انار بۇلت \ شينجياڭ گازەتىنىڭ ٴتىلشىسى جاڭ تيڭ
كوكتەم باستالا سالا، تيانشان الابىنىڭ بارلىق جەرىنەن تىرشىلىك تىنىسى تاسقىندادى. جۇمىستى، ٴوندىرىستى قالپىنا كەلتىرۋدىڭ جاپپاي ىلگەرىلەتىلۋىنە ساي، رايونىمىزدىڭ جەر ـ جەرى جۇمىستاندىرۋدىڭ ”التىن مەزگىلىن“ مىقتاپ يگەرىپ، ”كوكتەم سامالى ارەكەتىن“ جەتەكشى ەتىپ، جۇمىسقا قابىلداۋ قيمىلىن ينتەرنەت جەلىسىندە، ينتەرنەت جەلىسىنەن تىسقارى ٴجيى وتكىزىپ، جۇمىستاندىرۋدىڭ ”مەيىر كوپىرىن“ سالدى. قالادان اۋىل ـ قىستاققا دەيىن، ٴداستۇرلى كاسىپتەن جاڭادان گۇلدەنگەن سالاعا دەيىن جەر ـ جەردىڭ جۇمىستاندىرۋ بازارىندا قامداۋ مەن سۇرانىس بىردەي قاۋىرت بولعان شالقىعان كورىنىس جارىققا شىعىپ، ەكونوميكانىڭ جوعارى ساپالى دامۋىنا كۇشتى قوزعالىس قۋاتىن ۇستەدى.
جەر ـ جەردە جۇمىسقا قابىلداۋ دۋماندى باستالدى
كوكتەم مەرەكەسى دەمالىسى وتە سالىسىمەن، رايونىمىزدىڭ جەر ـ جەرىندە جۇمىسقا قابىلداۋ قيمىلى دۋماندى باستالدى.
2 ـ ايدىڭ 15 ـ كۇنى اقشي اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى 2025 ـ جىلعى تۇڭعىش رەتكى ”كوكتەم سامالى ارەكەتى“ ارناۋلى جۇمىسقا قابىلداۋ جينالىسىن وتكىزىپ، 72 كاسىپورىن 584 جۇمىس ورنىن ازىرلەدى.
جۇمىس ىزدەۋشى قۋانىش دولقىن بىلاي دەدى: ”وسى رەتكى جۇمىسقا قابىلداۋ جينالىسىندا جۇمىس ورنى كوپ بولدى، ونىڭ سىرتىندا ٴبىز سياقتى جۇمىس ىزدەۋشىلەرگە باعىتتالعان قىزمەت وتەۋلەر دە كوپ ەكەن، مىسالى، كاسىپ جوسپارى، قىسقاشا تاريحىن وزگەرتۋ سياقتىلار. بۇل مەنىڭ جۇمىس ىزدەۋ بەتالىسىمدى ٴتىپتى دە ايقىندادى ٴارى جۇمىس ىزدەۋ ونىمدىلىگىن دە جوعارىلاتتى“.
نازاردى ەڭبەكشىلەردىڭ جۇمىستانۋ ارمانىنا شوعىرلاندىرعان قاشقار ايماعى ”كوكتەم سامالى ارەكەتى ينتەرنەتتە جۇمىسقا قابىلداۋ“ ارناۋلى ايدارشاسىن اشىپ، ”تىكە تاراتۋ ارقىلى جۇمىس ورنىن تانىستىرۋدى“ ورىستەتۋ سياقتى تاسىلدەر ارقىلى جۇمىس ورنى ينفورماتسياسى مەن جۇمىستانۋ ساياساتىن جەتكىزىپ، ادام ىستەتۋشى كاسىپورىندار مەن قالا ـ اۋىلداعى ارتىق ەڭبەككۇشتەرگە قامداۋ، سۇرانىس تۇعىرىن ازىرلەدى.
2 ـ ايدىڭ ورتا شەنىنەن 3 ـ ايدىڭ سوڭىنا دەيىن سانجى حۇيزۋ اۆتونوميالى وبلىستىق ادام كۇشى بايلىعى جانە قوعامدىق قامتاماسىزداندىرۋ تاراۋلارى ينتەرنەت جەلىسىندە، ينتەرنەت جەلىسىنەن تىسقارى 100 رەتتەن استام جۇمىسقا قابىلداۋ قيمىلىن وتكىزۋدى جوسپارلاپ، جۇمىس ورنى ينفورماتسياسىن اۋىل ـ قالاشىق (ٴمالى)، قىستاق (الەۋمەتتىك اۋماق)، ساۋدا ـ ساتتىق بازارى سياقتىلارعا جەتكىزىپ، جۇمىس ىزدەۋشىلەردىڭ ەسىك الدىندا ـ اق جۇمىسقا قابىلدانۋىنا مۇمكىندىك جاسايدى.
