تيانشان تورى
تيانشان تورى   ›   جاڭالىقتار   ›   شينجياڭ حابارلارى

”مەن ’دوكتورلىق‘ اتاعىما ارقالانباي ـ اق شەكىلدەۋىك ساتامىن“

انار بۇلت \ شينجياڭ گازەتىنىڭ ٴتىلشىسى باي سۋجۇن

  ” ’دوكتورلىق‘ اتاعىما ارقالانىپ شەكىلدەۋىك ساتقىم كەلمەيدى!“... وسى بىرنەشە كۇندە قىستاق تۇرعىندارىن باستاپ تىكە تاراتۋدى اياقتاتقان ليۋ شان ’دوكتورلىق‘ اتاعىنا سۇيەنىپ ينتەرنەتتە شەكىلدەۋىك ساتۋى كەرەك پە، جوق پا دەگەن ماسەلە جونىندە ىنىسىمەن تاعى دا ايتىستى. اقىرىندا ليۋ شان ايتقانىنا كوندىردى.

  ليۋ شان، 30 جاستا، ماسكەۋ مەملەكەتتىك حالىقارالىق قارىم ـ قاتىناس شۋەيۋانى حالىقارالىق قارىم ـ قاتىناس ماماندىعىنىڭ دوكتورانتى. 2024 ـ جىلى ول وقۋشىلىعىن ساقتاۋ ٴتاسىلى ارقىلى اراسان اۋدانى تاشيۋ اۋىلى حۇتحۇربۇلاق قىستاعىنا قايتىپ كەلىپ، اتا ـ اناسىنا كومەكتەسىپ شەكىلدەۋىك ساتتى. ونىڭ قىزمەت ەستەلىگىندە تاڭەرتەڭ جيىن اشۋ، تۇستە زات جونەلتۋ، تۇستەن كەيىن قىزمەتكەرلەردى باۋلۋ، كەشتە تىكە تاراتۋ بويىنشا ٴار ۋاقىت بولىكتەرى تىعىز ورنالاستىرىلعان.

  ”كۇندىز تىنىم المايمىن، ەرتەسى تاعى ەرتە تۇرۋىم كەرەك“. ليۋ شان جىتىرمەلەتە سويلەدى، تىلشىمەن اڭگىمەلەسە ٴجۇرىپ، ىنىسىنە جابدىقتارعا جاقسى قاداعالاۋدى تاپسىردى، شەشەسىن ۇيگە قايتىپ دەمالۋعا بۇيىردى، اكەسىنە ۇيگە ەرتەرەك قايتۋدى ايتتى، ورىنباسار زاۆود باستىعىن كەشتە تىكە تاراتۋدا زات ساتۋدى جاقسىلاپ ۇيرەنۋدى ورنالاستىردى، ارالىقتا تاعى الدىڭعى ٴبىر كۇنگى ناتيجەلەردى شولىپ ٴوتتى.

  مۇنداي مىنەزى ونىڭ كىشكەنتايىنان ساباقتاستارى ”وقۋدا وزات“ دەۋىمەن، ۇيىندەگىلەرىنىڭ ”مىقتى قىز“ دەۋىمەن ساي كەلىپ تۇر.

  ”يەلتس ەمتيحانىنىڭ جالپى ٴنومىرى 9 ٴنومىر، مەن رەسەيدە ماگيستر اسپيرانتتىعىن وقىعاندا 7 ٴنومىر الدىم، تاعى 60 مىڭ يۋان وقۋ سيلىق اقشاسىنا يە بولدىم“. ليۋ شاننىڭ ايتۋىنشا، ونىڭ ۇمتىلعىشتىعى اتا ـ اناسىنىڭ ىقپالىنان بولىپتى _ ولار شاعىن ماگەزين اشۋدان باستاپ، 2000 شارشى مەترلىك اسحاناعا دەيىن دامىتىپتى، ەڭ جاقسى بولعان سول ٴبىر جىلعى كىرىستەرى 9 ميلليون يۋاننان اسقان ەكەن.

