ما شيڭرۇي شينجياڭ ۇگىت ٴبولىمى باستىقتارى ماجىلىسىندە بىلاي دەپ باسا دارىپتەدى
شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، تۋراشىلدىقتان اينىماي جاڭالىق اشۋ بارىسىندا شينجياڭنىڭ ۇگىت، يدەيا، مادەنيەت قىزمەتىنىڭ جاڭا جاعدايىن اشۋ كەرەك
ەركىن تۇنياز باسقاردى، حى جۇڭيوۋ، جاڭ جۋ، چىن ميڭگو قاتىناستى
2 ـ ايدىڭ 7 ـ كۇنى شينجياڭ ۇگىت ءبولىمى باستىقتارى ٴماجىلىسى ۇرىمجىدە اشىلدى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 7 ـ كۇنى ۇرىمجىدەن حابارلايدى. شينجياڭ ۇگىت ٴبولىمى باستىقتارى ٴماجىلىسى 2 ـ ايدىڭ 7 ـ كۇنى اشىلدى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەپ، بىلاي دەپ باسا دارىپتەدى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي ۇيرەنىپ، دايەكتىلەندىرىپ، شي جينپيڭ مادەنيەت يدەياسىن ۇيرەنىپ، دايەكتىلەندىرىپ، مەملەكەتتىك ۇگىت ٴبولىمى باستىقتارى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى مادەنيەت بورىشىن ىرىقتىلىقپەن ارقالاپ، تۋراشىلدىقتان اينىماي جاڭالىق اشۋ بارىسىندا شينجياڭنىڭ ۇگىت، يدەيا، مادەنيەت قىزمەتىنىڭ جاڭا جاعدايىن اشىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭ قۇرۋعا اناعۇرلىم ويداعىداي قىزمەت وتەۋ جانە ونى قامتاماسىز ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ۋاڭ جيانشين ناقتى قىزمەتتەر جونىندە ورنالاستىرۋ جاسادى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مادەنيەت قۇرىلىسىن ەل باسقارۋدا كورنەكتى ورىنعا قويۋعا تاباندى بولىپ، نازاريا، اماليات، ٴتۇزىم جاقتارىندا ٴبىر قىدىرۋ ىزدەنىس جاساپ، جاڭالىق اشىپ، شي جينپيڭ مادەنيەت يدەياسىن قالىپتاستىرىپ، جاڭا داۋىردەگى پارتيانىڭ مادەنيەت تۋىن ورناتىپ، ۇگىت، يدەيا، مادەنيەت قىزمەتىن ويداعىداي ىستەۋگە، مادەنيەتتىڭ گۇلدەنۋىن ىلگەرىلەتۋگە، مادەنيەتتە قۋاتتى ەل قۇرۋعا قۋاتتى يدەيالىق قارۋ جانە عىلمي ارەكەت باعدارناماسىن ازىرلەدى. ٴبىز ىشكەرىلەي ۇيرەنىپ، ٴتۇسىنىپ، شي جينپيڭ مادەنيەت يدەياسىنىڭ وزەكتى ٴمانىن، رۋحاني ٴمانىن جانە باي مازمۇنىن ۇيرەنۋدى، ٴتۇسىنۋدى ۇزدىكسىز تەرەڭدەتىپ، يگەرۋ، قولدانۋ قابىلەتىن جوعارىلاتىپ، شينجياڭنىڭ ۇگىت، يدەيا، مادەنيەت قىزمەتىنىڭ باستان ـ اياق دۇرىس بەتالىسپەن العا باسۋىنا شىنايى كەپىلدىك ەتۋىمىز كەرەك.
