انار بۇلت \ شينجياڭ گازەتىنىڭ ٴتىلشىسى ساۋ حۋا 2 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، بيىل شينجياڭ جەمىس ـ جيدەكتى ەكسپورت ەتۋ قۋاتىن جوعارىلاتىپ، تۇتاس جىلدا 250 مىڭ توننادان استام جەمىس ـ جيدەك ەكسپورت ەتۋگە كۇش سالادى ەكەن.
جەمىس ورمان شارۋاشىلىعىنىڭ جوعارى ساپالى دامۋىن ارقاۋ ەتە وتىرىپ، شينجياڭ بيىل جەمىس ورمان كاسىپ سالاسىن دامىتۋدىڭ ”15 ـ بەسجىلدىق“ جوباسى مەن 2030 ـ جىلعا دەيىنگى بولاشاقتىق نىساناسىن جاساپ، جاڭا داۋىردەگى جەمىس ورمانى كاسىپ سالاسىنىڭ دامۋ جوباسىن تۇلعالايدى. سونىمەن بىرگە جەمىس ورمانى تۇتاس كاسىپ سالاسى تىزبەگىن ساپالىلاندىرىپ، دارەجەسىن ٴوسىرۋدى ىلگەرىلەتىپ، ”قۇرىلىمدى رەتتەۋ، جەر كولەمىن ورنىقتىرۋ، ساپانى ٴوسىرۋ، ماركانىڭ اتاعىن اسىرۋ، تىزبەكتى ۇزارتۋ، ونىمدىلىكتى ارتتىرۋ“ ارقىلى ساپالى جەمىس ـ جيدەك ونىمدەرىمەن قامداۋ قابىلەتىن ۇزدىكسىز ارتتىرادى. بيىل شينجياڭ 50 مىڭ مۋدان استام جەمىس ـ جيدەك سورتىن ساپالىلاندىرۋدى ورىندايدى، 70 مىڭ مۋدان استام تومەن ٴتۇسىمدى، تومەن ٴونىمدى جەمىس باقشاسىن جاڭالايدى، 13 مىڭ مۋدان استام جەردە ىقشامدالعان ەگۋ تەحنيكاسى جالپىلاستىرىلادى، ورىك، شىلان سىندى اعاش تۇرلەرىندە اۋدان، قالانى بىرلىك ەتكەن 4 ۇلگى كورسەتۋ باقشا رايونىن قۇرۋدى، 45 ۇلگى كورسەتۋ باقشاسىن قۇرۋدى ىلگەرىلەتەدى. 47 جەمىس ورمانى كاسىپورنىنىڭ مانەرلەۋ تەحنولوگياسىن جانە جابدىقتارىن ساپالىلاندىرىپ، مانەرلەۋ قۋاتىن ارتتىرۋىنا قولداۋ كورسەتەدى.
ساپالى جەمىس ـ جيدەك ونىمدەرىنىڭ حالىقارالىق بازارعا بەت الۋ اياق الىسىن جەدەلدەتۋ ٴۇشىن، شينجياڭ بيىل جەمىس ـ جيدەك ونىمدەرىن ەكسپورت ەتۋ بازارى جونىنەن زەرتتەۋ جۇرگىزۋدى كۇشەيتىپ، جەمىس ورمانى كاسىپورىندارىن حالىقارالىق بازارعا قاراي ٴورىسىن كەڭەيتۋگە ىنتالاندىرىپ، كاسىپورىنداردىڭ شەكارادان شىعارىلاتىن جەمىس ـ جيدەك باقشاسى مەن قوراپتاۋ زاۆودتارىن تىركەتىپ، تىزىمگە الدىرۋىنا قولداۋ كورسەتىپ، جەمىس ـ جيدەكتى ەكسپورت ەتۋ قابىلەتىن جوعارىلاتادى.
ەلىمىزدەگى ساپالى جەمىس ـ جيدەك ٴوندىرىس بازاسى بولعان شينجياڭنىڭ جەمىس ورمانى اۋماعى ۇزدىكسىز 20 ميلليون مۋ اينالاسىندا بولىپ، جىلدىق ٴونىم مولشەرى 14 ميلليون تونناعا جەتىپ، تاۋار جەمىس ـ جيدەك مولشەرى %86تەن جوعارى ورنىقتى كۇيدە بولدى. 2024 ـ جىلى شينجياڭ 200 مىڭ توننا جەمىس ـ جيدەك ەكسپورت ەتىپ، ەكسپورت سوماسى 2 ميلليارد 900 ميلليون يۋانعا جەتتى، بۇل سايكەس مەزگىلدەگىدەن %20 جانە %16 ارتتى. قازىر شينجياڭدا جەمىس ـ جيدەگى شەكارادان شىعارىلاتىن جەمىس باقشاسىنان 309ى تىركەۋگە الىنىپ، جەمىس ـ جيدەك ەكسپورت كولەمى دۇنيە جۇزىندەگى 30 قانشا مەملەكەت پەن ٴوڭىردى قامتىدى.
