ساياساتتىق اۋىل شارۋاشىلىق قامسىزداندىرۋىنىڭ ”ٴتاتتى كاسىپ سالاسىنىڭ“ ونان ارى ٴتاتتى بولۋىنا دەم بەرۋىنە مۇمكىندىك جاسادى
انار بۇلت \ شينجياڭ گازەتىنىڭ ٴتىلشىسى جاڭ لەي
تۇرپان قالاسىندا ٴجۇزىم ەگىلگەن جەر اۋدانى 632 مىڭ 800 مۋ بولىپ، شينجياڭداعى ٴجۇزىم ەگىلگەن جالپى جەر اۋدانىنىڭ %30تەيىن يەلەيدى. بۇل ”ٴتاتتى كاسىپ سالاسى“ تۇرپان قالاسىنىڭ تىرەكتى كاسىپ سالاسى ٴارى شينجياڭنىڭ جارقىن تانىسقىسى.
”بىلتىر مەملەكەتتىك حالىق قۇرىلتايىندا مەن شينجياڭنىڭ ٴجۇزىم ەگىمشىلىگىن ساياساتتىق اۋىل شارۋاشىلىعى قامسىزداندىرۋ كولەمىنە ەنگىزۋدى العا قويدىم، بۇعان قازىنا مينيسترلىگى نازار اۋداردى جانە جاۋاپ قايتاردى“. مەملەكەتتىك حالىق قۇرىلتايىنىڭ شينجياڭداعى ۋاكىلى ٴنۇربيا سەيىت بىلاي دەدى: شينجياڭنىڭ ٴجۇزىم ٴوندىرىسىن قامتاماسىز ەتۋ جۇيەسىن ورناتىپ، ٴتۇرلى اپات حاۋىپ ـ قاتەرىن ٴونىمدى وزگەرتۋدى، شەشۋدى ٴۇمىت ەتەمىن.
وسى ۇسىنىستى اۋىزعا العاندا، ٴنۇربيا سەيىت ٴسوز تيەگىن اعىتتى. ارالاپ تەكسەرۋ ـ زەرتتەۋ جۇرگىزۋ بارىسىندا، ول وزگەشە كليمات بايلىعىنىڭ شينجياڭ ٴجۇزىمىنىڭ تاتتىلىگىن قالىپتاستىرعاندىعىن، دەسەدە بوران، تومەن تەمپەراتۋرالى ۇسىك، جوعارى تەمپەراتۋرا سياقتى جاراتىلىستىق اپاتتاردىڭ ٴجۇزىمنىڭ ٴونىم مولشەرى مەن شارۋالاردىڭ ٴوندىرىس بەلسەندىلىگىنە بەلگىلى ىقپال جاساعاندىعىن دا بايقادى.
2023 ـ جىلى 4 ـ ايدىڭ باسىندا تۇرپان قالاسىندا اۋا تەمپەراتۋراسى ٴۇرتىس تومەندەپ، ٴجۇزىمنىڭ وسۋىنە زور ىقپال جەتكىزدى. ٴنۇربيا سەيىت: ۇسىككە شالدىعۋ ٴجۇزىمنىڭ ٴونىمىن زور مولشەردە تومەندەتىپ، ٴبىرشاما زور ەكونوميكالىق زيان تۋدىردى، ـ دەدى.
ٴنۇربيا سەيىت مىنالاردى ٴبىلدىردى: تاياۋ جىلداردان بەرى، شينجياڭ ٴبىر قىدىرۋ اپاتتان ساقتانۋ، اپات زيانىن ازايتۋ قابىلەتىن جوعارىلاتۋ شارالارىن قولداندى، الايدا توسىن تۋىلاتىن كليمات اپاتى الدىندا، زيان تارتۋدان ٴالى دە اۋلاق بولا المادى. ول ۇسىنىس ارقىلى تۇرپان قالاسىنىڭ، ٴتىپتى، شينجياڭنىڭ ٴجۇزىم كاسىپ سالاسىنىڭ باياندى دامۋ قابىلەتىن جوعارىلاتۋدى ٴۇمىت ەتتى.
قازىنا مينيسترلىگى ٴنۇربيا سەيىتتىڭ ۇسىنىسىنا ايرىقشا ٴمان بەرىپ، بۇل ۇسىنىس شينجياڭنىڭ ٴجۇزىم شارۋاشىلىعىنىڭ دامۋىن قولداۋدا بەلسەندى مانگە يە دەپ قارادى، كەزەكتە قاتىستى جاقتارمەن بىرگە ەلىمىزدىڭ اۋىل شارۋاشىلىق قامسىزداندىرۋىنىڭ كولەمىن كەڭەيتۋدى، ٴونىمىن ارتتىرۋدى، ولشەمىن جوعارىلاتۋدى ىلگەرىلەتتى ٴارى بۇكىل ەل كولەمىندە ورتالىق قازىنانىڭ جەرگىلىكتى ورىنداردىڭ باسىمدىققا، ەرەكشەلىككە يە اۋىل شارۋاشىلىق ونىمدەرىنە قامسىزداندىرۋ سيلىق تولىقتاماسى ساياساتىن اتقارىپ، جەرگىلىكتى ورىندار ٴىس جۇزىندىك جاعدايىمەن ۇشتاستىرىپ، دەربەس شەشىم جاساپ، دامۋدى قولدايتىن ەرەكشە قامسىزداندىرۋ تۇرلەرىن بەلگىلەدى. كەلەسى قادامدا اۋىل شارۋاشىلىق قامسىزداندىرۋى قىزمەتىنىڭ ساپاسىن جوعارىلاتىپ، ونىمدىلىگىن ارتتىرۋدى ۇزدىكسىز ىلگەرىلەتىپ، اۋىل شارۋاشىلىق قامسىزداندىرۋىنىڭ اۋىل شارۋاشىلىق ٴوندىرىسى مەن شارۋالاردىڭ كىرىسىن ارتتىرۋداعى ماڭىزدى رولىن ونان ارى ساۋلەلەندىرىپ، اۋىل ـ قىستاقتىڭ جاپپاي گۇلدەنۋىنە اناعۇرلىم ويداعىداي قىزمەت وتەيدى.
”قايتارىلعان جاۋاپتى كورىپ ايرىقشا قۋاندىم، ساياساتتىق دەم بەرۋ ارقىلى شينجياڭنىڭ ’ٴتاتتى كاسىپ سالاسى‘، ٴسوز جوق، اناعۇرلىم ٴتاتتى بولا تۇسەدى“، ـ ٴنۇربيا سەيىت.
