2 - ايدىڭ باسىندا، شينجياڭنىڭ تارباعاتاي ايماعى تولى اۋدانى جايىر تاۋلى رايونىنىڭ تاۋ جىنىستارىندا تابيعاتتىڭ عاجايىپ تۋىندىسى — مۇك گۇلدەرى قۇلپىرا اشىلدى. مۇك ٴوزىنىڭ ەرەكشە كوركەمدىگىمەن جانە قايسار ومىرشەڭدىك قۋاتىمەن قىس كۇنىندەگى ادامدى تاڭ قالدىراتىن عاجايىپ كورىنىسكە اينالدى.
قىزىل، سارى، جاسىل سياقتى الۋان ٴتۇستى گۇلدەر بەينە ۇلى تابيعاتتىڭ ءوزى زەر سالا سىزعان گۇلدى كەزدەمەلەرىندەي تاۋ جىنىستارىنا كەرەمەت كەستەلەنگەن. ولاردىڭ ٴپىشىنى ٴار الۋان، كەيبىرەۋى شاعىن ٴارى ادەمى بولىپ، جاڭا اشىلعان كۇرەڭكەيگە ۇقسايدى؛ كەيبىرەۋى جامىراي اشىلىپ، ءبىر-بىرىمەن قاباتتاسىپ، وزگەشە كەلبەتتەرىن ايگىلەدى. بۇل مۇكتەر سۋىق تاۋ جىنىستارىنا كوز جاۋىن الاتىن رەڭ بەرىپ قانا قالماستان، قىسقى تاۋ اڭعارىنا تىرشىلىك تىنىسى مەن ومىرشەڭدىك كۇش قوسىپ، قايىسپاس قايسارلىق پەن مەن كوركەمدىكتى بەينەلەدى.
تاس گۇلى مۇك دەپ تە اتالادى، ول تاۋلى وڭىردەگى تاۋ جىنىستارىندا وسەتىن ەرەكشە وسىمدىك. الۋان ءتۇستى، كوبىنەسە جاسىل، قىزىل، سارى ٴۇش ٴتۇرلى رەڭ ارالاس وسەدى، الىستان قاراعاندا تاۋ جىنىستارىنىڭ بەتىندە تابيعي قالىپتاسقانداي كورىنەدى.
اۆتورى: شيە گۋاڭشۋە
اۆتوردىڭ قىزمەت ورنى: تولى اۋداندىق توعىسپالى مەديا ورتالىعى
