ما يانان:
بۇقارانىڭ ٴۇنىن جەتكىزۋشى بولامىن
انار بۇلت \ شينجياڭ گازەتىنىڭ ٴتىلشىسى يان شياۋتيان
”شارۋالار ٴۇشىن بەلسەنە ٴۇن قاتىپ، ساياساتتىڭ تياناقتانۋىن ىلگەرىلەتەمىن. بۇقارانىڭ ٴۇنىن جەتكىزۋشى بولۋ مەنىڭ مىندەت اتقارۋداعى اۋەلگى ماقساتىم جانە بورىشىم“. قىزمەتكە شىققاننان مەملەكەتتىك حالىق قۇرىلتايىنىڭ ۋاكىلى بولىپ سايلانعانعا دەيىن سانجى حۇيزۋ اۆتونوميالى وبلىستىق اۋىل شارۋاشىلىعى ونىمدەرى ساپا حاۋىپسىزدىگى ورتالىعىنىڭ اعا مال شيپاگەرى ما يانان مال شارۋاشىلىعىنىڭ جوعارى ساپالى دامۋىن ىلگەرىلەتۋ، باعىمشىلىق وتباسىلارىنىڭ كىرىسىن ارتتىرۋ ماسەلەسىنە باستان ـ اياق نازار اۋدارىپ كەلەدى.
2 ـ ايدىڭ 17 ـ كۇنى اۆتونوميالى رايوندىق حالىق قۇرىلتايى تۇراقتى كوميتەتى ۇيىمداستىرعان مەملەكەتتىك حالىق قۇرىلتايى ۋاكىلدەرىنىڭ شوعىرلى كوزدەن كەشىرۋىن ەندى عانا اياقتاتقان ما يانان سانجى توڭىرەگىندەگى وسىزاماندانعان باعىمشىلىق الاڭدارىن ارالاپ، باعىمشىلاردىڭ پىكىرىن تىڭداپ، ۇسىنىسىن كەمەلدەندىرۋگە دايىندالدى.
”شارۋالارعا ىستەپ كورسەتۋ، شارۋالاردى باستاپ ىستەۋ، شارۋالاردىڭ بايۋىنا كومەكتەسۋ“ ونىڭ باستان ـ اياق تاباندى بولىپ كەلگەن مىندەت اتقارۋ ۇستانىمى، ارالاپ احۋال ۇعىسۋدان سىرت، ول تاعى شارۋالاردىڭ ٴىس جۇزىندىك وندىرىستە جولىققان ماسەلەلەرىن شەشۋىنە بەلسەنە كومەكتەستى.
جۋىق جىلداردان بەرى، ەگىنشى ـ مالشىلاردىڭ قالتاسىن قامپايتۋ ٴۇشىن، سانجى وبلىسى ”2 جىلدا 3 تولدەتىپ 6 قوزى الاتىن“ جوعارى ٴونىمدى باعىمشىلىق ۇلگىسىن زور كوشپەن جالپىلاستىردى. سانجى قالاسى يۇيشۋگوۋ قالاشىعى مال شارۋاشىلىق قىستاعىندا ول باعىمشى وتباسىلارىنا تۇقىم سۇرىپتاۋ، سۇرىپتاپ جەتىلدىرۋ، قورا سالۋ، باپتاپ باسقارۋ، ٴتول الۋ، ٴتول ٴوسىرۋ سياقتى قاتىستى تەحنولوگيالاردى ۇيرەتتى ٴارى ولاردى جەرگىلىكتى ورىنعا ۇيلەسەتىن باعىمشىلىق ٴتاسىلىن ۇزدىكسىز قاراستىرۋعا شابىتتاندىردى، تەحنولوگيالىق قولداۋ كورسەتۋ جانە كاسىپ سالاسىنىڭ دارەجەسىن جوعارىلاتۋ ارقىلى ٴتىپتى دە كوپ ەگىنشى ـ مالشىلاردى بايۋ جولىنا باستاۋدى ٴۇمىت ەتتى.
ما يانان نەگىزگى ساتىنىڭ قاجەتىن شىنايى تۇسىنگەندە عانا ۇسىنىستى باعىتتامالى قويۋعا، العا قويعان ۇسىنىستارىنىڭ بۇقارانىڭ ٴىس جۇزىندىك قاجەتىنە اناعۇرلىم ۇيلەسۋىنە شىنايى كەپىلدىك ەتۋگە بولاتىندىعىن انىق بىلەدى.
مىندەت اتقارۋ بارىسىندا ما ياناننىڭ كوز اياسى مال شارۋاشىلىعىمەن عانا شەكتەلىپ قالمادى، ول نازارىن ەنەرگيا، قاتىناس، ەمدەۋ سياقتى كوپتەگەن سالالارعا كەڭەيتىپ، شينجياڭنىڭ ەكونوميكالىق، قوعامدىق دامۋىنا ساياتىن كوپتەگەن ۇسىنىستاردى العا قويدى. بۇل ۇسىنىستار ونىڭ شەبەر سالاسىمەن دە تىعىز بايلانىستى بولدى، قاتىناس پەن ەنەرگيانىڭ جاقسارۋى ەگىنشى ـ مالشىلاردىڭ ٴوندىرىس وزىندىك قۇنىن تومەندەتىپ، ٴوندىرىس ونىمدىلىگىن جوعارىلاتۋعا ٴتيىمدى بولدى.
