«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
پارتيانى جاپپاي قاتاڭ باسقارۋ جۇيەسىن اقاۋسىزداندىرۋ كەرەك
شينحۋا اگەنتتىگىنىڭ 2 ـ ايدىڭ 15 ـ كۇنى بەيجيڭنەن بەرگەن حابارى. 2 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 4 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «پارتيانى جاپپاي قاتاڭ باسقارۋ جۇيەسىن اقاۋسىزداندىرۋ كەرەك» اتتى ماڭىزدى ماقالاسى جاريالانادى.
ماقالادا مىنالار اتاپ كورسەتىلدى: پارتيا 18 ـ قۇرىلتايىنان بەرى، ٴبىز پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، نازاريادا جاڭالىق اشۋدا، امالياتتا جاڭالىق اشۋدا، تۇزىمدە جاڭالىق اشۋدا ٴبىر قىدىرۋ جەتىستىكتەرگە قول جەتكىزىپ، پارتيانى جاپپاي قاتاڭ باسقارۋ جۇيەسىن قۇرىپ، 100 جىلدىق ٴىرى پارتيانىڭ وزىنە ـ ٴوزى توڭكەرىس جاساۋىنىڭ جاڭا ٴورىسىن اشتىق. سونىمەن بىرگە مىنانى دا كورە ٴبىلۋىمىز كەرەك: پارتيا ىشىندە ورىن تەپكەن يدەيا كىرشىكسىز بولماۋ، ۇيىمدىق جاقتا كىرشىكسىز بولماۋ، ستيلدە كىرشىكسىز بولماۋ سياقتى كورنەكتى ماسەلەلەر ٴالى دە تۇبىرىنەن شەشىلگەن جوق، شىرىكتەسۋگە قارسى كۇرەس جاعدايى ٴالى دە قاتاڭ، كۇردەلى، ونىڭ ۇستىنە جاڭا جاعداي، جاڭا ماسەلەلەر ۇزدىكسىز جارىققا شىعىپ، پارتيامىز ٴدوپ كەلگەن ”ٴتورت ۇلكەن سىناق“، ”ٴتورت حاۋىپ ـ قاتەر“ ۇزاق ۋاقىت ٴومىر سۇرەدى. پارتيانى جاپپاي قاتاڭ باسقارۋ ماڭگى جالعاسا بەرەدى، پارتيانىڭ وزىنە ـ ٴوزى توڭكەرىس جاساۋى ماڭگى جالعاسا بەرەدى. بۇكىل پارتيا، ٴسوزسىز، ”ەمتيحانعا قاتىناسۋداي“ سەرگەكتىكتى جانە تاباندىلىقتى ماڭگى ساقتاپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى ٴونىمدى ارنا ەتىپ، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ۇزدىكسىز العا ىلگەرىلەتۋى كەرەك.
ماقالادا مىنالار باسا دارىپتەلدى: جاڭا داۋىردەگى پارتيا قۇرىلىسى _ پارتيانىڭ ساياسي قۇرىلىسىن ٴبىر تۇتاس باسشىلىققا الاتىن، پارتيانىڭ ٴتۇرلى قۇرىلىستارى ٴبىر باعىتتا كۇش سالاتىن، جان ـ جاقتى كۇش سالاتىن جۇيەلى ينجەنەريا، ٴسوزسىز، پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە ـ ٴوزى توڭكەرىس جاساۋ ماڭىزدى يدەياسىن ٴتۇبىرلى بويسۇنۋ ولشەمى ەتىپ، پارتيانىڭ جاپپاي باسشىلىعى مەن پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ جانە ونى كۇشەيتىپ، جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، تياناقتاندىرىپ، جۇيەلى ويلاۋمەن، عىلمي ادىسپەن پارتيانى باسقارۋدىڭ، پارتيانى جونگە سالۋدىڭ مازمۇنىن جاپپاي قامتۋدى، وبيەكتىن جاپپاي قامتۋدى، جاۋاپكەرشىلىك جاقتا تۇتاس تىزبەكتى بولۋدى، ٴتۇزىم جاقتا تولىق ۇلاسۋدى ىلگەرىلەتىپ، فاكتورى تولىق، فۋنكتسياسى كەمەلدى، عىلمي دا ولشەمدى، اينالىمى جوعارى ٴونىمدى پارتيانى جاپپاي قاتاڭ باسقارۋ جۇيەسىن اناعۇرلىم اقاۋسىزداندىرۋ كەرەك.
