2 ـ ايدىڭ 7 ـ كۇنى اۆتونوميالى رايوندىق پارتكومنىڭ اۋىل ـ قىستاق قىزمەتى ٴماجىلىسى ۇرىمجىدە اشىلدى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 7 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ اۋىل ـ قىستاق قىزمەتى ٴماجىلىسى 2 ـ ايدىڭ 7 ـ كۇنى اشىلدى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ٴماجىلىسىنىڭ، ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، قايراتتانا العا ۇمتىلىپ، شىنايى يگەرىپ ناقتى ىستەپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەل ىلگەرىلەتىپ، شينجياڭ اۋىل شارۋاشىلىعىنىڭ نەگىزىن اناعۇرلىم بەكەمدەۋدى، اۋىل ـ قىستاق وڭىرلەرىنىڭ اناعۇرلىم گۇلدەنىپ ـ كوركەيۋىن، شارۋالار تۇرمىسىنىڭ اناعۇرلىم شالقي ٴتۇسۋىن جەبەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن قىزمەت بايانداماسىن جاسادى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل ـ قىستاق، شارۋالار قىزمەتىنە ايرىقشا ٴمان بەرىپ، اۋىل شارۋاشىلىعىندا قۋاتتى ەل قۇرۋ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەلدەتۋ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ، ”1000 قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەسىن ۇيرەنۋ، قولدانۋ سياقتى كەلەلى شەشىمدەر، ورنالاستىرۋلار جاساپ، اۋىل شارۋاشىلىعى، اۋىل ـ قىستاق، شارۋالار قىزمەتىنە ستراتەگيالىق تۇرعىدان ورنالاستىرۋ جاساۋعا، شەشۋشى تۇيىندەردەن باستاپ كىرىسۋگە عىلمي جەتەكشىلىك ەتتى. باس شۋجي شي جينپيڭنىڭ ٴبىر قىدىرۋ ماڭىزدى سوزىنە، ٴبىر قىدىرۋ ماڭىزدى نۇسقاۋىنا اۋىل شارۋاشىلىعى، اۋىل ـ قىستاق، شارۋالار قىزمەتىنىڭ دامۋ ستراتەگياسى جونىندەگى تەرەڭ وي تولعامدارى سىڭىرىلگەن، وندا اۋىل شارۋاشىلىعى، اۋىل ـ قىستاق قىزمەتى جونىندەگى ىقىلاستى قامقورلىعى بەينەلەنگەن، ميلليونداعان شارۋا قاۋىمىنا تەرەڭ سۇيىسپەنشىلىگى قامتىلعان، ول اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ اۋىل ـ قىستاق قىزمەتى ٴماجىلىسىنىڭ ورنالاستىرۋلارىن تياناقتاندىرىپ، اناعۇرلىم دالمە ـ ٴدال شارا جانە اناعۇرلىم ناقتى ارەكەت ارقىلى اۋىل شارۋاشىلىعىندا قۋاتتى رايون قۇرۋ نىساناسىنا قاراي مىعىم قادام تاستاۋ كەرەك.
ما شيڭرۇي بىلاي دەپ اتاپ كورسەتتى: 2024 ـ جىلى شينجياڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ ٴتۇيىندى مىندەتتەرىن تىڭعىلىقتى ىلگەرىلەتىپ، اۋىل شارۋاشىلىعىن دامىتۋدا، اۋىل ـ قىستاقتى گۇلدەندىرۋدە، شارۋالار كىرىسىن ارتتىرۋدا ايتارلىقتاي ناتيجەگە قول جەتكىزىپ، تۇتاس شينجياڭنىڭ استىق، ماقتا ٴونىمىن تاعى دا تىڭ دەڭگەيگە جەتكىزىپ، اۋىل ـ قىستاق تۇرعىندارىنىڭ جان باسىندىق قولداعى تابىسىن ٴبىرشاما تەز ارتتىرىپ، اۋىل ـ قىستاق حالىق تۇرمىسى ىستەرىندە جاڭا ىلگەرىلەۋشىلىككە قول جەتكىزىپ، اۋىل شارۋاشىلىعىندا قۋاتتى رايون