  2018 ـ جىلى ليۋ شاننىڭ اتا ـ اناسى 17 ميلليون يۋان قارجى قوسىپ، قىستاقتا سەرىكتەستىك قۇرىپ شەكىلدەۋىك ساتا باستاعان ەكەن. 2023 ـ جىلى اتا ـ اناسى تاعى دا 8 ميلليون يۋان قارجى قوسىپ، ”سەرىكتەستىك + سەلبەستىك كووپەراتيۆى + شارۋالار“ ۇلگىسى ارقىلى توڭىرەكتەگى قىستاقتاردى باستاپ 50 مىڭ مۋ جەرگە كۇنباعىس ەگىپ، ٴوندىرۋ، وڭدەۋ، ساتۋ ٴبىرتۇلعالاندىرىلعان كاسىپ سالاسى تىزبەگىن قالىپتاستىرىپتى.

  2024 ـ جىلى 9 ـ ايدا ليۋ شان ەمتيحان بەرىپ، دوكتورلىق اسپيرانتتىعىنا ٴوتىپتى. كۇتپەگەن جەردەن شەشەسى تۇتقيىل مي بوگەلۋ اۋرۋىنا شالدىعىپ، ەڭبەك قۋاتىنان ايرىلىپ قالادى. 2 ايدان كەيىن ول وقۋىن ۋاقىتشا توقتاتىپ ۇيىنە قايتىپ، اتا ـ اناسىنا كومەكتەسىپ سەرىكتەستىكتىڭ جۇمىستارىن ىڭعايلاستىردى.

  قازىر اكەسى قىزىنىڭ ٴار كۇنى شەكىلدەۋىكپەن اينالىسقاندىعىن كورىپ، كوڭىل كۇيى اپتەر ـ تاپتەر بولادى. شەشەشى دە ىشتەي الاڭداپ، ۇلىنا سۇيەتىپ زاۆودقا بارىپ قاراپ جۇرەدى.

  كوپ ـ كورىم جۇرگىزىپ جاتىر. ليۋ شان قىستاق تۇرعىندارىن باستاپ جاڭا سورت جەتىلدىرىپ، جاڭا ٴدام زەرتتەپ، ادەمى شاعىن قوراپتاردى شىعاردى. سەرىكتەستىكتىڭ شەكىلدەۋىك ونىمدەرى قازاقستانعا، قىرعىزستانعا ساتىلدى. سونان كەيىن تاعى ينتەرنەتتە تانىمالى 100 اداممەن سەلبەسىپ تىكە تاراتۋدا زات ساتتى، تاعى جيڭدۇڭ، دوۋيىن، كۋايشوۋ سياقتى تۇعىرلارمەن كەلىسىم جاساستى.

  مەكتەپتەگى وقۋشىدان ساۋدا سالاسىنا ويىسقان ليۋ شان سالاۋاتىن جاڭالاپ، ٴبىرتالاي جاڭا نىسانالاردى جۇزەگە اسىردى:

  2025 ـ جىلى جىل اتتاعان ٴتۇنى ول شينجياڭ ٴىشى ـ سىرتىنداعى 50دەن استام ينتەرنەتتىك جۇرگىزۋشىمەن ىقپالداسىپ، جاڭادان زەرتتەپ جاساعان 4 ٴتۇرلى ٴونىمدى ۇسىندى؛

  1 ـ ايدىڭ 3 ـ كۇنى حاڭجوۋعا بارىپ، شينجياڭ ەرەكشە ونىمدەرى مەرەكەلىك بۇيىمدار مەرەكەسى قيمىلىنا قاتىناستى، سول كۇنى 400 مىڭ يۋاننىڭ ٴونىمى ساتىلدى؛

  1 ـ ايدىڭ 5 ـ كۇنىنەن 9 ـ كۇنىنە دەيىن، بەيجيڭ، شاڭحاي سياقتى جەرلەرگە بارىپ، ٴونىم تانىستىرۋ جينالىستارىنا قاتىناستى، ينتەرنەت جەلىسىندە جانە جەلىدەن تىس ساتۋ سوماسى ٴبىر ميلليون يۋاننان استى؛

  1 ـ ايدىڭ 10 ـ كۇنى وزىق شەكىلدەۋىك قۋىرۋ اسپابىن اۋىستىردى؛

  1 ـ ايدىڭ 12 ـ كۇنى ۇرىمجىدەن تىكە ساتۋ دۇكەنىن اشىپ، ەلەكتروندى ساۋدا زات اينالىمى وتكەرمەلەۋ قامباسىن سالىپ، زاتتاردى دايىنداۋ ونىمدىلىگىن جوعارىلاتتى...

