2 - ايدىڭ 10 - كۇنى جۇڭگو شەبەرلەرى جاڭ شياۋنان، ياڭ ۋىنلۇڭ، جياڭ شينجيە جانە شيۇڭ شىرۇي (سولدان وڭعا قاراي) جارىستان سوڭ قۇتتىقتاۋدا. سول كۇنى يابۋليدە وتكىزىلگەن 9 - كەزەكتى ازيا قىسقى سپورت جارىسى ايەلدەر جالاڭ تاقتايلى شاڭعىمەن ۇلكەن تۇعىردان سەكىرۋ شەشۋشى جارىسىندا جۇڭگو شەبەرى شيۇڭ شىرۇي اعا جۇلدەگەرلىكتى، جاڭ شياۋنان جۇلدەگەرلىكتى جەڭىپ الدى؛ ەرلەر ۇلكەن تۇعىردان سەكىرۋ شەشۋشى جارىسىندا جۇڭگو شەبەرى ياڭ ۋىنلۇڭ اعا جۇلدەگەرلىكتى، جياڭ شينجيە جۇلدەگەرلىكتى جەڭىپ الدى.
□ سۋرەتتى شينحۋا اگەنتتىگىنىڭ ءتىلشىسى ياڭ گۋانيۇي تۇسىرگەن
شينحۋا اگەنتتىگىنىڭ 2 ـ ايدىڭ 10 ـ كۇنى حاربيننەن بەرگەن حابارى (تىلشىلەر ۋاڭ حىڭجى، يۋە رانران). حاربين ازيا قىسقى سپورت جارىسىندا 2 ـ ايدىڭ 10 ـ كۇنى 7 التىن مەدالعا شەشىم جاسالدى، جۇڭگو كومانداسى مۇنىڭ التاۋىن الدى، التىن مەدالدىڭ جالپى سانى 21گە جەتىپ، ٴار كەزەكتى ازيا قىسقى سپورت جارىسىنا قاتىناسقانداعى ەڭ جاقسى ناتيجەنى جاراتتى.
حيلۇڭجياڭ ولكەسى مۇز ٴۇستى جاتتىعۋ ورتالىعىنىڭ تەز سىرعاناۋ سارايىندا «ەرىكتىلەر مارشى» ٴۇش رەت ورىندالدى. سول كۇنى مۇزدا تەز سىرعاناۋ تۇرىندە 3 التىن مەدال تۇگەلدەي جۇڭگو كومانداسىنىڭ قورجىنىنا ٴتۇستى. گاۋ تيڭيۇي الدىمەن 0.02 سەكۋندتىق بولماشى باسىمدىلىقپەن جاپونيا شەبەرى سىنجۇڭحاڭدى باسىپ وزىپ، ەرلەردىڭ 500 مەترگە تەز سىرعاناۋ تۇرىنەن اعا جۇلدەگەرلىكتى الدى؛ تاعى كوماندالاستارى ليان زى ـ ۋىن، نيڭ جۇڭياندارمەن سەلبەسىپ، ەرلەردىڭ قىسقا ارالىقتى توپتىق قۋالاما تۇرىنەن التىن مەدال الدى. ايەلدەر كومانداسى تاعى ٴبىر رەت 3 بەس جۇلدىزدى قىزىل تۋدى ٴبىر ۋاقىتتا كوتەردى، ياڭ بينيۇي، حان مەي، تايجى ـ ىن جەكە ـ جەكە ايەلدەردىڭ 3000 مەترگە سىرعاناۋ تۇرىنەن الدىڭعى 3 ورىندى ەنشىلەدى. وسى كەزەكتى ازيا قىسقى سپورت جارىسىندا 3 التىن مەدالعا يە بولعان گاۋ تيڭيۇي مۇنىڭ ٴوزى قاتىناسقان ەڭ سوڭعى كەزەكتى ازيا قىسقى سپورت جارىسى بولا ما، جوق پا، بىلمەيتىندىگىن بۇكپەسىز ايتتى، ”(وسى رەتكى) مەنىڭ كىندىك ٴسوزىم قۇلشىنۋ، كوپشىلىكتىڭ بىرگە قۇلشىناتىندىعىنا، جۇڭگونىڭ مۇزدا تەز سىرعاناۋ ٴتۇرىنىڭ بارعان سايىن جاقساراتىندىعىنا سەنەمىن“.
كەيبىرەۋلەر تابىسقا جەتسە، كەيبىرەۋلەر ارمانعا ۇمتىلدى. جۇڭگو شياڭگاڭ كومانداسىنىڭ شەبەرى جۋ ديڭۋىن وسى كەزەكتى ازيا قىسقى سپورت جارىسىندا قىسقا ارالىقتى تەز سىرعاناۋ جانە مۇزدا تەز سىرعاناۋ تۇرىندە 8 كىشكەنە تۇرگە تولىق تىزىمدەلىپ، وسى بىرنەشە كۇندەگى مۇز ٴۇستى جاتتىعۋ ورتالىعىنىڭ ”الاڭدار ارا شاۋىپ جۇرگەن شەبەر“ دەپ اتالدى. سيلىق تۇعىرىنا شىعۋعا ٴالى الىس بولعانىمەن، جۋ ديڭۋىن وتە كوڭىلدى، بەيجيڭ قىسقى وليمپيادا سپورت جارىسى كەزىندە مۇز ۇستىندەگى ”جالعىز“ بولۋدان بۇگىنگى كۇندەگى كوماندالاستارىمەن بىرگە كۇش جالعاپ سىرعاناۋ جارىسىنا قاتىناسقانعا دەيىن ول بىرنەشە ارمانىنىڭ ورىندالعاندىعىن ايتتى.
