ۋاكىل لي يۇنفي:
ٴورت الاڭىنداعى قاھارماننان بۇقارانىڭ جارشىسى بولۋعا دەيىن
انار بۇلت \ شينجياڭ گازەتىنىڭ ٴتىلشىسى گو ليڭ
2 ـ ايدىڭ 17 ـ كۇنى اۆتونوميالى رايوندىق حالىق قۇرىلتايى تۇراقتى كوميتەتى ۇيىمداستىرعان مەملەكەتتىك حالىق قۇرىلتايى ۋاكىلدەرىنىڭ شوعىرلى كوزدەن كەشىرۋىن ەندى اياقتاتقان لي يۇنفي ۇشاقپەن كۇشار قالاسىنا قايتىپ كەلىپ، ۇزدىكسىز قاربالاستىققا ٴتۇستى. ”كوزدەن كەشىرگەندەگى جاعدايلار مەن تاياۋدا جينالعان ينفورماتسيالاردى ۋاقىتتى قولدان بەرمەي رەتتەپ، 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ ۇسىنىسىنا تاپسىرۋعا دايىندىقتى باستاۋىم كەرەك“، ـ دەدى ول.
لي يۇنفي كۇشار قالاسى چاڭنيڭ جولى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ پۋنكتىنىڭ ساياسي جەتەكشىسى، 2012 ـ جىلى اسكەري قوسىنعا قاتىناسىپ، داڭقتى ٴورت ٴسوندىرۋ، ورتتەن ساقتانۋ جاۋىنگەرى بولدى. ”ٴزايتۇن جاسىلدان“ ”جالىن كوككە“ دەيىن ول باستان ـ اياق ٴورت ٴسوندىرۋدىڭ، قۇتقارۋ ـ كومەكتەسۋدىڭ الدىڭعى شەبىندە تاباندىلىقپەن ىستەپ، شۇعىل جاعدايعا توتەپ بەرۋ، قۇتقارۋ ـ كومەكتەسۋ مىندەتىن ٴبىر جاقتى ەتۋ بويىنشا 3800دەن استام مىندەتكە قاتىناسىپ، قامالىپ قالعان 500دەن استام ادامدى شۇعىل قۇتقاردى. وسى سان ـ سيفرلاردىڭ استارىندا ولىممەن ارپالىسقان سانسىز جان تۇرشىگەرلىك ساتتەر جاتىر.
”مەملەكەتتىك حالىق قۇرىلتايى ۋاكىلى بولىپ سايلانعان العاشقى جىلى ەرەكشە ابىرجىدىم، ٴوز قىزمەتىمە قاتىستى ۇسىنىستاردى العا قويدىم“. لي يۇنفيدىڭ سول جىلى العا قويعان اۋىل ـ قالاشىقتىڭ (ٴمالى) ٴورت ٴسوندىرۋ، ورتتەن ساقتانۋ كۇشتەرى قۇرىلىسىن جانە ٴورت اپاتىنان ساقتانۋ ـ تىزگىندەۋدى كۇشەيتۋ جونىندەگى ۇسىنىسىنا قاتىستى تاراۋلار جاۋاپ قايتاردى، تياناقتاندىردى. قازىر كۇشار قالاسىنداعى بارلىق اۋىل ـ قالاشىقتا ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ جابدىقتارى كەمەلدەندىرىلىپ، كوپ قولدانىلمالى ارناۋلى مىندەتتەگى ٴورت ٴسوندىرۋ، ورتتەن ساقتانۋ پۋنكتى قۇرىلىپ، ارناۋلى مىندەتتەگى نەمەسە قوسىمشا مىندەتتەگى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قوسىنى ورنالاستىرىلىپ، اۋىل ـ قىستاقتىڭ ٴورت اپاتىنان ساقتانۋ ـ تىزگىندەۋ نەگىزى بىرتىندەپ نىعايدى.
”العاش رەت قويعان ۇسىنىسىم جاۋاپقا يە بولىپ، سەنىمىم تاسقىندادى“. لي يۇنفي: بىلتىر مەن تاپسىرعان كونە، ەسكى شاعىن اۋماقتاردى قارتتارعا ۇيلەسىمدى ەتىپ جاڭالاۋ قاتارلىلار جونىندەگى 3 ۇسىنىسىم قاتىستى مينيسترلىك ـ كوميتەتتەردىڭ جاۋابىنا يە بولدى.
لي يۇنفي ٴتۇرلى ۇيرەنۋ ـ باۋلۋعا بەلسەنە قاتىناسىپ، نەگىزگى زاڭدى جانە زاڭداردى مۇقيات ۇيرەنىپ، ٴوزىنىڭ مىندەت وتەۋ قابىلەتىن ۇزدىكسىز جوعارىلاتتى.