جۇمىس ورنىن ەسىك الدىنا جەتكىزۋمەن بىرگە، جەر ـ جەر جۇمىستاندىرۋدىڭ جاڭا ارناسىن، جاڭا وي جەلىسىن بەلسەندى كەڭەيتتى.
2 ـ ايدىڭ باسىندا تارباعاتاي ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى اۋداندارداعى (قالا) ادام كۇشى بايلىعى جانە قوعامدىق قامتاماسىزداندىرۋ تاراۋلارىن جانە كاسىپورىن ۋاكىلدەرىن سىچۋان ولكەسى سۇينيڭ قالاسىنىڭ ”2025 ـ جىلعى كوكتەم سامالى ارەكەتى جانە شىعىس، باتىس بولىكتەردىڭ ەڭبەك ىستەستىگى بويىنشا ارناۋلى جۇمىسقا قابىلداۋ جينالىسىنا“ قاتىناسۋعا ۇيىمداستىرىپ، بيىلعى تۇڭعىش رەتكى ولكە اتتاعان ەڭبەك ىستەستىگى بويىنشا جۇمىسقا قابىلداۋ ساپارىن باستادى. 35 كاسىپورىن 857 ساپالى جۇمىس ورنىن ازىرلەدى، بۇل جۇمىس ورىندارى جەل ەلەكتر جابدىقتارىن جاساۋ ٴتۇرى، توقىماشىلىق، كيىم ـ كەشەك ٴتۇرى، جابدىق جاساۋ ٴتۇرى، اۋىل شارۋاشىلىعى قوسىمشا ونىمدەرىن وڭدەۋ ٴتۇرى جانە قۇرىلىس ٴتۇرى سياقتى سالالاردى قامتىعان.
جۇمىسقا قابىلداۋ قيمىلدارى، مەيىرلى قىزمەت وتەۋلەر جۇمىس ىزدەۋشىلەر مەن جۇمىسشى ىستەتەتىن ورىنداردى ٴونىمدى ٴتۇيىلىستىرىپ، ەڭبەكشىلەردىڭ ورنىقتى جۇمىستانۋىنا، كاسىپورىنداردىڭ جۇمىسشى ىستەتۋىنە كەپىلدىك ەتۋىنە، بازاردىڭ سەنىمىن كۇشەيتۋگە ”كوكتەم سامالى كۇشىن“ ۇستەدى.
كوپ نەگىزدى جۇمىس ورنى وراي جاراتتى
2 ـ ايدىڭ 8 ـ كۇنى بايىنعولين وبلىسىنىڭ تىكە تاراتۋ ەلەكتروندى ساۋدا بازاسىندا، كورلا قالاسى وتكىزگەن ەلەكتروندى ساۋدا ىستەرى بويىنشا شەبەرلىككە باۋلۋ كۋرسى تارتىپپەن جۇرگىزىلىپ جاتتى. كۋرس ساباعى ٴىس جۇزىندىك مىسالدارمەن بىرلەستىرىپ، كەسكىن ٴتۇسىرۋ، قۇراستىرۋ جانە سۋرەتتەردى ٴبىر جاقتى ەتۋ شەبەرلىگى سياقتى بىلىمدەردى جان ـ جاقتى ٴتۇسىندىردى.
ۇعىسۋعا قاراعاندا، بىلتىر 12 ـ ايدان بەرى، بايىنعولين موڭعۇل اۆتونوميالى وبلىسى مەرزىمى 3 ايلىق قىسقى، كوكتەمگى كاسىپتىك شەبەرلىككە باۋلۋ ارناۋلى ارەكەتىن ۇيىمداستىرىپ وتكىزگەن، قازىر جيىنى 7415 ادامدى (رەت) تاربيەلەپ، اۋىل شارۋاشىلىعى ماشينالارىن جۇرگىزۋشى، وتباسىلىق قىزمەت وتەۋشى، ەلەكتروندى ساۋداگەر، ۇشقىش اپپاراتىن مەڭگەرۋشى، ەلەكترمەن دانەكەرلەۋشى سياقتى 20دان استام جۇمىس ٴتۇرىن قامتىعان.
