مۇشە مۇحتابار ابدۇل:
مىندەت اتقارۋ جاۋاپناماسى حالىق ٴۇشىن جازىلعان رەتسەپپەن تولدى
انار بۇلت \ شينجياڭ گازەتىنىڭ ٴتىلشىسى ليۋ شياڭ
ناۋقاستار بولمەسىن تەكسەرۋ، ٴدارىنى پايدالانۋعا ٴجون كورسەتۋ، ناۋقاس تەكسەرۋ... 2 ـ ايدىڭ 17 ـ كۇنى مەملەكەتتىك ساياسي كەڭەستىڭ شينجياڭداعى مۇشەسى مۇحتابار ابدۇل تاڭەرتەڭ ەرتە شيپاحاناعا كەلىپ، اق حالاتىن كيىپ ٴبىر كۇندىك جۇمىسىن باستادى.
اۆتونوميالى رايوندىق حالىق شيپاحاناسى قان اۋرۋلارى ٴبولىمىنىڭ ناۋقاستار بولمەسىندە ول ٴاربىر ناۋقاستىڭ اۋرۋ جاعدايىن بايىپپەن سۇراپ، ناۋقاس تاريحىن مۇقيات تەكسەرىپ، ەمدەۋ جوباسىنا رەتتەۋ جۇرگىزدى؛ ناۋقاس كورۋ بولمەسىندە ول ناۋقاستاردىڭ ٴسوزىن دەن قويا تىڭداپ، ناۋقاستاردى مۇقيات تەكسەرىپ، دياگنوز قويدى.
جاقسى شيپاگەر بولۋ ٴۇشىن، ناۋقاستارعا سۇيىسپەنشىلىكپەن مامىلە جاساۋ كەرەك؛ جاقسى مۇشە بولۋ ٴۇشىن دە بۇقارانى قاشاندا ەستەن شىعارماۋ كەرەك.
”ٴوزىمنىڭ كاسىپتىك تەحنيكامنان پايدالانىپ ٴار ۇلت بۇقاراسىنىڭ سالاماتتىعىن قورعاپ، كوپشىلىككە سۇيەنىش بولۋ، ونىڭ ۇستىنە سەنىمدى بولۋ، ۇزاق ۋاقىت سەنىمدى بولۋ مەنىڭ ەڭ ماڭىزدى جاۋاپكەرشىلىگىم“. وتكەن ٴبىر جىلدا مۇحتابار ابدۇلدىڭ مىندەت اتقارۋ جاۋاپناماسى حالىق ٴۇشىن جازىلعان رەتسەپپەن تولدى.
شيپاگەرلىكپەن شۇعىلدانعان 30 نەشە جىلدان بەرى، مۇحتابار ابدۇل باستان ـ اياق قان اۋرۋلارىن زەرتتەۋگە كۇش سالىپ كەلدى، جاي شيپاگەردەن ٴبولىم مەڭگەرۋشىسى بولعانعا دەيىن ول توسەلگەن ەمدەۋ ونەرى ارقىلى سانسىزداعان قان اۋرۋى ناۋقاستارىنا تىرشىلىكتىڭ قورعانىس قامالىن تۇرعىزدى. ٴتىپتى دە كوپ ادامنىڭ قان اۋرۋلارىن تۇسىنۋىنە مۇمكىندىك جاساۋ ٴۇشىن، ول ٴبىلىم جالپىلاستىرۋ قىزمەتىن بەلسەندىلىكپەن ورىستەتتى.
بىلتىر 9 ـ ايدىڭ 15 ـ كۇنى _ 21 ـ رەتكى ”دۇنيە جۇزىلىك ليمفا وسپەسى ۇگىت كۇنى“. اۆتونوميالى رايوندىق حالىق شيپاحاناسى قان اۋرۋلارى ٴبولىمى ٴبىر قىدىرۋ قيمىلداردى دەن قويا جوسپارلادى. مۇحتابار ابدۇل ۇجىمىنداعى كوپتەگەن مامانداردى باستاپ تەگىن دەنساۋلىق تەكسەرىپ، ناۋقاستاردىڭ سۇراعىنا سابىرلىلىقپەن جاۋاپ بەرىپ، كاسىپتىك جەتەكشىلىك ىستەدى ٴارى ليمفا وسپەسى ٴبىلىمىن جالپىلاستىرۋ لەكسياسىن وتكىزىپ، مەديتسينا بىلىمدەرىن بۇقاراعا جان ـ جاقتى ٴتۇسىندىردى.
”ليمفا وسپەسىن ەمدەۋ بارىسى ۇزاق ٴارى جاپالى بولعانىمەن، شيپاگەر مەن ناۋقاس قول ۇستاسا سەلبەسسە، بىرگە قۇلشىنسا، ٴسوز جوق، اۋرۋدى ەمدەپ جازۋعا بولادى“. مۇحتابار ابدۇلدىڭ ٴسوزى مەيىرگە تولى ٴارى باتىل بولىپ، سول جەردەگى شيپاگەرلەر مەن ناۋقاستاردىڭ القاۋىنا بولەندى.
مۇحتابار ابدۇل اۋىل ـ قىستاقتارعا، الەۋمەتتىك اۋماقتارعا، مەكتەپتەرگە، وتباسىلارعا بارىپ، ٴار ۇلت ناۋقاستارىن تەگىن ەمدەپ، دياگنوز قويۋمەن بىرگە، نەگىزگى ساتى بۇقاراسىنىڭ ٴجىتى قاداعالاپ وتىرعان، ەڭ كوكەي تەستى ەمدەۋ، ٴدارى ـ دارمەك، دەنساۋلىق ساقتاۋ، سالاماتتىق سۇرانىستارىن ۇزدىكسىز ۇعىستى.
”اقشانى از جۇمساۋمەن بىرگە، از شاپقىلايدى“. مۇحتابار ابدۇل بۇقارانىڭ ساپالى ەمدەۋ قىزمەت وتەۋى جونىندەگى ٴۇمىتىن تەرەڭ سەزىنگەندىگىن ايتتى.
جازىلعان ۇسىنىس جوبالار سانسىز ادامنىڭ تىلەگىنە سايادى. بيىل ول ساپالى ەمدەۋ بايلىعىن بۇقارانىڭ جانىنا جەتكىزۋدى ىلگەرىلەتۋگە قاتىستى ۇسىنىس جوبانى دەن قويا دايىنداپ، بۇقارانىڭ ٴۇنىن مەملەكەتتىك ەكى ماجىلىسكە اپارماقشى.
اق حالاتتان ساۋىت كيىپ، حالىق ٴۇشىن العا باستى. ”مەن كاسىپتىك باسىمدىعىمدى ۇزدىكسىز ساۋلەلەندىرىپ، ەمدەۋ ـ دەنساۋلىق ساقتاۋ ىستەرىنىڭ دامۋىن ارقاۋ ەتىپ مۇقيات مىندەت اتقارىپ، ۇسىنىس بەرىپ، نەگىزگى ساتى بۇقاراسىنىڭ تىلەگىن بەلسەنە اڭىس ەتىپ، بار ىنتا ـ پەيىلىممەن ٴار ۇلت حالقىنىڭ سالاماتتىعىن قورعاۋشى بولامىن“، ـ دەدى مۇحتابار ابدۇل بەكەم تۇردە.
حالىق ٴۇشىن شيپاگەرلىكپەن شۇعىلدانىپ، مىندەت اتقارىپ جاۋاپكەرشىلىك ارقالادى
ٴتىلشى ەستەلىگى
مۇشە مۇحتابار ابدۇلعا تىلشىلىك جاساۋ بارىسىندا، ونىڭ ناۋقاستار جونىندەگى ىستىق ىقىلاسىن جانە قىزمەت جاۋاپكەرشىلىگى جونىندەگى تاباندىلىعىن تەرەڭ سەزىندىم. ناۋقاستار بولمەسىندە ول بار زەيىنىن سالىپ، سابىرلى بولا ٴبىلدى، ىزگى نيەتپەن، وزىق ونەرمەن ناۋقاستاردى اۋرۋ ازابىنان قۇتىلدىردى؛ مىندەت اتقارۋ جولىندا ول نەگىزگى ساتىعا ىشكەرىلەي بارىپ، بۇقارانىڭ ەڭ شىنايى ەمدەلۋ ارمان ـ تىلەگىن ۇعىستى.
عىلىم جالپىلاستىرۋ لەكسياسىنان تومەنگە ٴتۇسىپ تەگىن اۋرۋ كورۋگە دەيىن ۇلكەن ـ كىشىلى ىستەردىڭ بارلىعى ونىڭ حالىق ٴۇشىن رەتسەپ جازۋداعى جاندى تۇسىندىرمەسى بولدى. بۇقارانىڭ ٴۇنىن مەملەكەتتىك ەكى ماجىلىسكە جەتكىزۋ ٴۇشىن، ۇسىنىس جوبانى دەن قويا ويداعىداي جازدى. ول بۇقارانىڭ سالاماتتىعىن قورعاۋ ٴۇشىن، تىنباي قۇلشىنىپ، ارەكەتى ارقىلى شيپاگەرلەردىڭ ىزگى نيەتىن جانە مۇشەلەردىڭ جاۋاپكەرشىلىك ارقالاۋىن ٴتۇسىندىردى.