ماقالا 5 جاقتان پارتيانى جاپپاي قاتاڭ باسقارۋ جۇيەسىن اقاۋسىزداندىرۋ جونىندە ورنالاستىرۋ جاسادى. ٴبىرىنشى، جوعارى مەن تومەندى ساباقتاستىراتىن، اتقارۋى پارمەندى ۇيىمدىق جۇيەنى اقاۋسىزداندىرۋ كەرەك. پارتيانىڭ باسشىلىعىن، پارتيانى باسقارۋ، پارتيانى جونگە سالۋ ٴتۇرلى قىزمەتتەرىن ناقتى تياناقتاندىرىپ، پارتيانىڭ ورتالىق ۇيىمدارى، جەرگىلىكتى ۇيىمدارى، نەگىزگى ساتى ۇيىمدارى تۇگەلدەي، ٴسوز جوق، پارمەندى دە تەبىندى، ىركىلىسسىز اينالىمدا بولۋى كەرەك. پارتيانىڭ ۇيىمدىق جۇيەسى قاتاڭ بولعاندا عانا، پارتيانىڭ ٴار دارەجەلى ۇيىمدارىنىڭ ساياسي يقۋاتى مەن ۇيىمدىق يقۋاتى تولىق ساۋلەلەنىپ، پارتيانى جاپپاي قاتاڭ باسقارۋ سوندا عانا ۇزدىكسىز ىشكەرىلەي ىلگەرىلەتىلەدى. پارتيانىڭ ۇيىمدىق جۇيەسىن قاتايتۋدىڭ تەتىگى _ پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىنا تاباندى بولۋ، ٴتۇبىرى ”ەكىنى قورعاۋدى“ ورىنداۋدا. ەكىنشى، وزەكتى بەكەمدەپ، نەگىزدى جەتىلدىرۋ، زەيىن ـ زەردەنى ۇيىستىرىپ، رۋحتى سومداۋ تاربيە جۇيەسىن اقاۋسىزداندىرۋ كەرەك. عىلمي نازاريانى يگەرىپ، يدەيالىق نەگىزدى بەكەمدەگەندە عانا، پارتيانى جاپپاي قاتاڭ باسقارۋدا بەرىك تىرەك بولادى. يدەيالىق قۇرىلىس سىندى وسى نەگىزدى، ٴسوزسىز، ويداعىداي يگەرىپ، پارتيانىڭ جاسامپاز نازارياسىمەن قارۋلانۋدى قاجىماي ـ تالماي ىلگەرىلەتىپ، پارتيالىلىق تاربيەسىن تاباندىلىقپەن كۇشەيتىپ، پارتيا مۇشەلەرىن، كادرلاردى پارتيانى جاپپاي قاتاڭ باسقارۋ ستراتەگيالىق باعىتىن سانالى ارەكەتتەرىنە اينالدىرۋعا جەتەكتەۋ كەرەك. ٴۇشىنشى، دالمە ـ ٴدال كۇش سالاتىن، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرەتىن باقىلاۋ ـ باسقارۋ جۇيەسىن اقاۋسىزداندىرۋ كەرەك. پارتيانى جاپپاي قاتاڭ باسقارۋدى ىلگەرىلەتۋدىڭ ماڭىزى شىنايى باسقارۋ، شىنايى قاتاڭ بولۋدا، ٴمانى دالمە ـ ٴدال باسقارۋدى اتقارۋدا. پارتيا جاعدايىنىڭ، پارتيا ستيلىنىڭ جاڭا بەتالىسىنا ٴجيى نازار اۋدارىپ جانە تالداۋ جاساپ، تۇجىرىمداپ، ماسەلەنى بەتكە الۋعا، قاينارىنان وڭاۋعا تاباندى بولىپ، ۇستىنەن دە وڭاپ، تۇبىرىنەن دە وڭاپ، پارتيانى باسقارۋدىڭ، پارتيانى جونگە سالۋدىڭ دالمە ـ دالدىگىن، ناقتى ونىمدىلىگىن جوعارىلاتۋ كەرەك. ٴتورتىنشى، عىلمي، كەمەلدى، ٴونىمدى، كادەگە جارايتىن ٴتۇزىم جۇيەسىن اقاۋسىزداندىرۋ كەرەك. پارتيانى جاپپاي قاتاڭ باسقارۋدىڭ ساياسي سيپاتىن، پرينسيپتىك سيپاتىن كۇشەيتۋدە، ٴسوز جوق، عىلمي، كەمەلدى تۇزىممەن جۇيەگە ٴتۇسىرۋ كەرەك. ٴتۇزىم قۇرىلىسىن پارتيانى باسقارۋ، پارتيانى جونگە سالۋ قاجەتىنە ۇيلەستىرىپ، پارتيانىڭ ٴتۇرلى قۇرىلىستارىمەن سايكەستىرىپ، ٴتۇزىم تورىن جان ـ جاقتى تىعىز توقۋ كەرەك. سونىمەن قاتار، ٴتۇزىمنىڭ وتە قىم ـ قۋىت بولۋىنان، ”ٴتۇزىم شىرعاسىنا“ تۇسۋدەن ساقتانۋ كەرەك. جۇيەلى شوعىرلاندىرۋدى كۇشەيتىپ، ٴتۇرلى ٴتۇزىمدى ورگانيكالى تۇتاس تۇلعاعا اينالدىرۋ كەرەك. بەسىنشى، نەگىزگى تۇلعا ايقىن، تالاپ انىق بولعان جاۋاپكەرشىلىك جۇيەسىن اقاۋسىزداندىرۋ كەرەك. پارتيانى جاپپاي قاتاڭ باسقارۋ _ بۇكىل پارتيانىڭ ورتاق جاۋاپكەرشىلىگى، جاۋاپكەرشىلىك جۇيەسىن، ٴسوزسىز، ساتىعا، تۇرگە ٴبولىپ ورناتىپ، اقاۋسىزداندىرىپ، جاۋاپكەرشىلىكتى ايقىنداۋ، جاۋاپكەرشىلىكتى قاتايتۋ ارقىلى ٴار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ جاۋاپكەرشىلىگىن ٴبىلۋىن، جاۋاپكەرشىلىگىن ارقالاۋىن، جاۋاپكەرشىلىگىن وتەۋىن ىلگەرىلەتۋ كەرەك.
ماقالادا مىنالار اتاپ كورسەتىلدى: پارتيانى جاپپاي قاتاڭ باسقارۋ جۇيەسىن اقاۋسىزداندىرۋدا، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدە ورتالىق كوميتەت ساياسي بيۋروسىنداعى جولداستار ويداعىداي باستاماشى، ۇلگى بولىپ، ٴوزىن قاتاڭ تارتىپكە سالىپ، ٴوز جاۋاپكەرشىلىگىن قاتاڭ ارقالاپ، ٴوز قاراستىلىعىنداعىلاردى قاتاڭ باسقارىپ، بۇكىل پارتيانى ىنتىماقتاستىرىپ، باستاپ پارتيانى ويداعىداي جونگە سالىپ، قۋاتتى ەتىپ قۇرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى قامتاماسىزدىق ازىرلەۋى كەرەك.
