شي جينپيڭ سىچۋاننىڭ يبين قالاسى جۇنليان اۋدانىنداعى تاۋ كوشكىنى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
دەرەكسىز كەتكەندەردى مۇمكىندىكتىڭ بارىنشا ىزدەپ ـ قۇتقارىپ، قوسالقى اپاتتىڭ تۋىلۋىنان ساقتانىپ، حالىق بۇقاراسىنىڭ ٴومىرىنىڭ جانە مال ـ مۇلكىنىڭ حاۋىپسىزدىگىن شىنايى قامتاماسىز ەتۋ كەرەك
لي چياڭ بەكىتۋ جازدى
شينحۋا اگەنتتىگىنىڭ 2 ـ ايدىڭ 8 ـ كۇنى بەيجيڭنەن بەرگەن حابارى. 2 ـ ايدىڭ 8 ـ كۇنى ساعات 11دەن 50 مينۋت شاماسىندا سىچۋاننىڭ يبين قالاسى جۇنليان اۋدانى مۋ ـ اي قالاشىعى جينپيڭ قىستاعىندا تاۋ كوشكىنى ٴتۇسىپ، 2 ـ ايدىڭ 8 ـ كۇنى ساعات 17گە دەيىن 10 تۇرعىن ٴۇي كوشكىن استىندا قالىپ، 30 نەشە ادام دەرەكسىز كەتتى.
اپات تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ايرىقشا ٴمان بەردى ٴارى ماڭىزدى نۇسقاۋ بەرىپ بىلاي دەپ اتاپ كورسەتتى: سىچۋاننىڭ يبين قالاسى جۇنليان اۋدانىندا تۋىلعان تاۋ كوشكىنىندە كوپ ادام دەرەكسىز كەتتى. دەرەكسىز كەتكەندەردى مۇمكىندىكتىڭ بارىنشا ىزدەپ ـ قۇتقارىپ، ٴولىم ـ ٴجىتىمدى بارىنشا ازايتۋ ٴارى سوڭعى جۇمىستاردى ىڭعايلاۋ سياقتى قىزمەتتەردى ۇيلەسىمدى ويداعىداي ىستەۋ كەرەك. باقىلاۋ ـ ولشەۋدى، ساقتاندىرۋدى كۇشەيتىپ، عىلمي قۇتقارۋعا ٴمان بەرىپ، قوسالقى اپاتتىڭ تۋىلۋىنان ساقتانۋ كەرەك. جەر ـ جەر جانە قاتىستى تاراۋلار حاۋىپ ـ قاتەر تانىمىن بەرىك ورناتىپ، ٴتۇرلى اپات جانە ٴوندىرىس حاۋىپسىزدىگى كومەسكى قاتەرلەرىن ٴبىر ـ بىردەن تەكسەرۋدى كۇشەيتىپ، جاۋاپكەرشىلىكتىڭ تياناقتانۋىن كۇشەيتىپ، اۋىر، ەرەكشە اۋىر اپاتتاردىڭ، شىرعالاڭداردىڭ تۋىلۋىنان باتىل ساقتانىپ، حالىق بۇقاراسىنىڭ ٴومىرىنىڭ جانە مال ـ مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: دەرەكسىز كەتكەندەردى، قامالىپ قالعانداردى بار كۇشپەن ىزدەپ ـ قۇتقارىپ، ٴولىم ـ ٴجىتىمدى بارىنشا ازايتىپ، سوڭعى جۇمىستاردى ويداعىداي ٴبىر جاقتى ەتۋ كەرەك. سونىمەن قاتار كوشكىن سەبەبىن جىلدام تەكسەرىپ انىقتاپ، توڭىرەگىندەگى گەولوگيالىق اپاتتاردىڭ كومەسكى قاتەرىن ٴبىر ـ بىردەن تەكسەرىپ، حاۋىپ تونگەن بۇقارانى كوشىرىپ، قوسالقى اپاتتان قاتاڭ ساقتانۋ كەرەك.
شي جينپيڭنىڭ ماڭىزدى نۇسقاۋىنا جانە لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ گوجۇڭ قاتىستى تاراۋلارداعى جاۋاپتى جولداستاردى باستاپ سول جەرگە بارىپ قۇتقارۋ ـ كومەكتەسۋ، ٴبىر جاقتى ەتۋ قىزمەتىنە جەتەكشىلىك ەتتى، جاراتىلىستىق بايلىق مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى شۇعىل جاعدايعا توتەپ بەرۋ اتتانىسىن ىسكە قوستى، سىچۋان ولكەسى، يبين قالاسى كۇش ۇيىمداستىرىپ قاتەردەن ارالاشاپ، اپاتتان قۇتقارۋدى بار كۇشپەن ورىستەتتى. كەزەكتە ٴتۇرلى قىزمەتتەر قاربالاس، ٴتارتىپتى جۇرگىزىلۋدە.