ىستىق بەلدەۋ رايونىنان كەلگەن كوپتەگەن سپورتشىلار دا ازيا قىسقى سپورت جارىسىنىڭ جارىس الاڭىندا ٴوز ارماندارىن قۋىپ كەلەدى. ناتيجەسى قانداي بولسا دا، ولار ٴتىپتى دە كوپ حالىقارالىق جارىس الاڭىنا شىعۋ ورايىنا يە بولۋدى، اتا مەكەندەرىندە ٴتىپتى دە كوپ بالالاردىڭ قار ـ مۇز سپورتىنا قاتىناسۋىن ٴۇمىت ەتەدى.
يابۋليدە وسى كەزەكتى ازيا قىسقى سپورت جارىسىنىڭ قاردا ەركىن سىرعاناۋ بويىنشا كەڭىستىكتە ونەر كورسەتۋ تۇرىنەن ەرلەردىڭ جەكە اعا جۇلدەگەرى بولعان 20 جاستاعى شەبەر لي شينپىڭ 34 جاستاعى بەيجيڭ قىسقى وليمپيادا سپورت جارىسىنىڭ اعا جۇلدەگەرى شۇي مىڭتاۋمەن، چي گۋاڭپۋمەن قول ۇستاسا كەڭىستىكتە ونەر كورسەتۋ تۇرىنەن ارالاسپا توپتىق التىن مەدالىن وپ ـ وڭاي الدى. شۇي مىڭتاۋ بىلاي دەدى: ”ارالاسپا توپتىق جارىس ٴبىر قوسىننىڭ تۇلعالىق قۋاتىنا ۋاكىلدىك ەتەدى، سونىمەن بىرگە، ەر ـ ايەل سپورتشىلاردىڭ ٴبىر تۇردەگى ورتاق دەڭگەيىن ايگىلەيدى، اعا جۇلدەگەر بولعانىمىزدى ماقتانىش سەزىنەمىن“.
كۇشى مىعىم جاپونيا كومانداسى جاس شەبەرلەردى عانا جىبەرگەن جاعدايدا، سىڭار تاقتايلى شاڭعى تەبۋمەن ۇلكەن تۇعىردان سەكىرۋ نىسانى دا جۇڭگو كومانداسىنىڭ ساحناسىنا اينالدى. بيىل 1 ـ ايدا العاش رەت حالىقارالىق قار شاڭعى بىرلەستىگى دۇنيە ساۋىتىنا تالاسۋ جارىسىنىڭ اعا جۇلدەگەرلىگىنە قول جەتكىزگەن ياڭ ۋىنلۇڭ مۇلدە باسىمدىلىقپەن ەرلەردىڭ التىن مەدالىن الدى، ونىڭ كوماندالاسى جياڭ شينجيە كۇمىس مەدال الدى. شيۇڭ شىرۇي مەن جاڭ شياۋنان ايەلدەردىڭ اعا جۇلدەگەرلىگىن، جۇلدەگەرلىگىن بىردەي الدى.
سول كۇنى ”جۇڭحۋا دەنە تاربيە رۋحىنا ماداق. حاربين ازيا قىسقى سپورت جارىسى بەكەتى“ حاربين قار ـ مۇز الەمىندە باستالدى، جۇزۋدەن وليمپيادا سپورت جارىسىنىڭ اعا جۇلدەگەرى جاڭ يۇيفي مەن مانەرلەپ سىرعاناۋ قىسقى وليمپيادا سپورت جارىسىنىڭ اعا جۇلدەگەرى حان سۇڭ ٴتۇسىندىرۋشى بولىپ، قار ـ مۇز الەمىندە جۇڭحۋا دەنە تاربيە رۋحىن جەتكىزدى.
ٴبىر كۇندە تاعى 6 التىن مەدال الدى، جۇڭگو ۋاكىلدەر قۇراماسى وسى كەزەكتى ازيا قىسقى سپورت جارىسىندا 21 التىن مەدال، 18 كۇمىس مەدال، 15 قولا مەدال الدى، 21 التىن مەدال، سونداي ـ اق جۇڭگو ۋاكىلدەر قۇراماسىنىڭ ٴبىر كەزەكتى ازيا قىسقى سپورت جارىسىنا قاتىناسقانداعى تاريحتاعى ەڭ تاماشا ناتيجەسىن (وسىدان بۇرىن 2007 ـ جىلعى چاڭچۇن ازيا قىسقى سپورت جارىسىندا 19 التىن مەدال) دە جاراتتى. كورەيا كومانداسى قازىر 11 التىن، 10 كۇمىس، 9 قولا مەدالمەن 2 ـ ورىندا، جاپونيا كومانداسى 4 التىن، 4 كۇمىس، 9 قولا مەدالمەن 3 ـ ورىندا تۇر.
