ما شيڭرۇي، ەركىن تۇنياز اۆتونوميالى رايوندىق دامۋ جانە رەفورما كوميتەتىندە، قازىنا مەڭگەرمەسىندە، ساناق مەكەمەسىندە تەكسەرۋ ـ زەرتتەۋ جۇرگىزدى
يدەيانى ازات ەتىپ، ونىمدىلىكتى جوعارىلاتىپ، جاۋاپكەرشىلىك ارقالاپ، تىڭعىلىقتى ىستەپ، قۇلشىنا ٴىس تىندىرىپ، شينجياڭنىڭ ٴتۇرلى قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك
2 ـ ايدىڭ 5 ـ كۇنى _ كوكتەم مەرەكەسى دەمالىسى اياقتالعاننان كەيىنگى العاشقى قىزمەت كۇنى، اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق دامۋ جانە رەفورما كوميتەتىنە، اۆتونوميالى رايوندىق قازىنا مەڭگەرمەسىنە، اۆتونوميالى رايوندىق ساناق مەكەمەسىنە بارىپ تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي، ەركىن تۇنياز اۆتونوميالى رايوندىق دامۋ جانە رەفورما كوميتەتىنىڭ تۇراقتى مۇلىككە قارجى قوسۋ باسقارماسىندا قارجى قوسۋ جاعدايى جونىندەگى تانىستىرۋدى تىڭداپ، كوپشىلىكپەن بىرگە اۋقىمعا تالداۋ جۇرگىزىپ، مىندەتتەرگە تۇجىرىم جاساۋدا.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 5 ـ كۇنى ۇرىمجىدەن حابارلايدى. 2 ـ ايدىڭ 5 ـ كۇنى _ كوكتەم مەرەكەسى دەمالىسىنان كەيىنگى العاشقى قىزمەت كۇنى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق دامۋ جانە رەفورما كوميتەتىنە، اۆتونوميالى رايوندىق قازىنا مەڭگەرمەسىنە، اۆتونوميالى رايوندىق ساناق مەكەمەسىنە بارىپ تەكسەرۋ ـ زەرتتەۋ جۇرگىزىپ، مالىمەتتى مۇقيات تىڭداپ، ىشكەرىلەي اڭگىمەلەسىپ، پىكىر اۋىستىردى. ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن اناعۇرلىم جوعارى ساياسي دەڭگەي، اناعۇرلىم كۇشتى جاۋاپكەرشىلىك ارقالاۋ ارقىلى دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ونان ارى سەنىمدى بەكەمدەپ، ورايدى يگەرىپ، ونان ارى يدەيانى ازات ەتىپ، ونىمدىلىكتى جوعارىلاتىپ، ونان ارى جاۋاپكەرشىلىك ارقالاپ تىڭعىلىقتى ىستەپ، قۇلشىنا ٴىس تىندىرىپ، شينجياڭنىڭ ٴتۇرلى قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك.
