2 ـ ايدىڭ 5 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن پاكيستان زۇڭتۇڭى زارداريمەن كەڭەس وتكىزدى. سۋرەتتە: شي جينپيڭ زارداريمەن امانداسۋدا.
□ سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن
شينحۋا اگەنتتىگىنىڭ 2 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر شاۋ يبو، دۇڭ شۋە). 2 ـ ايدىڭ 5 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن پاكيستان زۇڭتۇڭى زارداريمەن كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن پاكيستان _ مىزعىماس دوستار جانە بارلىق جاعدايدا بىردەي ستراتەگيالىق سەلبەستىك سەرىكتەر. ۋاقىت وتكەن سايىن بەكەمدەلە تۇسكەن جۇڭگو مەن پاكيستاننىڭ ٴداستۇرلى دوستىعىنا ەكى ەلدىڭ اعا بۋىن باسشىلارى ٴوز قولدارىمەن نەگىز قالاعان، ول ەكى ەلدىڭ جانە ەكى ەل حالقىنىڭ اسىل قازىناسى. تاياۋ جىلداردان بەرى ەكى جاق ساياسيدا ٴوزارا قولداۋ كورسەتۋدى بەكەمدەپ، جوعارى جىكتەگىلەردىڭ قويۋ بارىس ـ كەلىسىن ساقتاپ، جۇڭگو _ پاكيستان ەكونوميكالىق ٴدالىزى قۇرىلىسى مەن ٴار سالاداعى سەلبەستىكتى تەرەڭ ىلگەرىلەتىپ، مەملەكەت پەن مەملەكەت قارىم ـ قاتىناسىنىڭ تيپتىك ۇلگىسىن ورناتتى. جۇڭگو جاق پاكيستان جاقپەن وزدەرىنىڭ وسىزاماندانۋ جولىندا قول ۇستاسا العا ىلگەرىلەپ، جاڭا داۋىردەگى اناعۇرلىم قويۋ جۇڭگو _ پاكيستان تاعدىرلاس ورتاق تۇلعاسىن جەدەل تۇلعالاپ، ەكى ەل حالقىن اناعۇرلىم ويداعىداي باقىتقا كەنەلتىپ، ٴوڭىردىڭ بەيبىتشىلىگىنە، ورنىقتىلىعىنا، گۇلدەنىپ ـ كوركەيۋىنە اناعۇرلىم زور ۇلەس قوسۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق جۇڭگو _ پاكيستان قارىم ـ قاتىناسىنا قاي ـ قاشان دا ستراتەگيالىق تۇرعىدان مامىلە جاساپ، پاكيستانعا قاراتىلعان دوستىق ساياساتتا وسكەلەڭ ورنىقتىلىقتى جانە ۇلاسپالىلىقتى ساقتاپ، باستان ـ اياق پاكيستانداعى جالپى حالىقتى بەتكە الدى. جۇڭگو جاق پاكيستان جاقتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن، لاڭكەستىككە سوققى بەرۋىن، ٴوز ەلىنىڭ مەملەكەت جاعدايىنا ۇيلەسەتىن دامۋ جولىمەن ٴجۇرۋىن اۋەلگىدەي باتىل قولدايدى. ەكى جاق دامۋ ستراتەگياسىن ٴتۇيىلىستىرۋدى جانە ەل باسقارۋ تاجىريبەلەرىن اۋىستىرۋدى تەرەڭدەتىپ، ٴار جىكتەگىلەردىڭ، ٴارقايسى تاراۋلاردىڭ بارىس ـ كەلىسىن كۇشەيتىپ، جۇڭگو _ پاكيستان قارىم ـ قاتىناسىنىڭ ساياسي نەگىزىن ۇزدىكسىز بەكەمدەۋى كەرەك. پاكيستاننىڭ جۇڭگونىڭ رەفورمانى ونان ارى جاپپاي تەرەڭدەتۋىنەن، جوعارى دەڭگەيدە سىرتقا ەسىك اشۋدى كەڭەيتۋىنەن الدىمەن يگىلىككە كەنەلۋىن قارسى الادى، جۇڭگو جاق پاكيستان جاقپەن ٴتۇرلى سالاداعى ناقتى سەلبەستىكتى تەرەڭدەتۋدى، جۇڭگو _ پاكيستان ەكونوميكالىق ٴدالىزى سەلبەستىگىنىڭ ”دارەجەسى جوعارىلاتىلعان نۇسقاسىن“ بىرگە تۇلعالاۋدى، پاكيستان جاقتىڭ دامۋ نەگىزىن نىعايتىپ، دامۋدىڭ كومەسكى كۇشىن جارىققا شىعارۋىنا كومەكتەسۋدى قالايدى. پاكيستان جاقتىڭ پاكيستانداعى جۇڭگو