شي جينپيڭ جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى
جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ ستراتەگيالىق ورنالاستىرۋىن ىشكەرىلەي تياناقتاندىرىپ، جۇڭگو ۇلگىسىندەگى وسىزامانداندىرۋ قۇرىلىسىندا اناعۇرلىم زور ىسكەرلىك كورسەتۋ كەرەك
ساي چي مالىمەت بەرۋ ماجىلىسىنە قاتىناستى
2 ـ ايدىڭ 8 ـ كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جيلين ولكەسىنىڭ چاڭچۇن قالاسىندا جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى يان يان تۇسىرگەن
شينحۋا اگەنتتىگىنىڭ 2 ـ ايدىڭ 8 ـ كۇنى چاڭچۇننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى: جيلين پارتيا ورتالىق كوميتەتىنىڭ جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ جونىندەگى ستراتەگيالىق ورنالاستىرۋىن ىشكەرىلەي تياناقتاندىرىپ، شىعىس سولتۇستىكتىڭ مەملەكەتتىڭ ”بەس ۇلكەن حاۋىپسىزدىگىن“ قورعاۋداعى ماڭىزدى بورىشىن مىقتاپ يگەرىپ، دامۋدىڭ تابان تىرەر تياناعىن جوعارى ساپالى دامۋعا قويۋعا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، ورايدى يگەرىپ، ۇتىمدى ساتتەن پايدالانىپ العا ۇمتىلىپ، باتىلدىقپەن جاڭالىق اشىپ، قاجىرلىلىقپەن ىستەپ، تىڭعىلىقتى ىستەپ، جۇڭگو ۇلگىسىندەگى وسىزامانداندىرۋ قۇرىلىسىندا اناعۇرلىم زور ىسكەرلىك كورسەتۋ كەرەك.
2 ـ ايدىڭ 8 ـ كۇنى تۇستەن بۇرىن شي جينپيڭ جيلين ولكەسىنىڭ چاڭچۇن قالاسىندا جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭدادى. ولكەلىك پارتكومنىڭ شۋجيى حۋاڭ چياڭ مالىمەت بەردى، ولكە باستىعى حۋ يۇيتيڭ قاتارلىلار مالىمەت بەرۋ ماجىلىسىنە قاتىناستى.
مالىمەتتى تىڭداعاننان كەيىن شي جينپيڭ ماڭىزدى ٴسوز سويلەپ، جيليننىڭ ٴتۇرلى قىزمەتتە قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەت جونىندە تالاپ قويدى.
شي جينپيڭ بىلاي دەپ اتاپ كورسەتتى: جوعارى ساپالى دامۋ جاڭالىق اشۋ ارقىلى دەم بەرۋ مەن كاسىپ سالاسىنىڭ تىرەك بولۋىنان ايرىلا المايدى. ناقتى ەكونوميكا سىندى وسى نەگىزدى بەرىك ساقتاپ، ٴداستۇرلى كاسىپ سالاسىنىڭ تيپ جاڭالاۋىن، ابزال كاسىپ سالاسىن زورايتۋدى جانە جاڭاشا وندىرگىش كۇشتى جەتىلدىرۋدى ٴبىر تۇتاس جوسپارلاپ ىلگەرىلەتىپ، جيلين ەرەكشەلىگىن ايگىلەيتىن وسىزاماندانعان كاسىپ سالاسى جۇيەسىن ورناتۋ كەرەك. عىلىم ـ تەحنولوگيادا جاڭالىق اشۋدى كاسىپ سالاسىندا جاڭالىق اشۋمەن تەرەڭ توعىستىرۋدى ىلگەرىلەتىپ، عىلمي زەرتتەۋ بايلىعى مەن كۇشتەرىن بىرىكتىرىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، جاڭالىق اشۋ ەكولوگياسىن ساپالىلاندىرىپ، ٴبىر توپ كەلەلى عىلىم ـ تەحنولوگيالىق ارناۋلى نىسانداردا تىڭ ناتيجەگە قول جەتكىزۋگە كۇش سالىپ، عىلىم ـ تەحنولوگيا جەتىستىكتەرىنىڭ رەال وندىرگىش كۇشكە اينالۋىن ىلگەرىلەتۋ كەرەك. ەكولوگيالىق ورتانى قورعاۋ مەن جاسىل، تومەن كومىر قىشقىل گازدى دامۋدى ٴبىر تۇتاس جوسپارلاپ، قار ـ مۇز، جاراتىلىستىق كورىنىس، ۇلتتار ادەت ـ عۇرپى سياقتى ەرەكشەلىككە يە بايلىقتان پايدالانىپ ساياحات كاسىبىن دامىتۋ كەرەك. ٴوڭىردىڭ سايكەستى دامۋىن ٴبىر تۇتاس جوسپارلاپ، چاڭچۇننىڭ وسىزاماندانعان قالا شەڭبەرى قۇرىلىسىن ىلگەرىلەتىپ، شىعىس سولتۇستىكتەگى وزگە ولكەلەرمەن سايكەسىپ بىرگە ارەكەتتەنۋگە باسا ٴمان بەرىپ، توعىسا داميتىن ارنا قالىپتاستىرۋ كەرەك.
