2 ـ ايدىڭ 6 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارلاي كەلگەن تايلاند زۇڭليى پەي تۇڭتانمەن كەزدەستى.
□سۋرەتتى شينحۋا اگەنتتىگىنىڭ ٴتىلشىسى ليۋ ۋيبيڭ تۇسىرگەن
شينحۋا اگەنتتىگىنىڭ 2 ـ ايدىڭ 6 ـ كۇنى بەيجيڭنەن بەرگەن حابارى (تىلشىلەر دۇڭ شۋە، شاۋ يبو). 2 ـ ايدىڭ 6 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارلاي كەلگەن تايلاند زۇڭليى پەي تۇڭتانمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن تايلاندتىڭ دوستىعى مىڭ جىلدان بەرى جالعاسىپ كەلەدى، ”جۇڭگو مەن تايلاند ٴبىر ٴۇيلى جانداي“ دەيتىن كوزقاراس ۋاقىت وتكەن سايىن جاڭاردى. ديپلوماتيالىق قارىم ـ قاتىناس ورناتقان جارتى عاسىردان بەرى، ەكى ەل ٴوزارا قۇرمەت ەتۋگە، تەڭ تۇرعىدا مامىلە جاساۋعا، شىنايى، ٴوزارا سەنىمدى بولۋعا، ٴبىر ـ بىرىنە قارايلاسۋعا تاباندى بولىپ، قارسى جاقتىڭ مەملەكەت يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن باستان ـ اياق باتىل قولدادى. بيىل _ جۇڭگو مەن تايلاند ديپلوماتيالىق قارىم ـ قاتىناس ورناتقاندىعىنىڭ 50 جىلدىعى جانە ”جۇڭگو _ تايلاند دوستىعىنىڭ التىن 50 جىلى“، ەكى جاق الدىڭعىلاردىڭ ٴىزىن باسىپ بولاشاققا جول اشىپ، قول ۇستاسا العا باسىپ، جۇڭگو _ تايلاند تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتىپ، ٴوڭىر مەن دۇنيە ٴجۇزىن اناعۇرلىم كوپ يگىلىككە كەنەلتۋى كەرەك.
شي جينپيڭ بىلاي دەپ باسا دارىپتەدى: 100 جىلدا بولماعان زور وزگەرىس الدىندا، جۇڭگو مەن تايلاند ەكى جاق ستراتەگيالىق ٴوزارا سەنىمدىلىكتى بەكەمدەپ، ٴبىرىن ـ ٴبىرى باتىل قولداپ، جۇڭگو _ تايلاند قارىم ـ قاتىناسىنىڭ ورنىقتىلىعى مەن ايقىندىعى ارقىلى سىرتقى ورتانىڭ ايقىنسىزدىعىنا توتەپ بەرۋى كەرەك. جۇڭگو جاق تايلاند جاقپەن دامۋ ستراتەگياسىن ٴتۇيىلىستىرىپ، ٴوزارا پايدا جەتكىزۋ سەلبەستىگىن كەڭەيتىپ، جۇڭگو _ تايلاند تەمىر جولى سياقتى باستاماشى نىسانداردى ويداعىداي اتقارىپ، جۇڭگو _ لاوس _ تايلاند ۇلاسپالى دامۋ ويىندا ەرتەرەك اناعۇرلىم كوپ تابىسقا قول جەتكىزۋدى ىلگەرىلەتۋدى قالايدى. سيفرلى ەكونوميكا، جاڭا ەنەرگيالى اۆتوكولىك سياقتى جاڭادان گۇلدەنگەن سالالارداعى سەلبەستىكتى تەرەڭدەتىپ، اناعۇرلىم ورنىقتى، ىركىلىسسىز كاسىپ سالاسى تىزبەگىن، قامداۋ تىزبەگىن قول ۇستاسا قالىپتاستىرۋ كەرەك. جۇڭگو جاق تايلاند جاقتىڭ پارمەندى شارالار قولدانىپ، ينتەرنەتتە قۇمار ويناۋعا، تەلەگراف الدامكوستىگىنە سوققى بەرگەندىگىن القايدى، ەكى جاق زاڭ اتقارۋ، حاۋىپسىزدىك جانە ٴادىليا سەلبەستىگىن ۇزدىكسىز كۇشەيتىپ، حالىقتىڭ ٴومىرى