”ونىمەن ماڭگى تۋىس بولىپ وتەمىن“

انار بۇلت \ شينجياڭ گازەتىنىڭ ٴتىلشىسى يۇي شي

　　”قىستاۋ سۋىق، مال باققاندا توڭىپ قالما، شارۋا بولسا، ماعان تەلەفون بەر“.

　　”جارايدى، قامىمدى جەگەنىڭ مەنىڭ كوڭىلىمدى جىلىتتى!“

　　2 ـ ايدىڭ 10 ـ كۇنى چىڭ يۇنپىڭ سالتانات سەركەبايعا تەلەفون شالىپ، كوكتەم كىرگەننەن كەيىنگى سيىر، قوي بورداقىلاۋ ىستەرىن اقىلداستى.

　　چىڭ يۇنپىڭ شينجياڭ شەكارالىق كىرىپ ـ شىعۋدى تەكسەرۋ باس پۋنكتى جەمەنەي شەكارادان كىرىپ ـ شىعۋدى تەكسەرۋ پۋنكتى مىندەت وتەۋ 1 ـ اترەتىنىڭ جەتەكشىسى، سالتانات جەمەنەي اۋدانى جەمەنەي قالاشىعى توپان قىستاعىنىڭ مالشىسى. 2018 ـ جىلى ەكەۋى جۇپ قۇراپ تۋىس بولعاننان كەيىن، ٴبىر ـ بىرىمەن ارالاسىپ كەتتى، ولاردىڭ ارالاسۋ بارىسىنداعى تالاي ـ تالاي كىشكەنە ىستەرى جونىندە قىستاقتاعى مالشىلاردىڭ اراسىندا مىناداي ٴبىر اۋىز ٴسوز تاراعان: ”جەر قانشا شالعاي بولسا دا، قاجەت بولعاندا، چىڭ جەتەكشى، ٴسوز جوق، سالتاناتتىڭ قاسىنان تابىلادى“.

　　توپان قىستاعى _ مال شارۋاشىلىق قىستاعى. العاش بارعاندا، چىڭ يۇنپىڭ سالتاناتتىڭ باعىمشىلىق ٴتاسىلىنىڭ ۇتىمسىز ەكەنىن، قورا ـ قالتقىنىڭ مال تەزەگىنە تولىپ بىلىعىپ جاتقانىن كورەدى. ”عىلمي باعىپ، قۇنتتاپ باپتاعاندا عانا سيىر، قويدان اقشا تاباسىڭ“. ”مەن، راسىندا، وتە ەرىنشەكپىن، ەندى نە ايتساڭىز دا ىستەيمىن!“ چىڭ يۇنپىڭنىڭ ىرىقتىلىقپەن كومەكتەسكەندىگىن كورگەن سالتانات بىلەك سىبانا جۇمىسقا كىرىستى، ەكەۋى ىستەي ٴجۇرىپ اڭگىمەلەستى.

　　وسىنداي ناقتى كومەكتەر ايتىپ تاۋىسقىسىز، توپان قىستاعىنىڭ مالشىلارى مۇنى كورگەننەن كەيىن، چىڭ يۇنپىڭ مەن سالتاناتتى مال باعىمشىلىعى جونىندەگى جاڭا بىلىمدەردى، جاڭا تەحنولوگيالاردى وزدەرىنە ۇيرەتۋگە ۇسىنىس ەتتى. ۋاقىت وتە كەلە، سالتاناتتىڭ مال قوراسىنىڭ جانىندا كورۋگە، ۇيرەنۋگە كەلگەن سيىر، قوي بورداقىلايتىن مالشىلار كوبەيدى. ”سيىر مەن قويىڭ كوپ ٴارى سەمىز، مۇنىڭ سىرى نەدە؟“، ”ٴبىر ٴتاۋىرى، مەنىڭ جاقسى تۋىسىم بار“. سۇراۋ ـ جاۋاپ اراسىندا سالتاناتتىڭ جۇزىنەن كۇلكى ٴۇيىرىلدى.

　　”جەتەكشى، ەشكىم جوعالىپ كەتتى، ەندى قايتەمىن“؟ ٴبىر كۇنى سالتانات چىڭ يۇنپىڭعا ساسقالاقتاي تەلەفون جالعايدى. حالىق ساقشىسىن ەرتىپ دەرەۋ جەتىپ كەلگەن سوڭ، چىڭ يۇنپىڭ، ٴبىر جاعىنان، سالتاناتتىڭ كوڭىلىن ورنىقتىرىپ، ەندى ٴبىر جاعىنان، ەشكىنى ىزدەۋگە كىرىسەدى. بىرنەشە ساعات ىزدەۋ ارقىلى اقىرى جوعالعان ەشكىنى تاۋىپ الادى. چىڭ يۇنپىڭنىڭ تەرگە مالشىنعانىن، اياق كيىمى مەن بالاعىنىڭ توپىراق بولعانىن كورىپ، سالتانات قاتتى اسەرلەندى.

　　2020 ـ جىلى كوكتەمدە چىڭ يۇنپىڭ سالتاناتپەن تەلەفوندا سويلەسكەندە، مالدىڭ جەم ـ شوبىنەن تارىققانىن بىلەدى. ”قازىر ساۋلىقتار تولدەيتىن مەزگىل، ساۋلىقتار تويعاندا عانا قوزىلار قاتارعا قوسىلادى، قيىنشىلىق بولسا ٴبىز بىرگە امال قاراستىرامىز“. چىڭ يۇنپىڭ، ٴبىر جاعىنان، سالتاناتتىڭ كوڭىلىن اۋلاپ، ەندى ٴبىر جاعىنان، ٴوز جانىنان اقشا شىعارىپ، جان ـ جاقتان سايكەسىپ، سالتاناتقا جوڭىشقا ساتىپ الىپ بەردى. وسىدان كەيىن چىڭ يۇنپىڭ تاعى جەم ـ ٴشوپ تاسۋعا كومەكتەسىپ، نە ايتسا دا اقشا المايدى، سالتاناتتىڭ كوزىنە جاس كەلەدى.

