ٴبىز ۇستاز بەن شاكىرتپىز، تىپتەن، اعالى ـ ىنىلەرمىز
انار بۇلت \ شينجياڭ گازەتىنىڭ ٴتىلشىسى لي جيا ـ ني، ەرىكتى ٴتىلشى ۋي يىڭبين
”ۇستاز، دەمالىسىڭىزدى قالاي وتكىزدىڭىز“؟
”سانحۋ، ۇيدەگىلەرىڭە مەنەن سالەم ايت، دەمالىسىڭ اياقتاعاندا ۇيگە كەلىپ تاماق ٴىشىپ قايت“.
...
ما سانحۋ شىحىزى قالاسى تيانچىن حيميا ونەركاسىپ شەكتى سەرىكتەستىگى حيميا ونەركاسىپ زاۆودى الەۋمەتتىك ورتانى قورعاۋ سەحىنىڭ جابدىق قىزمەتكەرى. 2 ـ ايدىڭ 7 ـ كۇنى گانسۋداعى اۋىلىندا دەمالىپ جاتقان ما سانحۋ ۇستازى ابليكىمگە تەلەفون شالدى، ەكەۋى دەرەۋ شۇيىركەلەسىپ كەتتى.
2017 ـ جىلى 7 ـ ايدا وقۋ بىتىرگەننەن كەيىن، ما سانحۋ تيانچىن حيميا ونەركاسىپ شەكتى سەرىكتەستىگىنە قىزمەتكە قابىلدانىپ، سەرىكتەستىكتىڭ حيميا ونەركاسىپ زاۆودى الەۋمەتتىك ورتانى قورعاۋ سەحى جاراقسىز سۋدى ٴبىر جاقتى ەتۋ قىزمەت ورنىنىڭ جۇمىسشىسى، ابليكىمنىڭ شاكىرتى بولادى. ەندى عانا 20 جاسقا كەلگەن ول شىت جاڭا ورتاعا، سالاۋاتىنىڭ وزگەرىسى مەن قىزمەتتەگى سىن ـ سايىسقا ٴدوپ كەلىپ، وزىنە اۋىر قىسىم تۇسكەندەي سەزىنەدى.
”سول كەزدە وسى قىزمەتتىڭ قاجەتىنەن شىعا الامىن با دەپ كۇماندانعان ەدىم“. ما سانحۋ ەسكە الىپ بىلاي دەدى: ۇيدەن الىستاعانىم، وعان قوسا جاڭا قىزمەتتىڭ تەحنولوگيالىق تالابىنىڭ جوعارى بولعاندىعى سەبەبىنەن مەندە جۇرەكسىنگەن كوڭىل كۇي پايدا بولدى، اۋەلى، قىزمەتتەن شەگىنىپ، باسقا قىزمەت ىستەيىن بە دەپ ەكى ۇداي بولدىم.
ما سانحۋدان 14 جاس ۇلكەن ابليكىم تاجىريبەسى مول، ىسىلعان ساقا قىزمەتكەر، ما سانحۋدىڭ كاسىپتىك تەحنولوگيالىق قابىلەتىن تەز جوعارىلاتۋ ٴۇشىن، ول ۇيرەنۋدى ىلگەرىلەتۋ جونىندە ەگجەي ـ تەگجەيلى جوسپار جاسادى، ٴبىراق ما سانحۋ ۇستازىنىڭ بۇل ”جاقسىلىعىنا“ قارسىلىق نىساي ٴبىلدىرىپ، ۇنەمى ەمتيحاننان وتپەي قالۋشى ەدى.
ٴىنىم دەپ جۇرگەن ما سانحۋ ۇنەمى ەمتيحاننان وتپەگەندىكتەن، ابليكىم ما سانحۋدى جاقسى بولسىن دەپ ٴبىر ـ ەكى اۋىز سىن ايتىپ ەدى، ويلاماعان جەردەن ما سانحۋ وعان 3 كۇن سويلەمەي قويدى.
”ۇستازدىق _ جاۋاپكەرشىلىك“، ـ دەدى ابليكىم. ول ما سانحۋدى تەزىرەك جەتىلدىرۋ ٴۇشىن، وعان جان ـ جاقتان كوڭىل ٴبولۋ كەرەكتىگىن ابدەن بىلەتىن. ارالارىنداعى قاتىناستى جاقسارتۋ ٴۇشىن، سول كۇندەرى قولى بوساي قالسا بولعانى ما سانحۋدى تاماققا ۇسىنىس ەتىپ، سىرلاسىپ، ٴوزىنىڭ قىزمەت تاجىريبەلەرىن جانە جەتىلۋ بارىسىن ٴبولىسىپ، ونىڭ سەنىمىن ارتتىرۋىنا كومەكتەستى. ونىڭ قامقورلىعى مەن جەتەكشىلىگىندە، ما سانحۋدىڭ كوڭىلىندەگى مۇنار دا اقىرىن ـ اقىرىن سەيىلە باستادى.