قۇرۋدا بەرىك قادام تاستاپ، مەملەكەتتىڭ جالپى جاعدايىنا قىزمەت وتەۋگە ماڭىزدى ۇلەس قوستى. سەنىمدى، بەكىمدى نىعايتىپ، مەملەكەتتىڭ ساپالى ەگىن، مال شارۋاشىلىق ونىمدەرىمەن قامداۋ ماڭىزدى بازاسىن قۇرۋداعى ستراتەگيالىق ورىندى كوزدەپ، ٴتۇيىندى سالالار مەن شەشۋشى بۋىنداردى ٴجىتى قاداعالاپ، اۋىل شارۋاشىلىعى، اۋىل ـ قىستاق، شارۋالار قىزمەتى ورنالاستىرۋلارىنىڭ تياناقتانىپ ونىمدىلىك كورسەتۋىن بار كۇشپەن ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: بيىل شينجياڭ مەملەكەتتىڭ استىق حاۋىپسىزدىگىن قامتاماسىز ەتۋگە جانە ماڭىزدى ەگىن، مال شارۋاشىلىعى ونىمدەرىمەن قامداۋعا جاڭا ۇلەس قوسۋى كەرەك. استىق حاۋىپسىزدىگىندە پارتكوم مەن ۇكىمەت بىردەي جاۋاپكەرشىلىك ارقالاۋدى جاپپاي تياناقتاندىرىپ، اۋدانىن ورنىقتىرۋعا، قۇرىلىمىن ساپالىلاندىرۋعا، بىرلىك ونىمىندە قامال الۋعا، ٴوندىرىس قۋاتىن جوعارىلاتۋعا كۇش سالىپ، استىق ٴوندىرىس قۋاتىن تاعى دا ٴبىر ميلليارد جىڭنىڭ ۇستىندە ارتتىرۋعا ۇمتىلىس جاساۋ؛ ماقتانىڭ باسىم ورنىن بەكەمدەپ، ماقتا، توقىماشىلىق، كيىم ـ كەشەك كاسىپ سالاسى تىزبەگىن ۇزارتىپ، ماقتا كاسىپ سالاسىنىڭ جوعارى ساپالى دامۋىن ىلگەرىلەتۋ؛ ماڭىزدى ەگىن، مال شارۋاشىلىعى ونىمدەرىن ٴوندىرۋ جانە ونىمدەرمەن قامداۋ جۇيەسىن ساپالىلاندىرىپ، ”مال شارۋاشىلىعىنداعى توعىز تارماق“ ساياسات ـ شارالارىن كەمەلدەندىرىپ، جەمىس ورمان شارۋاشىلىعىنىڭ ساپاسىن جوعارىلاتىپ ونىمدىلىگىن ارتتىرۋدى ىلگەرىلەتىپ، وسى زامانعى كوكونىس كاسىپ سالاسى تىزبەگىن تۇلعالاۋ؛ اۋىل شارۋاشىلىعىنىڭ عىلىم ـ تەحنولوگيا جانە جابدىق تىرەگىن كۇشەيتىپ، تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، جوعارى ولشەمدى ەگىنجاي قۇرىلىسىن جوعارى ساپامەن ىلگەرىلەتىپ، سۋ بايلىعىنان پايدالانۋ ونىمدىلىگىن اناعۇرلىم جوعارىلاتۋ كەرەك. كەدەيلىكتەن ارىلتۋدان قامال الۋ جەتىستىكتەرىن تاباندىلىقپەن بەكەمدەۋ، كەڭەيتۋ كەرەك. يكەمدى باقىلاۋدى دالمە ـ ٴدال ورىستەتىپ، ۇدايىلانعان كومەكتەسۋ ـ سۇيەمەلدەۋ جۇيەسىن ورناتىپ، قايتا كەدەيلەسۋدەن، كەدەيلەسۋدەن ساقتانۋ بويىنشا قاداعالاۋ، كومەكتەسۋ ـ سۇيەمەلدەۋ ونىمدىلىگىن جوعارىلاتۋ؛ قايتا كەدەيلەسۋدەن ساقتانۋ بويىنشا جۇمىستاندىرۋدان قامال الۋ ارەكەتىن ىشكەرىلەي ورىستەتىپ، اۋىل ـ قىستاق ەڭبەككۇشتەرىن باسقا سالاعا ويىستىرىپ جۇمىستاندىرۋ ارناسىن كەڭەيتىپ، ەگىنشى ـ مالشىلاردىڭ جۇمىستانىپ كىرىستەرىن ارتتىرۋىن ٴتۇرلى ٴادىس ـ امالمەن جەبەۋ كەرەك. اۋىل ـ قىستاقتىڭ دامۋ دەڭگەيىن جوعارىلاتىپ، قالا مەن اۋىلدىڭ توعىسا دامۋىن جەبەۋ كەرەك. جاڭاشا قالا ـ قالاشىقتاندىرۋ مەن اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ ىلگەرىلەتىپ، اۋدان ٴوڭىرى ەكونوميكاسىن زورايتىپ، قالا، اۋىل ەكونوميكا اينالىمىن ىركىلىسسىزدەندىرىپ، اۋىل ـ قىستاقتىڭ قونىس ورتاسىن ۇزدىكسىز جاقسارتىپ، قالا، اۋىل نەگىزگى الەۋمەتتىك قىزمەت وتەۋىنىڭ ٴبىر تۇلعالانۋىن ىلگەرىلەتۋ؛ اۋىل شارۋاشىلىعى تۇتاس كاسىپ سالاسى تىزبەگىن زورايتىپ، كۇشەيتىپ، شارۋالارمەن بايلانىس جاساپ، شارۋالاردى جەتەكتەۋ مەحانيزمىندە جاڭالىق اشىپ، شارۋالاردى اناعۇرلىم مول ارتقان قۇن پايداسىنان يگىلىكتەندىرۋ؛ كاسىپ سالاسىن دامىتۋدى، اۋىل ـ قىستاق قۇرىلىسىن جانە ەكولوگيانى قورعاۋدى ٴبىر تۇتاس جوسپارلاپ، جاسىل دامۋ جولىمەن ويداعىداي ٴجۇرۋ كەرەك. اۋىل ـ قىستاقتى شەبەر باسقارۋ جانە اۋىل سالتى وركەنيەت دەڭگەيىن جوعارىلاتۋ كەرەك. پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋگە تاباندى بولىپ، قىستاق (الەۋمەتتىك اۋماق) ”ەكى كوميتەتىنىڭ“ كەزەك اۋىستىرۋ قىزمەتىن تىڭعىلىقتى ورىستەتىپ، ”1000 قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەسىن ۇيرەنىپ، قولدانىپ، اۋىل ـ قىستاق قۇرىلىسى دەڭگەيىن جانە باسقارۋ ونىمدىلىگىن جوعارىلاتۋ؛ وركەنيەتتى اۋىل سالتى قۇرىلىسى ينجەنەرياسىن اتقارىپ، ەگىنشى ـ مالشىلاردى مەملەكەتتە ٴبىر تۇتاس قولدانىلاتىن ٴتىل ـ جازۋ بويىنشا باۋلۋ تەبىنىن كۇشەيتىپ، ەسكى سالت ـ سانانى وزگەرتۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەۋ؛ لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، قوعامدىق قايشىلىقتى، داۋ ـ شاردى اداقتاپ تەكسەرۋ، ٴبىر جاقتى ەتۋ قىزمەتىن ناقتى، ەگجەي ـ تەگجەيلى ىستەپ، اۋىل ـ قىستاقتىڭ ورنىقتىلىعىن، تىنىشتىعىن باتىل قورعاۋ كەرەك. اۋىل ـ قىستاق رەفورماسىن ونان ارى تەرەڭدەتۋ مىندەتىن جاپپاي تياناقتاندىرۋ كەرەك. دۇرىس رەفورما بەتالىسىنا تاباندى بولىپ، شينجياڭنىڭ ٴىس جۇزىندىگىمەن بىرلەستىرىپ سىناق تۇيىندەرىندە الدىمەن اتقارۋعا تاباندى بولىپ، قادام بويىنشا تارتىپپەن اتقارىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ماجىلىسىندە تۇراقتاندىرىلعان ٴتۇرلى رەفورما مىندەتتەرىنىڭ تياناقتانىپ ونىمدىلىك كورسەتۋىن تىڭعىلىقتى ىلگەرىلەتۋ كەرەك. پارتيانىڭ اۋىل شارۋاشىلىعى، اۋىل ـ قىستاق، شارۋالار قىزمەتىنە جالپى بەتتىك باسشىلىعىن كۇشەيتۋ كەرەك. بەس دارەجەلى شۋجيلەردىڭ اۋىل ـ قىستاقتى گۇلدەندىرۋدى يگەرۋ ساياسي جاۋاپكەرشىلىگىن نىعايتىپ، بايلىقتى، كۇشتەردى بىرىكتىرىپ، قىزمەت بىرىككەن كۇشىن ۇيىستىرىپ، دۇرىس ناتيجە كوزقاراسىنا تاباندى بولىپ، تابىسقا جەتۋگە اسىقپاۋ، قارابايىرلاندىرۋدان، ٴبارىن ٴبىر تاياقپەن ايداۋدان ساقتانىپ، كۇشتى شوعىرلاندىرا وتىرىپ ٴبىر قىدىرۋ ناقتى ٴىس تىندىرۋدى ويداعىداي يگەرۋ؛ قىستاقتاردى شارلاپ تەكسەرۋدى تىڭعىلىقتى ورىستەتىپ، اۋىل ـ قىستاقتى گۇلدەندىرۋ سالاسىنداعى بۇرىس ستيلدەردى جانە شىرىكتەسۋ ماسەلەلەرىن ىشكەرىلەي وڭاپ، نەگىزگى ساتىنىڭ تاماشا ساياسي ەكولوگياسىن قالىپتاستىرۋ كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: