انار بۇلت \ شينجياڭ گازەتىنىڭ ٴتىلشىسى رىن جياڭ
«نىجا 2» اتتى كينودا كۇنلۇن تاۋى بەينە ساعىمداي بۇلدىراپ، شەكسىز تىلسىمدىك پەن قيال الەمىنە تولعان. رەال ومىردەگى شينجياڭ كۇنلۇن تاۋى كورىنىس وڭىرىندە كۇنلۇن تاۋى اسپان مەن جەر اراسىندا كولدەنەڭنەن كوسىلىپ، ايبىندى تۇلعاسىمەن، اپپاق قار جامىلعان كىرشىكسىزدىگىمەن كۇللى الەمگە تانىلدى. «نىجا 2نىڭ» قىزۋ قارسى الىنۋىنا ساي، شينجياڭ كۇنلۇن تاۋى كورىنىس ٴوڭىرى دە لەزدە دۋماندى، ٴسوزسىز باراتىن جەرگە اينالدى، كورىنىس ٴوڭىرى ٴبىر قىدىرۋ كينوداعىمەن ۇقساس ۇلگىدەگى ٴسوزسىز باراتىن جەر ساياحاتىن سەزىنۋ تۇرلەرىن شىعارىپ، اتاق ـ داڭقىن اسپانداتا ٴتۇستى.
بيىل جىل باسىنان بەرى، شينجياڭ ساياحاتى بىلتىر 300 ميلليوننان استام ساياحاتشى (رەت) قابىلداۋداي تەبىندى ارىنىن جالعاستىرىپ، ۇزدىكسىز ارشىنداي العا ىلگەرىلەدى. كوكتەم مەرەكەسى دەمالىسىندا جالپى 7 ميلليون 942 مىڭ 500 ساياحاتشى (رەت) قابىلداپ، سايكەس مەزگىلدەگىدەن %10.04 ارتتى؛ ساياحاتشىلاردىڭ تۇتىنۋى 8 ميلليارد 75 ميلليون يۋان بولىپ، سايكەس مەزگىلدەگىدەن %9.35 ارتتى. جاڭا جىلدان كوكتەم مەرەكەسىنە، ونان يۋانشياۋ مەرەكەسىنە دەيىن شينجياڭ ساياحاتى تالاي بەلەستەن اسىپ، وزىندەگى كومەسكى كۇشتەردى ۇزدىكسىز جارىققا شىعارىپ، تۇتاس جىلدا 320 ميلليون ساياحاتشى (رەت) قابىلداۋ نىساناسىن جۇزەگە اسىرۋعا كۇش سالدى.
ساياحات ارقىلى شينجياڭدى گۇلدەندىرۋ ستراتەگياسى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ماڭىزدى شاراسى، بۇكىل شينجياڭدا جوعارىدان تومەنگە دەيىن ۋاقىت كۇتىپ تۇرمايدى دەيتىن جاۋاپكەرشىلىك سەزىممەن جانە كوكەي تەستىلىك سەزىممەن شينجياڭ ساياحاتىنىڭ جالپى تۇلعالىق ساپاسى مەن دەڭگەيىن ۇزدىكسىز جوعارىلاتىپ، بۇكىل ەلدىڭ ساياحات كاسىبىنىڭ جوعارى ساپالى دامۋىنىڭ ەرەكشە ۇلگىسى مەن دۇنيە جۇزىندەگى ماڭىزدى ساياحات نىسانالى جەرىن سومداۋعا قۇلشىندى.
قۇنتتاپ ىستەپ
جاپپاي ساپانى ٴوسىرىپ، ونىمدىلىكتى ارتتىردى
شينجياڭ كۇنلۇن تاۋى كورىنىس ٴوڭىرى كۇنلۇن تاۋ سىلەمىنىڭ ورتا بولىگىنە ورنالاسقان، جالپى جەر اۋدانى 596 شارشى كيلومەتردەن اسادى. تاياۋ جىلداردان بەرى، كورىنىس ٴوڭىرى 650 ميلليون يۋان قارجى قوسىپ، كۇنلۇن ەكولوگياسىن تاماشالاۋ، كۇنلۇن مادەنيەتىن سەزىنۋ، جايلىم سەيىل ـ سەرۋەن دەمالىسى، قىزىل مادەنيەتتى سەزىنۋ سياقتىلار ٴبىر تۇلعالانعان ەكولوگيالىق مادەنيەت ـ ساياحاتىنىڭ نىسانالى جەرىن قالىپتاستىردى. 2024 ـ جىلى وسى كورىنىس ٴوڭىرى مەملەكەتتىك 5A دارەجەلى ساياحات كورىنىس ٴوڭىرىنىڭ كورىنىس ساپاسىن باعالاۋىنان ٴساتتى ٴوتتى. بيىل وسى كورىنىس ٴوڭىرى ىشكى نەگىزدىك قۇرىلعىلار مەن قىزمەت وتەۋدى اناعۇرلىم كەمەلدەندىرىپ، ساياحات ونىمدەرىنىڭ ٴتۇرىن ۇزدىكسىز مولايتتى.
بيىل مادەنيەت ـ ساياحات تاراۋلارى مادەنيەت ـ ساياحات كاسىپ سالاسىنىڭ ”شينجياڭداعى ون ٴىرى كاسىپ سالاسى شوعىرى“ قاتارىنا قوسىلۋ ورايىن مىقتى يگەرىپ، كاسىپ سالاسى شوعىرىن دامىتۋ جوباسىن جاساۋدى قامال الۋ ٴتۇيىنى ەتىپ، جوبانى الدىمەن اتقارۋعا تاباندى بولىپ، ”تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ، تىزبەكتى جەتىلدىرۋدى“ ارقاۋ ەتىپ، ”كاسىپ سالاسى شوعىرى“، ”ساياحاتتا قۋاتتى رايون قۇرۋ“ ۇستانىمىنان پايدالانىپ، شينجياڭنىڭ مادەنيەت ـ ساياحات كاسىپ سالاسىن جۇيەلى جوسپارلاپ جوبالادى جانە تولعانىستى ورنالاستىرۋلار جاسادى. بايلىقتى بىرىكتىرۋ، ساپالى ورنالاستىرۋ ارقىلى مادەنيەت ـ ساياحات كاسىپ سالاسىنىڭ كولەمدەنۋ، ارنايىلانۋ، ماركالانۋ بەتالىسىنا قاراي دامۋىن ىلگەرىلەتىپ، كاسىپ سالاسىنىڭ باسەكەلىك قۋاتىن جوعارىلاتادى.
كۇسان اۋماعىنىڭ جوعارى ساپالى دامۋىن ٴتۇيىن ەتىپ، بۇكىل شينجياڭنىڭ مادەنيەت مۇرالارىن قورعاۋدىڭ، پايدالانۋدىڭ، مادەنيەت پەن ساياحاتتى توعىستىرۋدىڭ ۇلگىسى مەن ۇلگى كورسەتۋ رايونىن كۇش سالا قۇرادى.
