭ ۋيگو

  ٴبىر كەسە دايار كەسپە، ٴبىر قۇمىرا مينەرال سۋ مۋ فۋميننىڭ ەلگە قايتىپ كەلگەننەن كەيىنگى ٴبىر ۋاققى مەيىرگە تولى اسى بولدى.

  40 جاستان اسقان مۋ فۋميننىڭ ٴۇيى حىنان ولكەسىنىڭ جىڭجوۋ قالاسىندا، ول جىڭجوۋ حۇڭي تاسىمال شەكتى سەرىكتەستىگىنىڭ ۇزاق جولدى شوفەرى. تاياۋدا ول باسقا 11 ۇزاق جولدى شوفەرمەن بىرگە وزبەكستانعا 5G بازالىق ستانسيا ماتەريالدارىن تاسىمالداۋ قىزمەتىن اياقتاتىپ، دولاتى شەكارا وتكەلىنەن شەكارادان كىرگەن.

  ”بۇل رەت ۇيگە قايتۋ وڭايعا سوقپادى، اۆتوكولىكتەگى ازىق ـ تۇلىكتەردى تۇگەل جەپ بولدىق، ٴبىر ٴتاۋىرى دولاتى شەكارادان كىرۋ ـ شىعۋ شەكارالىق قورعانىس تەكسەرۋ پۋنكتىندە مىندەت وتەپ جۇرگەن حالىق ساقشىلارى بىزگە ىستىق سۋ جانە ازىق ـ تۇلىك اكەلىپ بەردى. مەملەكەت قاقپاسىن كورگەن ساتتە كوڭىلىم ورنىعىپ، ۇيگە جەتتىم ـ اۋ دەدىم“، ـ دەدى مۋ فۋمين.

  ەكى جىلدىڭ الدىندا مۋ فۋمين ەل ارالىق تاسىمال قىزمەتىمەن شۇعىلدانا باستادى، گۋاڭجوۋ، جىڭجوۋ سياقتى جەرلەردەن جۇك اۆتوموبيلىمەن زات تاسىپ، باتىستى بەتكە الىپ، قورعاس شەكارا وتكەلىنەن نەمەسە ەركەشتام شەكارا وتكەلىنەن شەكارادان شىعادى، ٴار جولى شەتەلگە زات تاسىمالداعاندا بارىپ كەلۋگە 10 مىڭ كيلومەتردەن استام جول باسادى، ەڭ الىس بولعاندا، اۋەلى، ٴبىر بارىپ كەلگەندە 20 مىڭ كيلومەتردەن استام جول باسادى.

  ۋاقىتتى ۇتۋ ٴۇشىن، ادەتتە، ەكى ۇزاق جولدى شوفەر ٴبىر اۆتوكولىك جۇرگىزەدى، مەيلى ەل ىشىندە بولسىن، الدە شەتەلدە بولسىن، ادام دەمالسا دا اۆتوكولىك دەمالمايدى. ٴبىراق وسى رەت كوكتەم مەرەكەسى تاياپ قالعاندىقتان، كەيبىر ۇزاق جولدى شوفەرلەر ۇيىنە قايتىپ كوكتەم مەرەكەسىن وتكىزبەكشى بولدى، سونىمەن وسى رەتكى حالىقارالىق تاسىمالدىڭ شوفەرلەرى جايشىلىقتاعىدان ازايدى. ”بۇل زاتتار شۇعىل قاجەت بولدى، مولشەرى دە مول، ٴبىز 12 اۆتوكولىكتەن ٴبىر اۆتوكولىك اترەتى بولىپ ۇيىمداستىق“، ـ دەدى مۋ فۋمين.

  بىلتىر 12 ـ ايدىڭ سوڭىندا اۆتوكولىك اترەتى 5G بازالىق ستانسيا ماتەريالدارىن تولتىرا تيەپ قورعاس شەكارا وتكەلىنەن شەكارادان شىعىپ، زاتتى وزبەكستاننىڭ تاشكەنت قالاسىنا جەتكىزدى. زات تۇسىرگەننەن كەيىن مۋ فۋمين مەن باسقا ۇزاق جولدى شوفەرلەر قۋانىشتارى قوينىنا سيماي ەلگە قايتادى، ايتسە دە قايتار جولدىڭ توتەنشە قيىن بولارىن ويلاماعان ەدى.