نەگىز ٴالسىز بولعاندىقتان، ما سانحۋ 3 ايلىق شاكىرت مەزگىلى اياقتاعاننان كەيىن، ٴبىرىنشى رەتكى قىزمەت ورنىن اۋىستىرۋ ەمتيحانىندا وتپەي قالادى. ٴبىراق ما سانحۋ ٴوزىنىڭ جەتەرسىزدىگىن تانىپ جەتىپ، ىجداعاتتىلىقپەن ابليكىمنەن ٴتالىم الىپ، بىلمەگەن جەرى بولسا دەرەۋ سۇراپ ۇيرەنەتىن بولدى. ٴبىر ايدان كەيىن، ما سانحۋ ەكىنشى رەتكى رەسميلەسىپ قىزمەت ورنىنا شىعۋ ەمتيحانىنان ٴساتتى ٴوتىپ، سول ايداعى سيلىق اقشاسىن تولىق الادى.
كوڭىل كۇيدەگى وزگەرىس جانە تەحنولوگياعا ٴتىپتى دە ىسىلعاندىقتان، ما سانحۋ تەز جەتىلىپ، جارتى جىلدا نەگىزگى جۇرگىزۋ قىزمەتىنىڭ ۇددەسىنەن شىعىپ، 11 ايدان كەيىن بانجاڭ بولدى. 2020 ـ جىلى 1 ـ ايدا ول ەمتيحاننان ٴوتىپ، جابدىق قىزمەتكەرى بولادى.
قىزمەت قاجەتى سەبەبىنەن ابليكىم جاڭا قىزمەت ورنىنا اۋىسىپ، ەڭ تومەنگى جۇمىسشىدان باستاپ ىستەيدى. 2022 ـ جىلى ول دا ەمتيحاننان ٴساتتى ٴوتىپ، جابدىق قىزمەتكەرى بولادى.
قىزمەت ورنىندا وزگەرىس بولعانىمەن، ۇستاز بەن شاكىرت اراسىنداعى قاتىناس ەشقاشان الىستامادى، قايتا ٴبارى دە جابدىق قىزمەتكەرى بولعاندىقتان، ورتاق اڭگىمەلەرى جانە اۋىس ـ كۇيىس جاساۋ ورايلارى كوبەيە ٴتۇستى، ەكەۋى ۇنەمى قىزمەت بارىسىنداعى قيىن ماسەلەلەردى تالقىلاپ، ٴوزارا ۇيرەنىپ، ٴبىر ـ بىرىنەن شابىت الدى.
ابليكىم جابدىق قىزمەتكەرى ەمتيحانىنان ٴوتىپ كوپ وتپەي، كاسىپتىك ٴبىلىم جاعىنداعى سىن ـ سايىستار ونى جەلكەلەي باستايدى. ما سانحۋ بۇدان حاباردار بولعاننان كەيىن، ىرىقتىلىقپەن ۇستازىنا كومەكتەسىپ، ماسەلەگە تالداۋ جاساپ، شەشۋ جوباسىن العا قويادى.
”بۇرىنعى شاكىرتىمنىڭ قازىر قىزمەتتى جەكە ٴوزى ـ اق جۇرگىزە الاتىندىعىن كورىپ، قاتتى ريزا بولدىم“، ـ دەدى ابليكىم.
2024 ـ جىلى 7 ـ ايدا ابليكىم تۇزدى جاراقسىز سۋ نىسانى جابدىق گرۋپپاسىنا قىزمەتكە اۋىسىپ، نەگىزىنەن، جابدىقتاردى تەكسەرۋگە جانە باسقارۋعا جاۋاپتى بولادى. باستابىندا سەحتاعى 3 قىسىممەن ٴسۇزۋ ماشيناسىنىڭ سۇزگىسى ۇنەمى بۇلىنەتىن احۋال تۋىلدى.
ابليكىم ما سانحۋ تۇرعان جاراقسىز سۋدى ٴبىر جاقتى ەتۋ قىزمەت ورنىندا دا قىسىممەن ٴسۇزۋ ماشيناسى بار ەكەنىن، ونىڭ ۇستىنە ماشينانىڭ جۇمىس جۇرگىزۋ قاعيداسىنىڭ، ۇلكەن جاقتان العاندا، ۇقساس ەكەندىگىن بىلەتىن، ول سۇزگىشتىڭ تۇرپاتى مەن ولشەمى جونىندە ما سانحۋمەن اقىلداسقاننان كەيىن امالىن تابادى. جاڭا سۇزگى ورناتىلعاننان كەيىن پايدالانۋ عۇمىرى بارىنشا ۇزارىپ، جاراقسىز سۋدى ٴبىر جاقتى ەتۋگە پارمەندى قامتاماسىزدىق ازىرلەدى.
تۇرمىستا ۇستاز بەن شاكىرت ەكەۋىنىڭ قاتىناسى دا توتەنشە قويۋ بولدى. ما سانحۋ ٴار جولى اۋىلىنا قايتقاندا ۇستازىنا گانسۋدىڭ ەرەكشە ونىمدەرىن الىپ كەلەتىن. مەرەكە ـ مەيرام سايىن ابليكىم دە ما سانحۋ مەن ونىڭ قىزمەتتەستەرىن تاماققا ۇسىنىس ەتەتىن.
”ٴبىز ۇستاز بەن شاكىرتپىز، تىپتەن، اعالى ـ ىنىلەرمىز“، ـ دەدى ابليكىم كۇلىمسىرەپ.