ٴوزى اۆتوكولىك ايداپ ساياحاتتاۋ، قار ـ مۇز ساياحاتى، ەرەكشە ساياحات قاتارلىلاردىڭ مەملەكەت بويىنشا ”ٴبىرىنشى شارشى توپقا“ كىرۋى نەگىزىندە، شينجياڭ بيىل قار ـ مۇز ساياحاتى، ٴوزى اۆتوكولىك ايداپ ساياحاتتاۋ، ەرەكشە ساياحات، شەكارا اتتاعان ساياحات، زەرتتەۋ ـ ۇيرەنۋ ساياحاتى، ساياحات اس ـ سۋى سياقتىلاردى قامال الۋ ٴتۇيىنى ەتىپ، قاتىستى ساياساتتاردى تياناقتاندىرىپ، مەملەكەت جانە اۆتونوميالى رايون دارەجەلى ٴبىر توپ مادەنيەت ـ ساياحات ماركاسىن بەلسەنە جەتىلدىرەدى. ٴتۇيىندى وڭىرلەردىڭ، ٴتۇيىندى كورىنىس وڭىرلەرىنىڭ، ٴتۇيىندى جەلىلەردىڭ، ٴتۇيىندى مادەنيەت ـ ساياحات كاسىپورىندارىنىڭ ۇلگى كورسەتۋ، جەتەكتەۋ رولىن تولىق ساۋلەلەندىرىپ، ەرەكشە كاسىپ كۇيىن، نەگىزگى تاقىرىپتىق جەلىسىن جانە كوپ نەگىزدى مادەنيەت ـ ساياحات ونىمدەرىن قالىپتاستىرىپ، ايگىلى ماركا قيمىلىن وتكىزىپ، ساياحاتتىڭ جاڭا ارتۋ تۇيىندەرىن جەتىلدىرىپ، تۇرلىشە ساياحاتشىلاردىڭ الۋان ٴتۇرلى قاجەتىن قاناعاتتاندىرادى.
ساياحاتقا قىزمەت وتەۋ _ شينجياڭ ساياحاتىنىڭ ساپاسىن جوعارىلاتىپ، ونىمدىلىگىن ارتتىرۋدىڭ تەتىگى. بيىل رايونىمىز ساياحات جونىنەن قىزمەت وتەۋ ساپاسىن جوعارىلاتۋدى ۇزدىكسىز ٴتۇيىن ەتىپ، قوناق ٴۇي قۇرىلىسى، ساياحات دارەتحاناسى، بەلگى تاقتاسى، ساياحات جەتەكشىسىنىڭ قىزمەت وتەۋى، ”ٴبىر نيەت، ٴبىر تىلەكپەن ساياحاتتى قورعاۋ“ سياقتى ٴتۇيىندى مىندەتتەردىڭ تياناقتانۋىن ويداعىداي يگەرىپ، ساياحاتشىلار الاڭسىز، قامسىز، جايلى سەزىنەتىن بازار ورتاسىن قالىپتاستىرادى.
شەكارا اتتاپ توعىسىپ
دامۋ اياسىن كەڭەيتتى
” ’تاكلاماكاندى اينالۋعا ىلەسىپ ساياحاتتايىق‘ 2025 ـ جىلعى تاكلاماكاندى اينالۋ ساياحات ماۋسىمى قالىڭ جارىس اۆتوكولىگى اۋەسكەرلەرىنىڭ اقسۋعا كەلىپ ساياحاتتاۋىن، تاماشالاۋىن، تاكلاماكاندى اينالۋدىڭ حيكىمەتىن سەزىنىپ، اقسۋدىڭ سالت ـ ساناسىن باستان كەشىرۋىن قارسى الامىز.“ 2 ـ ايدىڭ 18 ـ كۇنى جۇڭگو تاكلاماكاندى اينالۋ حالىقارالىق راللي جارىسىنىڭ اقپار جاريالاۋ ٴماجىلىسى اياقتالىسىمەن اقسۋ ايماعى ەل ٴىشى ـ سىرتىنداعى جارىس اۆتوكولىگى اۋەسكەرلەرىن شىن ىقىلاسپەن ۇسىنىس ەتتى. بيىل تاكلاماكاندى اينالۋ اۆتوكولىگىن جونەلتۋ سالتىن وتكىزەتىن ورىن رەتىندە، اقسۋ 60 مايداننان استام قاتىستى قيمىل وتكىزەدى.
