ورتالىق اسكەري ىستەر كوميتەتىنىڭ ٴتوراعاسى شي جينپيڭ بۇيرىققا قول قويدى
جاڭادان وزگەرىس ەنگىزىلگەن «ارميانىڭ جابدىق عىلمي زەرتتەۋ ەرەجەسى» جاريالاندى
شينحۋا اگەنتتىگىنىڭ 2 ـ ايدىڭ 5 ـ كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ تاياۋدا بۇيرىققا قول قويۋىمەن جاڭادان وزگەرىس ەنگىزىلگەن «ارميانىڭ جابدىق عىلمي زەرتتەۋ ەرەجەسى» جاريالاندى، 2025 ـ جىلى 3 ـ ايدىڭ 1 ـ كۇنىنەن باستاپ اتقارىلادى.
«ەرەجە» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، جابدىقتى عىلمي زەرتتەۋ قىزمەتىنىڭ ەرەكشەلىگىن، زاڭدىلىعىن تەرەڭ يگەرىپ، جاڭا جاعدايداعى جابدىق عىلمي زەرتتەۋ قىزمەتىنىڭ نەگىزگى تالابى مەن ٴتۇزىم ورنالاستىرۋىن عىلمي ارناعا ٴتۇسىردى، ول _ ارميانىڭ جابدىق عىلمي زەرتتەۋ قىزمەتىنىڭ ٴتۇبىرلى زاڭ ـ ەرەجەسى.
«ەرەجە» جالپى 8 تاراۋ، 49 تارماق، جاڭا داۋىردەگى قارۋ ـ جابدىقتاردى وسىزامانداندىرىپ باسقارۋ جۇيەسىن جاسامپازدىقپەن ورناتۋ تالابىنا ۇيلەسىپ، جوعارى ساپالى، جوعارى ٴونىمدى، وزىندىك قۇنى تومەن، باياندى دامۋ جاڭا ۇستانىمى ايقىن ورناتىلىپ، دەربەس جاڭالىق اشۋ، دەربەس زەرتتەۋ ـ جاساۋ، دەربەس مەڭگەرۋ اشىق اۋىس ـ كۇيىس جاساۋمەن ٴوزارا ۇشتاسقان دامۋدىڭ جاڭا ارناسىن قالىپتاستىرۋ ىلگەرىلەتىلىپ، جابدىق عىلمي زەرتتەۋىندە ٴوز كۇشىنە سۇيەنۋ، ٴوزىن الۋەتتەندىرۋ جەدەل جۇزەگە اسىرىلادى؛ جاڭالىق اشۋ ارقىلى دەم بەرۋگە تاباندى بولۋ ارقىلى جابدىق قۇرىلىسىندا تيپ جاڭالاۋ تالابى تياناقتاندىرىلىپ، جوسپاردى جوبالاۋ، نىسانعا ەنگىزۋدى تەكسەرىپ بەكىتۋ، نىسان باسقارۋ سياقتى ٴتارتىپ مەحانيزمى ساپالىلاندىرىلادى، كەمەلدەندىرىلەدى؛ تۇرلەر بويىنشا باسقارۋ كورنەكتىلەندىرىلىپ، جابدىقتى الدىن الا زەرتتەۋ، جابدىق زەرتتەپ جاساۋ، جابدىقتى جالپىلىق زەرتتەۋ سياقتى نىسانداردى دارەجەسى، ٴتۇرى بويىنشا باسقارۋ جاسامپازدىقپەن اتقارىلادى؛ ساپا مەن ونىمدىلىكتى باسقارۋ ـ مەڭگەرۋ كۇشەيتىلىپ، جابدىق عىلمي زەتتەۋ ساپاسىن باسقارۋ ـ مەڭگەرۋ، وزىندىك قۇنىن باسقارۋ ـ مەڭگەرۋ، تەكسەرىپ وتكىزىپ الۋ ـ باعالاۋ، جەتىستىگىن باسقارۋ، ٴادىس ـ امالمەن تىرەك بولۋ، حاۋىپسىزدىك، قۇپيالىق ساقتاۋ سياقتىلار جۇيەلى ارناعا تۇسىرىلەدى؛ باقىلاۋ ـ باسقارۋ كۇشەيتىلىپ، كاسىپ سالاسىن باقىلاۋ ـ تەكسەرۋ ٴتاسىلى، قۋزاۋ ـ جەتەكشىلىك ەتۋ، رەتتەۋ ـ تۇزەتۋ شارالارى، ناقتى جاۋاپقا تارتۋ جاعدايلارى اشالانادى، كەمەلدەندىرىلەدى. «ەرەجەنىڭ» جاريالانىپ اتقارىلۋى ارميانىڭ جابدىق عىلمي زەرتتەۋ قىزمەتىنىڭ جوعارى ساپالى دامۋىن ىلگەرىلەتۋگە تۇزىمدىك قامتاماسىزدىق ازىرلەدى.