ما شيڭرۇي وتكەن ٴبىر جىلداعى شينجياڭنىڭ ۇگىت، يدەيا، مادەنيەت قىزمەتىندە قول جەتكەن ناتيجەلەردى تولىق تۇراقتاندىردى. ول بىلاي دەپ اتاپ كورسەتتى: بيىلعى ۇگىت، يدەيا، مادەنيەت قىزمەتىن ويداعىداي ىستەۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن، اسىرەسە، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، نەگىزگى اعىمدىق يدەيانى، قوعامدىق پىكىردى بەكەمدەپ، زورايتىپ، وسى زامانعى وركەنيەتتى جەتىلدىرۋدى كۇشەيتىپ، شينجياڭدى مادەنيەتپەن نارلەندىرۋدىڭ ساپاسىنىڭ جوعارىلاپ، ونىمدىلىگىنىڭ ارتۋىن ىلگەرىلەتىپ، مادەنيەت ٴتۇزىلىس ـ مەحانيزم رەفورماسىن تەرەڭدەتىپ، حالىقارالىق تاراتۋدىڭ جالپى تۇلعالىق ونىمدىلىگىن جوعارىلاتىپ، يدەولوگيا حاۋىپ ـ قاتەرىنەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى يدەيالىق كەپىل، قۋاتتى رۋحاني كۇش، ٴتيىمدى مادەنيەت شارت ـ جاعدايىن ازىرلەۋ كەرەك.
ما شيڭرۇي بىلاي دەپ باسا دارىپتەدى: ساياسي جاقتان ”قاراۋعا“ تاباندى بولۋ كەرەك. ساياسي جەتەكشىلىكتى كۇشەيتىپ، ساياسي بەتالىستى مىقتاپ يگەرىپ، ساياسي جاۋاپكەرشىلىكتى ارقالاپ، قاجىماي ـ تالماي پارتيانىڭ جاسامپاز نازارياسىمەن زەيىن ـ زەردەنى ۇيىستىرىپ، رۋحتى سومداپ، ”ەكىنى تۇراقتاندىرۋدى“ باتىل قولداۋدى ”ەكىنى قورعاۋداعى“ سانالى ارەكەتكە اينالدىرىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭنىڭ ۇگىت، يدەيا، مادەنيەت قىزمەتى جونىندەگى ورنالاستىرۋلارىنىڭ، تالاپتارىنىڭ ناقتى تياناقتاندىرىلۋىنا شىنايى كەپىلدىك ەتۋ كەرەك. ستراتەگيالىق جاقتان ”جوسپارلاۋعا“ تاباندى بولۋ كەرەك. جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋدى ارقاۋ ەتىپ، نەگىزگى اعىمدىق يدەيانى، قوعامدىق پىكىردى ۇزدىكسىز زورايتىپ، كۇشەيتىپ، شينجياڭعا ساياتىن سىرتقى ۇگىت پەن قوعامدىق پىكىر كۇرەسىن كۇشەيتۋ؛ نازاردى قوعام ورنىقتىلىعى مەن باياندى تىنىشتىقتىڭ يدەيالىق نەگىزىن بەكەمدەۋگە شوعىرلاندىرىپ، جۇڭحۋا ۇلتى ورتاق تۇلعا قۇرىلىسىن ىشكەرىلەي ىلگەرىلەتىپ، مادەنيەت ىستەرى كاسىپ سالاسىنىڭ گۇلدەنۋىن، دامۋىن ىلگەرىلەتۋ كەرەك. نازاريالىق جاقتان ”ورناتۋعا“ تاباندى بولۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن زەرتتەۋدى تەرەڭدەتىپ، تولىق، دالمە ـ ٴدال، جاپپاي دايەكتىلەندىرۋگە اقىل ـ پاراساتتىق تىرەك ازىرلەۋ؛ شينجياڭنىڭ تاريحي مادەنيەتىن زەرتتەۋدى كۇشەيتىپ، جۇڭحۋا مادەنيەتىنىڭ ورتاقتىعىنىڭ، ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ تاريحي فاكتتەرىن ايگىلەيتىن ٴسوز جۇيەسى مەن ٴونىمدى دانەكەردى كوپ تۇرعىدان جان ـ جاقتى قۇرۋ كەرەك. رەفورمادا ”ىلگەرىلەۋگە“ تاباندى بولۋ كەرەك. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ مادەنيەت ٴتۇزىلىس ـ مەحانيزم رەفورماسىن تەرەڭدەتۋ جونىندەگى ورنالاستىرۋلارىن، تالاپتارىن جاپپاي دايەكتىلەندىرىپ، نازاردى تەرەڭ قاتپارلى قايشىلىقتار مەن ماسەلەلەرگە شوعىرلاندىرىپ، مادەنيەتتە جاڭالىق اشۋعا، جاسامپازدىق جاراتۋعا تۇساۋ بولاتىن تەجەمدەر مەن كەدەرگىلەردى كۇش سالا جويىپ، مادەنيەت ىستەرىنىڭ دامۋ ومىرشەڭ كۇشىن قاۋلاتۋ كەرەك. ماڭىزدى ٴتۇيىندى ”يگەرۋگە“ تاباندى بولۋ كەرەك. ادەبيەت ـ كوركەمونەر جاسامپازدىعىن مىقتى يگەرىپ، ٴبىر توپ ادەبيەت ـ كوركەمونەر سارا تۋىندىلارىن شىعارىپ، مادەنيەت پەن ساياحاتتىڭ ىشكەرىلەي توعىسا دامۋىن ىلگەرىلەتىپ، ساياحاتتىڭ جۇرتتى باۋراۋداعى، وبراز ايگىلەۋدەگى، ارالاسۋدى، ىشتەسۋدى، توعىسۋدى جەبەۋدەگى ماڭىزدى رولىن اناعۇرلىم ويداعىداي ساۋلەلەندىرىپ، اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ جەلىلەس قيمىلدارىن دەن قويا ويداعىداي وتكىزۋ كەرەك. نەگىزدى ”بەكەمدەۋگە“ تاباندى بولۋ كەرەك. يدەولوگيا سالاسىنىڭ حاۋىپسىزدىگىن باتىل قورعاپ، جۇرت رايىنا جاۋاپ قايتارۋ جانە قوعامدىق پىكىرگە جەتەكشىلىك ەتۋ قىزمەتىن بەلسەنە ويداعىداي ىستەپ، بايلىق پەن كۇشتىڭ نەگىزگى ساتىعا ٴتۇسۋىن ىلگەرىلەتىپ، نەگىزگى ساتىنىڭ ۇگىت، يدەيا، مادەنيەت قىزمەتىن يگەرەتىن ادام بولۋىنا، ويداعىداي يگەرۋگە شىنايى كەپىلدىك ەتۋ كەرەك.
ما شيڭرۇي ۇلكەن ۇگىت ارناسىن قالىپتاستىرۋ جونىندە دە تالاپ قويىپ، بىلاي دەپ باسا دارىپتەدى: ۇلكەن ۇگىت قىزمەت ۇستانىمىن بەرىك ورناتىپ، ٴار دارەجەلى پارتكومنىڭ ساياسي جاۋاپكەرشىلىگى مەن باسشىلىق جاۋاپكەرشىلىگىن كۇشەيتىپ، ٴار شەپتىڭ، تاراۋدىڭ قىزمەت بىرىككەن كۇشىن ۇزدىكسىز ۇيىستىرۋ كەرەك. جوعارى ساپالى، ماماندانعان كادر ـ دارىندىلار قوسىنىن قۇرىپ، قابىلەت ـ دەڭگەيدى ۇزدىكسىز جوعارىلاتىپ، ستيل قۇرىلىسىن كۇشەيتىپ، دۇرىس ناتيجە كوزقاراسىن بەرىك ورناتىپ، جۇمىسقا شوگەلدىكپەن كىرىسىپ، جۇمىستى ەگجەي ـ تەگجەيلى، ناقتى ىستەۋدى شىن مانىندە ورىنداۋ كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: ساياسي دەڭگەيدى جوعارىلاتىپ، قىزمەت بەتالىسىن ٴدال يگەرىپ، پارتيانىڭ ۇگىت، يدەيا، مادەنيەت قىزمەتىنە جالپى بەتتىك باسشىلىعىنا تاباندى بولىپ، پارتيا مەن مەملەكەت قىزمەتىنىڭ كەلەلى جاعدايىنا اناعۇرلىم ويداعىداي قىزمەت وتەۋ كەرەك. قىزمەتتىڭ نەگىزگى جەلىسىن مىقتاپ يگەرىپ، مىندەتتى تياناقتاندىرۋدى مىقتى ۇستاپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، قوعامدىق پىكىرگە جەتەكشىلىك ەتۋدى ويداعىداي ىستەپ، مادەنيەتتە قۋاتتى رايون قۇرىلىسىن جەدەل ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. ستيلدە ۇزدىكسىز بۇرىلىس جاساپ، بەلسەنە جاۋاپكەرشىلىك ارقالاپ ىسكەرلىك كورسەتىپ، رەفورما وي جەلىسى جانە ٴتاسىلى ارقىلى ىشكەرىلەي جوسپارلاپ ىلگەرىلەتىپ، قىزمەت شاراسىندا جاڭالىق اشىپ، شىندىقتى ٴىس جۇزىنەن ىزدەپ، شىنايى يگەرىپ ناقتى ىستەپ، مىندەتتەردى ناقتى تياناقتاندىرۋ كەرەك.