لي يۇنفيدىڭ تانىستىرۋىنشا، ولار قۇتقارۋ ـ كومەكتەسۋ مىندەتىن اتقارعان، ٴورت ٴسوندىرۋ، ورتتەن ساقتانۋ حاۋىپسىزدىك تەكسەرۋىن جۇرگىزگەن، ۇگىت قىزمەتىن ورىستەتكەن كەزدە ٴار سالا، ٴار كاسىپتەگى ادامدارمەن كەزدەسىپ، كوپتەگەن نەگىزگى ساتى ينفورماتسيالارىنا يە بولادى ەكەن. بيىل ول نازارىن ەنەرگيا، كۇسان مادەنيەتىن قورعاۋ، پايدالانۋ، سونداي ـ اق حالىق تۇرمىسى سالاسىنا شوعىرلاندىرىپ، ۇسىنىس قويۋدى جوسپارلاپ وتىر ەكەن.
ٴورت ٴسوندىرۋدىڭ، ورتتەن ساقتانۋدىڭ الدىڭعى شەبىنەن كەلگەن مەملەكەتتىك حالىق قۇرىلتايى ۋاكىلى رەتىندە، لي يۇنفي باستان ـ اياق بۇقارا اراسىنا تامىر تارتىپ كەلدى. ول دەمالىس ۋاقىتىنان پايدالانىپ الەۋمەتتىك اۋماقتاردى، اۋىل ـ قىستاقتاردى، كاسىپورىنداردى ىشكەرىلەي ارالاپ، بۇقارانىڭ ۇنىنە قۇلاق ٴتۇرىپ، قوعام جاعدايىن، حالىق رايىن جينادى، ول نازار اۋدارعان ماسەلەلەر ٴورت ٴسوندىرۋ، ورتتەن ساقتانۋ حاۋىپسىزدىگى، حالىق تۇرمىسىن قامتاماسىزداندىرۋ، قوعامدىق باسقارۋ سياقتى كوپتەگەن جاقتارعا سايدى.
”مەملەكەتتىك حالىق قۇرىلتايى ۋاكىلى رەتىندە، ارقالاپ وتىرعانىمنىڭ شۇعىل جاعدايعا توتەپ بەرۋ بويىنشا قۇتقارۋ ـ كومەكتەسۋ جاۋاپكەرشىلىگى عانا ەمەس، ونان دا ماڭىزدىسى، حالىقتىڭ ۇنىنە قۇلاق ٴتۇرىپ، حالىق رايىن اڭىس ەتىپ، حالىقتىڭ قيىنشىلىعىن شەشۋ بورىشى ەكەندىگىن ابدەن بىلەمىن“. لي يۇنفي بىلاي دەدى: وسى بىرنەشە كۇندە رەتتەگەن مازمۇندارىما ساي نەگىزگى ساتىنى ۇزدىكسىز ىشكەرىلەي ارالاپ، بۇقارا پىكىرىنە كەڭ كولەمدە قۇلاق ٴتۇرىپ، تەرەڭ تالداۋ جاسالعان، شىنايى دا جارامدى جوعارى ساپالى ۇسىنىستاردى العا قويامىن.
ءتىلشى اسەرى
سالاۋاتى وزگەرگەنىمەن، اۋەلگى ماقساتى ەشقاشان وزگەرگەن ەمەس
مەملەكەتتىك حالىق قۇرىلتايى ۋاكىلى لي يۇنفيمەن كەزدەسۋ بارىسىندا، مەن ونىڭ بويىنان ”جالىن كوكتەردە“ عانا بولاتىن تاباندىلىق پەن جاۋاپكەرشىلىكتى سەزىندىم. ٴورت مايدانىنان ٴماجىلىس زالىنا دەيىن، قۇتقارۋ ـ كومەكتەسۋدىڭ الدىڭعى شەبىنەن حالىق ٴۇشىن ٴۇن قاتۋعا دەيىن ونىڭ سالاۋاتى وزگەرگەنىمەن، اۋەلگى ماقساتى ەشقاشان وزگەرگەن ەمەس.
ول نەگىزگى ساتىعا تامىر تارتىپ، حالىقتىڭ ۇنىنە قۇلاق ٴتۇرىپ، بۇقارانىڭ تىلەگىن سالماقتى ۇسىنىستارعا اينالدىردى؛ ول مىندەت اتقارىپ، جاۋاپكەرشىلىكتى ادا ەتىپ، حالىق ٴۇشىن جارشى بولىپ، ٴىس جۇزىندىك ارەكەتى ارقىلى ”حالىق مەنى ۋاكىل ەتىپ سايلادى، مەن حالىق ٴۇشىن ۋاكىل بولامىن“ دەگەن ايبىندى ۋادەسىن ٴتۇسىندىردى. لي يۇنفيدىڭ حيكاياسى ماعان نەگىزگى ساتى حالىق قۇرىلتايى ۋاكىلىنىڭ جاۋاپكەرشىلىگى مەن سۇيىسپەنشىلىگىن كورسەتتى، مەن بۇقارا اراسىنا تامىر تارتىپ، حالىق تۇرمىسىن ويلايتىن ٴدال وسىنداي حالىق قۇرىلتايى ۋاكىلدەرىنىڭ قوعامىمىزدى اناعۇرلىم مەيىرلى، اناعۇرلىم قۋاتتى ەتەتىندىگىنە ونان ارى سەنە ٴتۇستىم.
