گازەتىمىزدىڭ شولۋشىسى
اۋىل شارۋاشىلىعىندا قۋاتتى رايون قۇرۋ ەكونوميكانىڭ جوعارى ساپالى دامۋىنا سايادى، قوعام ورنىقتىلىعى مەن باياندى تىنىشتىققا سايادى، جاپپاي سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىنا سايادى. اۆتونوميالى رايوندىق پارتكومنىڭ اۋىل ـ قىستاق قىزمەتى ٴماجىلىسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ٴماجىلىسىنىڭ، ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، 2024 ـ جىلعى اۋىل شارۋاشىلىعى، اۋىل ـ قىستاق، شارۋالار قىزمەتىن قورىتىندىلاپ، بيىلعى اۋىل شارۋاشىلىعى، اۋىل ـ قىستاق، شارۋالار قىزمەتىنىڭ ٴتۇيىندى مىندەتتەرىن اقىلداستى، ورنالاستىردى، ول ەرەكشە كۇشتى باعىتتامالىلىق سيپاتقا جانە جەتەكشىلىك سيپاتقا يە، اۋىل شارۋاشىلىعىندا قۋاتتى رايون قۇرۋ نىساناسىن كوزدەي وتىرىپ قايراتتانا العا ۇمتىلىپ، شىنايى يگەرىپ ناقتى ىستەپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەل ىلگەرىلەتۋدە ماڭىزدى ٴمان الادى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل ـ قىستاق، شارۋالار قىزمەتىنە ايرىقشا ٴمان بەرىپ، ٴبىر قىدىرۋ ماڭىزدى ٴسوز سويلەپ، ٴبىر قىدىرۋ ماڭىزدى نۇسقاۋ بەردى. ورتالىقتىڭ اۋىل ـ قىستاق قىزمەتى ٴماجىلىسى اشىلۋ قارساڭىندا، باس شۋجي شي جينپيڭ اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋ جونىندە تاعى دا ماڭىزدى نۇسقاۋ بەرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ ستراتەگيالىق بيىگىندە تۇرىپ، كەزەكتەگى جانە بۇدان بىلايعى ٴبىر مەزگىلدەگى اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋ جونىندە كەلەلى ورنالاستىرۋ جاساپ، ايقىن تالاپ قويىپ، اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋگە، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋ اياق الىسىن جەدەلدەتۋگە يدەيا جانە ارەكەت جاعىنان جەتەكشىلىك ەتتى. ٴبىز ساياسي دەڭگەيدى جوعارىلاتىپ، جاڭا داۋىردەگى اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋدىڭ كەلەلى ٴمانىن تەرەڭ تانىپ، اناعۇرلىم دالمە ـ ٴدال شارا، اناعۇرلىم ناقتى ارەكەت ارقىلى باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن جانە ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن قاز ـ قالپىندا ويداعىداي تياناقتاندىرىپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەل ىلگەرىلەتىپ، اۋىل شارۋاشىلىعىندا قۋاتتى رايون قۇرۋ نىساناسىنا قاراي مىعىم قادام تاستاۋىمىز كەرەك.
شينجياڭنىڭ بايلىق ارتىقشىلىعى وزگەشە، ەگىن، مال شارۋاشىلىعى ونىمدەرىنىڭ ەرەكشەلىگى ايقىن. وتكەن جىلى رايونىمىز پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ ٴتۇيىندى مىندەتتەرىن تىڭعىلىقتى ىلگەرىلەتىپ، اۋىل شارۋاشىلىعىن دامىتۋدا، اۋىل ـ قىستاقتى گۇلدەندىرۋدە، شارۋالاردىڭ كىرىسىن ارتتىرۋدا ايتارلىقتاي ناتيجەگە قول جەتكىزىپ، تۇتاس شينجياڭنىڭ استىق، ماقتا ٴونىمى تاعى دا تىڭ دەڭگەيگە جەتتى، اۋىل ـ قىستاق تۇرعىندارىنىڭ جان باسىندىق قولداعى تابىسى ٴبىرشاما تەز ارتىپ، اۋىل ـ قىستاق حالىق تۇرمىسى ىستەرى جاڭا ىلگەرىلەۋشىلىككە قول جەتكىزىپ، اۋىل شارۋاشىلىعىندا قۋاتتى رايون قۇرۋدا بەرىك قادام تاستاپ، مەملەكەتتىڭ جالپى جاعدايىنا قىزمەت وتەۋگە ماڭىزدى ۇلەس قوستى. ناتيجەلەرگە وڭاي قول جەتكەن جوق، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنىڭ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە تاباندى بولۋدىڭ ارقاسى. سونىمەن قاتار ونى شينجياڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى شەبىندەگى قالىڭ كادرلار مەن بۇقارانىڭ قاجىرلى ەڭبەگىنەن، ورتالىق پەن مەملەكەت ورگاندارىنىڭ، ورتالىق كاسىپورىندارىنىڭ، سونداي ـ اق شينجياڭعا كومەكتەسەتىن ولكە، قالالاردىڭ زور كۇشپەن قولداۋىنان بولە قاراۋعا بولمايدى. ٴبىز سەنىمدى، بەكىمدى بەكەمدەپ، اۋىل ـ قىستاق رەفورماسىن ونان ارى تەرەڭدەتىپ، اۋىل ـ قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋىمىز كەرەك.