  وزبەكستاننان قازاقستانعا، ونان دولاتى شەكارا وتكەلىنە دەيىن ولار تۇپ ـ تۋرا 23 كۇن ٴجۇردى. جولدا نولدەن تومەن 40 سەلتسي گرادۋسقا تاياۋ قاقاعان سۋىق اۋا رايىنا، قارلى بورانعا جانە بورانعا جولىقتى. زاپاس ازىقتىقتاردىڭ كۇننەن ـ كۇنگە ازايۋى ولاردى ەرەكشە الاڭداتىپ، ۇنەمدەپ جەۋگە ٴماجبۇر بولدى...

  ”جاپا شەكتىڭىزدەر، تەز كەلىپ تاماق ٴىشىپ، ىستىق سۋ ٴىشىپ جىلىنىپ الىڭىزدار“. وتان توپىراعىنا قادام تاستاعان ساتتە، دولاتى شەكارادان كىرۋ ـ شىعۋ شەكارالىق قورعانىس تەكسەرۋ پۋنكتىندەگى مىندەت وتەپ جۇرگەن حالىق ساقشىلارى ولاردىڭ شەكارادان كىرۋ راسمياتىن وتەي ٴجۇرىپ، دايار كەسپە جانە ىستىق سۋ اكەلىپ بەردى. اۆتوكولىك اترەتىندەگى ۇزاق جولدى شوفەرلەر اسەرلەنگەنىنەن كوزدەرىنە ىستىق جاس الىپ، حالىق ساقشىلارىنىڭ قولىن ۇستاپ قايتا ـ قايتا العىس ايتتى.

  مۋ فۋمين دايار كەسپەنى جەي وتىرىپ، ۋاقىتقا تاعاتسىزدانا قارادى، سول كۇنى كەدەننىڭ جابىلۋىنا نەبارى 15 مينۋت عانا قالعان ەدى، ولار راسميات بىتپەي، ماشينادا تاعى ٴبىر ٴتۇن تۇنەپ قالۋدان الاڭدادى.

  ”الاڭداماڭىزدار، بۇگىن قانشا كەش بولسا دا سىزدەردى ۇيگە الىپ قايتامىز“. دولاتى شەكارادان كىرۋ ـ شىعۋ شەكارالىق قورعانىس تەكسەرۋ پۋنكتىندە مىندەت وتەپ جۇرگەن حالىق ساقشىسى لي چۇنشياۋدىڭ ٴسوزى ولاردىڭ كوڭىلىن ورنىقتىردى.

  اۆتوكولىكتەردى تەكسەرۋ، كۋالىك تەكسەرۋ، راسميات ٴبىتىرۋ... ٴاسىلى ٴبىر كۇندىك قىزمەتى اياقتاپ قالعان حالىق ساقشىلارى قايتادان قاربالاس قىزمەتكە كىرىسىپ، ەل ىشىندەگى زات تاسىمال ۋاكىلدىك سەرىكتەستىگىمەن بايلانىس جاساپ، شۇعىل ”جاسىل ارنا“ اشىپ، اقىرى سول كۇنى كەشتە بارلىق راسمياتتاردى ٴبىتىردى، ۇزاق جولدى شوفەرلەر وتان قۇشاعىنا ورالدى.

  ”ٴار جولى ەلگە قايتقاندا ٴبىز حالىق ساقشىلارىنىڭ ىستىق ىقىلاسى مەن وتانعا ورالۋدىڭ مەيىرىن سەزىنەمىز“. مۋ فۋمين وسى جولداعى كەشىرمەلەرى مەن اسەرلەرىن ٴتىپتى دە كوپ ادامعا اڭگىمەلەپ بەرەتىندىگىن ايتتى.

جاۋاپتى رەداكتور : 热依扎·海米提

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.