ازاماتتارىنىڭ، نىساندارىنىڭ جانە قۇرىلىمدارىنىڭ حاۋىپسىزدىگىن قورعاۋدى كۇشەيتۋىن، ەكى جاقتى، كوپ جاقتى لاڭكەستىككە قارسى تۇرۋ سەلبەستىگىن كۇشەيتۋىن ٴۇمىت ەتەدى. كەلەر جىل _ جۇڭگو مەن پاكيستاننىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى، ەكى جاق مادەنيەت، وقۋ ـ اعارتۋ، مەديا سياقتى سالالارداعى اۋىس ـ كۇيىستى، سەلبەستىكتى تەرەڭدەتىپ، جۇڭگو _ پاكيستان دوستىعىنىڭ الاۋىن جالعاستىرۋى كەرەك. جۇڭگو جاق پاكيستان جاقتىڭ ٴۇش ۇلكەن الەمدىك باستامانى بەلسەنە قولداعاندىعىن، سونداي ـ اق قاتىستى سەلبەستىكتەرگە ات سالىسقاندىعىن القايدى، پاكيستان جاقپەن بىرگە بەيبىت قاتار تۇرۋدىڭ بەس پرينسيبىنە تاباندى بولىپ، سىڭار جاقتىلىققا جانە زورەكەرلىك ارەكەتتەرىنە قارسى تۇرىپ، كوپ جاقتى ىستەستىكتى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
زارداري مىنالاردى ٴبىلدىردى: پاكيستان مەن جۇڭگو ەتەنە تاتۋ، كورشى ەلدەر، ونان دا ماڭىزدىسى، بارلىق جاعدايدا بىردەي جاقسى دوستار، جاقسى سەرىكتەر. پاكيستان _ جۇڭگو دوستىعى تالاي سىن ـ سىناقتان وتكەن، ەكى ەل حالقىنىڭ جۇرەگى باستان ـ اياق تىعىز جالعاسقان. مەيلى جاعدايدا قانداي وزگەرىس بولسىن، پاكيستان جاق ەش اۋىتقىماي جۇڭگو جاقتا تۇرادى. پاكيستان جاق جۇڭگو جاقتىڭ پاكيستاننىڭ ەكونوميكالىق، قوعامدىق دامۋىنا كورسەتكەن قالتقىسىز كومەگىنە العىس ايتادى، جۇڭگونىڭ تابىستى تاجىريبەلەرىنەن ۇيرەنىپ، جۇڭگو _ پاكيستان ەكونوميكالىق ٴدالىزى مەن ٴتۇرلى سالاداعى سەلبەستىكتىڭ جوعارى ساپالى دامۋىن ىلگەرىلەتىپ، پاكيستاننىڭ ونەركاسىپتەندىرۋدى جانە وسىزامانداندىرۋدى جۇزەگە اسىرۋىنا دەم بەرۋدى قالايدى. ٴتوراعا شي جينپيڭنىڭ كەمەڭگەر جەتەكشىلىگىندە، جۇڭگو حالىقارالىق ىستەردە اناعۇرلىم قۋاتتى جەتەكتەۋ رولىن ساۋلەلەندىرىپ، كۇننەن ـ كۇنگە دۇنيە ٴجۇزىنىڭ بەيبىتشىلىگىن، ورنىقتىلىعىن، گۇلدەنىپ ـ كوركەيۋىن قورعايتىن ماڭىزدى كۇشكە اينالۋدا. پاكيستان جاق جۇڭگو جاقپەن تىعىز سايكەسىپ، كوپ جاقتىلىققا تاباندى بولىپ، ەركىن ساۋدانى قورعاپ، ەكى ەلدىڭ جانە قالىڭ وركەندەپ كەلە جاتقان ەلدەردىڭ ورتاق مۇددەسىن جەبەۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى جۇڭگو _ پاكيستان ەكونوميكالىق ٴدالىزىن بىرگە قۇرۋ، ساۋدا ـ ساتتىق، عىلىم ـ تەحنولوگيا، راديو ـ تەلەۆيزيا سياقتى سالالارداعى كوپ جاقتى، ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا زارداريگە ارناپ قارسى الۋ سالتىن وتكىزدى.
تيان ـ انمىن الاڭىندا 21 رەت قۇرمەت ساليۋتى اتىلىپ، قۇرمەت قاراۋىلى قاتار تۇزەپ قۇرمەت ٴبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن پاكيستان ەكى ەلدىڭ مەملەكەت ٴانىن ورىندادى. زارداري شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ٴارى سالتانات قاتارىن تاماشالادى.
سول كۇنى كەشتە شي جينپيڭ حالىق سارايىنىڭ جينسى زالىندا زارداريدى قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