بيىل _ ”14 ـ بەسجىلدىقتا“ شەشۋشى جەڭىسكە جەتۋدەگى، ”15 ـ بەسجىلدىقتى“ جوسپارلاۋداعى ماڭىزدى ٴبىر جىل ٴارى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋداعى 5 جىلدىق وتپەلى كەزەڭنىڭ ەڭ سوڭعى جىلى. بيىلعى اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋدىڭ ماڭىزى زور. مەملەكەتتىڭ ساپالى ەگىن، مال شارۋاشىلىق ونىمدەرىمەن قامداۋ ماڭىزدى بازاسىن قۇرۋداعى ستراتەگيالىق ورىندى كوزدەپ، ٴتۇيىندى سالالار مەن شەشۋشى بۋىنداردى ٴجىتى قاداعالاپ، اۋىل شارۋاشىلىعى، اۋىل ـ قىستاق، شارۋالار قىزمەتى ورنالاستىرۋلارىنىڭ تياناقتانىپ ونىمدىلىك كورسەتۋىن بار كۇشپەن ىلگەرىلەتۋىمىز كەرەك. مەملەكەتتىڭ استىق حاۋىپسىزدىگىن قامتاماسىز ەتۋگە جانە ماڭىزدى ەگىن، مال شارۋاشىلىعى ونىمدەرىمەن قامداۋعا تىڭ ۇلەس قوسىپ، كەدەيلىكتەن ارىلتۋدان قامال الۋ جەتىستىكتەرىن تاباندىلىقپەن بەكەمدەپ، كەڭەيتىپ، اۋىل ـ قىستاقتىڭ دامۋ دەڭگەيىن جوعارىلاتىپ، قالا مەن اۋىلدىڭ توعىسا دامۋىن جەبەپ، اۋىل ـ قىستاقتى شەبەر باسقارۋ جانە اۋىل سالتى وركەنيەت دەڭگەيىن جوعارىلاتىپ، اۋىل ـ قىستاق رەفورماسىن ونان ارى تەرەڭدەتۋ مىندەتىن جاپپاي تياناقتاندىرىپ، پارتيانىڭ اۋىل شارۋاشىلىعى، اۋىل ـ قىستاق، شارۋالار قىزمەتىنە جالپى بەتتىك باسشىلىعىن كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە پارمەندى تىرەك ازىرلەۋىمىز كەرەك.
اۋىل شارۋاشىلىعىندا قۋاتتى رايون قۇرۋ نىساناسىنا قاراي مىعىم قادام تاستاۋ ستراتەگيالىق تاباندىلىقتى سىننان وتكىزەدى، جاۋاپكەرشىلىك ارقالاپ ىسكەرلىك كورسەتۋگە شاقىرادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، كۇش ۇستىنە كۇش قوسىپ، ۇزدىكسىز قاجىماي كۇش سالىپ، اۋىل شارۋاشىلىق نەگىزىن اناعۇرلىم بەكەمدەۋدى، اۋىل ـ قىستاق وڭىرلەرىنىڭ اناعۇرلىم گۇلدەنىپ ـ كوركەيۋىن، شارۋالار تۇرمىسىنىڭ اناعۇرلىم شالقي ٴتۇسۋىن ىلگەرىلەتىپ، اۋىل ـ قىستاقتىڭ جاپپاي گۇلدەنۋىنىڭ جاڭا جاعدايىن ۇزدىكسىز اشۋىمىز كەرەك.
