كوكتەم كەلىپ، كۇللى تىرشىلىك جاڭاردى. 2 - ايدىڭ 14 - كۇنى، حالىقتىق اۆياتسيانىڭ شەريا اۋدانى داماگۋ اۋىلى گۇلتەرگەن قىستاعىندا تۇراتىن قىزمەت اترەتى حۋاشيا اۆياتسياسىمەن، كەريا اۋەجايىمەن سەلبەسىپ، گۇلتەرگەن قىستاعىنداعى، شورحانا قىستاعىنداعى 18 ورتا، باستاۋىش مەكتەپ وقۋشىسىن ۇيىمداستىرىپ، 2025 - جىلى تۇڭعىش ”كەريادان قاشقارعا ۇشۋ - قايتۋ“ قيمىلىن ورىستەتىپ، ارمانعا تولى اۆياتسيا ساپارىن باستادى.
قيمىل كۇنى قىزمەت اترەتىنىڭ مۇشەلەرى مەن اۋەجاي قىزمەتكەرلەرىنىڭ باستاۋىندا، وقۋشىلار تارتىپپەن اۋەجايدىڭ اتتانۋ زالىنا كەلدى. ەڭ اۋەلى، وقۋشىلارعا اۋەجايدىڭ ورنالاستىرىلۋى مەن يقۋاتىن، سونداي - اق ۇشاققا وتىرۋدىڭ نەگىزگى بىلىمدەرىن ەگجەي - تەگجەيلى تانىستىردى. وسىدان كەيىن وقۋشىلار تارتىپپەن قاتارعا تۇرىپ، كەزەكشى ۇشاق، ۇشاق كۇتۋ، ۇشاققا شىعۋ سياقتى بۋىنداردى رەتى بويىنشا سەزىندى. قىزمەتكەرلەردىڭ سابىرلىلىقپەن جەتەكتەۋىندە وقۋشىلار ٴوزىنىڭ ۇشاققا شىعۋ بەلەتىن ٴساتتى الدى ٴارى تارتىپپەن ۇشاققا شىقتى.
بالالار ۇشاققا تۇڭعىش وتىردى، ولار ۇشاققا وتىرۋ بارىسى جونىندە تىكە تانىمعا جانە سەزىنۋگە يە بولىپ، باقىلاۋ قابىلەتى مەن امالياتتىق قابىلەتى كۇشەيدى. اتالعان قيمىلعا قاتىناسقان وقۋشىلار: ”ٴبىز ، ٴسوز جوق، جاقسى ۇيرەنىپ، جاقسى تۇرمىس كەشىرىپ، قايراتتانا العا ۇمتىلىپ، بولاشاقتا ۇشاق ۇشىرعىمىز كەلەدى“،-دەستى.
ۇشۋ اياقتاعاننان كەيىن، داماگۋ اۋىلدىق باستاۋىش مەكتەپتەگى ابدۇۋارىس ابدۇقايىم اسەرلەنە بىلاي دەدى: ”مەن ٴتىپتى دە قۇلشىنا ۇيرەنەمىن، كەيىن ۇلكەن ۇشاق ۇشىرىپ، وتباسىمداعىلاردى ەرتىپ، دۇنيە ٴجۇزىن ارالايمىن“. زۇلايا ابدۇحاۋار باتىل تۇردە بىلاي دەدى: ”مەن حالىقتىق اۆياتسيانىڭ ينجەنەرى بولامىن، جۇڭگو ۇشاعىن ٴتىپتى دە الىس جەرلەرگە ۇشىرامىن“.
اتالعان قيمىل وقۋشىلاردىڭ ساباقتان سىرتقى تۇرمىسىن بايىتىپ قانا قويماي، ولارعا قوعامدى ٴتۇسىنۋدىڭ، ءبىلىم اياسىن كەڭەيتۋدىڭ ورايىن جاراتىپ، وقۋشىلاردىڭ تۇسىنىگىن تەرەڭدەتتى، سونىمەن بىرگە، ۇشۋدىڭ سىرىن بىرگە ءبولىسىپ، اۆياتسيا باۋرامدىعىن سەزىنىپ، وتانشىلدىق رۋحىن ءتىپتى دە كۇشەيتتى.
وسى رەتكى قيمىل حۋاشيا اۆياتسياسى مەن كەريا اۋەجايىنىڭ زور كۇشپەن قولداۋى مەن سايكەسۋىندە ىسكە استى. اۋەجاي قىزمەتكەرلەرى وسىنداي قيمىل ارقىلى ٴتىپتى دە كوپ بالانىڭ اۆياتسيا بىلىمدەرىن تۇسىنۋىنە مۇمكىندىك جاساپ، ولاردىڭ عىلمي ىزدەنىسكە دەگەن اۋەسىن قوزعاۋدى ٴۇمىت ەتەتىندىگىن ٴبىلدىردى. حالىقتىق اۆياتسيانىڭ قىستاقتا تۇراتىن قىزمەت اترەتى وسى تەكتەس امالياتتىق قيمىلداردى وقۋ ـ اعارتۋ ارقىلى سۇيەمەلدەۋدىڭ ماڭىزدى بۋىنى ەتىپ، كومەكتەسۋ ـ سۇيەمەلدەۋدىڭ ۇدايىلانعان جوسپارىنا ەنگىزىپ، ۇزدىكسىز ىزدەنىس جاساپ، جاڭالىق اشىپ، وقۋشىلارعا اناعۇرلىم كوپ، سان الۋان ۇيرەنۋ كەشىرمەلەرىن ازىرلەدى.
(شەريا اۋداندىق توعىسپالى مەديا ورتالىعىنىڭ ٴتىلشىسى اسەنجان يبىرايىم ، ەرىكتى ٴتىلشى جوۋ بۋجۇن)
