شينحۋا اگەنتتىگىنىڭ 2 ـ ايدىڭ 6 ـ كۇنى بەيجيڭنەن بەرگەن حابارى. 9 ـ كەزەكتى ازيا قىسقى سپورت جارىسىنىڭ باستالۋ سالتى 2 ـ ايدىڭ 7 ـ كۇنى كەشتە حيلۇڭجياڭ ولكەسىنىڭ حاربين قالاسىندا وتكىزىلەدى. مەملەكەت ٴتوراعاسى شي جينپيڭ باستالۋ سالتىنا قاتىناسادى ٴارى وسى كەزەكتى ازيا قىسقى سپورت جارىسىنىڭ باستالعاندىعىن جاريالايدى.
2 ـ ايدىڭ 7 ـ كۇنى تۇستە ٴتوراعا شي جينپيڭ جۇڭگوعا كەلىپ باستالۋ سالتىنا قاتىناساتىن شەتەل باسشىلارىنا قارسى الۋ قوناعاسىن وتكىزەدى.
باستالۋ سالتىنا قاتىناسقان شەتەل باسشىلارىنان برۋنەي سۇلتانى حاسانال، قىرعىزستان زۇڭتۇڭى جاپاروۆ، پاكيستان زۇڭتۇڭى زارداري، تايلاند زۇڭليى پەي تۇڭتان، كورەيا پارلامەنتىنىڭ باستىعى يۇي يۋانجى قاتارلىلار بار.
سول كەزدە ورتالىق راديو ـ تەلەۆيزيا باس ستانسياسى باستالۋ سالتىن ۇستىنەن تىكە تاراتادى، شينحۋا سايتى سۋرەت جانە جازۋ فورماسىندا تىكە تاراتادى.
