ما شيڭرۇي اۆتونوميالى رايوندىق وقۋ ـ اعارتۋ مەڭگەرمەسىندە، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىندە تەكسەرۋ ـ زەرتتەۋ جۇرگىزدى
حالىق رازى بولاتىن وقۋ ـ اعارتۋدى قۇلشىنا ويداعىداي جۇرگىزۋ، كوپ ساتىلى قوعامدىق قامتاماسىزداندىرۋ جۇيەسىن ۇزدىكسىز اقاۋسىزداندىرۋ كەرەك
2 - ايدىڭ 14 - كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق وقۋ - اعارتۋ مەڭگەرمەسىنە، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنە بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي اۆتونوميالى رايوندىق وقۋ - اعارتۋ مەڭگەرمەسىندە تۇتاس شينجياڭداعى مەكتەپتەردىڭ ورنالاسۋى، وقۋشىلار سانىنىڭ وزگەرىس بەتالىسى سياقتى جاعدايلاردى ۇعىسىپ، وقۋ - اعارتۋ قىزمەتى جونىندەگى تانىستىرۋدى تىڭدادى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 2 ـ ايدىڭ 14 ـ كۇنى اۆتونوميالى رايوندىق وقۋ ـ اعارتۋ مەڭگەرمەسىنە، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنە بارىپ تەكسەرۋ ـ زەرتتەۋ جۇرگىزىپ، ٴتۇيىندى قىزمەتتەردىڭ ورىستەتىلۋ جاعدايىن ىشكەرىلەي ۇعىسىپ، ٴارقايسى ورىننىڭ نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە ونان ارى شوعىرلاندىرىپ، قىزمەت ساپاسى مەن ونىمدىلىگىن ۇزدىكسىز جوعارىلاتىپ، حالىق رازى بولاتىن وقۋ ـ اعارتۋدى قۇلشىنا ويداعىداي جۇرگىزىپ، كوپ ساتىلى قوعامدىق قامتاماسىزداندىرۋ جۇيەسىن ۇزدىكسىز اقاۋسىزداندىرىپ، شينجياڭنىڭ جوعارى ساپالى دامۋىنا جانە وسىزامانداندىرۋ قۇرىلىسى جالپى جاعدايىنا اناعۇرلىم ويداعىداي قىزمەت وتەۋىنە جەتەكشىلىك ەتتى جانە ونى جەبەدى.
اۆتونوميالى رايوندىق وقۋ ـ اعارتۋ مەڭگەرمەسىندە ما شيڭرۇي تۇتاس شينجياڭداعى مەكتەپتەردىڭ ورنالاسۋى، وقۋشىلار سانىنىڭ وزگەرىس بەتالىسى سياقتى جاعدايلاردى ۇعىسىپ، وقۋ ـ اعارتۋ قىزمەتى جونىندەگى تانىستىرۋدى تىڭدادى. ول بىلاي دەپ باسا دارىپتەدى: شينجياڭ ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدە، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدە، قوعام ورنىقتىلىعى مەن باياندى تىنىشتىقتى جۇزەگە اسىرۋدا وقۋ ـ اعارتۋدىڭ اناعۇرلىم زور رول ساۋلەلەندىرۋىن ٴارقانداي كەزدەگىدەن دە شۇعىل قاجەت ەتەدى. وقۋ ـ اعارتۋ تاراۋلارى وقۋ ـ اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن تەرەڭ تانىپ، نازاردى شينجياڭ وقۋ ـ اعارتۋىنىڭ جوعارى ساپالى دامۋىنا تۇساۋ بولىپ وتىرعان كورنەكتى ماسەلەلەرگە شوعىرلاندىرىپ، قىزمەت سەرپىنىن اناعۇرلىم ارتتىرىپ، ٴار دارەجەلى، ٴار ٴتۇرلى وقۋ ـ اعارتۋدىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ كەرەك. تۇتاس شينجياڭداعى جوعارى مەكتەپتەردىڭ ورنالاسۋىن، قۇرىلىسىن، ىلگەرىلەۋشىلىگىن جانە بولاشاق جوسپارىن ەگجەي ـ تەگجەيلى ۇعىسقان سوڭ، ما شيڭرۇي بىلاي دەپ باسا دارىپتەدى: جوعارى دارەجەلى وقۋ ـ اعارتۋدىڭ باستاماشى رولىن اناعۇرلىم ويداعىداي ساۋلەلەندىرۋدى كوزدە ۇستاپ، تۇتاس شينجياڭداعى ايماق، وبلىس، قالالاردى تولىق كۋرس وقۋ ـ اعارتۋىمەن جاپپاي قامتۋ نىساناسىن كوزدەپ، جوعارى مەكتەپتەردىڭ ورنالاسۋىن ۇزدىكسىز ساپالىلاندىرىپ، ەرەكشەلىككە، باسىمدىققا يە كاسىپ سالالارىن دامىتۋ قاجەتىمەن ۇشتاستىرىپ، تولىق كۋرس كاسىپتىك مەكتەپتەردى بار كۇشپەن قۇرىپ، ٴوڭىردىڭ جوعارى ساپالى دامۋىنا ٴونىمدى تىرەك بولۋ كەرەك. زەرتتەۋ، جوسپارلاۋدى جانە ٴبىر تۇتاس جوسپارلاپ سايكەستىرۋدى كۇشەيتىپ، بايلىقتى ٴونىمدى جانداندىرىپ جانە بىرىكتىرىپ، جوعارى مەكتەپ قۇرىلىسىنىڭ دامۋىنا بەلسەندى شارت ـ جاعداي جاراتۋ كەرەك. زەينەت جاسىنداعى ساقا وقىتۋشىلار جوسپارى سياقتى ارنالاردان ويداعىداي پايدالانىپ، وقىتۋشىلار قوسىنىن ۇزدىكسىز بەكەمدەپ، وقۋ ـ اعارتۋدىڭ دامۋ دەڭگەيىن جوعارىلاتۋ كەرەك. ما شيڭرۇي تاعى وقۋ ـ اعارتۋ مەڭگەرمەسىنىڭ دامۋ ـ جوسپارلاۋ باسقارماسىنا، وقۋشىلار قىزمەتى باسقارماسىنا بارىپ، ٴار ۇلت كادرلارىمەن پىكىرلەستى. ول بىلاي دەپ باسا دارىپتەدى: ٴمورال ارقىلى تاربيەلەۋ ٴتۇبىرلى مىندەتىن مىقتاپ ارقاۋ ەتىپ، مەكتەپكە دەيىنگى تاربيەنىڭ، مىندەتتى وقۋ ـ اعارتۋدىڭ، ورتا مەكتەپ ساتىسىنداعى وقۋ ـ اعارتۋدىڭ جالپىعا ٴتيىمدى دامۋىن ىلگەرىلەتىپ، كاسىپتىك وقۋ ـ اعارتۋدىڭ، جوعارى دارەجەلى وقۋ ـ اعارتۋدىڭ دەڭگەيىن جوعارىلاتىپ، وڭتۇستىك شينجياڭ وقۋ ـ اعارتۋىنىڭ دامۋىن ىلگەرىلەتۋ جاعىندا ٴتىپتى دە كوپ بايلىقتى، كۇشتەردى جۇمساپ، مەكتەپتەردىڭ باسشىلىق القالارىن ساپالى ەتىپ دايىنداۋعا، كۇشەيتىپ قۇرۋعا كۇش سالىپ، حالىق رازى بولاتىن وقۋ ـ اعارتۋدى اناعۇرلىم بەلسەندى، ٴونىمدى جۇرگىزۋ كەرەك.
ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىندە ما شيڭرۇي قوعامدىق قامتاماسىزداندىرۋ ورتالىعىنا بارىپ، شينجياڭ زەردەلى قوعامدىق قامتاماسىزداندىرۋ تۇعىرىنىڭ جۇمىس جۇرگىزۋ جاعدايىن تەكسەرىپ كورىپ، ٴتۇرلى كاسىپتەردى ۋاعىندا ٴبىتىرۋ جاعدايىن سۇراستىرىپ، جۇمىسشى ـ قىزمەتشىلەردىڭ زەينەتاقىسىن تاراتۋ، كاسىپتىك جىلدىق ۇستەمە اقشاسىن باسقارۋ، قوعامدىق قامتاماسىزداندىرۋ قورىن باقىلاۋ ـ باسقارۋ سياقتى ناقتى كاسىپتەر جونىندە قاتىستى جاۋاپتى جولداستارمەن ىشكەرىلەي پىكىرلەسىپ، كوپشىلىككە كاسىپتى ونان ارى ناقتى زەرتتەپ، جەتە زەرتتەپ، كوپ ساتىلى قوعامدىق قامتاماسىزداندىرۋ جۇيەسىن ۇزدىكسىز اقاۋسىزداندىرۋدى ارقاۋ ەتە وتىرىپ، قىزمەت قابىلەت ـ دەڭگەيىن ۇزدىكسىز جوعارىلاتىپ، قوعامدىق قامتاماسىزداندىرۋ قورى سياقتىلاردى باقىلاۋ ـ باسقارۋ ونىمدىلىگىن جوعارىلاتىپ، حالىقتىڭ كوپ ٴتۇرلى قوعامدىق قامتاماسىزداندىرۋ قاجەتىن ۇزدىكسىز قاناعاتتاندىرۋدى تاپسىردى. وسىدان كەيىن، ما شيڭرۇي ەڭبەك باقىلاۋ ـ تەكسەرۋ باسقارماسىن كوزدەن كەشىرىپ، ينجەنەريا قۇرىلىس سالاسىنداعى شارۋا جۇمىسكەرلەردىڭ ەڭبەكاقىسىن كەشەۋىلدەتۋدى وڭاۋ جونىندەگى قىزمەت تانىستىرۋىن تىڭداپ، بىلاي دەپ باسا دارىپتەدى: ەڭبەكشىلەردىڭ ۇقىق ـ مۇددەسىن قورعاۋ قىزمەتى تەبىنىن ۇزدىكسىز ارتتىرىپ، ەڭبەكاقىنىڭ كەشەۋىلدەتىلۋىن تۇبىرىنەن وڭاۋ، قاينارىنان جونگە سالۋدى ىشكەرىلەي ورىستەتىپ، شارۋا جۇمىسكەرلەردىڭ زاڭدى ۇقىق _ مۇددەسىن بار كۇشپەن قامتاماسىز ەتىپ، جاراسىمدى ەڭبەك قاتىناسىن ىشكەرىلەي ورناتۋ كەرەك؛ جۇمىستانۋدى جەبەۋ باسقارماسىن كوزدەن كەشىرىپ، تۇتاس شينجياڭداعى جۇمىستاندىرۋ قىزمەتىنىڭ اياق الىسىن ۇعىسىپ، بىلاي دەپ باسا دارىپتەدى: جۇمىستاندىرۋ اياسىن كەڭەيتۋدى ماڭىزدىنىڭ ـ ماڭىزدىسى ەتۋگە تاباندى بولىپ، جوعارى مەكتەپتەردەن وقۋ تاۋىسقان وقۋشىلار، نەگىزگى ساتىداعى ەگىنشى ـ مالشى سياقتى ٴتۇيىندى قاۋىمدى ارقاۋ ەتىپ، تۇعىردى، دانەكەردى ۇزدىكسىز كەڭەيتىپ، جۇمىستاندىرۋعا قىزمەت وتەۋدى ساپالىلاندىرىپ، جۇمىستاندىرۋدى جەبەۋ ٴتۇرلى ساياسات ـ شارالارىن تياناقتاندىرىپ، ەگجەي ـ تەگجەيلىلەندىرىپ، جۇمىستاندىرۋ كولەمىن ۇزدىكسىز كەڭەيتىپ، تۇتاس شينجياڭداعى ٴار ۇلت بۇقاراسىنىڭ كىرىس دەڭگەيىنىڭ ورنىقتى جوعارىلاۋىن جەبەۋ كەرەك. ما شيڭرۇي بىلاي دەپ باسا دارىپتەدى: ادام كۇشى بايلىعى جانە قوعامدىق قامتاماسىزداندىرۋ قىزمەتىنىڭ ٴبىر جاعى دامۋمەن بايلانىسسا، ەندى ٴبىر جاعى حالىق تۇرمىسىمەن بايلانىسىپ جاتادى، جاۋاپكەرشىلىگى وتە اۋىر. جاڭا جورىقتاعى شينجياڭ ادام كۇشى بايلىعى جانە قوعامدىق قامتاماسىزداندىرۋ قىزمەتىنىڭ جاڭا جاعدايىن، جاڭا مىندەتىن دالمە ـ ٴدال يگەرىپ، رەفورمانى ونان ارى تەرەڭدەتۋدە جاڭالىق اشىپ، قىزمەت ٴتۇيىنىن كورنەكتىلەندىرىپ، ورنىقتى جۇمىستاندىرۋ، كىرىستى ارتتىرۋدى جەبەۋ، حالىق تۇرمىسىن قامتاماسىز ەتۋ سىندى ٴتۇرلى قىزمەتتەردىڭ تىڭ ساتىعا كوتەرىلۋىن بار كۇشپەن ىلگەرىلەتىپ، ادام كۇشى بايلىعى جانە قوعامدىق قامتاماسىزداندىرۋ قىزمەتىنىڭ ۇزدىكسىز جاڭا بەينە ايگىلەۋىن ىلگەرىلەتۋ كەرەك.
ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: وقۋ ـ اعارتۋ قىزمەتى، ادام كۇشى بايلىعى جانە قوعامدىق قامتاماسىزداندىرۋ قىزمەتى شينجياڭ قىزمەتىنىڭ كەلەلى جاعدايىنا سايادى، مىڭداعان، ون مىڭداعان وتباسىلارىنىڭ حالىق تۇرمىسى قۇت ـ ىرىسىنا بايلانىسقان. تاراۋلار باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىن شىنايى بەرىك ورناتىپ، شينجياڭداعى ٴار ۇلت بۇقاراسىنىڭ تاماشا تۇرمىسقا دەگەن تالپىنىسىن قاي ـ قاشاندا كۇرەس نىساناسى ەتىپ، ٴتىپتى دە بيىك ساياسي دەڭگەي، ٴتىپتى دە كەڭ وي ٴورىس، كوز ايامەن ٴتۇرلى قىزمەتتەردى جوسپارلاپ ىلگەرىلەتىپ، نازاردى ”بىرەۋى ارقىلى ٴبارىن اتتانىسقا كەلتىرەتىن“ ٴىرى ىستەرگە، ماڭىزدى ىستەرگە شوعىرلاندىرىپ، رەفورمانى ونان ارى جاپپاي تەرەڭدەتىپ، بوگەتتىك شەكتەمەلەردى جەدەل جويىپ، وقۋ ـ اعارتۋ، قارتتاردى كۇتىمدەۋ، قوعامدىق قامتاماسىزداندىرۋ سياقتى ٴار ۇلت بۇقاراسى قام جەيتىن ىستەردى، باس قاتىراتىن ىستەردى، ۋايىمدايتىن ىستەردى تىڭعىلىقتى ويداعىداي ىستەپ، شينجياڭداعى ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋى كەرەك.
ۋاڭ جيانشين، مۇقيات جارمۇقامەت، قايسار ابدۇكەرىم تەكسەرۋ ـ زەرتتەۋگە قاتىناستى.
