انار بۇلت \ شينجياڭ گازەتىنىڭ ٴتىلشىسى ما ينيڭ 2 ـ ايدىڭ 16 ـ كۇنى ۇرىمجىدەن حابارلايدى. مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، بيىل شينجياڭ اسا جوعارى كەرنەۋلى 41 ەلەكتر تورى ينجەنەريا نىسانىن جاڭادان سالۋدى، جالعاستىرا سالۋدى جوسپارلاعان، بۇل 2024 ـ جىلداعىدان %50 ارتىپ، تاريحتاعى تىڭ دەڭگەيدى جاراتقان.
مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى شينجياڭنىڭ بايلىعى مەن كاسىپ سالاسىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن شىنايى ساۋلەلەندىرىپ، اسا جوعارى كەرنەۋلى ەلەكتر تورى قۇرىلىسى تىرەگىن بار كۇشپەن ويداعىداي ىستەدى. جوسپار بويىنشا بيىلعى جىلى 750 كيلوۆولتتىق 41 ەلەكتر جەتكىزۋ، كەرنەۋ وزگەرتۋ ينجەنەرياسىن جاڭادان سالىپ، جالعاستىرا سالىپ، قارامايلى، قۇلىستاي سياقتى جەرلەردە 750 كيلوۆولتتىق 20 ەلەكتر جەتكىزۋ، كەرنەۋ وزگەرتۋ ينجەنەرياسىن جاڭادان سالادى ەكەن، جەلىنىڭ ۇزىندىعى 1818.7 كيلومەتر، كەرنەۋ وزگەرتۋ سيىمدىلىعى 36 ميلليون كيلوۆولت ـ امپەر؛ 750 كيلوۆولتتىق 21 ەلەكتر جەتكىزۋ، كەرنەۋ وزگەرتۋ ينجەنەرياسىن جالعاستىرا سالادى، جەلى ۇزىندىعى 3471.49 كيلومەتر، كەرنەۋ وزگەرتۋ سيىمدىلىعى 36 ميلليون كيلوۆولت ـ امپەر. وڭتۇستىك شينجياڭدا تارىمدى اينالعان، كۇشار - ارال - مارالباسى سياقتى 750 كيلوۆولتتىق 15 ەلەكتر جەتكىزۋ، كەرنەۋ وزگەرتۋ ينجەنەرياسىن وندىرىسكە قوسۋدى، 750 كيلوۆولتتىق 2622.09 كيلومەتر جەلىنى، 22 ميلليون 500 مىڭ كيلوۆولت ـ امپەرلىك كەرنەۋ وزگەرتۋ سيىمدىلىعىن ىسكە قوسۋدى جوسپارلادى. اسا جوعارى كەرنەۋلى ەلەكتر تورى ينجەنەريا قۇرىلىسى، وندىرىسكە قوسۋ كولەمى تاريحتان بەرگى ەڭ جوعارى مانگە جەتىپ، ”زور كولەمدى، جوعارى كۇشەمەلىلىكتى، جوعارى ساپانى“ ەرەكشەلىك ەتكەن جاڭا دامۋ كەزەڭىنە ٴوتتى.
كەزەكتە شينجياڭ ەلەكتر تورىنىڭ نەگىزگى تورىندا جالپى 750 كيلوۆولتتىق 31 كەرنەۋ وزگەرتۋ پۋنكتى بار، كەرنەۋ وزگەرتۋ سيىمدىلىعى 9 ميلليون 500 مىڭ كيلوۆولت ـ امپەر، 92 جەلى 12 مىڭ 705 كيلومەتر بولىپ، ”ىشكى قامداۋ 5 اينالما تورى، سىرتقا جەتكىزۋ 4 ارناسى“ سىندى نەگىزگى تور جۇلگەسى قالىپتاستى. جوسپار بويىنشا ”14 ـ بەسجىلدىقتىڭ“ سوڭىندا شينجياڭ ەلەكتر تورى ”ىشكى قامداۋ 7 اينالما تورى، سىرتقا جەتكىزۋ 5 ارناسى“ سىندى نەگىزگى تور جۇلگەسىن قالىپتاستىرىپ، شينجياڭنىڭ ەنەرگيا باسىمدىعىن ەكونوميكالىق باسىمدىققا اينالدىرۋعا كۇشتى قوزعالىس قۋاتىن ازىرلەيدى.