اۆتونوميالى رايوندىق دامۋ جانە رەفورما كوميتەتىندە ما شيڭرۇي، ەركىن تۇنياز تۇراقتى مۇلىككە قارجى قوسۋ باسقارماسىنا بارىپ، قارجى قوسۋ جاعدايى جونىندەگى تانىستىرۋدى تىڭداپ، كوپشىلىكپەن بىرگە اۋقىمعا تالداۋ جاسادى، مىندەتتى تۇجىرىمدادى. ما شيڭرۇي بىلاي دەدى: دامۋ جانە رەفورما تاراۋىنىڭ رولى ماڭىزدى، جاۋاپكەرشىلىگى اۋىر، كوپشىلىك يدەيانى ازات ەتىپ، اشىق كوز ايا جانە دارقان پەيىلدى جەتىلدىرىپ، كەلەلى اۋقىمعا كوز جىبەرۋگە، كەلەلى جاعدايدى كوزدەۋگە، كەلەلى ٴىستى يگەرۋگە شەبەر بولىپ، قارجى قوسۋدى ۇزدىكسىز كەڭەيتۋ ارقىلى شينجياڭنىڭ ەنەرگيا بايلىعىن ۇزدىكسىز وندىرگىش كۇشكە اينالدىرۋى، جوعارى ساپالى دامۋدىڭ ناقتى ناتيجەسىنە، ناقتى ونىمدىلىگىنە اينالدىرۋى كەرەك. وسىدان كەيىن ما شيڭرۇي، ەركىن تۇنياز قاتىستى جولداستارمەن اڭگىمەلەسىپ، پىكىر اۋىستىردى. ٴتۇرلى قىزمەتتەردىڭ اياق الىسى جانە جوسپارى جونىندەگى مالىمەتتى تىڭداعاننان كەيىن، ما شيڭرۇي بىلاي دەپ باسا دارىپتەدى: بيىل دامۋ جانە رەفورما جۇيەسى نازاردى ونان ارى ماڭىزدى تۇيىنگە شوعىرلاندىرىپ، دالمە ـ ٴدال كۇش سالىپ، بار كۇشپەن قارجى قوسۋدى كەڭەيتىپ، ارتۋدى جەبەپ، ايماق، وبلىس، قالالارمەن زەرتتەۋدى جانە ٴتۇيىلىسۋدى كۇشەيتىپ، جاڭا ارتۋ مولشەرىن تەز ارادا تاۋىپ، مىقتى يگەرىپ جەدەل ىستەپ، شىنايى يگەرىپ تىڭعىلىقتى ىستەپ، قارجى قوسۋدى باسقارۋ مەن نىسان قۇرىلىسىنىڭ ساپاسىن ٴوسىرىپ، ونىمدىلىگىن ارتتىرۋدى جۇيەلى ىلگەرىلەتۋ كەرەك. قىزمەت ٴتۇيىنىن يگەرىپ، ”ون ٴىرى كاسىپ سالاسى شوعىرى“ قۇرىلىسىن ارقاۋ ەتىپ، نازاردى جەل ەلەكترى، مۇناي ـ گاز، كومىر، كەن سياقتى ٴتۇيىندى سالالارعا شوعىرلاندىرىپ، كەلەلى نىسانداردى ٴجىتى قاداعالاي وتىرىپ كۇشتى شوعىرلاندىرىپ قامال الىپ، قارجى قوسۋدىڭ ۇزدىكسىز وڭ باعىتتى اينالىم قالىپتاستىرۋىن ىلگەرىلەتىپ، ەكونوميكانىڭ ارتۋىنداعى شەشۋشى رولىن اناعۇرلىم ويداعىداي ساۋلەلەندىرۋ كەرەك. قىزمەت ونىمدىلىگىن جوعارىلاتىپ، مەملەكەتتىڭ مينيسترلىك ـ كوميتەتتەرىمەن كەڭەسۋ، ٴتۇيىلىسۋ تەبىنىن ارتتىرىپ، وزىندىك سۋبيەكتيۆتىك بەلسەندىلىكتى جوعارىلاتىپ، باتىلدىقپەن ويلاپ، باتىلدىقپەن ىستەپ، ايتقاندى دەرەۋ ىستەپ، ەرتە بىتىرۋگە بولاتىندارىن ەرتە ٴبىتىرىپ، تەزدەتۋگە بولاتىندارىن تەزدەتىپ، ”ٴبىر ٴىستى بار كۇشپەن تىندىرۋ“ سىندى قايسارلىق پەن تاباندىلىق ارقىلى ٴبىر توپ كەلەلى نىساندا تىڭ ناتيجەگە قول جەتكىزۋدى ىلگەرىلەتۋ كەرەك.
