اۆتونوميالى رايوندىق پارتكومنىڭ تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ۇيرەندى، دايەكتىلەندىردى
ورتالىقتىڭ سەگىز ٴتۇرلى بەلگىلەمەسىنىڭ رۋحىن جانە فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن ونان ارى تياناقتاندىردى، قازىنالىق باقىلاۋ، ٴوندىرىس حاۋىپسىزدىگى جانە اۋىل ـ قىستاق قىزمەتىن اقىلداستى، ورنالاستىردى
ما شيڭرۇي ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 6 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 2 ـ ايدىڭ 6 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ 2025 ـ جىلعى كوكتەم مەرەكەسىن توپتىق قۇتتىقتاۋ ماجىلىسىندە سويلەگەن ماڭىزدى ٴسوزىنىڭ رۋحىن جەتكىزدى، ۇيرەندى، باس شۋجي شي جينپيڭنىڭ قازىنالىق باقىلاۋ قىزمەتى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، قازىنالىق باقىلاۋ قىزمەتىن اقىلداستى، ورنالاستىردى؛ ورتالىقتىڭ سەگىز ٴتۇرلى بەلگىلەمەسىنىڭ رۋحىن جانە فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن ونان ارى تياناقتاندىرىپ، ورتالىقتىڭ ٴوندىرىس حاۋىپسىزدىگىنە قاتىستى قىزمەت تالاپتارىن دايەكتىلەندىرىپ، شينجياڭنىڭ اۋىل ـ قىستاق قىزمەتىن ىلگەرىلەتۋدى ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ماجىلىستە مىنالار باسا دارىپتەلدى: باس شۋجي شي جينپيڭ 2025 ـ جىلعى كوكتەم مەرەكەسىن توپتىق قۇتتىقتاۋ ماجىلىسىندە سويلەگەن ماڭىزدى سوزىندە وتكەن ٴبىر جىلداعى وتە ەرەكشە دامۋ بارىسىن، ادامدى جەلپىندىرەتىن دامۋ ناتيجەلەرىن تەرەڭ قورىتىندىلاپ، جۇڭگو ۇلگىسىندەگى وسىزامانداندىرۋ ۇلى نىساناسىن جۇزەگە اسىرۋدى كوزدەپ، 2025 ـ جىلعى قىزمەتتەردى ويداعىداي ىستەۋگە شىنايى ٴۇمىت ارتتى. ٴبىز مۇقيات ۇيرەنىپ، ٴتۇسىنىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، رەفورمادان قامال الۋدى تەرەڭدەتىپ، ”ون ٴىرى كاسىپ سالاسى شوعىرى“ قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، جوعارى دەڭگەيدە سىرتقا ەسىك اشۋدى كەڭەيتىپ، ٴار ۇلت بۇقاراسىنىڭ تۇرمىس ورەسىن جوعارىلاتىپ، ”14 ـ بەسجىلدىق“ جوبانىڭ نىسانا ـ مىندەتتەرىن ٴساتتى ورىنداپ، ”15 ـ بەسجىلدىقتا“ تاماشا باستامانى جۇزەگە اسىرۋعا بەرىك نەگىز قالاۋىمىز كەرەك.