مەن مال ـ مۇلكىنىڭ حاۋىپسىزدىگىن قورعاۋى، وڭىردەگى ەلدەردىڭ بارىس ـ كەلىس جاساۋ، سەلبەستىك ٴتارتىبىن قورعاۋى كەرەك. ٴوزارا تۇسىنىستىكتى، ٴوزارا ەتەنە بولۋدى تەرەڭدەتىپ، ديپلوماتيالىق قارىم ـ قاتىناس ورناتىلعاندىعىنىڭ 50 جىلدىعىن قۇتتىقتاۋ باي مازمۇندى قيمىلدارىن بىرگە وتكىزىپ، جۇرت جۇرەگىن جىلىتاتىن، حالىق تۇرمىسىنا تيىمدىلىك جەتكىزەتىن اناعۇرلىم كوپ ينجەنەريالاردى قالىپتاستىرىپ، جۇڭگو _ تايلاند دوستىعىن جۇرت جۇرەگىنە تەرەڭ ۇيالاتىپ، ۇرپاقتان ـ ۇرپاققا جالعاستىرۋ كەرەك. جۇڭگو جاق تايلاندتىڭ لانساڭجياڭ وزەنى _ مەكونگ وزەنى سەلبەستىگىنىڭ ورتاق ٴتوراعاسى بولعاندىعىن قولدايدى، تايلاندتىڭ بريكس ەلدەرىنىڭ سەرىك ەلى بولعاندىعىن قۇتتىقتايدى، تايلاند جاقپەن بايلانىستى، سەلبەستىكتى جيىلەتىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ٴتارتىپتى باتىل قورعاپ، جەر شارىنىڭ وڭتۇستىگىنىڭ ىنتىماعىن، سەلبەستىگىن كۇشەيتىپ، دۇنيە ٴجۇزىنىڭ بەيبىتشىلىگىن قورعاپ، ورتاق دامۋدى جەبەۋدى قالايدى.
پەي تۇڭتان مىنالاردى ٴبىلدىردى: ”تايلاند _ جۇڭگو دوستىعىنىڭ التىن 50 جىلى“ ساتىندە جۇڭگوعا ساپارلاي كەلگەندىگىمە وتە قۋانىشتىمىن. 50 جىلدان بەرى، تايلاند _ جۇڭگو قارىم ـ قاتىناسى تالاي سىن ـ سىناقتاردان ٴوتىپ، باستان ـ اياق ٴبىر ـ بىرىنە قارايلاسىپ، بىرگە دامىپ، باستان ـ اياق ٴبىر ـ بىرىنە سەنىم ارتىپ، ٴبىر ـ ٴبىرىنىڭ وزەكتى مۇددەسىنە قۇرمەت ەتىپ، ەرەكشە دوستىق سەلبەستىك قارىم ـ قاتىناسىن ورناتتى. تايلاند جاق ٴبىر جۇڭگو ساياساتىن تاباندىلىقپەن اتقارادى، جۇڭگو جاقپەن بىرگە جوعارى جىكتەگىلەردىڭ بارىس ـ كەلىسىن كۇشەيتىپ، ۇلاستىرۋ، تۇتاستىرۋ، ەكونوميكا ـ ساۋدا، اۋىل شارۋاشىلىعى سياقتى سالالارداعى سەلبەستىكتى جيىلەتىپ، گۋمانيتارلىق اۋىس ـ كۇيىستى، حالىق تىلەگىنىڭ توعىسۋىن جەبەپ، بەيبىتشىلىكتەن بىرگە يگىلىكتەنەتىن، بىرگە گۇلدەنەتىن كەلەسى 50 جىلدى باستاپ، ۇرپاقتارعا باقىت جاراتۋدى ٴۇمىت ەتەدى. تايلاند جاق جۇڭگو جاقپەن جانە باسقا دا كورشى ەلدەرمەن زاڭ اتقارۋ سەلبەستىگىن كۇشەيتىپ، باتىل دا ٴونىمدى شارالار قولدانىپ، ينتەرنەتتە قۇمار ويناۋ، تەلەگراف الدامكوستىگى سياقتى شەكارا اتتاعان قىلمىستارعا سوققى بەرۋدى قالايدى. جۇڭگو حالىقارالىق ىستەردە باستان ـ اياق جاۋاپكەرشىلىك ارقالايتىن ٴىرى ەلدىك رولىن ساۋلەلەندىرىپ، وركەندەپ كەلە جاتقان ەلدەردىڭ مۇددەسىن باتىل قورعادى، تايلاند جاق جۇڭگو جاقپەن سايكەسۋدى، سەلبەسۋدى كۇشەيتىپ، الەمدىك سىن ـ سايىستارعا بىرگە توتەپ بەرۋدى قالايدى.
ۋاڭ ي كەزدەسۋگە قاتىناستى.