جەر ـ جەر، تاراۋلار ساياسي دەڭگەيدى جوعارىلاتىپ، جاڭا داۋىردە اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋدىڭ كەلەلى ٴمانىن تەرەڭ تانىپ، اناعۇرلىم سانالىلىقپەن، ىرىقتىلىقپەن شينجياڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتىن بۇكىل مەملەكەتتىڭ جالپى جاعدايىنا قويىپ وي جۇگىرتىپ، جوسپارلاپ، ٴتۇرلى ٴتۇيىندى مىندەتتى مىقتاپ ارقاۋ ەتە وتىرىپ، ەگىنشى ـ مالشىلاردىڭ كىرىسىن ارتتىرۋدى ماڭىزدىنىڭ ماڭىزدىسى ەتىپ، جوسپارلاۋدى كۇشەيتىپ، كۇشتى شوعىرلاندىرا وتىرىپ قامال الىپ، اۋىل ـ قىستاقتى جاپپاي گۇلدەندىرۋدىڭ شينجياڭ ۇلگىسىن قۇلشىنا تۇلعالاۋى كەرەك. يدەيانى ازات ەتۋگە، جۇيەلى ىلگەرىلەتۋگە تاباندى بولىپ، جىلدىق قىزمەت نىساناسىن جانە وي جەلىسىن، شارالاردى عىلمي زەرتتەپ تۇراقتاندىرىپ، ناقتى ىستەۋدى ماڭداي الدى ورىنعا قويۋعا تاباندى بولىپ، قابىلەتتى ۇزدىكسىز جوعارىلاتىپ، ستيلدە بۇرىلىس جاساپ، ٴتۇرلى قىزمەت ورنالاستىرۋلارىن قاز ـ قالپىندا ناقتى ورىنعا تياناقتاندىرۋ كەرەك.
چىن ۋيجۇن بايانداماسىندا بىلاي دەپ اتاپ كورسەتتى: ٴماجىلىستىڭ ٴتۇرلى ورنالاستىرۋلارىن مۇقيات دايەكتىلەندىرىپ، سەنىمدى بەكەمدەپ، قيىندىقتان تايسالماي العا ۇمتىلىپ، قامداۋدى قامتاماسىز ەتۋ قابىلەتىن كۇشەيتۋ، كەدەيلىكتەن ارىلتۋدان قامال الۋ جەتىستىگىن ۇزدىكسىز بەكەمدەۋ، كەڭەيتۋ، كاسىپ سالاسى شوعىرىنىڭ جوعارى ساپالى دامۋىن ىلگەرىلەتۋ، قالا مەن اۋىلدىڭ توعىسا دامۋىن جەدەلدەتۋ، شارۋالاردىڭ كىرىستى ۇزدىكسىز ارتتىرۋىن جان ـ جاقتى جەبەۋ، رەفورما مىندەتىن جاپپاي تياناقتاندىرۋ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى كۇشەيتۋ سياقتى ٴتۇيىندى مىندەتتەردى ارقاۋ ەتە وتىرىپ، شىنايى يگەرىپ ناقتى ىستەپ، ۇزدىكسىز قاجىماي كۇش سالىپ، اۋىل ـ قىستاق رەفورماسىن ونان ارى تەرەڭدەتۋدىڭ، اۋىل ـ قىستاقتىڭ جاپپاي گۇلدەنۋىن ىلگەرىلەتۋدىڭ جاڭا جاعدايىن قۇلشىنا اشۋ كەرەك.
ماجىلىستە ىلە قازاق اۆتونوميالى وبلىسىنىڭ، اقسۋ ايماعىنىڭ، قاشقار ايماعىنىڭ، حوتان ايماعىنىڭ، ٴۇرىمجى اۋدانىنىڭ، بۇراتالا قالاسىنىڭ، سانجى قالاسىنىڭ، چارقىلىق اۋدانىنىڭ قاتىستى جولداستارى پىكىر اۋىستىرىپ ٴسوز سويلەدى.
قادەن كابەن جانە اۆتونوميالى رايوندىق ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، اۆتونوميالى رايونعا (ورتالىققا) توتە قاراستى ورىندارداعى جاۋاپتى جولداستار، ايماق، وبلىس، قالالارداعى سالاعا جاۋاپتى جولداستار جانە اۋىل شارۋاشىلىعى تاراۋلارىنداعى جاۋاپتى جولداستار، اۋىل شارۋاشىلىعى سالاسىنداعى ماماندار جانە كاسىپورىن ۋاكىلدەرى نەگىزگى ٴماجىلىس الاڭىندا ماجىلىسكە قاتىناستى. ايماق، وبلىس، قالالاردا، اۋدان، قالا، رايونداردا، بيڭتۋاننىڭ شى، قالالارىندا جانە تۋان ـ الاڭدارىندا بولىمشە ٴماجىلىس الاڭى ورنالاستىرىلدى.