ٴماجىلىس اۆتونوميالى رايوندىق پارتكوم قازىنالىق باقىلاۋ كوميتەتىنىڭ 2024 ـ جىلعى قىزمەت قورىتىندىسى، 2025 ـ جىلعى قىزمەت تۇيىندەرى، 2025 ـ جىلعى قازىنالىق باقىلاۋ نىسان جوسپارىنىڭ جاعدايى جونىندەگى مالىمەتتى تىڭدادى. ٴماجىلىس مىنالاردى باسا دارىپتەدى: باس شۋجي شي جينپيڭنىڭ قازىنالىق باقىلاۋ قىزمەتى جونىندەگى ماڭىزدى نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، جاڭا جورىقتاعى قازىنالىق باقىلاۋ قىزمەتىنىڭ ماڭىزدى مىندەت جاۋاپكەرشىلىگىن، بورىشىن تەرەڭ تانىپ، پارتيانىڭ قازىنالىق باقىلاۋ قىزمەتىنە جالپى بەتتىك باسشىلىعىنا تاباندى بولىپ، جوعارى ساپالى دامۋ سىندى ماڭداي الدى مىندەتپەن تىعىز بايلانىستىرىپ، ەكونوميكالىق باقىلاۋ ورنىن تياناق ەتىپ، كەلەلى ساياساتتاردى تياناقتاندىرۋ، رەفورمانى جاپپاي تەرەڭدەتۋ، قازىنالىق قارجىنىڭ ونىمدىلىگىن جوعارىلاتۋ سىندى تۇيىندەردى ارقاۋ ەتىپ، قازىنالىق باقىلاۋ نىساندارىن عىلمي، دالمە ـ ٴدال تۇراقتاندىرىپ، قازىنالىق باقىلاۋدىڭ ساپاسىن، ونىمدىلىگىن ۇزدىكسىز جوعارىلاتىپ، ەكونوميكانىڭ، قوعامنىڭ جوعارى ساپالى دامۋىن ٴونىمدى قورعاۋ كەرەك. رەتتەۋ ـ تۇزەتۋ جاۋاپكەرشىلىگىن قاتايتىپ، شىنداپ كىرىسىپ، قاتاڭ رەتتەپ، تۇزەتىپ، قازىنالىق باقىلاۋ بويىنشا رەتتەۋ ـ تۇزەتۋدىڭ ”قالعان جۇمىستارىن“ تەرەڭدەتۋ، ناقتىلاندىرۋ كەرەك. وزىندىك قۇرىلىستى كۇشەيتىپ، قازىنالىق باقىلاۋ ورگاندارىنىڭ باسشىلىق القاسى مەن كادرلار قوسىنىن كۇشەيتىپ قۇرىپ، نەگىزگى ساتىنىڭ قازىنالىق باقىلاۋ نەگىزىن نىعايتىپ، جاڭا داۋىردەگى قازىنالىق باقىلاۋ قىزمەتىنىڭ جوعارى ساپالى دامۋىن ىلگەرىلەتۋ كەرەك.
ٴماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى ورتالىقتىڭ سەگىز ٴتۇرلى بەلگىلەمەسىن دايەكتىلەندىرۋدى، تياناقتاندىرۋدى جانە فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن توقتاۋسىز ىلگەرىلەتىپ، تاڭداۋلى ستيلمەن جۇڭگو ۇلگىسىندەگى وسىزامانداندىرۋ قۇرىلىسىندا نىق قادام تاستاۋدى ىلگەرىلەتتى. ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ ساياسي تۇرعىسىنان پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ساياسي ٴتارتىپ پەن ساياسي قاعيداعا قاتاڭ بويسۇنىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋ ەگجەي ـ تەگجەيلى ەرەجەسىنىڭ رۋحىن قاتاڭ اتقارىپ، ”شەشۋشى ازشىلىقتى“ مىقتى يگەرىپ، ساتىلار بويىنشا جاۋاپكەرشىلىكتى قاتايتىپ، اناعۇرلىم قاتاڭ، اناعۇرلىم ناقتى شارالارمەن فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتىپ، ناقتى ٴىس ىستەۋگە ٴمان بەرەتىن، باتىلدىقپەن جاۋاپكەرشىلىك ارقالايتىن، شەبەرلىكپەن ٴىس تىندىراتىن جاڭا راي، دۇرىس سالت قالىپتاستىرۋدى ىلگەرىلەتىپ، ستيل قۇرىلىسىنىڭ ۇزاققا سوزىلاتىن شايقاسىن ويداعىداي جۇرگىزۋ كەرەك.
