كوكتەم مەرەكەسىندە دەمالمادى، ەنەرگيا قامداۋىن قامتاماسىز ەتۋمەن قاربالاس بولدى

شينجياڭ شين ـ يە ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگى

انار بۇلت \ شينجياڭ گازەتىنىڭ ٴتىلشىسى شى شين

　　ماشينا داۋىسى گۇرىلدەپ، ٴوندىرىس توقتامادى.

　　1 ـ ايدىڭ 29 ـ كۇنى، كوكتەم مەرەكەسىنىڭ العاشقى كۇنى، شينجياڭ شين ـ يە ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگىنىڭ (تومەندە قىسقارتىلىپ ”شين ـ يە ەنەرگيا، حيميا ونەركاسىبى سەرىكتەستىگى“ دەلىنەدى) ورتالىق شوعىرلى مەڭگەرۋ بولمەسىندە شام ـ شىراقتار جارقىراپ، ٴتىل تاقتانىڭ تاقىلداعان داۋىسى قۇلاققا انىق ەستىلىپ تۇردى، تىلدەسكىدەن حابارلاسقان ۇندەر ۇزىلمەي، 1000نان استام قىزمەتكەر ٴوندىرىستىڭ ٴبىرىنشى شەبىنەن تاپجىلمادى، يەلەگەن جەر كولەمى 2500 مۋدان اساتىن زاۆود اۋماعىنداعى قاربالاس كۇي جايشىلىقتاعىمەن پارىقتالمايدى.

　　ٴۇرىمجى _ سانجى وڭىرىندەگى ماڭىزدى ەنەرگيا وندىرەتىن كاسىپورىن رەتىندە، سان مىڭداعان وتباسى باس قوسقان كۇندەرى استە بويكۇيەزدىككە سالىنۋعا بولمايدى.

　　”بيىل كوكتەم مەرەكەسىندە سەرىكتەستىكتەگى %90تەن استام قىزمەتكەر قىزمەت ورىندارىنان تاپجىلماي، ەنەرگيامەن قامداۋ حاۋىپسىزدىگىنە شىنايى كەپىلدىك ەتتى“. شين ـ يە ەنەرگيا، حيميا ونەركاسىبى سەرىكتەستىگى پارتكومىنىڭ شۋجيى، القا باستىعى ما جينرۇڭ تانىستىرىپ بىلاي دەدى: كوكتەم مەرەكەسى كەزىندە سەرىكتەستىگىمىز حالىق تۇرمىسى جاعىندا قامداۋدى قامتاماسىز ەتۋدى كۇشەيتىپ، ٴار كۇنى ۋجياچۇي قالاسىنا 15 مىڭ تەكشەمەتر حالىقتىق تابيعي گاز جەتكىزدى، بۇل 20 مىڭنان استام تۇرعىننىڭ تۇرمىستىق گاز ىستەتۋىن قاناعاتتاندىرا الادى؛ ٴار كۇنى شامامەن 550 توننا كۇبىگە قۇيىلعان سۇيىلتىلعان تابيعي گاز وندىرەدى، بۇل ٴۇرىمجى _ سانجى وڭىرىندەگى شامامەن 2000 جۇك اۆتوكولىگىن جانار گازبەن قامداي الادى.

　　سول كۇنى ساعات 8دەن 20 مينۋت وتكەندە 1 ـ كەزەكشىلىك كولىگىندە جىلۋ ەلەكترىنىڭ نەگىزگى مەڭگەرۋشىسى 25 جاستاعى جي يىڭيىڭ اۋىلى گانسۋداعى اتا ـ اناسىنا ىزگى تىلەك جولدادى، مەكتەپ تاۋىسىپ شين ـ يە ەنەرگيا، حيميا ونەركاسىبى سەرىكتەستىگىنە كەلىپ قىزمەت ىستەگەننەن كەيىن، جي يىڭيىڭ ٴۇرتىس 3 جىل كوكتەم مەرەكەسىندە قىزمەت ورنىنان تاپجىلمادى.

　　”ۇيگە قايتىپ مەرەكە وتكىزىپ، وتباسىمداعىلارمەن باس قوسۋدى كوپ ويلايمىن“. جي يىڭيىڭ بىلاي دەدى: كوكتەم مەرەكەسى كەزىندە ەرەكشە قىزمەت ورنىندا ادام بولۋ كەرەك، بۇل قىزمەت جاۋاپكەرشىلىگى. سەرىكتەستىك تاعى قىزمەتكەرلەرگە قامقورلىق ۇلكەن سالەمدەمەسىن تارتۋ ەتتى جانە ولاردى تەگىن اسپەن قامدادى، مەن مەرەكەدەن كەيىن دەمالىسىمدى الىپ، ۇيگە قايتىپ اتا ـ اناما سەرىك بولۋدى ويلاپ وتىرمىن.

