انار بۇلت \ شينجياڭ گازەتىنىڭ ٴتىلشىسى ساۋ حۋا 2 ـ ايدىڭ 15 ـ كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، بيىل شينجياڭ مەملەكەت جەرىن جاسىلداندىرۋدى ۇزدىكسىز ىلگەرىلەتىپ، تۇتاس جىلدا ٴبىر ميلليون 200 مىڭ مۋ جەرگە ورمان ٴوسىرۋدى جوسپارلاعان.
شينجياڭ بيىل سۋ ارقىلى جاسىل القاپتى تۇراقتاندىرۋعا، جەرگىلىكتى جاعدايعا قاراي ىستەۋگە تاباندى بولىپ، تال تەرەك، بۇتا بۇرگەن، ٴشوپتى ٴوزارا بىرلەستىرىپ، ەكپە ورمان ٴوسىرۋ، سيرەگەن ورماندى قالپىنا كەلتىرۋ، تاۋدى قورىپ ورمان ٴوسىرۋ سياقتى شارالاردان كەشەندى پايدالانىپ اعاش وتىرعىزىپ ورمان ٴوسىرۋدى ورىستەتەدى. جوعارى ولشەمدى ەگىنجاي قۇرىلىسىمەن بىرلەستىرىپ، تولىقتاپ ەگۋ، تولىقتاپ ٴوسىرۋ، جاڭالاۋ، وزگەرتۋ، ەكولوگياعا پايدالانىلاتىن سۋدى قامتاماسىزداندىرۋ سياقتى تاسىلدەر ارقىلى 200 مىڭ 700 مۋ سيرەگەن ىقتاسىن ورماندى قالپىنا كەلتىرەدى. اۋىل ـ قىستاق قونىس ورتاسىن وڭاۋ، دەڭگەيىن جوعارىلاتۋدىڭ 5 جىلدىق ارەكەتىمەن ۇشتاستىرىپ، 171 قىستاقتى جاسىلداندىرادى، كورىكتەندىرەدى. بايىرعى، ايگىلى اعاشتاردى قۇتقارۋ، قالپىنا كەلتىرۋ ارەكەتىن ورىستەتىپ، جاسىل ”ٴتىرى ەسكەرتكىشتى“ ويداعىداي قورعايدى. جۇڭگو جاسىلداندىرۋ قور قوعامى ”ٴبىر بەلدەۋ، ٴبىر جول“ توراڭعى ورمانىن ەكولوگيالىق قالپىنا كەلتىرۋ جوسپارى الەۋمەتتىك يگىلىك نىسانىن ويداعىداي اتقارىپ، نىسان ونىمدىلىگىنە جانە قارجىنىڭ پايدالانىلۋ ونىمدىلىگىنە شىنايى كەپىلدىك ەتەدى. جەرگىلىكتى ۇكىمەتتىڭ ەگىستىكتەن ورماندى، جايلىمدى قالپىنا كەلتىرۋ ينجەنەرياسى تۇلعالىق جاۋاپكەرشىلىگىن قاتايتىپ، ناقتىلاندىرىپ، جاڭا ٴبىر رەتكى ەگىستىكتەن ورماندى، جايلىمدى قالپىنا كەلتىرۋ ۋاقىتىن ۇزارتۋ بويىنشا 4 ميلليون 392 مىڭ 500 مۋ جەرگە قوسىمشا قاراجات ساياساتىن ويداعىداي اتقارىپ، جالپىلىق ونىمدىلىكتى ۇزدىكسىز ساۋلەلەندىرۋگە شىنايى كەپىلدىك ەتەدى.
ۇعىسۋعا قاراعاندا، 2024 ـ جىلى شينجياڭ جيىنى ٴبىر ميلليون 622 مىڭ مۋ جەرگە ورمان وسىرگەن، بۇل جىلدىق جوسپاردىڭ %135ىندەي بولعان.
