2 - ايدىڭ 5 - كۇنى جۇڭگو دەموكراتيالىق وداعى شينجياڭ ۇيعۇر اۆتونوميالى رايوندىق كوميتەتى شينجياڭ شىفان داشۋەسىنىڭ ياركەن اۋدانى جاعا ارىق اۋىلىندا تۇراتىن قىزمەت اترەتى جانە ياركەن اۋداندىق وقۋ - اعارتۋ مەكەمەسىمەن بىرلەسىپ وتكىزگەن ”جۇڭگو دەموكراتيالىق وداعىنىڭ شينجياڭ ’شام - شىراق قيمىلى‘ − ياركەن ساپارى“ اتىنداعى جىلۋ اتاۋ قيمىلى تابىسپەن اياقتادى. بۇل رەتكى قيمىل بۇقاراعا مەرەكەلىك مەيىر باعىشتادى ءارى شىنايى قامقورلىق جاسادى.
قيمىل الاڭىندا قىزمەتكەرلەر قىستاق تۇرعىندارى مەن وقۋشىلارعا دەن قويا دايىنداعان ”قىسقى سالەمدەمەلەرىن“ ۇسىندى. سالەمدەمە فۋتبول، قۇم دوربا، سپورت اياق كيىمى، سپورت كيىمى قاتارلى قولدانىلمالى بۇيىمداردى قامتيدى، جالپى قۇنى 400 مىڭ يۋان. قىستاق تۇرعىندارى مەن وقۋشىلار تارتىپپەن قاتارعا تۇرىپ زاتتىق ماتەريالدى قابىل الدى، سول ارا دۋماندى ٴارى مەيىرگە تولى بولدى.
ياركەن اۋدانى جاعا ارىق اۋىلدىق ورتا مەكتەپتىڭ وقۋشىسى ٴدىلقۇمار ٴيۇسۇپ قادىر بىلاي دەدى: ”بۇگىنگى جىلۋ اتاۋ قيمىلى ماعان قوعامنىڭ مەيىرى مەن قامقورلىعىن سەزىندىردى. مەن وسى مەيىر باعىشتاۋشىلاردى ۇلگى ەتىپ، قۇلشىنا ۇيرەنىپ، ۇزدىك ناتيجەمەن قوعامعا قارىمجى قايتارامىن“.
جاعا ارىق قىستاعىنىڭ تۇرعىنى شىرىنگۇل ابدۇشكۇر بىلاي دەدى: ”مەيىر باعىشتاعان قايراتكەرلەردىڭ بىزگە اكەلگەن كيىم ـ كەشەك، اياق كيىم جانە فۋتبول سياقتى زاتتىق ماتەريالدارىنا العىس ايتامىز، ٴبىز وتە قۋانىشتامىز“.
قاقاعان ايازدا وسى رەتكى جىلۋ اتاۋ قيمىلى زاتتىق ماتەريالداردى جەتكىزۋ ارقىلى، سۇيىسپەنشىلىك پەن مەيىردى جالعاستىرىپ، جاراسىمدى قوعام قۇرۋعا ۇلەس قوستى.
جۇڭگو دەموكراتيالىق وداعى شينجياڭ ۇيعۇر اۆتونوميالى رايوندىق كوميتەتى قورشاعان ورتانى قورعاۋ ياچەيكاسىنىڭ مۇشەسى چىن جينلۋ بىلاي دەدى: ”’شام ـ شىراق قيمىلى‘ نەگىزدىك وقۋ ـ اعارتۋ مەن اۋىل ـ قىستاق مادەنيەتىن گۇلدەندىرۋدى شەبەرلىكپەن توعىستىرىپ، فورمادا جاڭالىق اشۋ، ارنانى كەڭەيتۋ، مازمۇندى بايىتۋ ارقىلى قيمىلدىڭ باعىتتامالىلىعى مەن ونىمدىلىگىن شىنايى كۇشەيتتى. مەكتەپ پەن بۇقاراعا مەيىر جەتكىزدى، باقىت تىلەدى.“
(ياركەن اۋداندىق توعىسپالى مەديا ورتالىعىنىڭ پراكتيكانت ٴتىلشىسى ٴراشيدان ابدوللا)