2024 ـ جىلى جۇڭگو تاكلاماكاندى اينالۋ حالىقارالىق راللي جارىسى كەزىندە جەلى بويىنداعى جەر ـ جەر وتكىزگەن باي مازمۇندى مادەنيەت، دەنە تاربيە، ساياحات قيمىلدارىنان ادامدار كوز ايدىن بولدى، مۇنىڭ ىشىندە 11 ٴان كەشى، 20 مايداننان استام ٴتۇرلى مادەنيەت ـ ساياحات قيمىلى، 30 نەشە رەتتەن استام كورىنىس ٴوڭىرى تاقىرىپتىق قيمىلى بولىپ، ساياحات كىرىسى ٴبىر ميلليارد 769 ميلليون يۋانعا جەتتى.
سوڭعى جىلدارى مادەنيەت پەن ساياحاتتىڭ ٴار سالامەن توعىسا دامۋى ۇزدىكسىز تەرەڭدەپ، ”مادەنيەت ـ ساياحات + قاتىناس“، ”مادەنيەت ـ ساياحات + سپورت“، ”مادەنيەت ـ ساياحات + اۋىل شارۋاشىلىعى“، ”مادەنيەت ـ ساياحات + ونەركاسىپ“ سياقتى توعىسۋ ۇلگىلەرى تولاسسىز جارىققا شىعىپ، توعىسپالى دامۋدىڭ داستانى جازعان سايىن تارتىمدى بولا ٴتۇستى. شينجياڭ ساياحاتى دامۋ اياسىن ۇزدىكسىز كەڭەيتىپ، ساياحات ونىمدەرى مەن قىزمەت وتەۋدە جاڭالىق اشىپ، ساياحاتشىلارعا شىت جاڭا ساياحات اسەرىن الا كەلدى.
بيىل شينجياڭنىڭ مادەنيەت ـ ساياحات كاسىپ سالاسىنىڭ توعىسپالى دامۋىنا ۇزدىكسىز كۇش سالىنادى، ”19 ـ مامىر جۇڭگو ساياحات كۇنى“، مايتاۋ ـ كۇشار تاس جولىندا اۆتوكولىك قاتىناۋ سياقتى بۇقارالىق مادەنيەت پەن ساياحاتتى توعىستىرۋ قيمىلدارى ىركەس ـ تىركەس وتكىزىلەتىن بولادى. بۇل قيمىلدار ساياحاتشىلاردىڭ ساياحات كەشىرمەلەرىن بايىتىپ قانا قويماي، شينجياڭ ساياحاتىنىڭ تانىمالىلىعى مەن ىقپالىن دا ونان ارى ارتتىرا تۇسەتىن بولادى.
كورىنىس وڭىرلەرىنە، كورىنىس تۇيىندەرىنە بارعانىڭىزدا، ساياحات كورىنىس وڭىرلەرىندەگى مادەنيەت ٴمانىن جوعارىلاتۋ ينجەنەرياسى ناتيجەسىنىڭ كورنەكتى بولعانىن كورەسىز. شينجياڭ ادەبيەت ـ كوركەمونەر، مادەني ەسكەرتكىش، بەيزاتتىق مادەنيەت مۇرالارى، حالىقتىق سالت ـ سانا سياقتى بايلىقتى ىشكەرىلەي اشىپ، جۇڭحۋا مادەنيەتى ەلەمەنتتەرىن، بەلگىلەرىن كورىنىس ٴوڭىرى قۇرىلىسىمەن شەبەرلىكپەن توعىستىرىپ، ساياحات جەلىسىن جوبالاۋ، كورمەگە قويۋ، كورسەتۋ، ٴتۇسىندىرۋ، سەزىنۋ سياقتى ٴارقايسى بۋىنعا ٴسىڭىرىپ، ساياحاتشىلارعا ساياحاتتاۋ بارىسىندا جۇڭحۋا مادەنيەتىنىڭ باي مازمۇنىن، تەرەڭ ٴمانىن شىنايى سەزىندىرىپ، مادەنيەتتى شىنايى مويىنداۋ مەن تاۋەلدىلىك سەزىمىن ۇزدىكسىز كۇشەيتتى.