  ٴتىلشى ليۋ شاننىڭ قىستاقتا قۇرعان ەلەكتروندى ساۋدا بويىنشا باۋلۋ بازاسىنا جانە ”ٴبىر قىستاقتا ٴبىر ٴونىم“ بويىنشا تىكە تاراتۋ جاعىنان باۋلۋ بازاسىنا كەلىپ ۇيرەنۋشىلەردىڭ ٴار كۇنى بار ەكەنىن كوردى.

  62 جاستاعى قىستاق تۇرعىنى لان چاڭليڭ ٴومىر بويى جەر سالدى، بۇرىن ساۋداگەرلەردىڭ ۇيىنە كەلىپ شەكىلدەۋىكتەرىن الۋىن كۇتىپ وتىراتىن. قازىر ول سەلبەستىك كووپەراتيۆىنىڭ مۇشەسى بولدى، تاعى زات ساتۋ جۇرگىزۋشىسى بولىپ، شەكىلدەۋىك ساتۋداعى ايلىق كىرىسى 8000 _ 7000 يۋان بولدى.

  قىستاق تۇرعىنى حان فاڭ مەن كۇيەۋى ليۋ ليبيڭ ٴاسىلى جۇگەرى ەگەتىن، قازىر سەرىكتەستىكتىڭ ورىنباسار زاۆود باستىعى جانە سەح مەڭگەرۋشىسى. بيىل ٴوز جەرلەرىنە جاڭا سورت _ كۇلگىن مايا شەكىلدەۋىگىن ەگۋدى جوسپارلاپ وتىر.

  ليۋ شان بىلاي دەدى: اراسان اۋدانى الاتاۋ ساعاسى شەكارا وتكەلىنە جاقىن، ”ٴبىر بەلدەۋ، ٴبىر جولدى“ بىرگە قۇرۋ باستاماسى دامۋ ورايىن اكەلدى، كوپتەگەن ساۋدا ورايىن دا بايقادىم.

  كەيبىر تىكە تاراتۋشى جۇرگىزۋشىلەر ليۋ شانعا دوكتور سالاۋاتىمەن زات ساتىپ، الارمان باۋراۋدى ايتتى. ٴىنىسى دە وسى ارقىلى قىزعىندىلىقتى ارتتىرا ٴتۇسۋدى ٴۇمىت ەتكەن ەدى. الايدا ليۋ شان زەيىنىن شوعىرلاندىرىپ، الارمانداردى ”دوكتورلىق“ اتاعىمەن باۋراۋدان گورى ٴونىمنىڭ ساپاسى ارقىلى باۋراعىسى كەلدى.

  ليۋ شان بىلاي دەدى: سەرىكتەستىكتى زورايتا ٴتۇسۋ كەرەك، كاسىپتىك مەڭگەرۋشى ەنگىزىپ، اناعۇرلىم كوپ اۋىل ـ قىستاق ەلەكتروندى ساۋداسىمەن اينالىسۋشىلاردى باۋلىپ، جاڭا شارۋالاردى وداقتاسىپ، سەلبەسۋگە باۋراۋدى جوسپارلاپ وتىرمىن. الداعى نىسانام ەۆروپا سياقتى شەتەل بازارىن اشىپ، بۇكىل دۇنيە جۇزىندەگى ادامدارعا شينجياڭنىڭ شەكىلدەۋىگىنەن ٴدام تاتقىزۋ.

جاۋاپتى رەداكتور : 热依扎·海米提

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.