2024 ـ جىلى مەملەكەتتىك حالىق قۇرىلتايىندا ما يانان شينجياڭدا مال شارۋاشىلىق باعىمشىلىق الاڭدارىنداعى جىلجىمايتىن مۇلىكتى تىركەۋگە الۋ جانە كەپىلگە قويىپ قارىز اقشا الۋ ارقىلى قارجى قۇراۋ سىناق ٴتۇيىنىن ورىستەتۋ جونىندەگى ۇسىنىستى تاپسىردى. بۇل ۇسىنىستار مەملەكەتتىڭ قاتىستى تاراۋلارىنىڭ نازارىن اۋداردى ٴارى بۇل جونىندە جاۋاپ قايتارىلىپ، باعىمشىلىق وتباسىلارىنا ٴتىپتى دە كوپ دامۋ ورايىن جاراتتى.
بيىل ول حايۋاناتتاردى كارانتيندەۋ، سەلبەسىپ تەكسەرۋ قىزمەت وتەۋىن ساتىپ الۋعا قاتىستى ۇسىنىس تاپسىرماقشى بولىپ، قازىنالىق قولداۋ ارقىلى نەگىزگى ساتىنىڭ مال دارىگەرلىك قىزمەتىنىڭ قىسىمىن شىنايى جەڭىلدەتۋدى ٴۇمىت ەتتى.
ول ”مەملەكەتتى قۇدىرەتتەندىرۋدە، ٴسوز جوق، الدىمەن اۋىل شارۋاشىلىعىن قۇدىرەتتەندىرۋ، اۋىل شارۋاشىلىعى قۇدىرەتتەندىرگەندە عانا مەملەكەتتى قۇدىرەتتەندىرۋگە بولادى“، تەك اۋىل شارۋاشىلىعىن وسىزامانداندىرۋدى ۇزدىكسىز ىلگەرىلەتكەندە عانا جوعارى ساپالى دامۋدى جۇزەگە اسىرۋعا بولادى دەگەنگە كامىل سەندى. ال وسىنىڭ بارلىعى ەگىنشى ـ مالشىلاردىڭ بەلسەنە ات سالىسۋىنان، ساياساتتى تياناقتاندىرۋدى ىلگەرىلەتۋدەن، شينجياڭنىڭ اۋىل شارۋاشىلىعىنىڭ وسىزاماندانا دامۋىن ىلگەرىلەتۋىنەن ايرىلا المايدى.
وتكەن ٴبىر جىلعا قايىرىلا قاراعاندا، ما يانان قاربالاس ٴارى ناتيجەلى وتكىزگەندىگىن سەزىندى. بيىل ول اناعۇرلىم كوپ سىن ـ سايىستار مەن جاۋاپكەرشىلىكتى قارسى الىپ، قىزمەت ورنىندا ۇزدىكسىز شارۋالار ٴۇشىن ٴۇن قاتىپ، اۋىل شارۋاشىلىعىنىڭ دامۋىنا ۇلەس قوسۋعا دايىن.
ءتىلشى اسەرى
”حالىق قۇرىلتايى ۋاكىلدەرى بۇقاراعا كومەكتەسىپ ماسەلەنى شەشۋى كەرەك“
مەملەكەتتىك حالىق قۇرىلتايىنىڭ ۋاكىلى رەتىندە، ما يانان شارۋالاردىڭ ۇنىنە نازار اۋدارۋمەن بىرگە، ٴىس جۇزىندىك ارەكەتى ارقىلى ولاردىڭ تالاپ ـ تىلەكتەرىن شەشۋدى ىلگەرىلەتتى. ٴار جولى ونىمەن اڭگىمەلەسكەندە، ونىڭ شارۋالار ماسەلەسى جونىندەگى تەرەڭ تولعانىسىن سەزىنەمىن.
ما يانان نەگىزگى ساتى حالىق قۇرىلتايى ۋاكىلى بولۋ ابزالدىلىعىن تولىق ساۋلەلەندىردى، ول ۇنەمى ەگىنجايلاردا، مال فەرمالارىندا ارالاپ احۋال ۇعىسۋ، تەكسەرۋ ـ زەرتتەۋ جۇرگىزۋ ارقىلى ەگىنشى ـ مالشىلاردىڭ قيىنشىلىعى مەن قاجەتىن تىكەلەي ۇعىسىپ، وسى ۇندەردى ەكى ماجىلىسكە الا بارۋ ٴۇشىن ولارمەن بەتپە ـ بەت اڭگىمەلەستى، ولاردىڭ قاجەتىن، ارمان ـ تىلەگىن ەستەلىككە الدى. ول بىلاي دەدى: ”حالىق قۇرىلتايى ۋاكىلدەرى ٴۇن قاتىپ عانا قالماستان، بۇقاراعا كومەكتەسىپ ماسەلەنى شەشۋى كەرەك“.