مۋزيكا فەستيۆالى، ٴان كەشى، كونسەرت قويۋ ماۋسىمى، كوركەمونەر سالونى، جاڭاشا ويىن قويۋ ورنى، كەشكى ەكونوميكا، ساحنالىق كوڭىل اشۋ، ساياحات كونسەرتى، انيماتسيا، ەلىتە سەزىنۋ، ويىندارمەن كوڭىل اشۋ، ەلەكتروندى باسەكە مادەنيەت ـ ساياحاتى سياقتى جاڭا كاسىپ كۇيلەرى، جاڭا كورىنىستەر ۇزدىكسىز جارىققا شىقتى. ”قاشقاردا جولىعۋ“ سياقتى ساياحات كونسەرت سارا تۋىندىلارى ساياحاتشىلاردىڭ قىزۋ قارسى الۋىنا بولەندى. وسى جاڭا كاسىپ كۇيلەرى شينجياڭداعى ٴار ۇلت بۇقاراسىنىڭ تۇرمىسىن بايىتىپ قانا قويماي، ونان دا ماڭىزدىسى، ساياحاتشىلاردىڭ شينجياڭدى ىشكەرىلەي تۇسىنۋىنە، شينجياڭمەن توعىسۋىنا دارا جول اشىپ، مادەنيەت ـ ساياحات تۇتىنۋىن جەبەيتىن جاڭا قوزعالتقىشقا اينالدى.
2024 ـ جىلى شينجياڭ ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋ جوسپارىن زور كۇشپەن اتقارىپ، ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋدەگى 10 ٴىرى تيپتىك مىسالدى، 15 ۇلگى كورسەتۋ كورىنىس ٴوڭىرىن، 20 حالىقتىق سالت ـ سانا مادەنيەت ـ ساياحاتى تاڭداۋلى ٴتۇيىنى ٴتىزىمىن جاريالادى. بيىل ٴبىر توپ تيپتىك مىسالدارى، ۇلگى كورسەتەتىن كورىنىس وڭىرلەرى (تۇيىندەر) سياقتىلاردى ۇزدىكسىز شىعارىپ، جۇڭحۋا ۇلتى ورتاق تۇلعا تانىمىن بەكەمدەۋدى ايگىلەيتىن نەگىزگى تاقىرىپتىق جەلىنى دەن قويا قالىپتاستىرىپ، شينجياڭنىڭ ٴىشى ـ سىرتىنداعى ٴار ۇلت بۇقاراسىنىڭ ٴوڭىر اتتاپ ارالاۋىن جەبەپ، ساياحات ارقىلى ۇلتتار اراسىنداعى ٴتۇسىنىسۋ مەن دوستىقتى كۇشەيتەدى.
مادەنيەت ـ ساياحات تۇتىنۋىن جەبەۋ _ شينجياڭنىڭ بيىلعى مادەنيەت ـ ساياحات قىزمەتىندەگى ماڭىزدى تۇيىندەردىڭ ٴبىرى. مادەنيەت ـ ساياحات تاراۋلارى تۇتىنۋدى جەبەۋ ساياساتىن ۇزدىكسىز شىعارىپ، مادەنيەت جانە ساياحات تۇتىنۋىن جەبەۋ قيمىلىن وتكىزىپ، ”100 قالا، 100 رايون“ مادەنيەت پەن ساياحات تۇتىنۋىنا فينانستىق قولداۋ كورسەتۋ ارەكەتىن ورىستەتىپ، قامداۋ مەن تۇتىنۋدىڭ قوس باعىتتا ٴبىرىن ـ ٴبىرى جەبەۋىن، تەڭ قادامدا ارتۋىن ىلگەرىلەتەدى.