　　سالتاناتتىڭ ۇلكەن ۇلى ايبول سالتانات ورتا تەحنيكۋم بىتىرگەننەن كەيىن قىزمەتكە باس قاتىرادى. ”ٴبىزدىڭ بۇل ارا كومەكشى ساقشى قابىلدايدى، سەنىڭ شارتىڭ تولاتىن سياقتى، كەلىپ تىزىمدەلىپ كورەسىڭ بە“؟ ٴبىر كۇنى چىڭ يۇنپىڭ جۇمىسقا قابىلداۋ حابارىن ايبولعا ايتادى، سونىمەن بىرگە ايبولدىڭ نەگىزدىك نازاريالىق بىلىمدەرى مەن بەتپە ـ بەت ەمتيحان شەبەرلىگىنە سابىرلىلىقپەن جەتەكشىلىك ەتەدى. كەيىن ايبول جەمەنەي شەكارادان كىرىپ ـ شىعۋدى تەكسەرۋ پۋنكتىنە ٴساتتى قىزمەتكە شىعادى. ول قىزمەت بارىسىندا قىزمەتتى ٴسۇيىپ، كاسىبىن قادىرلەپ، تالاي رەت تاڭداۋلى كومەكشى ساقشى بولىپ باعالاندى.

　　ايبولدىڭ ۇلكەن ٴىنىسى حيلۇڭجياڭ ولكەسىندە داشۋە وقيدى، كىشى ٴىنىسى ورتا مەكتەپتە وقيدى. ۇلكەن ٴىنىسى شينجياڭنان الىستاپ كەتكەندىكتەن، العاشىندا ۇيلەسە الماي، يدەيالىق جۇگى اۋىر بولعاندىقتان، چىڭ يۇنپىڭ ۋيشين ارقىلى ونىمەن اڭگىمەلەسىپ يدەيالىق قىزمەت ىستەيدى. كىشى ٴىنىسىنىڭ ۇيرەنۋى ايتارلىقتاي ەمەس ەدى، چىڭ يۇنپىڭ ارناۋلى تۇردە ٴار ٴتۇرلى ۇيرەنۋ ماتەريالدارى مەن ەلىكتەمەلى ەمتيحان قاعازىن ساتىپ الىپ، ونى ولقىلىقتاردى تولىقتاۋعا قۋزادى.

　　وسى 2 جىلدا چىڭ يۇنپىڭ سالتاناتتى اۋلا شارۋاشىلىعىن دامىتۋعا شابىتتاندىرىپ، اۋلا ەگىمشىلىگىنە قاتىستى كەسكىندەردى تاۋىپ، سالتاناتقا اۋلا ەگىمشىلىگىنىڭ، باسقارۋدىڭ شەشۋشى تەحنيكالىق تۇيىندەرىن ٴتۇسىندىردى. توپان قىستاعىنىڭ تۇرعىندارى دا ىركەس ـ تىركەس ۇيرەنۋگە كەلدى. ”مەنىڭ تۋىسىم تەحنيك، بۇعالتىر، ساتۋشى، سەندەر مەنىمەن بىرگە ۇيرەنسەڭدەر، كىرىستى ارتتىرۋدا، ٴسوزسىز، ماسەلە شىقپايدى!“ ـ دەدى سالتانات ماقتانىشپەن.

　　مەرەكە ـ مەيرامداردا كۇرىش، ۇن، ماي الىپ ۇيىنە امانداسا بارادى؛ بالالار وقۋ باستاعاندا، سومكە، وقۋ قۇرالدارى سياقتى ۇيرەنۋ بۇيىمدارىن ۇسىنادى؛ كۇندەلىكتى قىزمەتتە ولشەمدى مىندەت وتەۋگە جەتەكشىلىك ەتەدى... جۇپ قۇراپ، تۋىس بولعاننان بەرى، چىڭ يۇنپىڭنىڭ ىلگەرىندى ـ كەيىندى ىستەگەن ىزگى ىستەرى بەينە جىلى اعىس سياقتى سالتانات وتباسىنداعىلاردىڭ جۇرەگىن جىلىتىپ، ولاردى تۇرمىستارىن بارعان سايىن جاقسارتۋعا شابىتتاندىردى، تەك باققان ەشكىسىنىڭ سانى العاشقى 30 نەشەدەن كوبەيىپ، قازىر 100دەن استى.

　　”مالشى تۋىسىم ماعان سەنەدى، مەن بۇل سەنىمدى اقتاۋىم كەرەك!“ چىڭ يۇنپىڭ تۇرمىستاعى ۇساق ـ تۇيەك ىستەردەن باستاپ تۋىسىنىڭ جان اشىر ـ جاقىنى بولعاندىقتان، سالتاناتتىڭ ٴۇيىنىڭ ٴوزىن تۋىسى دەپ بىلگەندىگىن، مۇنىڭ جۇرەگىنە جىلۋ سيلاعاندىعىن ايتتى، ”ونىمەن ماڭگى تۋىس بولىپ وتەمىن“، ـ دەدى ول.