2 ـ ايدىڭ 3 ـ كۇنى ساياحاتشىلار شىحىزى قالاسىنداعى شينجياڭ ٴوندىرىس ـ قۇرىلىس بيڭتۋانى اسكەري تىڭ يگەرۋ مۇراجايىن ەكسكۋرسيالاۋدا. كوكتەم مەرەكەسى دەمالىسىندا ساياحاتشىلار وسى اراعا كەلىپ، كورمەنى كورىپ، اڭگىمە تىڭداپ، بيڭتۋان مادەنيەتىن ٴتۇسىندى.
□سۋرەتتى انار بۇلت \ شينجياڭ گازەتىنىڭ ٴتىلشىسى لي رۇي تۇسىرگەن
2 ـ ايدىڭ 3 ـ كۇنى ارتيستەر قاشقار بايىرعى قالاسى كورىنىس وڭىرىندە ويىن قويۋدا. كوكتەم مەرەكەسى دەمالىسىندا قاشقار بايىرعى قالاسى كورىنىس وڭىرىندە ساياحاتشىلار ٴيىن تىرەستى، ساياحاتشىلار بايىرعى قالانى ارالاپ، مەرەكە شاتتىعىنا بولەنىپ، كوكتەم مەرەكەسىن شات ـ شادىمان تويلادى.
□سۋرەتتى ادىلجان ابدۇقادىر تۇسىرگەن
1 ـ ايدىڭ 31 ـ كۇنى ساياحاتشىلار ٴۇرىمجى نانحۋ قالا تۇرعىندارى الاڭى قار ـ مۇز شاتتىعى باقشاسىندا قار ۆەلوسيپەدىن مىنۋدە. كوكتەم مەرەكەسى دەمالىسىندا كوپتەگەن قالا تۇرعىنى مۇز الاڭىنا بارىپ، قار ـ مۇز شاتتىعىن سەزىنىپ، دەمالىس كۇندەرىنەن ٴلاززات الدى.
□ سۋرەتتى سۇن جىنسۇڭ تۇسىرگەن
2 ـ ايدىڭ 2 ـ كۇنى ساياحاتشىلار التاي قالاسىنىڭ اققايىڭ باقشاسىندا اتپەن سەيىلدەۋدە. كوكتەم مەرەكەسى دەمالىسىندا كوپتەگەن ساياحاتشى اققايىڭ باقشاسىنا بارىپ، ات ٴۇستى ويىندارىن سەزىنىپ، قار ـ مۇز شاتتىعىنان مەيىلىنشە ٴلاززاتتاندى.
□ سۋرەتتى ارداق بەيىسقان تۇسىرگەن
2 ـ ايدىڭ 2 ـ كۇنى ارتيستەر كەڭىستىكتە ويىن قويۋدا. سول كۇنى باعراش اۋدانى ”باتىستا شيحايدى ساياحاتتاۋ · باعراش كولىن كەسىپ ٴوتۋ“ اتىنداعى جوعارى كەڭىستىكتە بولات ارقانمەن ەرەن ونەر كورسەتىپ سامعاۋ مۋزيكا فەستيۆالى قيمىلىن وتكىزدى، ەرەن ونەر ارتيستەرى ٴساندى كيىم كيىپ، كەڭىستىكتە ەركىن قالىقتاپ، بۇرالا بيگە باسىپ، كوپتەگەن ساياحاتشىنى باۋرادى.
□ سۋرەتتى نيان لەي تۇسىرگەن
2 ـ ايدىڭ 2 ـ كۇنى بالالار سانجى قالاسى جەڭىل تاعامدار كوشەسىندەگى گايۋانچا تەرى قۋىرشاق تەاترحاناسىندا تەرى قۋىرشاق تەاترىن كورۋدە. كوكتەم مەرەكەسى كەزىندە سانجى قالاسى ”بەيزاتتىق مۇرانى سان مىڭداعان وتباسىنا جەتكىزۋ“ قيمىلىن ورىستەتىپ، قالا تۇرعىندارىنا جۇڭحۋا ٴداستۇرلى مادەنيەتىنىڭ تارتىمدىلىعىن جاقىن ارالىقتان سەزىندىردى.
□ سۋرەتتى لياڭ حۇڭتاۋ تۇسىرگەن
1 ـ ايدىڭ 29 ـ كۇنى باركول قازاق اۆتونوميالى اۋدانى ەگىنشى ـ مالشىلار ات بايگەسى سپورت جارىسىن وتكىزدى، بايگە، كوكبار تارتۋ، قىزقۋار سياقتى حالىقتىق سالت ـ سانا قيمىلدارى كوپتەگەن ساياحاتشىنى باۋرادى.
□ سۋرەتتى بولات نياز تۇسىرگەن
كوكتەم شۋاعى بايتاق دالانى نۇرلاندىردى، مەرەكە دۋمانىنا تولى بارابان ٴۇنى كوتەرىلىپ، ادامدار شاتتانا بيگە باستى. كوكتەم مەرەكەسىن تويلاعان بارابان ٴۇنى ىشىندە شينجياڭدا ساياحات ورلەۋى كوتەرىلدى. تيانشان الابىنداعى قار شاڭعى الاڭدارىندا، كورىنىس وڭىرلەرىندە ساياحاتشىلار سەڭدەي سوعىلىسىپ، شاتتىق ٴۇنى تولاستامادى، مەرەكە قۋانىشى مەن ساياحاتتىڭ قىزۋ ورلەۋى توعىسىپ، شينجياڭنىڭ بارلىق جەرىنەن دۋماندى دا مەرەيلى لەپ ەستى.
قار ـ مۇز الەمى قويۋ مەرەكەلىك تۇسكە ەندى. شاڭعى الاڭىندا شاڭعى اۋەسكەرلەرى ۇزىننان ـ ۇزاق شاڭعى جولدارىندا قۋانىشتىڭ بەلگىسىن سالدى؛ مۇزدا سىرعاناۋ الاڭىندا ادامدار جەڭىل سىرعاناپ، كونكي مەن مۇز بەتىنىڭ ۇيكەلىسىنەن كوكتەم سيمفونياسىن شىعانداتتى...
كوكتەم مەرەكەسىنىڭ سيمفونياسى جاندى، كوڭىلدى عانا ەمەس، بايىرعى قالانىڭ كونە كوشەلەرىندە، ٴاربىر تاس تاقتانىڭ، ٴاربىر قاڭىلتاق كەرپىشتىڭ بارىندە ۋاقىت ٴىزى جاتىر، ادامدارعا سەيىلدەۋ بارىسىندا ۋاقىتتىڭ سىرعىپ ٴوتىپ جاتقانىن سەزىندىرەدى؛ مۇراجاي قاتارلى مادەنيەت الاڭدارىندا ادامدار كوكتەم مەرەكەسىندەگى ۇزاق دەمالىستىڭ جايبىراقات ساتتەرىنەن پايدالانىپ، ۋاقىت كەرۋەنىندە قىزىققا باتىپ، ۋاقىت پەن كەڭىستىكتەن ٴوتىپ، تاريحپەن تىلدەسىپ، شينجياڭنىڭ تاريحى ۇزاق قوردالى مادەنيەتىن سەزىندى؛ بەيزاتتىق مۇرا نىساندارى بايىرعى ٴداستۇرلى قولونەر شەبەرلىگىمەن تاريحتى كەسكىندەپ، ٴتۇسىندىرىپ، جالعاستىرىپ، ادامدارعا مادەنيەتتىڭ باي مازمۇندى استارىن ۇعىندىردى.
كەڭ ـ بايتاق شينجياڭ — تارتىمدىلىققا تولى جەر. كوكتەم مەرەكەسىندەگى كۇن شۋاعىندا شينجياڭ مادەنيەت ساياحاتىنىڭ تىڭ داستانى جازىلدى.