شي جينپيڭ بىلاي دەپ باسا دارىپتەدى: رەفورما جاساۋدى، ەسىك اشۋدى ونان ارى جاپپاي تەرەڭدەتۋ شىعىس سولتۇستىكتى جاپپاي گۇلدەندىرۋدە ايرىقشا ماڭىزدى. جاڭا دامۋ ارناسىن قالىپتاستىرۋعا، جوعارى ساپالى دامۋدى ىلگەرىلەتۋگە تۇساۋ بولاتىن بوگەتتى تۇيىندەر مەن القىمداعان تۇيىندەر جانە حالىق تۇرمىسى سالاسىنداعى قيىن تۇيىندەر مەن سىزداۋ تۇيىندەر ماسەلەسىن كوزدەپ، رەفورما كەڭەستىك تاقىرىپتارىن بەلگىلەپ، رەفورما جوباسىن قالىپتاستىرىپ، تەرەڭ قاتپارلى قايشىلىقتاردى كۇش سالا شەشىپ، ٴتۇزىلىس ـ مەحانيزم كەدەرگىلەرىن تالقانداۋ كەرەك. مەيلى مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتۋدە بولسىن، الدە حالىقتىق شارۋاشىلىقتىڭ دامۋىن جەبەۋدە بولسىن، بارلىعىندا ساياسات، بەلگىلەمەلەردى جاپپاي تياناقتاندىرىپ، تيپتەر ارقىلى جەتەكتەۋگە ٴمان بەرىپ، جالپىلىق ماسەلەلەردى شەشۋمەن بىرگە، دارالىق ماسەلەلەردى دە شەشۋ كەرەك. بۇكىل ەلدىڭ ٴبىر تۇتاس ۇلكەن بازارى قۇرىلىسىنا بەلسەنە توعىسىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق ـ ساۋدا ورتاسىن تۇلعالاپ، اناعۇرلىم جوعارى دەڭگەيدەگى اشىق ەكونوميكانىڭ جاڭا ٴتۇزىلىسىن قۇرۋ كەرەك.
شي جينپيڭ بىلاي دەپ اتاپ كورسەتتى: مەملەكەتتىڭ استىق حاۋىپسىزدىگىن قامتاماسىز ەتۋ _ اۋىل شارۋاشىلىعىنداعى ٴىرى ولكەنىڭ، استىق ەگەتىن ٴىرى ولكەنىڭ ساياسي جاۋاپكەرشىلىگى. جيلين وسىزاماندانعان ٴىرى اۋىل شارۋاشىلىعىن دامىتۋدى نەگىزگى قامال الۋ بەتالىسى ەتىپ، اۋىل شارۋاشىلىعىن كۇشەيتۋدى، اۋىل ـ قىستاققا تيىمدىلىك جاساۋدى، شارۋالاردى بايىتۋدى قولداۋ ٴتۇزىمىن كەمەلدەندىرىپ، عىلىم ـ تەحنولوگيالىق اۋىل شارۋاشىلىعىن، جاسىل اۋىل شارۋاشىلىعىن، ساپالى اۋىل شارۋاشىلىعىن، ايگىلى ماركالى اۋىل شارۋاشىلىعىن ٴبىر تۇتاس جوسپارلاپ دامىتۋ كەرەك. ەكولوگيالىق باعىمشىلىقتى بەلسەنە دامىتىپ، اۋىل شارۋاشىلىعى ونىمدەرىن جىنتىكتەي وڭدەۋدى جانە ازىق ـ تۇلىكتى قۇنتتاپ وڭدەۋدى كۇشەيتىپ، ”استىق ەگۋدەن اس داستارقانىنا دەيىنگى“، ”مال شارۋاشىلىق ونىمدەرىن ەت ونىمدەرىنە اينالدىرۋعا دەيىنگى“، ”اۋىل شارۋاشىلىق ونىمدەرىن ونەركاسىپ ونىمدەرىنە اينالدىرۋعا دەيىنگى“ جۇمىستاردى جەتكىلىكتى ىستەپ، جانداندىرىپ، كوپ نەگىزدى ازىق ـ تۇلىك قامداۋ جۇيەسىن ورناتۋ كەرەك. قالا، اۋىل كەڭىستىگى ورنالاسىمىن، كاسىپ سالاسىنىڭ دامۋىن، الەۋمەتتىك قىزمەت وتەۋدى، نەگىزدىك قۇرىلعى قۇرىلىسىن ٴبىر تۇتاس جوسپارلاپ، كاسىپتى گۇلدەندىرۋدى، اۋداندى قۇدىرەتتەندىرۋدى، حالىقتى بايىتۋدى ٴبىر تۇلعالاندىرا دامىتۋدى ىلگەرىلەتىپ، قالا مەن اۋىلدىڭ بىرگە گۇلدەنىپ ـ كوركەيۋىن جەبەۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، نەگىزگى ساتىنى باسقارۋدى كۇشەيتىپ جانە وندا جاڭالىق اشىپ، وركەنيەتتى اۋىل سالتى قۇرىلىسى دەڭگەيىن جوعارىلاتىپ، تىنىش، زاڭمەن باسقارىلاتىن اۋىل ـ قىستاق جانە قونىسقا جايلى، كاسىپكە ىڭعايلى، جاراسىمدى دا كورىكتى اۋىل ـ قىستاق تۇلعالاۋ كەرەك.
