2025 ـ جىلعى شينجياڭ سۋ يگىلىگى قىزمەتى ٴماجىلىسى اشىلدى
جاڭا كەزەڭدەگى سۋ يگىلىگى قىزمەتىنىڭ جوعارى ساپالى دامۋىن جەدەل ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى كاڭ حاۋيان 2 ـ ايدىڭ 8 ـ كۇنى ۇرىمجىدەن حابارلايدى. 2 ـ ايدىڭ 8 ـ كۇنى 2025 ـ جىلعى شينجياڭ سۋ يگىلىگى قىزمەتى ٴماجىلىسى اشىلىپ، 2024 ـ جىلعى شينجياڭ سۋ يگىلىگى قىزمەتىنىڭ ونىمدىلىكتەرى مەن تاجىريبەلەرىن جاپپاي قورىتىندىلاپ، كەزەكتەگى جاعداي مەن مىندەتكە تالداۋ جاساپ، 2025 ـ جىلعى سۋ يگىلىگى ٴتۇيىندى قىزمەتتەرىن ورنالاستىرىپ، جاڭا كەزەڭدەگى شينجياڭ سۋ يگىلىگىنىڭ جوعارى ساپالى دامۋىن جەدەل ىلگەرىلەتتى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: 2024 ـ جىلى تۇتاس رايوننىڭ سۋ يگىلىگى جۇيەسىندە تاريحي تابىسقا قول جەتىپ، تاريحي وزگەرىس تۋىلىپ، سۋ بايلىعىنىڭ جىبەك جولى ەكونوميكالىق بەلدەۋى وزەكتى رايونىن، ”ون ٴىرى كاسىپ سالاسى شوعىرىن“، ”نەگىزدىك قۇرىلعى ون تورىن“ جانە اۋىل شارۋاشىلىعىندا قۋاتتى رايون قۇرۋ سياقتى جاقتارداعى شەشۋشى رولىن اناعۇرلىم ويداعىداي ساۋلەلەندىرىپ، شينجياڭ سۋ يگىلىگىنىڭ جوعارى ساپالى دامۋىن ىلگەرىلەتۋدەگى جوعارى دەڭگەيلى جوبانى جانە سۋ باسقارۋ جوسپارىن جەدەل قالىپتاستىرىپ، كەمەلدەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ سۋ يگىلىگى تىرەگى قامتاماسىزدىعىن بارعان سايىن بەكەمدەدى.
ٴماجىلىس مىنالاردى باسا دارىپتەدى: 2025 ـ جىل _ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى ٴارى ”14 ـ بەسجىلدىق“ جوبانىڭ نىسانا ـ مىندەتتەرىن ورىندايتىن، ”15 ـ بەسجىلدىقتى“ جوسپارلايتىن ماڭىزدى جىل. سۋ يگىلىگى قىزمەتى ٴتۇيىندى كورنەكتىلەندىرىپ، تىڭعىلىقتى ىستەپ ەكپىندەي ىلگەرىلەپ، دالمە ـ ٴدال كۇش سالۋ بارىسىندا تياناقتاندىرۋدى باتىل يگەرۋ، سۋ ۇنەمدەۋ _ تەتىك دەگەنگە تاباندى بولىپ، سۋ بايلىعىن ۇنەمدى، شوعىرلى پايدالانۋدى جۇيەلى ىلگەرىلەتۋ؛ سۋ ساقتاۋ _ نەگىز دەگەنگە تاباندى بولىپ، سۋ يگىلىگى نەگىزدىك قۇرىلعىلارىن قامتاماسىز ەتۋ قۋاتىن جوعارىلاتۋ؛ سۋ جەتكىزۋ _ تولىقتاۋ دەگەنگە تاباندى بولىپ، سۋ تورى قۇرىلىسىن جوعارى ساپالى ىلگەرىلەتۋ؛ سۋدى مولايتۋ _ قامتاماسىزدىق دەگەنگە تاباندى بولىپ، سۋ بايلىعىن مولايتۋ ارناسىن جاپپاي كەڭەيتۋ؛ جۇيە كوزقاراسىنا تاباندى بولىپ، سۋ ەكولوگياسى ورتاسىن وڭاۋ، قورعاۋ سياقتىلاردى ٴبىر تۇتاس جوسپارلاپ ويداعىداي ىستەۋ كەرەك. جەر ـ جەر، تاراۋلار سۋ باسقارۋ سىندى ”وسى بۇيدانى“ مىقتاپ ۇستاپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم بەرىك سۋ حاۋىپسىزدىگىن، سۋ تىرەگىن، سۋ قامتاماسىزدىعىن ازىرلەۋ كەرەك.