ٴماجىلىس مىنالاردى باسا دارىپتەدى: ٴوندىرىس حاۋىپسىزدىگى جاۋاپكەرشىلىك ٴتۇزىمىن قاتاڭ تياناقتاندىرىپ، ۇزدىكسىز تۇردە ولقىلىقتاردى تولىقتاپ، ٴالسىز تۇستاردى كۇشەيتىپ، تۇتاس شينجياڭنىڭ ٴوندىرىس حاۋىپسىزدىگى جاۋاپكەرشىلىك تىزبەگىن ٴۇرتىس كەمەلدەندىرىپ، ٴوندىرىس حاۋىپسىزدىگى شارالارىن ناقتى، ەگجەي ـ تەگجەيلى تياناقتاندىرىپ، ٴوندىرىس حاۋىپسىزدىگىن تەڭ يگەرىپ، بىرگە باسقارۋ جۇلگەسىن كۇش سالا ورناتىپ، اۋىر، ەرەكشە اۋىر ٴوندىرىس حاۋىپسىزدىگى شىرعالاڭدارىنان ٴونىمدى ساقتانىپ جانە ونى تەجەپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن ويداعىداي قورعاۋ كەرەك.
ٴماجىلىس اۆتونوميالى رايوننىڭ اۋىل ـ قىستاق رەفورماسىن ونان ارى تەرەڭدەتۋ، اۋىل ـ قىستاقتى جاپپاي گۇلدەندىرۋدى جانە جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتۋ، جاڭا كەزەكتى استىق ٴوندىرىس قۋاتىن جوعارىلاتۋ ارەكەتى، ەگىستىك جەردى قورعاۋدى كۇشەيتۋ، ەگىستىك جەردىڭ ساپاسىن جوعارىلاتۋ، يەلەۋ مەن تولىقتاۋدى تەڭگەرۋدى كەمەلدەندىرۋ سياقتى جاعدايلار جونىندەگى مالىمەتىن تىڭداپ، وتكەن ٴبىر جىلداعى شينجياڭنىڭ اۋىل شارۋاشىلىعىندا قۋاتتى رايون قۇرىلىسىندا قول جەتكىزگەن ناتيجەلەرىن تولىق تۇراقتاندىرىپ، مىنالاردى باسا دارىپتەدى: نازاردى اۋىل شارۋاشىلىعى، اۋىل ـ قىستاق، شارۋالار قىزمەتىندەگى ٴتۇيىندى مىندەتتەرگە شوعىرلاندىرىپ، رەفورما مىندەتتەرىن جوعارى ساپامەن ىلگەرىلەتۋدى تۇتقا ەتىپ، ٴار جاقتاعى بەلسەندى فاكتورلار مەن ٴتيىمدى شارت ـ جاعدايلاردان تولىق پايدالانىپ، ويداعىداي پايدالانىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋدان وڭىرىندە حالىقتى بايىتۋ كاسىپ سالاسىن بار كۇشپەن دامىتىپ، اۋىل شارۋاشىلىق ونىمدەرىن وڭدەۋ كاسىبىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتىپ، اۋىل ـ قىستاق نەگىزگى ساتى پارتيا ۇيىمى قۇرىلىسىن كۇشەيتىپ، نەگىزگى ساتىنى باسقارۋ ونىمدىلىگىن ٴۇرتىس جوعارىلاتىپ، اۋىل ـ قىستاقتى جاپپاي گۇلدەندىرۋدە جاڭا قادام تاستاۋدى ىلگەرىلەتۋ كەرەك. استىقتىڭ، ماقتانىڭ ٴونىمىن ورنىقتىرۋدى، ٴونىمىن ارتتىرۋدى ىلگەرىلەتۋدى كورنەكتى ورىنعا قويۋعا تاباندى بولىپ، ەگىستىك جەردى جانە ماڭگىلىك نەگىزگى ەگىنجايلاردى قورعاۋ ساياسي جاۋاپكەرشىلىگىن باتىل ارقالاپ، جوعارى ولشەمدى ەگىنجاي قۇرىلىسىن ۇزدىكسىز ىلگەرىلەتىپ، كومەسكى قۋاتتى اشىپ، ٴوندىرىس قۋاتىن جوعارىلاتىپ، ونىمدىلىكتى ارتتىرىپ، مەملەكەتتى استىقپەن، ماقتامەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى قامتاماسىز ەتۋگە اناعۇرلىم كوپ شينجياڭ ۇلەسىن قوسۋ كەرەك.