2 ـ ايدىڭ 12 ـ كۇنى 2025 ـ جىلعى قورعاس ”كوكتەم سامالى ارەكەتى“ جانە بيڭتۋان مەن جەرگىلىكتى ورىننىڭ توعىسۋى ارناۋلى جۇمىسقا قابىلداۋ جينالىسى وتكىزىلدى.
جۇڭداشىجيا (شينجياڭ) شەكارا اتتاعان ەلەكتروندى ساۋدا توبى شەكتى سەرىكتەستىگىنىڭ كادرلار ٴىسىن باسقارۋشى باقىتگۇل تىلەۋباي بىلاي دەدى: ”بيىل ٴبىز ورتا ازيا بازارىن ورنىقتىرۋمەن بىرگە، رەسەي بازارىن ونان ارى كەڭەيتەمىز، كوپ ٴتىل بىلەتىن قىرۋار ۇزدىك تىكە تاراتۋشىلار قاجەت، مەجەمەن ورتا ازياعا تىكە تاراتاتىن 500 ادامدى باۋلىپ ۇجىمعا قوسامىز. وسى رەت ساتۋ لەكتورى، زات تاڭدايتىن ديرەكتور، تىكە تاراتۋدى باسقارۋشى قاتارلى 9 جۇمىس ورنىنا 60 ادام قابىلدايمىز، قازىرگە دەيىن 100دەن ارتىق قىسقاشا تانىستىرۋدى قابىلداپ، 12 جۇمىس ىزدەۋشىمەن باستاپقى نيەتناماعا كەلىستىك“.
شينجياڭنىڭ ”ون ٴىرى كاسىپ سالاسى شوعىرىن“ جەدەل قۇرۋىنا ىلەسە، جاڭا ەنەرگيا، سيفرلى ەكونوميكا، شەكارا اتتاعان ەلەكتروندى ساۋدا سياقتى جاڭادان گۇلدەنگەن سالالارداعى جۇمىس ورنى سۇرانىسى جىلدام ارتتى. 2025 ـ جىلعى قارامايلى قالاسى قارامايلى رايونىنىڭ ”كوكتەم سامالى ارەكەتى جانە جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا قىزمەت وتەۋ ارناۋلى ارەكەتى“ ينتەرنەتتەگى ارناۋلى جۇمىسقا قابىلداۋ جينالىسىندا ەنەرگيا ـ حيميا ونەركاسىپ كاسىپورىندارى قىرۋار تەحنولوگيالىق جۇمىس ورنىن ۇسىندى؛ قۇمىل قالاسى جەل، جارىق ەلەكتر بازاسىنداعى كاسىپورىندار تاماشا تيىمدىلىك جاساپ، بۇكىل مەملەكەتتەن كاسىپتىك تەحنولوگيا دارىندىلارىن قابىلدادى.
ٴداستۇرلى كاسىپ سالاسى دا جاڭا ومىرشەڭ كۇشىن شىعاردى. التايدا اۋىل ـ قىستاق ساياحاتىنىڭ قارىشتاپ دامۋىنا ىلەسە، حالىقتىق تۇسەلحانانى باسقارۋشى، مالشى فوتوگراف سياقتى جاڭا كاسىپتەر ۇزدىكسىز جارىققا شىقتى؛ ىلە قازاق اۆتونوميالى وبلىسى اۋىل ـ قىستاقتىڭ گۇلدەنۋىن ارقاۋ ەتە وتىرىپ اۋىل شارۋاشىلىعى ونىمدەرىن تىكە تاراتۋ ارقىلى ساتۋ سياقتى جاڭا كاسىپ كۇيى جۇمىس ورنىن جولعا قويىپ، اۋىل ساعىنىشىن سەزىندىرۋمەن بىرگە بايۋ جولىن كەڭەيتتى.
جۇمىستاندىرۋ جاعىندا دالمە ـ ٴدال، ىقىلاستى قىزمەت وتەدى
كاسىپورىنداردىڭ جۇمىسشى ىستەتۋىندە قانداي ساياساتتىق قوسىمشا قاراجات بار؟ كاسىپتىك اتاق باعالاۋدا قانداي شارتتاردى ورىنداۋ كەرەك؟ 2 ـ ايدىڭ 11 ـ كۇنى سانجى وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى شينجياڭ جۇندۇڭ ەكونوميكالىق، تەحنولوگيالىق اشۋ رايونى ٴوندىرىس پەن وقىتۋدى توعىستىرۋ عىلىم ـ تەحنولوگيادا جاڭالىق اشۋ باقشاسىندا ”جۇمىس باستاۋ ٴبىرىنشى ساباعى“ ساياساتتىق باۋلۋ جينالىسىن وتكىزدى.