　　شين ـ يە ەنەرگيا، حيميا ونەركاسىبى سەرىكتەستىگىنىڭ ورتالىق شوعىرلى مەڭگەرۋ بولمەسىندە 50گە جۋىق مەڭگەرۋشى قىزمەتكەر سەرىكتەستىكتىڭ 72 قوندىرعىسىنداعى 10 مىڭنان استام جابدىقتىڭ اينالىمىن مەڭگەرۋدە. ”دەن قويا مەڭگەرۋ، عىلمي ورنالاستىرۋ“ دەگەن ۇلكەن قىزىل ارىپتەر ايرىقشا كوز تارتىپ، كوكتەم مەرەكەسىنىڭ مەرەيىنە ٴسان قوسىپ تۇر.

　　گازداندىرۋ سەحىنىڭ فەنول جيناۋ ورتالىعى شوعىرلى مەڭگەرۋ بولمەسىنىڭ نەگىزگى مەڭگەرۋشىسى چىن تيڭتيڭ نەگىزىنەن كومىر گازى سۋىن الدىن الا ٴبىر جاقتى ەتۋگە، اممياك، فەنول جيناۋعا جانە ەنەرگيا كورسەتكىشتەرىن مەڭگەرۋگە جاۋاپتى، ٴۇرتىس 7 جىل بويى كوكتەم مەرەكەسىندە قىزمەت ورنىنان تاپجىلمادى. ”كاسىپورىننىڭ ونىمدىلىگى جاقسارعان سايىن، ٴبىزدىڭ تۇرمىسىمىز دا سولعۇرلىم جاقسارا تۇسەدى“، ـ دەدى چىن تيڭتيڭ.

　　كوكتەم مەرەكەسى كەزىندە ٴوندىرىس حاۋىپسىزدىگىنىڭ ورنىقتى، ٴتارتىپتى بولۋىنا كەپىلدىك ەتۋ ٴۇشىن، شين ـ يە ەنەرگيا، حيميا ونەركاسىبى سەرىكتەستىگى سەرىكتەستىكتەگى نەگىزگى باسشىلار جەتەكشىلىك ەتۋ، سەح مەڭگەرۋشىلەرى مەن شەشۋشى تەحنولوگيالىق قىزمەت ورنىنداعىلار كەزەكشىلىككە ـ كۇزەتشىلىككە تۇرۋ ٴتۇزىمىن اتقاردى، سونداي ـ اق مەرەكە كەزىندە ٴوندىرىس قۇرىلعىلارىندا قالىپسىز قىزمەت جاعدايى توسىن تۋىلىپ، ماشينالاردىڭ توقتاپ قالۋ شىرعالاڭىنا شۇعىل توتەپ بەرۋ دايىندىق جوباسىن جاساپ، قامتاماسىز ەتۋ ەكپىندىلەر اترەتى مەن تەحنولوگيالىق شۇعىل رەمونتتاۋ ەكپىندىلەر اترەتىن ۇيىمداستىرىپ، ٴوندىرىس حاۋىپسىزدىگىنە شىنايى كەپىلدىك ەتتى.

　　1 ـ ايدىڭ 27 ـ كۇنىنە دەيىن بيىل شين ـ يە ەنەرگيا، حيميا ونەركاسىبى سەرىكتەستىگىنىڭ كاربينول، LNG (سۇيىلتىلعان تابيعي گاز)، BDO (1، 4 ـ بۋتاديول)، پولي مەتيل الدەگيد سىندى 4 ۇلكەن نەگىزگى ٴونىمىنىڭ ٴونىم مولشەرى سايكەس مەزگىلدەگىدەن جەكە ـ جەكە %6.9، %9.4، %174، %8.5 ارتىپ، تۇڭعىش ايداعى ”جاقسى باستامانى“ الدىن الا جۇزەگە اسىردى.

　　بيڭتۋان مەن جەرگىلىكتى ورىننىڭ توعىسۋىنان ۇلگى كورسەتۋ، جەتەكشىلىك ەتۋ جانە وسى زامانعى كومىر حيميا ونەركاسىبىنىڭ ”تىزبەك باسى“ كاسىپورنى رەتىندە، 2024 ـ جىلى شين ـ يە ەنەرگيا، حيميا ونەركاسىبى سەرىكتەستىگىنىڭ جۇزەگە اسىرعان پايداسىنىڭ جالپى سوماسى 545 ميلليون يۋان بولىپ، ”شينجياڭدى اشۋ، كوركەيتۋ سيلىعىنا“ يە بولدى.

　　”بيىل شين ـ يە ەنەرگيا، حيميا ونەركاسىبى سەرىكتەستىگى كاسىپ سالالارىنىڭ شارپۋ، جەتەكتەۋ جاعىنا جالعاستى كۇش سالىپ، تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتىپ، باتىس بولىكتەگى كاسىپ سالاسى باسىمدىعى كورنەكتى بولعان حيميا ونەركاسىپ جاڭا ماتەريالدار كاسىپ سالاسى توبىن قۇرىپ، جارناسىن بازارعا شىعارۋ قادامىن تەزدەتەدى“، ـ دەدى ما جينرۇڭ.