بيىل ”ٴان اۋەنىمەن ساياحاتتاۋ“، ”ويىن ـ ساۋىققا ىلەسىپ ساياحاتتاۋ“، ”قىزۋ قارسى الىنعان كينو ـ تەلە فيلمگە ىلەسىپ ساياحاتتاۋ“، ”جارىستارعا ىلەسىپ ساياحاتتاۋ“، ”ٴدامدى تاعامنان اۋىز ٴتيىپ ساياحاتتاۋ“ سياقتى ماركا قۇرىلىستارى دارەجەسىن ۇزدىكسىز جوعارىلاتىپ، ساياحاتتىڭ جۇرتتى باۋراۋداعى، وبراز ايگىلەۋدەگى، ۇلتتاردىڭ ارالاسۋىن، ىشتەسۋىن، توعىسۋىن جەبەۋدەگى ماڭىزدى رولىن اناعۇرلىم ويداعىداي ساۋلەلەندىرەدى.
تارتىمدىلىقتى ايگىلەپ
شينجياڭ حيكاياسىن ويداعىداي باياندادى
كوكتەم مەرەكەسى قارساڭىندا باعراش اۋدانى ۇلانجەكسىن قالاشىعى نۇڭۋييۋان شارۋالار شاتتىعى ساياجايى دۋمانعا بولەندى. ساياحاتشىلار ارت ـ ارتىنان كەلىپ، شارۋالاردىڭ ٴدامدى تاعامدارىنان اۋىز ٴتيىپ، قىسقى بالىق اۋلاۋ قيمىلىنا قاتىناستى، شارۋا وتباسىلارىنىڭ تۇرمىسىن سەزىندى، شارۋالار شاتتىعى ساياجايىنىڭ ساۋداسى ەرەكشە كۇسەت بولدى. وسى شارۋالار شاتتىعى ساياجايىنىڭ جاۋاپتىسى جيا دىلياڭ باعراش كولى داحىكوۋ كورىنىس وڭىرىنە جاقىن ورنالاسقان جاعراپيالىق باسىمدىعىنا سۇيەنە وتىرىپ، 27 مۋ جەردەن شارۋالار شاتتىعى ساياجايىن دامىتىپ، ساياحاتتان كىرىس كىرگىزدى. جىل باسىنان قازىرگە دەيىن ونىڭ شارۋالار شاتتىعى ساياجايىنىڭ ساۋداسى كۇسەت بولىپ كەلەدى.
تولىقسىز ساناققا نەگىزدەلگەندە، 2024 ـ جىلى بۇكىل شينجياڭدا مادەنيەت ـ ساياحات جانە قاتىستى كاسىپ سالالارىمەن شۇعىلداناتىن شارۋاشىلىق تۇلعالارى 510 مىڭنان اسقان. مادەنيەت ـ ساياحات كاسىپ سالاسى بىرتىندەپ جاڭادان گۇلدەنگەن ستراتەگيالىق تىرەكتى كاسىپ سالاسىنا، سونداي ـ اق كورنەكتى داۋىرلىك ەرەكشەلىككە يە حالىق تۇرمىسى كاسىپ سالاسىنا، باقىت كاسىپ سالاسىنا اينالىپ، جۇڭحۋا ۇلتى ورتاق تۇلعا تانىمىن بەكەمدەۋ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ سياقتى جاقتاردا ورنىن وگەيسىتۋگە بولمايتىن ماڭىزدى رول اتقارۋدا. بيىل شينجياڭنىڭ مادەنيەت ـ ساياحات كاسىپ سالاسى جەتەكشىلىك رولىن ۇزدىكسىز ساۋلەلەندىرىپ، اۋىل شارۋاشىلىعى ـ مادەنيەت ساياحاتى، مادەنيەت ـ ساۋدا ساياحاتى، مادەنيەت ـ دەنە تاربيە ساياحاتى سياقتى كوپ كاسىپ كۇيلەرىنىڭ توعىسا دامۋىن تىڭ دەڭگەيگە كوتەرىپ، ساياحاتتىڭ باقىتقا كەنەلتۋ، بايىتۋ يقۋاتىن تولىق ساۋلەلەندىرەدى.