كاسىپورىنداردىڭ ٴوندىرىستى باسقارۋ بارىسىندا جولىققان ٴىس جۇزىندىك ماسەلەلەرىنە مەڭزەس، ساباق ٴوتۋشى سول جەردە ”تامىر ۇستاپ، رەتسەپ جازىپ“، ٴتۇسىندىرىپ، ۇعىندىرىپ، ”تاپسىرىس بەرۋ ۇلگىسىندەگى“ باۋلۋدى ورتاعا قويىپ، ”بىرگە ـ ٴبىر“ بويىنشا ىلەسىپ ٴجۇرىپ قىزمەت وتەپ، ساياساتتىڭ تياناقتانىپ تامىر تارتۋىنا، گۇل اشىپ جەمىس بەرۋىنە شىنايى كەپىلدىك ەتتى.
كاسىپ سالاسى قۇرىلىمىن رەتتەۋدەن شىققان شەبەرلىك سۇرانىسى وزگەرىسىنە مەڭزەس، رايونىمىزدىڭ جەر ـ جەرى سان ـ سالالى كاسىپتىك شەبەرلىككە باۋلۋ كۋرسىن ورىستەتتى. باۋلۋ مازمۇنى كوپ سالانى قامتىدى، كۋرستا نازاريالىق بىلىمدەر ۇيرەتۋگە ٴمان بەرىلىپ قانا قويماي، ناقتى مەڭگەرۋ شەبەرلىگىن جەتىلدىرۋ، اسىرەسە، دارىپتەلىپ، ۇيرەنۋشىلەردىڭ ۇيرەنگەن شەبەرلىگىن شىنايى يگەرىپ، بولاشاقتا جۇمىستانۋىنا بەرىك نەگىز قالاۋىنا شىنايى كەپىلدىك ەتتى.
”جۇمىسشى قابىلداۋ قيىن بولۋ“ مەن ”جۇمىستانۋ قيىن بولۋ“ قاتار ٴومىر سۇرگەن قۇرىلىمدىق قايشىلىقتى شەشۋ ٴۇشىن، شينجياڭنىڭ جەر ـ جەرى قىزمەت وتەۋ ۇلگىسىندە جاڭالىق اشتى: كورلا، قارامايلى سياقتى جەرلەر جۇيەلەنگەن ۇساق جۇمىس بازارىن قۇرىپ، يكەمدى جۇمىستانۋشىلاردى شەبەرلىككە باۋلۋ، توقتامعا جەتەكشىلىك ەتۋ، ۇقىق ـ مۇددەسىن قامتاماسىز ەتۋ سياقتى كەشەندى قىزمەت وتەۋمەن قامدادى؛ شيحۋ قالاسى شيحۋ ادام كۇشى بايلىعى بازارىن تۇلعالاپ، ٴار سەنبى، جەكسەنبى كۇندەرى جۇمىسقا قابىلداۋ قيمىلىن وتكىزدى، ٴار ايدا تاعى ارناۋلى جۇمىسقا قابىلداۋ وتكىزىپ، قىزمەت كۇندەرى ارناۋلى ادام قىزمەت وتەپ، ينتەرنەت جەلىسىندەگى تۇعىر، ٴتىپتى، 24 ساعات جۇمىس ىستەپ، جۇمىس ىزدەۋشىلەر مەن جۇمىسشى ىستەتەتىن كاسىپورىن كەز كەلگەن ۋاقىتتا ينفورماتسيا جاريالاپ، جۇمىس ورنىن شولىپ، قىسقاشا تانىستىرۋدى جولداي الدى.
جۇمىستانۋ سان مىڭ وتباسىنىڭ تىرشىلىگىمەن بايلانىسقان، حالىق تۇرمىسىنىڭ حال ـ جاعدايىنا سايادى. شينجياڭ ”باستالا سالا العا ۇمتىلۋ“ كۇيىمەن جۇمىستاندىرۋ بازارىنىڭ قاۋلاعان ومىرشەڭ كۇشىن جوعارى ساپالى دامۋدىڭ باياندى قوزعاۋشى كۇشىنە اينالدىرىپ، ٴاربىر كۇرەسكەردىڭ ارمانىنىڭ تيانشان الابىندا تامىر تارتىپ گۇل اشۋىنا مۇمكىندىك جاساۋدا.