شي جينپيڭ بىلاي دەپ باسا دارىپتەدى: جيلين _ كوپ ۇلت شوعىرلى قونىستانعان ٴوڭىر، جاڭا داۋىردەگى پارتيانىڭ ۇلت نازارياسىن جانە ۇلت ساياساتىن جاپپاي دايەكتىلەندىرىپ، پارتيانىڭ ٴدىن قىزمەتى نەگىزگى باعىتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا قۇرىلىسىن كۇش سالا ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ٴار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ٴدىن كوزقاراسىن ورناتۋعا جەتەكتەپ، ۇلتتار ىنتىماعىنىڭ، العاباسارلىعىنىڭ جاڭا جاعدايىن كۇش سالا اشۋ كەرەك. شەكارانى گۇلدەندىرىپ حالىقتى بايىتۋ ارەكەتىن ىشكەرىلەي ىلگەرىلەتىپ، جەرگىلىكتى جاعدايعا قاراي شەكارا ساۋداسىن، ەرەكشەلىككە يە كاسىپ سالاسىن دامىتۋ كەرەك.
شي جينپيڭ بىلاي دەپ اتاپ كورسەتتى: دامۋ مەن حاۋىپسىزدىكتى ٴبىر تۇتاس جوسپارلاپ، ٴارقانداي كەزدە، ٴسوز جوق، مىقتى يگەرۋ كەرەك. ٴتۇيىندى سالالارداعى حاۋىپ ـ قاتەرلەردەن ساقتانۋ جانە ونى جويۋ شارالارىن تياناقتاندىرىپ، جاراتىلىستىق اپاتتان الدىن الا ساقتانۋ، ساقتاندىرۋ جانە توتەپ بەرۋدى كۇشەيتىپ، ٴوندىرىس حاۋىپسىزدىگى كومەسكى كىناراتتارىن جاپپاي اداقتاپ تەكسەرىپ جانە جويىپ، قوعامدىق كەلەلى جاعدايدىڭ ورنىقتىلىعىن قورعاۋ كەرەك.
شي جينپيڭ بىلاي دەپ باسا دارىپتەدى: جوعارى ساپالى دامۋ جوعارى ساپالى پارتيا قۇرىلىسى ارقىلى جەتەكشىلىك ەتۋدى قاجەت ەتەدى. ادام ىستەتۋدىڭ دۇرىس باعدارى مەن دۇرىس قىزمەت باعدارىن ورناتىپ، ٴار دارەجەلى كادرلاردى، اسىرەسە، باسشى كادرلاردى دۇرىس ناتيجە كوزقاراسىن امالياتتا ايگىلەپ، قابىلەتىن كۇشەيتىپ، جاۋاپكەرشىلىك ارقالاپ ىسكەرلىك كورسەتىپ، تاماشا ناتيجە جاراتۋعا جەتەكتەۋ كەرەك. پارتيا ٴتارتىبىن ۇيرەنۋ تاربيەسى جەتىستىگىن بەكەمدەپ، كەڭەيتىپ، پارتيالىلىقتى، پارتيا ستيلىن، پارتيا ٴتارتىبىن بىرگە يگەرۋگە، ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، ۇقىق ورنالاسىمىن، اينالىمىن تەجەۋ جانە باقىلاۋ مەحانيزمىن كەمەلدەندىرىپ، فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن ۇزدىكسىز وڭاپ، كادرلاردىڭ ەرەجەگە، تارتىپكە بويسۇنۋ، پاك، كىرشىكسىز بولۋ العى شارتىندا باتىلدىقپەن ٴىس تىندىرۋىن ىلگەرىلەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي مالىمەت بەرۋ ماجىلىسىنە قاتىناستى.
حى ليفىڭ، ۋاڭ شياۋحۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار مالىمەت بەرۋ ماجىلىسىنە قاتىناستى.