ۋاڭ جيانشين قىزمەت ورنالاستىرۋىن جاساعاندا بىلاي دەپ اتاپ كورسەتتى: ٴماجىلىستىڭ ورنالاستىرۋلارىن ىشكەرىلەي دايەكتىلەندىرىپ، بورىش پەن مىندەتتى باتىلدىقپەن ارقالاپ، قايراتتانا ٴورىس اشا العا ىلگەرىلەپ، پارتيانىڭ جاسامپاز نازارياسىمەن قارۋلانۋدىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، نەگىزگى اعىمدىق يدەيانى، قوعامدىق پىكىردى بەكەمدەپ، زورايتىپ، سوتسياليستىك وزەكتى قۇن كوزقاراسىن كۇش سالا جەتىلدىرىپ جانە امالياتتا ايگىلەپ، شينجياڭدى مادەنيەتپەن نارلەندىرۋ قىزمەتىنىڭ ٴمانى مەن ساپاسىن، ونىمدىلىگىن دالمە ـ ٴدال جوعارىلاتىپ، شينجياڭعا ساياتىن سىرتقى ۇگىت پەن قوعامدىق پىكىر كۇرەسىنىڭ ىرىقتى شايقاسىن ويداعىداي جۇرگىزىپ، يدەولوگيا سالاسىنىڭ حاۋىپسىزدىگىن باتىل قورعاپ، شينجياڭنىڭ ۇگىت، يدەيا، مادەنيەت قىزمەتىنىڭ جاڭا جاعدايىن قۇلشىنا اشۋ كەرەك.
تيان شياڭلي، چىن ۋيجۇن، ەلزات احمەتجان، قادەن كابەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، ايماقتىق، وبلىستىق، قالالىق پارتكومداردىڭ ۇگىت بولىمدەرىنىڭ باستىقتارى جانە قاتىستى ورىندارداعى جاۋاپتى جولداستار، اۆتونوميالى رايوندىق پارتكومنىڭ ۇگىت، يدەيا، مادەنيەت قىزمەتى باسشىلىق گرۋپپاسىنا، اۆتونوميالى رايوننىڭ شينجياڭدى مادەنيەتپەن نارلەندىرۋ باسشىلىق گرۋپپاسىنا مۇشە ورىندارداعى جاۋاپتى جولداستار، اۆتونوميالى رايونعا (ورتالىققا) توتە قاراستى قاتىستى ورىندارداعى جاۋاپتى جولداستار، ورتالىقتىڭ شينجياڭدا تۇراتىن اقپارات مەديالارىنداعى جاۋاپتى جولداستار نەگىزگى ٴماجىلىس الاڭىندا ماجىلىسكە قاتىناستى. ايماق، وبلىس، قالالاردا، اۋدان، قالا، رايونداردا، بيڭتۋان ورگاندارىندا جانە شى، قالالاردا، تۋان ـ الاڭداردا بولىمشە ٴماجىلىس الاڭى ورنالاستىرىلدى.