ما شيڭرۇي، ەركىن تۇنياز اۆتونوميالى رايوندىق قازىنا مەڭگەرمەسىنە بارىپ، مەجە ەسەپ باسقارماسىنىڭ، مەملەكەت قازىناسىنان تولەۋ ورتالىعىنىڭ قىزمەت اينالىمى جاعدايىن تەكسەرىپ كورىپ، كوپشىلىكپەن اڭگىمەلەسىپ، پىكىر اۋىستىرىپ، قازىنانىڭ ٴتۇيىندى قىزمەت مالىمەتىن تىڭدادى. ما شيڭرۇي بىلاي دەدى: وسى بىرنەشە جىلدا شينجياڭنىڭ قازىنا قىزمەتىندە ايقىن وزگەرىستەر تۋىلىپ، ۇلكەن ٴبىر ساتى ورلەدى، ٴبىزدىڭ كوپتەگەن ماسەلەنى شەشۋىمىزگە ٴارى كوپتەگەن ىستەردى تىندىرۋىمىزعا قولداۋ كورسەتتى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، اناعۇرلىم بەلسەندى قازىنا ساياساتىن ويداعىداي تياناقتاندىرىپ، قازىنا بايلىعى مەن مەجە ەسەپتى ٴبىر تۇتاس جوسپارلاۋدى ونان ارى كۇشەيتىپ، قازىنانىڭ ەگجەي ـ تەگجەيلى ەسەپ ـ قيسابىن، انىق ەسەپ ـ قيسابىن ويداعىداي جاساپ، ەكونوميكالىق، قوعامدىق دامۋعا قىزمەت وتەۋ جانە ونى قامتاماسىز ەتۋ قابىلەتىن ۇزدىكسىز جوعارىلاتۋ كەرەك. ما شيڭرۇي بىلاي دەپ باسا دارىپتەدى: قان جاساۋ قۋاتىن جوعارىلاتىپ، ۇزدىكسىز كومەسكى كۇشتى اشىپ، ونىمدىلىكتى ارتتىرىپ، قازىنا قاينارىن جەتىلدىرىپ، قازىنالىق كىرىس كولەمىن قۇلشىنا كەڭەيتۋ كەرەك. جاي ـ جاپساردى ونان ارى ايقىنداپ، تۇرگە ايىرىپ دالمە ـ ٴدال شارا اتقارىپ، نەگىزگى ساتىنىڭ ”ٴۇشتى قامتاماسىزداندىرۋ“ تومەنگى شەگىن قاتايتۋ، ناقتىلاندىرۋ كەرەك. وسىزاماندانعان كاسىپ سالاسى جۇيەسىن قۇرۋ، سىرتقا ەسىك اشۋدى كەڭەيتۋ، حالىق تۇرمىسىن قامتاماسىز ەتۋ جانە جاقسارتۋ سياقتى تۇيىندەردى ارقاۋ ەتىپ، قازىنا كۇشىنىڭ قامتاماسىزدىعىن ٴۇرتىس كۇشەيتىپ، جوعارى ساپالى دامۋدى بار كۇشپەن قولداۋ كەرەك. قازىنانى باسقارۋدى ساپالىلاندىرىپ، قازىنا ـ ەكونوميكا ٴتارتىبىن قاتايتىپ، جۇيەلىك حاۋىپ ـ قاتەر تۋىلماۋ تومەنگى شەگىن ساقتاۋ كەرەك.
اۆتونوميالى رايوندىق ساناق مەكەمەسىندە ما شيڭرۇي، ەركىن تۇنياز حالىق شارۋاشىلىعى ەسەپ ـ قيساپ باسقارماسىنا بارىپ، ٴتۇرلى قىزمەتتىڭ اياق الىسىن تاپتەشتەي سۇراپ ۇعىستى. اڭگىمە بارىسىندا قاتىستى جاۋاپتى جولداستار تاياۋ جىلداردان بەرگى شينجياڭنىڭ باستى ەكونوميكالىق كورسەتكىشىنىڭ ورىندالۋ احۋالى، ارتۋ جاعدايى، كەلەسى ساتىداعى ٴتۇيىندى قىزمەت سياقتىلار جونىندە مالىمەت بەردى، ما شيڭرۇي شەشۋشى كورسەتكىشتەردى ارقاۋ ەتە وتىرىپ كوپشىلىكپەن ىشكەرىلەي تالداۋ جاساپ، زەرتتەۋ جۇرگىزدى. ول بىلاي دەپ باسا دارىپتەدى: ساناق قىزمەتى اۆتونوميالى رايوندىق پارتكوم مەن ۇكىمەتتىڭ ەكونوميكالىق اينالىم جاعدايىن مەڭگەرۋدەگى، عىلمي شەشىم جاساۋداعى ماڭىزدى نەگىزى. زاڭ بويىنشا ساناق جۇرگىزۋگە، عىلمي ساناق جۇرگىزۋگە تاباندى بولىپ، ساناق ۇلگىسى مەن ادىسىندە جاڭالىق اشىپ، ساناق ساندى مالىمەتتەرىنىڭ ساپاسىن جوعارىلاتىپ، جالعاندىق ىستەۋدەن باتىل ساقتانىپ، ساناق قىزمەتىنىڭ تۇزىمدەنۋ، ولشەمدەنۋ، زاڭمەن باسقارىلۋ دەڭگەيىن جاپپاي جوعارىلاتۋ كەرەك. وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، نازاردى ٴتۇيىندى كاسىپتەر مەن كاسىپ سالالارىنا شوعىرلاندىرىپ، ۇڭىلە، جۇيەلى تالداۋ جاساۋدى كۇشەيتىپ، باقىلاۋ ـ ولشەۋ، ساقتاندىرۋ رولىن شىنايى ساۋلەلەندىرىپ، ساناقتىڭ ساپاسىن، ونىمدىلىگىن ۇزدىكسىز جوعارىلاتۋ ارقىلى جوعارى ساپالى دامۋعا اناعۇرلىم ويداعىداي قىزمەت وتەۋ كەرەك. نەگىزدى بەكەمدەۋگە، قابىلەتتى وسىرۋگە تاباندى بولىپ، تۇعىر قۇرىلىسىن ٴۇرتىس ىلگەرىلەتىپ، نەگىزگى ساتى ساناق تاراۋلارىنا جەتەكشىلىك ەتۋدى جانە ولاردى باۋلۋدى كۇشەيتىپ، ساناق كادرلارى قوسىنىن كۇشەيتىپ قۇرىپ، شينجياڭنىڭ ساناق قىزمەتىندە تىڭ ىسكەرلىك ايگىلەۋدى ىلگەرىلەتۋ كەرەك.
ما شيڭرۇي جەر ـ جەردەن، تاراۋلاردان مىنالاردى تالاپ ەتتى: باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، پارتيا ورتالىق كوميتەتىنىڭ كەلەلى ورنالاستىرۋلارىن دايەكتىلەندىرىپ، تياناقتاندىرىپ، شينجياڭنىڭ بيىلعى ەكونوميكالىق، قوعامدىق دامۋ نىسانا ـ مىندەتتەرىن تىعىز ارقاۋ ەتىپ، جالپى جاعدايدى تۇرعى ەتىپ، كەلەلى جاعدايدى كوكەيدە ساقتاپ، جاۋاپكەرشىلىك ارقالاپ، تىڭعىلىقتى ىستەپ، ۇزدىك بولۋعا ۇمتىلىپ، ٴتۇرلى ٴتۇيىندى مىندەتتى تىڭعىلىقتى تۇردە ناقتى تياناقتاندىرىپ، ەكونوميكانىڭ، قوعامنىڭ جوعارى ساپالى دامۋىنىڭ جاڭا تاراۋىن جازۋ كەرەك. ٴار دارەجەلى باسشى كادرلار ستيلدە بۇرىلىس جاساپ، ناقتى ىستەۋدى ماڭداي الدى ورىنعا قويىپ، تاباندىلىقپەن دامۋدى يگەرىپ، بار ىنتامەن دامۋدى كوزدەپ، ناقتى ەڭبەك ٴسىڭىرىپ، ناقتى شارا شىعارىپ، ناقتى ونىمدىلىككە ۇمتىلىپ، فورماشىلدىقتى، تورەشىلدىكتى باتىل الاستاپ، جاڭا ٴبىر جىلدا تاريح پەن حالىقتىڭ سىنىنان سۇرىنبەي وتەتىن تىڭ ناتيجە شىعارۋعا قۇلشىنۋى كەرەك.
چىن ۋيجۇن، قادەن كابەن تەكسەرۋ ـ زەرتتەۋگە قاتىناستى.