شينجياڭنىڭ مادەنيەت ـ ساياحات كاسىپ سالاسى ادامدى وزىنە باۋرايتىن شينجياڭ حيكايالارىن بايانداۋعا كۇش سالىپ، ”شينجياڭ جاقسى جەر“ سىندى التىن ماڭدايشالىقتى بار كۇشپەن جارقىراتتى. 2024 ـ جىلى ورتالىق راديو ـ تەلەۆيزيا باس ستانسياسىنىڭ كوكتەم مەرەكەسى ساۋىق كەشى قاشقار بولىمشە الاڭى، سونداي ـ اق ”التايىم“، ”اڭىز“، ”المانىڭ حوش ٴيىسى“ سياقتىلار دۋماندى تاقىرىپقا اينالدى، حالىقارالىق ساياحات ساۋدا جينالىسى، ەۆروپا ەلدەرىندەگى ساياحات ساۋداگەرلەرىنىڭ شينجياڭدى ارالاۋ قيمىلى، جۇڭگو شينجياڭ حالىقارالىق كوركەمونەر قوس جىلدىق كورمەسى، جۇڭگو _ ازيا _ ەۆروپا كورمەسىنىڭ ”جۇڭگو _ شەتەل مادەنيەتىن ايگىلەۋ اپتالىعى“ سياقتىلاردىڭ ٴساتتى وتكىزىلۋى دۇنيە جۇزىنە جۇڭگو شينجياڭىن اناعۇرلىم شىنايى ٴتۇسىندىردى.
بيىل شينجياڭ مادەنيەت ـ ساياحات تاراتۋ قىزمەتىن دالمە ـ ٴدال ورىستەتەدى. نازاردى ٴتۇيىندى ساياحاتتىڭ ساياحاتشى قاينارى بازارىنا شوعىرلاندىرىپ، ”شينجياڭ جاقسى جەر“ اتىنداعى جالپىلاستىرۋ، ساۋدا قيمىلىن وتكىزىپ، ”ٴبىر جەرگە ٴبىر شارا“ بويىنشا دالمە ـ ٴدال تيجارات ـ ساۋدا قيمىلىن اتقارىپ، ساياحاتشىلاردى شينجياڭعا باۋراۋ، ساۋداگەر شاقىرىپ قارجى ەنگىزۋ سەرپىنىن ارتتىرادى. ەل ىشىندەگى باستى كاسىپورىندارمەن، تۇعىرلارمەن سەلبەستىكتى كۇشەيتىپ، ساياحاتشىلاردىڭ قىزۋ قارسى الۋىنا يە بولعان اناعۇرلىم كوپ تاقىرىپتىق ۇگىت قيمىلدارىن وتكىزەدى. ەل ىشىندەگى ايگىلى مەديالارمەن بىرلەسىپ حۇجاتتى فيلم، تەلە فيلم، قىسقا بەينەجازبا سياقتىلاردى شىعارادى، سونىمەن بىرگە ”اتتانايىق، شينجياڭ!“ سياقتى جەلىلەس نەگىزگى تاقىرىپتىق قيمىلدار وتكىزىپ، جوعارى ساپالى مادەنيەت ـ ساياحات قىسقا بەينەجازباسى، ساياحاتتاۋ ەستەلىگى جوسپارى، ەلەكتروندىق جول قولدانباسى سياقتىلاردى قالىپتاستىرىپ، جاڭا تەحنولوگيادان پايدالانىپ مادەنيەت ـ ساياحات مازمۇنى وندىرىسىنە قۋات ۇستەپ، شينجياڭنىڭ وزگەشە باۋرامدىلىعىن جان ـ جاقتى، كوپ تۇرعىدان ايگىلەپ، ٴتىپتى دە كوپ ساياحاتشىنى وسىناۋ حيكىمەتتى جەرگە قادام تاستاۋعا باۋرايدى.
